بعض الغلا يشفبك وبعضه يعلك

[حنو واو]

بعض الغلا يشفيك وبعضه يعلّك 000لا صار ماهو ياعرب في محلّه

الي يطيع اعداك ما هوب خلّك 000سيفه بوجهك كل ما اقبلت سلّه

البارحه يرجيك واليوم ملّك 000باع الغلا وانهى طواريه كلّه

وش لك بشخص ما يبي غير ذلّك 000خله يروح ابعيد يزين خلّه

عقلك رزينٍ ما تبي من يدلّك000 طبع الخيانه في بعضهم جبلّه

واللي يساير خطوتك مثل ظلّك000 شله بعينك كان تقدر تشلّه

مدام قلبه في الهوي صافي ٍ لّك 000بل الفؤاد اللي يبي الحب بلّه

حلو المشاعر بالتعاليل جن لّك 000والقلب يمك صادق الحب تلّه

يوم الركايب نوخت في محلّك 000شد الخطام وصب للضيف دلّه