يسعد اوقاتكم بكل خير
هنا نص اتمنى ان ينال اعجابكم عالعموم حاولت عشر مرات انسق مو راضي يتنسق المشكله في برنامج التنسيق
يا شذا الافراح ما بين المحاني
يانسيمن يسحر افكاري هبوبه
يامغير من تفاصيله كياني
ياممشي هاجسي لابعد دروبه
ياسعاده قلبي ومارد حناني
بك احاسيس الوله دايم طروبه
ما يفارقني خيالك لو ثواني
يرسمك بالذوق واطياف العذوبه
الحلا والزين جنني جناني
عالمي اللبس بطبوع العروبه
وش بقى والنور بعيونك شعاني
والرموش اللي بميزتها جذوبه
ياحلاة الطاري اللي لك حداني
والوله يلبس من الاشواق ثوبه
ابتسم فرحه وانا في جو ثاني
فرحت الضامي لاناض البرق صوبه
ارسم الابداع في لوحة معاني
اتفلسف والهواجس بك شبوبه
لو طويت البيد في ظهر العماني
لاجل عينك ذابت اسدود الصعوبه
انت منوه ويش ؟ ياروح الاماني
المشاعر لو تبي غيرك كذوبه
الجدي وان طاح وسهيل اليماني
نجم حبك مانوى فيني غروبه
من عشقتك صرت في عشقي اناني
انت بالحالك هنا في كل نوبه
ما اتسمع صوت من حسنه دعاني
لو بروق الوصل تشعل في نصوبه
راهن بعهدي واكسبك الرهاني
وان عطيت العهد يلزمني وجوبه
لنك شفي واتعزوى بقحطاني
كلمة منا مدى العمر امحسوبه
جر قلبي جرة احبال السواني
الوله والشوق والطاري غدوبه
العرض المتطور
