1/ وش نوع سيــارتك ووش لونـــها ؟
مرسيدس (كوبيــة) الرياضية 2002
2/ وش نــوع كفراتك ؟
بيرلي نوع فائقة السرعة
3/ تحب التعديــل .. اذا نعم وش عدلت في سيارتك ؟
بقوووووووووة ... بس هي ما شاء الله ما ينقصها اي اضافات ..كل شيء موفر فيه من زاوئد الى تضلضلة وكالة.... بس ركبت جنوط 18 (جنوط الحرية)
4/ قد فحطت بسيارتك؟
لا ... مستحيل بس أحيان اذا كنت عند أشارة واقف احب أعطيه ادعسه الثانية واتركه يحذف يمين يسار ثم اعدل الطارة وتشوف غبارة ....
5/ آخر مره غسلتها ؟
والله مو دايم اوديها للمغسلة بس اذا كنت فاضي
6/ مــن علمك السواقه ؟
الوالد حفظه الله.
7/ اول سيــاره سقتها ؟
اول سيارة سقتها مرسيدس 94حقت الوالد الله يحفظه
8/ اول سيــاره لك ؟
ماكسيما 1999 ايام الثانوية ...
9/ اول مكان رحت له بسيــارتك ؟
والله التخصصي بالرياض والثمامة...المهم داخل الرياض
10/ اول حادث صار لك ؟
ايام الجامعة كان عندي دباب كوازاكي zzr حجم 1100
تقلبت عليه وسلمني رب العالمين وكان هذا الحادث سبب في تغير مجراء حياتي
والحمد لله على كل حال .....
11/ اول مخالفه ؟
سرعة ...ودخلوني السجن الحمدلله ما طولت بس ثلاث ايام
12/ دخــلت التوقــيف ؟ .. اذا نعم وش قالك ابــوك ؟ >>>وأمك وش سوت لما درت
نعم دخلت التوقيف .... لما كنت جاي من الرياض متجة للجبيل لان عندي عمل على ..مسكتني نقطة الدمام وعلشان السرعة كانت فوق 245 دخلوني التوقيف لمدة ثلاث ايام ... وحجزوا السيارة تقريبآ شهر الا ما شاء الله ...
طبعآ ما احد يدري من اهلي عمومآ بهذا السجن بحكم اني بعيد عنهم ....
13/ ويــن توقف سيارتك داخل البيــت ولا في الشـــارع ؟
والله ما عندي بيت مستاجر و اوقف سيارتي في الشارع.. بس اذا نزلت للرياض أوقفها قدام البيت او داخل اذا سمحت لي الفرصة ....
14/ شــخص ودك دايـــم يجلس معك قدام ؟
والله مافي احد.بس اذا نزلت للرياض مافي احد غير
ري ري حبيبة اخوها
15/ أشخاص ودك دايــم تطـلــع معهم ؟
والله من حوالي خمس سنوات ما اطعل مع احد طلعاتي دايم لوحدي حتى اذا نزلت للرياض (أقدر الوحدة ...لها طعم خاص بعد ما كنت اكرهها)
16/ لـو أحد طلب سيارتك يروح فيها مشوار قريب تعطيه ولا لا ؟
والله على حسب الشخص اللي طالب السيارة .. اذا هو عاقل ومحل ثقة أعطيه ولا أسأله متى يردها وفدا راسه ... واذا واحد مو محل ثقة ولايقدر حتى القلم ابو نصف ريال خسارة فيه...
17/ احسن وأشين شي في سيـارتك ؟
احسن شيء فيها انها المانية . وسيارات الألمانية غنيه عن التعريف
وأشين شيء فيها انها قريبة من الأرض مرررة
18/ بنروح رحله بسيــارتك مين تختـار من الاعضـاء يركبـون معك ؟
في المقدمة روك وتمثال و سط سط و توتة وورد الندى وبنوتة ولولو ومها وكل الأعضاء بس اهم شي تشيلهم السيارة....!
19/ سياره تحبها ؟ ...... سياره تتمناها ؟
والله سيارة شفتها بلندن مرة أعجبتني وأتمناها من نوع مورسيدس
أترككم مع صورتها
بس قهر ما تدخل السعودية ..>>> اخس ياللي بتاخذها خخخخخخخخ
20\ اذا ماعليك كلافه صور لنا سيارتك ورزها هنا ..((وهــذا الطلب اختياري .
والله مافي صورة عندي لها ...لكن خلوها مرة ثانية بنزل صورتي وصورة سيارتي مع بعض بسوي دعاية لي هههههههههههههههه بس والله خايف افتن السحالي يقولوا ويش ذا التمساح الأطخم خخخخخخخخخخ
ان شاء الله
في الختام أشكرك الأخت مها على الموضوع الجميل
واشكر الأخ روك على اختياري
أترك حرية الترشيـــــح
لصـــــــاحــب المــوضــــــوع
العرض الشجري
