صباحكم نرجس أحبتي
تسألني ليه أحبك ؟ واسألك نفس الســـؤال
ليه أحبك ؟ جاوبني ... يمكن أنت تعرف السبب زين
ليه انا قلبي تعلق فيك ... يا ابن الحـــلال
ليه وش معنى عشقتك ... دون كل هالعالميــن
هل لأني شفت فيك الثقل والطبع الـــرزين
او لأنك في عيوني صرت آيه في الجمـــال
او لأنك أستطعت ... للمشاعر تملكها سنين
او لأن الحظ جابك لي بعد ماقفى وحـــال
او لأن الله كتب لي أعشقك واحيا سنيـــن
علمني ليه أحبك ؟ ليه قلبي معك مـــال
ليه دمعاتي تناثر ... كل ما أنت تبعد بعيد
ليه دايم في خيالي صورتك في كل حـــال
في فرحه والا بتعاسه ... في شقى والا بحنيــن
ليه طيفك في عيوني ... ما يبارح هالمجـــال
شاغل فكري وبالي كل لحضه وكل حيـــن
ليه كل ما قلت أبنسى .. صاحت جروحي محــال
كيف تنسى طب جرحك .. كيف أيامي تزيـــن
آآآه يا كم سؤال ... حاير وسط الخيـــــال
آآآه يا وين الجواب اللي يريحني سنيـــن
اسأل اسوار المدينه عنك وأنقاض الجبـــال
اسأل رمال الصحاري واسأل الليل الحزيـــن
واسأل دموعي الغريقه ليه دمعي منك ســـال
ليه قلبي فيك هايم ... وش هو السر الثميـــن
ليه ما ادري .. بس عشقتك .. عشق حد الهبـــال
وصرت ما اشوف بعيوني غير زينك اي زيـــن
وتسألني ليه أحبك وليه ميته عالوصـــال
ليه ما ادري ... صدقني .. ماعندي يقيــن
ودي أعرف يا عيوني وش اجابة هالســـؤال
ليه أحبك ؟ جاوبني ... يمكن أنت تعرف الجواب ؟؟
العرض العادي
