|| ~ قصة سعودية رومانسية [ أسئلك باللي خلق قلبك اكرهني ] هنـآ وحصرياً ع الود .. |~

[ماجد العساف]

الفصل الثآلث عشــ،ـــر


.



في المشفى


خالد : الحمد لله على سلامتك

نجود : ... الله يسلمك خالد


نوف : خالد نبغى نطلع بسرعه ما احب ريحة المشفى تكفى



خالد : يلا .. بس خليني اجيب الدوا .. اطلعو للسياره انتو


نوف ونجود طالعين .. مر بجنبهم واحد وعيونه طلعت كثر ما يناظر
بنوف اللي ما غطت وجها ولا تحب تغطيه بهالاماكن ..


نوف : نجيد امشي بسرعه لا توقفي .. في شي مو بطبيعي

نجود بتعب : العن يومهم حتى المشفى فيه مغازل ؟ ما يملون ؟؟؟


الرجال : لو سمحتي .. ! ممكن الرقم ؟؟

نوف وكنها تقول الله جابك : رقم ايش ؟

الرجال : عشان احاكيك ترا والله اعجبك .. واذا عندك مشاكل تقولينها لي
يعني نشكي لبعض

نوف بعصبيه : عساك تشكي من كل حاجه ان شاءالله .. وربي انك قليل
ادب .. شايف شكلك انت .. ؟ روح لا انادي لك السكيورتي ..


الرجال حبها اكثر ولحقها للسياره .. بس انصدم لما وصل لعندهم خالد ..


اخذ بعضه وطلع ..






/

نايف جالس بالصاله اللي تحت ما جاه نوم .. يبغ يتطمن على نجود .. !


دخلو من الباب الرئيسي وسلمو على نايف ..

نجود تركت الغطا على وجهها ..

نايف : وش قالو ؟

خالد يعطي الكيس نوف : لا بس حرارتها عاليه ويبيلها كمادات .. وتاخذ
دواها بوقته وان شاءالله تطيب ..

نايف : ما تشوفين شر ..

نجود : الشر ما يجيك .. عن اذنكم .. !

/


ناصر : 4 مكالمات بتول ؟؟؟؟ وبهالوقت المتأخر ؟؟؟ الله يستر

عزيز : ايش فيه ؟؟

ناصر : علمي علمك


ناصر وهو واقف في الحديقه : الو ؟؟؟

بتول : هاي ناصر كيفك ؟

ناصر : فيكم شي ؟

بتول : اسمالله علينا وش فينا ؟؟؟

ناصر : متأكده ؟

بتول : شوووووور

ناصر : شعندك داقه اجل ؟

بتول :جايه اقولك ان بابا يبغاك تسافر معه بكره الكويت

ناصر : ليه ؟

بتول : نبغى نسلم على عمي ونرجع ..

ناصر :كم يوم ؟

بتول : مادري بس مو اكثر من 3 ايام .. لان بابا مشغول


ناصر بتفكير : يصير خير .. طيب حجز والا لا ؟؟

بتول : يقول اول حاجه نعرف رايك .. !

ناصر : بلغيه اني بطلع الحين احجز من مكتب السفريات اللي نتعامل
معه .. وبكره امركم البيت

بتول : لا نبغى نروح لبيت جدو بالاول نسلم عليهم ونطلع .. تعال لنا هناك



ناصر : اوكي .. بس من بيروح معنا كلهم ؟؟..


بتول : ايوه كلنا ما عدا سالم ..


ناصر :طيب طيب تصبحين على خير ..


/



.

صباح الورد بكل ألوانه..
صباح الروح بكل أحساسه..
صباح الشوق بكثر أوقاته ..
وصباح الحب بكل جنونه..


الهنوف : بااااااااااااااااااااابااااااااااااااا

فواز يقرا الجريده : ؟؟؟

الهنوف : بابا فكني من هالدوده وربي ازعجتني بس تقرصني

فواز يناظر بالعنود : ما انتي بصاحيه والله انتي وياها !! بلا ازعاج اطلعو
فوق ..


الهنوف : لا ابغى اروح لبيت عمي راشد هناك نجود

فواز : لا حول ولا قوة الا بالله .. احد يروح هاللحين ؟؟ الساعه 11

الهنوف : وش فيها يعني ؟؟

فواز : اتصلي بألماس تجي عندك .. مو كل يوم رايحتلهم ..

الهنوف بزعل : طيب

،




//

\\



قصر ابو سالم


بتول : ماما حلوه هالجزمه ؟؟

ساره : ايوه

بتول : افففففف تأخر مره سالم

ساره : وش بغيتي منه ؟؟

بتول : ارسلته يطلع عبايتي من المشغل ..

ساره : لازم تعطلينا انتي ؟؟؟ عند 100 عبايه وكلها جديده .. وقفت على ذي يعني ؟؟

بتول : ايوه .. مالي دخل..

ساره : انا غلطانه احاكيك اروح اخلص شغلي ازين .. ماودي اروح والله بس عشان ابوك ..

بتول : ليه يمه مو من حلاتهم بس تغيير جو .. زمان عن الكويت

سالم : السلام عليكم

ساره وهي قايمه : هذا هو جا وعليكم السلام ..

سالم : وين تبوله .. ؟ امسكي ..

بتول : فديتك والله .. انا طالعه البس ..

سالم : ليه ؟؟؟ طيارتكم ماهي الساعه 2 ؟؟؟

بتول : الا بس نبغى نطلع لبيت جدي .. وانت اللي راح تودينا

سالم بتأفف : الله رزقني بهالثلاث ايام ارتاح فيها ..

بتول : ههههههه اصلا اعرفك راح تشتاق لي من اول ساعه

سالم : راح تتعبي من زود الثقه ..


/


قصر سآمي السآمي ..

القصر مره ازعاج .. الكل يسولف .. ولو تدور عليهم الكاميرا راح

تناظرو بتول جالسه بهدوء ما تبغى تخرب كشختها .. وجالسه تسولف
مع لمو وفوفا ودوده

وهناك تناظرو سالم وخالد يحكون بالشغل و الصفقات

وهناك سامي يتقهوى مع سلمى ويناظر فعياله واحفاده

وهناك جلسة الكبار ابو خالد وابو دانه وابو سالم ..

وهناك النسوان كلهم مع دانه اللي اغلب جلساتها معهم مع ان عمرها ما كمل الـ 22

اما نوف ونجود فوق .. نوف تحط مكياج لنجود عشان تخفي تعب
عيونها .. تقول ما تبغى اهلها يعرفو ..

/

بعد الغدا والسوالف

ركضت تبوله لنوف .. :نوفه نوفه

نوف بجنب فارس : وت ؟

بتول تقول باذنها : ناصر في الحديقه

نوف قلبها يرقص من الفرحه : احلفي

بتول : والله بس لأحد يعرف ..

نوف طلعت من عند بابا المطبخ وراحت له جري

ولما قربت عنده خففت خطواتها .. صارت تستحي منه من بعد الميانه
والضحك والسوالف .. لهالدرجه البعد يعمل كذا ؟؟؟


نآصر جآلس على الكرسي ويشرب كوفي .. : صبآح الخير نوفه

نوف مستغربه : صبآح النور .. كيف عرفت اني هنا ؟

نآصر : وانتي تدخلي مكان ومحد يدري ؟؟

نوف استحت : كيفك ناصر .؟

ناصر : اتركيني انا وعلميني شلونك ؟؟

نوف تناظر بعيييييييييييييييد : تمام الحمد لله

ناصر : وش في صوتك ؟

نوف تعدل صوتها بابتسامه : مافيني شي ..

ناصر : قالت لك تبوله اني طالع معهم الكويت ؟

نوف : ايوه

ناصر : وليه تقولينهازي كذا ؟

نوف : لا عادي ..

ناصر : نويف انا اعرفك .. وراك زعلانه ؟؟؟ لأني رايح ؟ والا لانك مو معي ؟؟ لانها تفرق

نوف : لا هذي ولا هذي لأني اسااسا ماني زعلانه .. !

ناصر : اها

سكتو دقيقه ورفعت عينها نوف بعينه .. جلس يناظرها وقال .. : مو
عاجبني حالك يا بنت

نوف تناظره وعيونها امتلت دموع : ليه

ناصر ابعد عينه عنها ما يبغى يشوف دموعها وهي تنزل : ما انتي بنوف
اللي اخبرها .. وين الضحكه وين السعاده اللي بعيونك دايم .. حتى حب
الحياه اللي كنت اشوف انك مثاله .. ما عدت اشوفه بعيونك ..



نوف مسحت دموعها بسرعه وقالت : هذا انا ما تغيرت.. بس يمكن
الواحد اذا تعود على شي وحبه وفجأه الدنيا خذته يتبدل حاله ..لكن
متغيره ؟؟؟؟ ما اعتقد

ناصر : والله لو بيدي ارجع لك البسمه لأرجعها .. لكن انتي اعلم بالحال ..



ناصر : عارف انك ما راح تزعلي هالمره بسبب سفري زي دايم عارفه ليه ؟


نوف عارفه اجابته : ليه ؟

ناصر :لأني كنت خلقه مسافر عنك .. وجودي وروحتي سوا .. ما عاد تفرق ..

هنا بعاد وهنا بعاد ..




نوف : طيب لا تقول كذا .. اصلا من قالت لي الخبر بتول وانا حزنانه ..
انت لما تكون في الرياض انا ارتاح .. وربي ارتاح

كيف الحين لما تطلع الكويت ؟؟ وربي راح افقدك


ناصر : انا اقول لو تلحقونا بالطياره ازين .. تعالي انتي والبنات مع نايف والا سالم ..



نوف : مره ثانيه ان شاءالله .. مو وقته ..

ناصر :افا يعني ما تبغي تسافري معي ؟؟ متى آخر مره سافرنا فيها مع بعض ؟؟

نوف : عطلة الربيع اللي فاتت ..

ناصر : لا يا هبله الصيف اللي فات ..


نوف : اي صح ..

ناصر : شفتي اني اذكر كل حاجه معك .. وما انساها ..

دخل عليهم نايف .. اللي توه جاي من برا

نايف : هلا هلا والله اني اقولها صادق .. حي هالعين

ناصر : الله يحييك ويبقيك ارحب

نايف : ما شاءالله اشوفك يومين ورا بعض .. وش صاير بالدنيا

ناصر :هههههه الله يرحم اللي كل يوم لازق فخشتي ..

نايف : ههههههه اي والله .. دنيا وما تسوي

نوف ساكته منحرجه وش مجلسها مع ناصر لوحدهم فيا لحديقه .. !

ناصر حاول يرقع لها : وش له ترسلك ؟؟ تعبانه والا ماهي تعبانه قوليلها تجي وتطلب مني انا .. فاهمه

نوف بفمها ضحكه : ان شاءالله

نايف يناظرهم بنص عين : اهبل قدامكم انا

ناصر :هههههههههههههههه

نايف : انا طالع انام سلآم

/


ناصر يوقف ويجلس على الطاوله قبال نوف ..

ناصر : ها نويف اذا ما جيتو الكويت وش تبغين اجيب لك معي ؟؟؟

نوف : سلآمتك يآ ناصر .. عساك ترجع سالم ان شاءالله

ناصر : غير سلامتي ؟؟؟ لاني ما اضمنها لك

نوف : اسمالله عليك .. لا والله ما ابغى شي ..

ناصر : نويف بجيب لك هديه حالك حال اللي هنا .. بس انتي اختاريها ..

نوف : والله ما ابغى شي ..

ناصر : طيب يلا ادخلي داخل الحين ..

نوف باستغراب : ليه ؟


ناصر : انتي ادخلي الحين ؟؟

نوف : وانت ؟

ناصر : انا جالس هنا ربع ساعه ونمشي المطار ..

نوف بحزن : انتبه لحالك .. فمآن الله ناصر

ناصر يناظرها : فمآن الكريم يا قلبي .. اشوفك على خير

تعودني عليك أيام أبد ما أفــــــــــــــارقك ليله
واذا عنك أروح اليــــــوم أقول لك نلتقي باكر

تعودني على لطفك وأسلـــــــــــــوبك وتدليله
وتتــــــــــــــــوقع أنا بحيا بدونك يوم بتسافر !




سلمو على بعضهم .. وراحت عايلة ابو سالم للكويت .. حتى يسلم على
اخوه .. اللي عايش في الكويت عشان شركة النفط اللي منتدب لها ..


/

نوف جالسه بالصاله : راح نشتاق لتبوله

نجود : الله يوصلهم بالسلامه ..

دانه : بدت المياعه .. تلاقيها ما درت عن بتول ولا عن هوا بالها

نجود التفت لها وناظرت فيها : خلاص

دانه : خلصت روحك ، انا تقوليلي خلاص ؟؟ والله طلع لك لسان ..

نوف : نجيد انا طالعه بيتنا تجي ؟؟

نجود تناظر باختها : امشي ..


دانه : لا تكفون راح اموت هنا .. الوحده راح تقتلني .. كش عليكم سخيفات ..

نوف رجعت لها : احترمي نفسك دانه .. انا ساكتتلك احتراما لبيت جدي ..


دانه : هههههههه والله ما فيك خير تحترمي بيت وما تحترمي زوجة اخوك


نوف كانت راح تقولها كلمه بس اسكتت عشان نايف : محترمتك عشان
نايف .. والا انتي مو بوجه حد يقدرك ولا يدير لك بال


دانه انقهرت : ما الومك حبيبتي .. انتي متنرفزه شوي عشان حبيب قلبك
مو فيه .. لا تحزني كلها 3 ايام وعساه ما يرجع

نوف انقهرت مسكتها نجود .. : ليه تدعين عليه وش سوالك ؟؟؟ حقوده
ما تعرفي ربك


دخل سالم وخالد : علامكم ؟؟؟

دانه : اسئلو نوف علامها معصبه كذا

ناظرو بنوف يعني احكي : .. ؟؟؟؟

نوف بلا مبالاه : اسمعيني كويس انتي .. كل ما اسكت لك اقول لأنك اكبر
مني .. وانا عارفه ان عقلك زي كذا .. لكن احترمي حالك واعرفي من تحاكين .. فاهمه ..


دانه : ياماممي خوفتيني .. خذ اختك لا ارتكب فيها جريمه

خالد : عمى ان شاءالله انتي وياها .. كل وحده بقره اطول مني
وتهاوشوون زي البزارين .. وش تركتو لسعد ومحمد ؟؟؟



سالم : اذكرو الله يا جماعه .. نوف هدي يا بنت الحلال


نوف بتهديد : خلها تحترم حالها بالاول .. دامنا ما حكينا معها لا تدخل
عصها بشي ما يخصها .. مو معنات انا ما عطيناك وجه تتلزقي فينا زي كذا !!!


دانه : لا يكثر بس .. يلا اذلفي بيتكم


نوف : لا .. انا طالعه بيتنا .. انتي اللي تذلفين لــ .... وألا ماله داعي اقول .. (تبتسم)


دانه ما تدري وش تقصد نوف بس سكتت ..



خالد : اطلعي قدامي انتي ..

نوف : يلا نجيد ..

سالم يناظرهم وميت ضحك البنات خبلات وهواشهم يضحك .. وعلى اتفه الاسباب يختلفو .. !


غريبين والله !

[ماجد العساف]

/




في غرفة نوف

الماس : ايوه وبعدين ؟

نجود : وبس .. طلعنا مع خالد وجينا

نوف طالعه من غرفة التبديل : قهرتني الغبيه ..

نجود : خلاص عاد انتي بعد صار لك سنه تسبين فيها ..

نوف : ما عليه نجيد خليني اطلع حرتي .. والله قهرتني ..

نجود : اللي ضحكني سالم .. كنه يناظر بشوط مباراه .. فرحان مره

/

/






نآمو البنات العصر الا نجود .. طلعت الدور الثالث تشبك عالنت ..

جلست تتصفح محادثاتها مع نايف .. اللي كلها اختلاف في الاراء .. ونصايح منه ..

(تعال)
أعلمك عن وقتي "بلياك"
وشف وشلون أحاول .. ( عزل قلبي عن حكي بالي )!!
وأنا أحاول ..
ولكني "فشلت"!
وكل مابنساكـ ..
تذكرني { ردودكـ }بـ سجل محادثاتي.. !!


لما حاكته نجود .. حلفته بالله ما يحذفها .. بس تبغى تناظر متى يدخل ومتى يطلع ..


وهو عمل اللي بغت .. لكن ما حكا معها ابدا من بعد المرات اللي اختلفو فيها ..


الساعه 4 العصر .. ناظرت في نكه على المسن في الخارج كاتب ..

ونوف تقول انه نايم ؟؟

نزلت لنوف

نجود : نوف نوف قومي ..

نوف : هلا ؟؟

نجود : تعالي معي لغرفة نايف بلييييييز

نوف : انجنيتي نجود ؟؟ وش تبين ؟؟

نجود : بس دقيقه تكفين .. ابغى اناظر حاجه

نوف : هو جوا كيف ندخل

نجود : مادري دبريني انتي

نوف : طيب يا عله


نوف تضرب الباب بقوه محد يرد

نوف : نايم يا بنت الناس .. !

نجود : ابغى ادخل

نوف حطت يدها على قلبها : مجنونه انتي ؟؟؟ ليه طيب ؟؟؟

نجود : ابغى اشوف وش مسميني عنده

نوف : وين ؟؟ بجواله ؟؟ ياويلك ما يخلي احد يلمسه

نجود : لاااااااا .. على الماسنجر

نوف : اقولك نايم كيف راح تدخلي

نجود عصبت : نوف اذلفي عن وجهي وش فيك تنحتي ؟؟؟

نوف : امري لله .. امشي

افتحو الباب بشوووويش ناظر على طول بالسرير العالي مره .. لقو نايف
متغطي ونايم بهدوءه المعتاد ..

فرحت نجود لما ناظرت فالاب توب وهو مفتوح .. : ياااااااااي واخيرا راح
اشوف عنده بنات والا لا ؟؟ والله فرصة الاحلام هذي ..

نوف : قصري صوتك يا حماره ،، ياويلي والله ليذبحني ..

نجود جلست تفتش بالجاز .. لقت كل الاسامي رجال .. محمد .. تركي .. ناصر .. سعد .. راعي الاوله ..



خالد2008 .. حوالي 20 اسم كلهم شباب .. دورت نكها .. لقته بالنص .. وكاتب (الغريبة)

فرحت ان مافيه الا هي .. فجأه تحرك نايف ووقف شعر نوف جت تبغى تهرب بس ناداها ..

وبصوت عالي : نوووووووووووووووووووووف !!

نجود من الخوف جلست مكانها .. يا ترى شافني والا لا ؟؟

نايف وهو جالس على السرير يناظر نوف وبصوت باين انه توه صاحي من النوم : شتسوين هنا ؟

نوف : أ أ

نايف : ؟؟؟؟

نوف : شعرفني انا

نايف بعصبيه : كيف ؟؟

التفت نايف فجأه على الجهه الثانيه من غرفته وناظر بنجود اللي متمسكه بالكرسي وجالسه قبال اللاب توب ؟.

نايف أبعد اللحاف عنه وجلس يناظر فيها ماهو فاهم شي .. ؟؟؟


نجود وقفت وجت تبغى تطلع .. شكل الغرفه مره يخوف .. ظلمه مره ..

قفز نايف من السرير ووقف قبالها : على وين ؟؟؟؟

نجود : ابغى اطلع

نايف : دخول الحمام مش زي خروجه

نجود بخوف : بس انا ما دخلت الحمام

نايف واقف قدامها وما تفصل بينهم الا شعره : وش جايبك غرفتي ؟؟

نجود انحرجت : مادري ضيعت الطريق

نايف ميت ضحك من داخل : كيف ؟؟

نجود : احسبها غرفة نويف ..

نايف حط عينه بعينها : وصلتي خير هذي غرفة نويف وش بغيتي منها ؟؟

نجود بخجل : لا لا لا انا اقصد نوف

نايف : نجييييييييييد ؟

نجود نزلت راسها : هلا ..

نايف : وش عملتي في اللاب توب .. ؟ جايه تتأكدي من شي ؟؟

نجود : ها ؟؟؟ انا ؟؟؟ لاااااا ..؟؟

نايف : وش في وجهك كذا

نجود تناظر بنوف اللي تأشر لها : مافيه شي ،، تكفى خلني اطلع

نايف : مافيه طلعه الا لما تعلموني شصاير هنا ؟؟؟

نجود : قلت لك ولا حاجه ،، طيب شغل الاضاءه بليز ..

نايف : اتركيها عنك الحين واحكي ..

نجود : يااااااااربيه راح اقولك وامري لله

نايف تسند على السرير : اسمعك .. !

نجود : حنا يا طويل العمر حبينا نطلع صور الممثل جورج كلوني طيب ؟

نايف :طيب ؟

نجود : وسألت نوف عندكم نت قالت ايوه بغرفة نايف ...

نايف : نجيد ؟

نجود : هلا

نايف : نجيد حياتي .. بلا كذب .. ترا ماهو بزين للي بعمرك

نجود سمعت يا حياتي بغى يغمى عليها ،، نفسها تقول له ممكن تعيدها ؟؟ : انا مو كذابه واسئل نوف اذا مو مصدقني

نايف رافع حاجبه : ومن قالك ان نوفه ماهي كذووووب ؟؟؟ مدرسة في الكذب ما شاءالله عليها

نوف : افا نايف انا كذا ؟؟ مشكور

نايف : لا تتمسكني علي انتي وياها .. بتعلموني والا كيف ؟

نجود من الخوف قامت ترجف : نايف انا ما كليت علاجي حرام عليك .. واللي قلته لك هو الصدق .. يلا خلني اطلع

نايف ابعد عنها وناظرها : بعد علاجك نتفاهم ان شاءالله .. حسابكم معي بعدين


/


شقة ابو تركي

الجوهره : يااااااااي البيت طفش ..

ساره : قامو يروحو واحد ورا الثاني ..

الجوهره : تصدقي اشتقت لتركي وربي ..
ساره : ما امداه راح بسم الله

الجوهره : والله اشتقت له .. الله يعين بكره كيف بنجلس من دونه

ساره : الله يعين ..



/


نوف : تتوقعي وصلو ؟؟

نجود : اكييييييييييييييد

نوف : قولي ان شاءالله

نجود : ان شاءالله ،، تعالي نويف

نوف تاكل جلكسي : ؟؟

نجود : وش بنسوي بنايف ؟؟ وربي وهقه

نوف : طبخن طبختيه يالرفله اكليه .. مالي دخل انا .. انتي السبب

نجود : الله يسامحك .. ساعديني طيب دوريلي حل

نوف : طاف يا بنت الحلال .. لا تردي عليه اقول نجود

نجود : شو

نوف : وش تتوقعي تبوله تعمل الحين ؟

نجود : تبوله والا نصوري ؟

نوف : اكلمك جد انا .. انا اعرفها خجوله وراح تستحي ..

نجود : خلي حياها ينفعها ..

نوف بقلبها (عساك ترجع بالسلامه يا ناصر .. بنتظرك اليوم وبكره والي بعده بس لا تطول )

لآ تطوّل ..!
ترىْ مآني بـ قد الغيآب
[ قلبي ] وً [ آحسآسي ] وً ,,, [ أنا ] !
نحتريك
... نحتريك
...... نحتريك





* ( ويبقى

) *

[ماجد العساف]

يتبع الفصل الثآلث عشـــر


الكويت .. في منطقة غرنآطة ..

فيلآ بو جرآح .. اخو ابو سالم .. سعودي لكنه سافر الكويت وعاش فيها لأسباب وظيفية

ابو جراح هذا عايش مع زوجته ام جراح و ولده الكبير جرآح وبناته تسنيم و تغريد

جرآح يشتغل مع ابوه في شركة النفط المشتركة عمره 24 سنة

وتسنيم ثآني سنة جامعة .. وتغريد اولى جامعه حكيهم صاير كويتي
بحت بسبب الحياه هناك من اول ما كانو في الحضانه وهم في الكويت

ابو جراح حبيب مره لكن زوجته مررررره قشره .. وكريهه وبناتها طلعو
زيها تمااااااام .. ساره وبتول ما يحبو يروحو هناك بسببهم .. وجراح
رجل قيادي وشاطر ويحب العمل والنشاط عايش لهدف عشان يحققه وما
يرضى بالقليل .. حياته كلها مغامراة و اعمال ..



مع الجلسة والحكي .. جلسو البنات يناظرو بـ بتول اللي جايه الكويت
بشيله وعباية فخمه ..

تسنيم بهمس : صايره تجنن الحيوانه

تغريد : وع انا احلى

تسنيم : يصير خير .. شايفه وجهج انتي ؟؟


تغريد : اكلي تبن

ناصر يسولف مع جراح وضحك وسوالف .. اما تنسيم ما قدرت تبعد
نظرها عنه .. الكل لاحظ هالشي

ام جراح وفجأه قفزت وقالت : ناصر ؟

ناصر : هلا

ام جراح : اكبر انت والا تسنيم ؟

تسنيم فرحت لما ربطو اسمها مع ناصر لكنها عصبت وتضايقت لما سمعت رد ناصر

ناصر ببرود : ليه هي كم عمرها ؟؟

ام جراح توهقت : 19 سنه تقريبا

ناصر يعدل جلسته : لاااا .. انا اكبر منها بسنتين تقريبا .. الحين انا 22

ابو جراح : ما شاءالله .. تخرجت ؟؟

ناصر : لا يا عم .. باقيلي كورس واتخرج ان شاءلله

ابو جراح : تلحق خير ان شاءالله

ناصر : الله يجزاك خير

ام جراح : تصعدون فوق ترتاحون شوي جنكم تعبانين ؟؟

ساره بملل : اي والله تعرفي سفر وطياره

ام جراح بقلبها (شدعوه تعبتي نفسج ؟؟ كلها دقايق) : يلا يا قلبي امشي فوق


ابو جراح اخذ ابو سالم معه للديوانية اللي دايم يروح لها كل اسبوع ..

ودايم يكون فيها مستشارين ووزراء وشيوخ

اما تسنيم وتغريد جالسين فمكانهم وكأنهم حالفين ما يقومو منه دام ناصر هنا


بتوول بهدوء وتحاول تكون اجتماعيه : اقول بنات خلونا نقوم عن الشباب .. شكلنا ازعجناهم


جراح : لا خلكم بالعكس ..


بتول فقلبها (بسم الله كيف يسمع هذا ؟؟؟ ) : اكتفت بالابتسامه


جراح : اقول بتول شلونج وشلون الدراسه معاج ؟؟

بتول : الحمد لله كل شي تمام .. انت كيفك ؟

جراح : الحمد لله بخير بس الاشغال ما تخلص ..

ناصر يقاطعهم : ليه وين دوامك ؟

جراح : في البترول

تسنيم بسخافه : وانا راح الحقه ان شاءلله

ناصر ما علق اكتفى بإبتسامه بارده


جراح : دمج خفيف ،، اصلا بنزوجج واحد سعودي وترجعين معاه هناك

تسنيم بجرأه : وووووع انا آخذ سعودي ؟؟؟

ناصر انقهر غلطت عليه حب يقهرها : انتي حصلي بالاول ؟؟

بتول فاتحه فمها من الجرأه : ؟؟؟؟ !!!!


تسنيم : خير ؟؟ اصلا واجد اللي خطبوني بس آنآ مو رآضيه

ناصر : عيب عليك تحكي هالكلام .. ابوك واخوك ماهم سعوديين ؟؟ انتي
مو بسعوديه ؟؟؟ هو حاصلك اصلا ؟؟؟



جراح : اذكر ربك يا بن الحلال .. تسنيم غشمرتها نفس وجهها ..

تسنيم انقهرت مررررررره (آه على شوفتج يا نوف والله لأقطعج
بضروسي ياليتني اشوفج لو مره وحده بس)



بتول تعوج فمها : هذا اولها ؟؟ قلة أدب من اولها ؟؟ الله يعدي هاليومين على خيـ{ـر ..



ناصر بضيقه : جراح انا طالع انام اعذرني اذا عصبت .. مو عدنا الفجر ان شاءالله

بتول مسكت يد ناصر وهو طالع : خذني معك نصور

بتول تهمس باذنه : خايسه صح ؟
ن
اصر يفك ازاريره : تكفين اسكتي امحق تربيه .. شوي ويضرب فخذها
بفخذي من كثر القرب .. لا وكمان كرهتني بالحكي الكويتي .. حومت
كبدي الله يقلعها ..


بتول بغمزه : عاد انت تعشق الحكي الكويتي هههههههههه

ناصر : هههههههه والله انك دجه ..

بتول : وين رايحيين الفجر ؟؟ هههههههههه

ناصر : القهوه ليه ؟


بتول : ولا شي ههههههههههه ترا اعلم نويف


ناصر : واللي بيغازل يغازل الفجر ؟؟؟ شايفه وجهي انتي ؟؟

بتول : وله وقت بعد ؟؟ الحمد لله والشكر


ناصر يسحبها من شعرها : اطلعي فوق اتركي عن هالسوالف .. تصبحي على خير

بتول ما سكه شعرها : أأأح تلاقى خير


ناصر وهو حاط راسه عالمخده جلس يضرب ويطرح .. جاب هذي هنا وحط هذي هنا .. جلس يقارن



بين نوف و تسنيم .. نوف طول عمره عايش معها ولا مل
منها ..وتسنيم جلس معها كم ساعه وطفش منها وحومت له كبده ..
ونوف لا حكت ودك تسمعها وما ودك تسكت ،، اما تسنيم ودكا تقول لها
اسكتي وانقلعي برا ولا اشوف وجهك ثاني مره (الله خلق وفرق)


بعض [ العرب ] ودك ليآ من تكلم
تقآطعـه وتقول له : كيف حآلك ؟

/

و بعض العـرب لا من تكلـم و انا اخـوك ..
ودك تقول لـه بعـآلي الصـوت ..:: سقهـآ ..:

[ماجد العساف]

/

/

الرياض الساعه 10 صبآحآ

نايف وهو ماسك فنجان القهوه : اللي تبونه يصير

ابو راشد : نايف وانا ابوك .. اذا انت تبغاها حلال عليك والله يوفقك لكن
اذا ما ودك فيها اتركها لنصيبها يا ولدي ..


نايف : انا عطيت عمي كلمه وماني راجع فيها ..

ابو راشد : شورك وهداية الله .. اجل اليوم نبغى نروح ونخطب منه رسمي


نايف : وفيه بينا رسميات طال عمرك ؟


ابو راشد : أجل كيف ؟؟ مهما كان بنته حالها حال اي بنت من حقها تنخطب رسمي ..

نايف : على راحتك .. انا طالع المكتب .. تامرني بشي ؟؟؟

ابو راشد : أبد سلآمتك ..

/



،

الهنوف : دوده امسكي هالورقه وطلعيها للسواق برا .. طلبات من الماما


العنود : لا والله ؟ هي تقولك وانتي تقوليلي ؟؟؟

الريم : يوووووووووووووه انتي وياها على اتفه شي تتهاوشو مع بعض ؟؟؟ عطيني انتي .. واطلعو فوق ..

الهنوف : فديت اخوي انا ..


العنود : هههههههههههه


الريم ناظرت فيهم انقهرت يا حرام .. الكل يحكي عنها كذا .. ما عدا نجود ونوف .. ليه طيب ؟؟


الله يسامحكم ..

الريم ما تدري ليه تضايقت ؟؟ يمكن لان خطبت نايف اليوم ؟؟؟
افففففففف انا وش دخلني ازعل يعني كان فيه امل اتزوجه ؟؟ كبر بابا ..
بس ليه معصبه يا ربي



/


دانه تتمغط : صبآح الخير ماماتي

ام دانه بابتسامه عريضه مره : هلا وغلا فبنتي دانه ..

دانه بابتسامه : هلا فيك ايش فيه ؟ وش هالابتسامه على هالصبح ؟؟

الهنوف : الا قولي صبآح الخير يا العروس

دانه بصدمه وبعقدة حاجب : مين تقصدي ؟؟

الهنوف : يعني مين ؟ الريم ؟؟ والا العنود ؟ مافيه الا انتي اللي بسن زواج هههههههههه

العنود : واخيرا حد بيتزوج منا ،، واخيرا راح اقول انا اخت العروس ؟؟

الهنوف : هههههههههههههههههههههههههه والله وتحقق منايا


دانه واقفه بمكانها : انتو من جدكم ؟؟؟ اي عروس واي بطيخ ؟ قايله لكم
ما ني متزوجه ؟ بالعافيه والا بالعافيه ؟؟؟؟


ام دانه بعصبيه غير معتاده وبصوت عالي مره : ليه ان شاااااااااااءالله ؟؟
لا يكون فيك شي وانا ماني عارفه ؟؟؟ والا لا يكون حاطه عينك على
واحد ؟؟؟ قولي ؟؟؟



دانه تعمل حالها مو مهتمه : والله عاد احسبوها زي ما تحسبوها .. زواج

مافيه .. عندكم نجيد فار التجارب جربو فيها ..



نجود جالسه على الطاوله زماااااااان : وش لك فيها نجيد .. خليك فحالك
يا بنت الناس ..


دانه بنظرة تهديد : اقول نجيد وش رايك بنايف ؟؟ تزوجيه تكفين وفكي اختك



نجود بقوه : اختي تفك حالها من نفسها .. فكينها اول من اشياء كثيره
ولكن ما جانا منها الا السب والكره


فكي حالك اشوف !!




دانه حست ان افشاء سر نجود عن امها و ابوها ماهو نافعها لانه بتتزوج
غصبا عليها (انا اوريك يا نجود الكلبه والله لأكرهك بحياتك وبنايف حتى
لو اتزوجه انا ،، وانا بنت ابوي )




دانه تعمل حالها ما سمعت حاجه : انا طالعه اكمل نومتي .. وقولي لبابا
اذا جا .. زواج ماني بمتزوجه .. يبغى يضرب ؟؟ يبغى يسب ؟؟ يبغى
يطرد ؟؟؟ اكيد لا .. أجل خليه يعمل اللي هو يبغاه



ام دانه حطت يدها على راسها : الله ياخذك يا دانه .. كانك فشلتينا مع الناس .. حسبي الله عليك


الهنوف والعنود وكأن تخطيطاتهم ضاعت : افففففففف .. يعني ما نفرح
والا كيف !!

[ماجد العساف]

/


الكويت ..


جالسين على الغدا .. الكل .. بدون استثناءات

الهدوء مالي المكان .. بس اللي ينسمع صوت خفييف للملاعق والشوك في الصحون ..


انتهو من الغدا و قرر ابو جراح انهم ياخذوشايهم و قهوتهم لبرا في الحديقه ..

الجلسه كانت رووووعه والسوالف احلى .. لكن خربها وجه ام جراح ووجيه بناتها ..


ابو جراح : الله يبارك في العيد اللي جابكم .. ياليت كل السنه اعياد ..

ابو سالم : لا عاد المره الجايه الزياره عليكم ،، ما اشتقتو للسعوديه ؟

ابو جراح : انا عن نفسي حاضر .. لكن جراح و البنات دواماتهم
وجامعاتهم ما تتحمل الغياب وانا اخوك ..

ام سالم : يومين او 3 ما تأثر ان شاءالله ،، بس خلونا نشوفكم ..

ام جراح تلوي فمها : يصير خير ان شاءالله ..

تسنيم بصوت عالي : بتول ،، صعبه عندكم الدراسه هناك؟؟

بتول : صعبه للي ما يدرس .. لكن بالنسبه لي انا مره سهله الحمد لله ..

تسنيم (مالت عليج ،، لازم تسخفين سؤالي ؟؟ يا مال الوجع ؟؟) : الله يعين

بتول : ليه سموك تسنيم ؟؟

تسنيم : ما تدرين شنو معناته انتي ؟؟؟

بتول : عارفه معناه . كافي وروده في القرآن الكريم ،، سؤالي مش شو
معناه سألتك ليه سموك زي كذا ؟؟؟

تسنيم وحست بسخافتها وغباءها للمره الثانيه وقدام الكل : آهآ .. والله مادري اسألي ابوي عندج ..

بتول : لا لأن حتى لما اقول لبنات خوالي عن اسمك يستغربوه !!

تسنيم بقهر : مين نوف ؟؟؟ من حلاة اسمها


بتول تحسبها تضحك : .......


ناصر سمع اسم نوف والتفت لهم بسرعه .. وحاول يسمع بقايا الحكي ..


تسنيم : والله .. انا متأكده لو اشوفها بتطلع هيلق وووع ..

بتول : تسنيم ؟؟ عيب تحكي عن البنت زي كذا .. وش سوت لك هي ؟؟؟ اصلا ما تعرفيها ..؟؟؟

تسنيم : وانتي ليش تدافعين عنها ؟؟ انا شقلت ؟؟


ناصر يحاكي عمه : والله يا عم بنتكم هذي مادري من طالعه عليه .. وراها زي كذا ؟؟

ابو جراح : شفيها ؟

ناصر : ما تبقي احد ما تغلط فيه .. ! وش سوالف هالبزارين ها ؟؟ وراها
اختك ماشاءالله عنها ما تغلط فأحد
خليك زيها


ابو جراح : افا .. شفيج تسنيم ؟؟ انتي شنو قايله ؟؟؟

تسنيم : ولا شي .. بس هو يحب يتبلى على الناس

ناصر : انا اللي اتبلى على الناس ؟؟


بتول تحاول تغير الموضوع : بابا بليز نبغى نطلع نتمشى

ابو سالم يمسك رجوله : والله مافي حيل اطلعي مع اخوك كانه قادر

ناصر : ابشر يبه ..

جراح : ليش ،، تدل هني ؟؟

ناصر : افا عليك بس .. من جدك انت ؟؟


جراح : اجل خلاص نطلع اليوم على المغرب جذي .. وانت اللي بتسوق فينا ان شاءالله ..


ناصر : تبشر خير .. بس خلني اقيل شوي واريح .. بعد هالكبسه

بتول : وين بتودونا ؟؟ تكفى ناصر ابغى المارينا مول

ناصر : توقعتك تقولي المدينه الترفيهيه .. ! المارينا المارينا كم تبوله عندي انا ..

تسنيم وتغريد انقهرووووووو مره .. فيه فرق بينهم وبين عايلة ابو سالم .. بس ما يعرفو في ايش بالضبط ؟؟


هل هو بالتربيه ؟؟ هل هو بأسلوب الحياه ؟؟ هل بفهمهم للحياه ؟؟ او هل هو بأنفسهم !!

:


في المزرعه

عزيز جالس لوحده : افففففففف يا نويصر والله كنت مالي علي وقتي ..
وكنت اخبرك على قلتك

اتصل فمين عشان يجيني ؟؟ ايه بندر ..



عزيز : مرحبآ

بندر : هلا وغلا عزيزان كيفك ؟


عزيز : طفشااااااااااااااان مرررررره ،، اقول بنيدر

بندر ياكل علك : هاه


عزيز : وين صيداتك اللي اول ؟

بندر يرفع حاجبه : ده كآن زمآن ده كآن زمآن هاهاهاها

عزيز : ما يرجع طيب ؟؟

بندر : والله ما اظمن لك لكن اشوف ؟؟ بس ما عندنا مكان يا بن الحلال .. !

عزيز : افا عليك بس .. المزرعه تحت امركم

بندر : لا يا بن الحلال ناصر ما يحب هالحفلات فكنا من شره ومن منته ..

عزيز : لا نويصر مو فيه سافر الكويت ..

بندر : واذا طب علينا ؟؟

عزيز : وين يطب عليك ؟؟ شكلك تناظر افلام مافيا كثير ..

بندر : المغرب يكون عندك الخبر اذا اكيد او لا .. عشان كمان تعزم الشباب اللي تبغى ..

عزيز : ما يحتاج عزيمه .. انت بس علم واحد تلقى الكل عارف بظرف ساعه هههههههه

بندر : اجل سلام ..


:

:

ناصر طلع يريح شوي .. وفكر يحاكي نوفه

اتصل مره بس محد يرد .. !

بالمره الثانيه ردت ..

نوف : هلآ نآصر ..
نآصر : حي هالصوت .. كيفك نويف ؟
نوف : الحمد لله بخيـر انت كيفك ؟ الحمد لله على السلامه ..
ناصر : الله يسلمك ان شاءالله .. وراها لمو تصايح ؟
نوف : اليوم خطبة نايف .. و اللي يناظرها يقول هي العروس

ناصر بهدوء : دانه ؟

نوف باستغراب : أجل مين !!

نآصر نسى الحكي : المهم .. ..

نوف تنتظره يكمل : ايوه ؟

ناصر : والله مادري وش اقول .. الله يهداه عمي كان انتظر يومين ؟؟؟

نوف : لا ناصر ترا خطبة عاديه .. لو ملكة اكيد راح ينتظركم ..

ناصر : الله يوفقهم ان شاءالله .. نايف فيه ؟؟

نوف واقفه على الشباك : لا طلع من الصبح وللحين ما رجع

ناصر : آهآ

نوف : ناصر ؟

ناصر : عيونه

نوف : كيف الجو عندكم ؟

ناصر : واللهي حر يا نويف .. لكن حلا الديرة ينسيك الحر ..

نوف انقهرت : حلا الديره والا بناتها ؟؟؟؟

ناصر حب يقهرها اكثر : مممممممم الاثنين صراحه .. انا جيت هنا .. وما ابغى ارجع الرياض ..

نوف : ........


ناصر : هيه اضحك يا هبله هههههههههههههه


نوف : وكيف تبوله ؟

ناصر : تبوله ما هي بيمك الحين .. رايحه تلبس تبغى تروح للمارينا .. الله يستر ما تلبس الي في الشنطه كله


نوف : ههههه

ناصر : ايوه ؟ ومين تبغي تسألي عنه كمان ؟؟ انتقلتي مني لتبوله لـ ؟؟؟


نوف : لمين ؟؟؟ مين تقصد ؟

ناصر : الله اعلم .. تسنيم تسلم عليك

نوف : جلست معها صح؟ حكيت معها صح ؟ ضحكت معها صح ؟

ناصر : جلست معها ايوه .. حكيت معها ايوه . لكن ضحكت معها اكذب
عليك اذا قلت ايوه .. المفروض تقولي تهاوشت معها ؟ علشان اقولك ايوه


نوف بفرح : جد ؟

ناصر : ايووووووووه

نوف : هههههههههههههههههه ناصر عاد

ناصر : هههههههه اي والله .. اقولك البنت الله يستر عليها .. !

نوف :عاد انا ما احبها ..


ناصر فقلبه (هي تكرهك بلا فشكلها ) : ايوه ؟؟؟؟

نوف : وش فيك على ايوه اليوم ؟؟؟؟


ناصر : والله مدري .. نويف انا دايخ صاير ما انام .. !راسي يوجعني ..


نوف : سلآمآت .. ناصر انتبه .. بآلك تآكل بندول اقتلك

ناصر : افا عليك توصيني ؟؟؟ اصلا كل ما اناظر فأي بندول اقول فقلبي
النحشه يا ولد نويف ما تحبه ولا تبغاني آكله .. تدرين من قلتيلي لا
تأكله وانا ما آكله مع انه يخفف الالم ..

نوف : لا ناصر ماهو زين لا تعودت عليه ..

ناصر : ابشري من عيوني ..

نوف : تسلم عيونك ..يلا اتركك ترتاح عشان انا اتجهز بعد ..

ناصر : اوكي

نوف : لما تروح للمارينا لا تناظرفي البنات ولا تحاكي احد فاهم .. وانتبه لتبوله

ناصر : عاد بدت نويف محاضرتها .. سكري لا طراق .. تعالي نويف ؟

نوف : هلا ... ؟

ناصر : بالله عليك واقفه قبال الشباك صح ؟؟

نوف بخووووووووف : كيف عرفت ؟؟؟

ناصر : خوياي يعلموني

نوف بخوف اكثر : ناااااااااااااااااااااصر

ناصر يعرفها ما تحب سوالف الجنون : والله احساس .. ابعدي عنها

نوف : بس هي ما تكشف ..

ناصر : ابعدي عنها وبس .. لا تناقشي ..

نوف : طييييييييب

ناصر : بس انتي ما بعدتي ؟؟؟

نوف خافت جد : ناصر ؟؟؟ وش عرفك عاد .. اعوذ بالله من الشيطان الرجيم ؟؟

ناصر : ههههههههههههههه لا يصير فيك شي يا بنت .. والله احساس قلت لك .. يلآ ابعدي عنها .. وفمآن الله


نوف وهي تبعد عنها : سلااااااام

/

في شقة ابو مبارك ..

الجوهره : ماما جوعاااااااااااااااااانه

ام تركي : اكلي خبز وجبن زي اختك
ساره : اي والله اعملي زيي

ابو تركي جالس معهم وما كنه جالس .. جسمه معهم وروحه
بعييييييييييييييييد يفكر كيف كان وكيف صار ما هو مصدق حاله انه ما
هو قادر يعيل اسرته .. حتى باقي الفلوس اللي تركها لهم تركي واللي
حسبوها راح تبقى لهم لآخر الشهر بدت تخلص .. ومعاش ساره يادوب
يغطي نصف الاجار وش فيها حياتنا اول ؟؟؟ وش اللي غيرها وخلاها كذا
؟؟؟ وش اللي خلى سامي يقاطعنا ؟ واهله يحاربونا ؟؟؟ وش اللي خلا
عزيز يتركنا ؟ وش اللي خلا تركي يسافر عشان زياده حبتين في المعاش ؟

ليت المطر
ينـزل على
قلوب الآحبـــاب
يغســـل
مفاهيم الزعــل والقطآعه !





:
::
:

[ماجد العساف]

مدينة الكويت

المآرينآ مول .. الساعه 6 المغرب

ناصر بصوت خفيف : ليه لابسه عدسات ؟

بتول : وش فيها يعني ؟ اول مره البس ؟؟

ناصر : هناك غير وهنا غير .. تخلي الواحد يتحسف انه طلعك مكان


جراح : شفيكم ؟

ناصر : ولا حاجه .. نبغى كوفي قريب ..


بتول : ندخل معكم صح ؟


جراح : شرايج ؟؟ مع اني ما احب ادخل مع اهلي هالأماكن .. ؟ لكن عشانكم ..

ناصر عصب من كلمته : دامك ما تحب تجيب اهلك هنا وراك مخلينا نجي
؟؟ ترا ما وقفت على هالمكان ؟؟


جراح : لا هو مافيه شي .. بس كل واحد ووين يرتاح عرفت شلون ؟؟

ناصر : اها ..


تسنيم عامله حالها فاهمه كل حاجه : بتول هناك في محل جناط .. حيل
حلو .. تبين نروح له ؟

بتول تناظر بناصر : ؟؟؟

ناصر : روحي بس لا تباعدي ..

بتول توقف : اوك


/

تسنيم : وش رايك فهذي ؟؟ حلوه صح ؟

بتول : لا وع صغيره .. ابغى كبيره انا

تسنيم : تعالي للمحل الثاني ..

وهما طالعين صادفو شباب .. ولابد شباب وبنات لازم يصير شي من
لقافه او مغازل او رسم شخصيه على حساب الثاني ..

بتول بخوف : تسنيم بنات تعالو من هنا

الرجل : فديت اللي تقول هنا انا .. انتي مو كويتيه ؟

تسنيم توزع ابتسامات ..

بتول : انت قليل ادب ..

الرجل : اهااااااا حبايبنا المملكه ؟؟؟ وانا اقول الكويت شفيها منوره ؟؟

بتول : تسنيم والله ان شافنا ناصر ليتهاوش معهم فكينا ..

تسنيم : وآنآ شكو ؟

بتول تلتفت لهم : اسمعني انت معاه .. ابعدو من هنا لا وربي لأنادي عليكم السكيوريتي



الرجل : ههههههههه خرعتني يا ولد ،، عبالي بتقول الهيئه

الثاني : هههههههههههه

الرجل : والله انج مزيونه .. يرحم امج عطينا وجه والله ما راح اعضج ..

بتول لاحظت ان مافيه فكه فضلت انها تروح لناصر واللي فيها فيها

بتول : آخر تنبيه .. اخواني هناك والله ليتهاوشو معك انت وياه

تسنيم لازالت تبتسم


الرجل : والله لو ابوج هني .. مستعد لأي شي .. و أحد يحصل قمر .. ويروح عنه ؟

بتول طلعت عند ناصر : ..........

ناصر يلتفت لها : ايش فيه ؟؟؟

بتول : ولا حاجه

جراح يناظر بالشباب اللي وراهم رافع حاجبه ويأشر بيده : .....

ناصر : مين تأشر له انت ؟

جراح : الكلاب اللي هناك ..

ناصر باستغراب : لا حقينكم ؟

تغريد بلقافه : ايوه ..

جراح ماسك يد ناصر : اقعد يا ولد .. اذكر الله

ناصر : لا اله الا الله .. ما تشوفهم واقفين ما راحو ؟؟

جراح : لا تحرج نفسك .. بيقولولك الكوفي مو كوفي ابوك .. اقعد بس ،، تبي تمنع الناس ما تشوف ؟؟

ناصر : لا اجل اتركه يناظر بهالطريقه الوقحه ..
عارف كيف .. (التفت لبتول ) تغطي

بتول : ايش ؟

ناصر : غطي وجهك لا وربي تكملي سهرتك في البيت ..

بتول تغطي وجها : افففففففف

ناصر يلتفت للبنات : وانتو ،، !! غطي وجهك انتي ويااها .. خلينا نشوف آخرتها معهم ...



/

/

في قصر أبو دآنه ... فوآز السآمي ..

ام دانه قالت احلى يكون البوفيه مفتوح .. لأن الناس ما حتطول ...

فواز في المجلس عند الرياجيل .. : حي الله من جانا ..

/

في غرفة دانه اكبر حفيدات السآمي ...

دانه: نزله ماني بنازله

نجود : تعوذي من ابليس مافيه احد تحت الا قرايبنا

دانه : ابعدي نجود ترا ماني فايقتلك ،، اصلا انتي اكثر وحده فرحانه اني
ماني موافقه

نجود كتمتها فقلبها وقالت : اسمعيني يا بنت امي وابوي .. كلامك
سكاكين فقلبي .. لكن ابغى اقولك ان سوالفك يا دانه انتي راح تطفشي
منها بعد كم شهر .. وراح تدوري على ابن الحلال اللي يستر عليك
ويحبك .. وساعتها راح تتحسفي انك ما وافقتي على نايف ..

تعوذي من ابليس وصدقيني كل هذا لمصلحتك




دانه : لمصلحتي والا لمصلحتك انتي ؟؟؟ عشان يظل اقرب لك ..


نجود : عارفه كيف ؟؟ الغلطانه مو بأنتي ؟؟ انا الغلطانه اللي ضيعت وقتي معك ..



.


.

[ماجد العساف]

{ نهاية الفصل الثالث عشر
أنتظرو الفصل الرابع عشر[blink] قريبآ [/blink]}

[ماجد العساف]

/

الفصل الرآبع عشــــــــــر

بـ /


بــظهـرِ آلغيـب ’ حبيٺـكہ ، ۈ ۈدعٺـكہ بـ / ظهـرِ آلغيـب
خيـآل ۈ بعـض آلأحيـآن آلخيـآل يكہـۈن بـهـ - حٺفـكہ -

قبـل مـآ آلملـم آلبـآقي مـن أۈرِآقـي ۈ × أغيـب ×
‏آبـي منـكہ طلـب ۈآحـ 1 ـد
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::


نوف بغرفتها والليل خااافت جالسه لوحدها تبكي .. اشتاااااااااقت
لنااااااصر مرررررررررره

فجأه جت الماس تركض وفتحخت الباب : نو ...... !!!

الماس : علااااااامك تبكين ؟؟؟؟؟

نوف تزيد بالبكي : قلت لك مليون مره استأذني قبل تدخلين ..

الماس تحرك اختها : نوف صاير شي ؟؟

نوف : مافيني شي .. ابعدي خليني اطلع اكمل لبسي ..

الماس : اتفاهم معك بعدين .. اتركك تجهزي .. انا تحت وراح اصعد لك بعد شوي ..

نوف بعد ما طلعت لمو جلست تمسح دموعها .. : مو بوقتك ابدا ..


/

المزرعه ..


عزيز : حبيب قلبي والله

بندر : اعجبك انا ..

عزيز : طيب وينهم ؟؟؟

بندر : في السياره .. وانت اللي راح تطلع تجيبهم ..

عزيز : كان كملت جميلك وجبتهم ؟؟

بندر : تؤ تؤ تؤ عاد انا ما احب الطمع ..


عزيز : امري لله ..

علي يتثاوب : وووووووووووين الغرض ؟؟؟ ترا طول علينا .. زمااااااااان عنه .. !

جابر : هههههههه آه فديت لونه يا ناس .. انا ماخذ اجازه من اهلي

قايلهم اليوم عندي شفت في الدوام.. ماراح اجي الا بكره الصبح

علي : اجل نروح لهم وحنا سكارى ؟؟؟ والله ليعلقو رقابنا ..


عزيز: ماانتم رياجيل انت ويااااه .. وش تركتو من خوف للحريم ؟؟؟

بندر باستهزاء: مو زيك .. !

عزيز ناظره وهو رافع حاجبه : انا طالع اجيبهم ..



/

في المجمع الساعه 8 ..

بتول : ياااااااي يجنن مره ..

ناصر : عاجبك ؟

بتول : ابغى 2 واحد لنويف و واحد لنجيد ..

ناصر : ابشري .. عطنا يا معلم 2


بتول تتلفت وتحاكي ناصر بصوت خفيف : وش معلمه نويصر ؟؟
جالسين فقهوه حنا ؟؟

ناصر توهق : ها ؟ مو متعود اتسوق مع حريم .. لا تزعجينا عاد .. هذا
حكيي ،،

بتول : وين جراح والبنات ؟

ناصر : في الكوفي ..

بتول : ناصر بليز ابغى اطلع الكورنيش بلييييييييييييييز

ناصر : بحر المارينا روعه فوق ما تتخيلين .. اذا طلعنا مريناه

بتول : فديت اخوي يا ناس ..


/

قصر ابو خالد

ألماس : نويف والله طفشت .. انا اوريك مره ثانيه راح اتأخر زيك
واخليك تنتظريني افففف

نوف : تحط كريم على سيقانها .. : يعني انا متعمده ؟؟ كنت احاكي ناصر يسلم عليكم


الماس : اهاااااااا عشان كذا كنتي تبكين ؟؟؟ الله يسلمه ،، شخبار تبوله ؟؟ اكيد تسرح وتمرح في المجمعات ؟

نوف : شرب انتي .. ،، يقول ناصر طالعين للمارينا مول .. !


الماس : آه يا حظها .. الجامعه بعد اياااااااام وانا ما غيرت جو اففف

نوف : لو انا ابغى اروح للكويت .. بكلمه مني تلاقين نفسك هناك

الماس بقهر : عارفه والله .. عشان كذا .. خلينا نروح نويف تكفين حاولي فيهم ..

نوف : مممممم افكر واقولك .. (تناظر بالساعه) !!!! ياويلي وربي
تأخرنا .. عييييييب

الماس : الكل هناك .. اتصلت ماما تقول وينكم ؟؟؟ ما بقى الا انا وانتي ..

نوف : سوري حياتي والله الحين اخلص .. عطيني 10 دقايق ..


/


دانه تتصل فعبدالله بس ما يرد عليها .. لأنه بالسياره وطالع للمزرعه
معزوم .. على حفله من نوع خاص ..

دانه : افففففففف هذا وقتك يعني ؟؟ ياويلي لو يدري ان اليوم
خطبتي .. !! يا قلبي يا عبودي ..

ام دانه فتحت الباب : من تحاكين انتي ؟

دانه بغرور : محد

ام دانه : ابوك متحلف فيك .. يقول الحين تنزلين

دانه : بس بس لا يصير فيكو شي .. دقايق وانزل يا قلبي انتي

ام دانه باستغراب : فيك شي انتي ؟؟ ما انتي بصحيه والله

دانه بصوت عالي : يوووووووووووووه انتو ما يعجبكم شي ؟؟؟؟

ام دانه : لا لا لا انا انتظرك برا .. لا تتأخري .. حنا ما صدقنا .. الله
يكملك بعقلك يا بنيتي ..


دانه تحكي مع حالها بصوت هادي : مجنونه انا عشان الله يهديني ..
والله لأوريك يا نجيد الكلبه انتي ونايف الحمار


ام دانه : انتي وش تقولين

دانه وكنها صحت لنفسها : ولا شي ماما .. اقول اطلعي عشان ابغى البس .. !




/


على الكورنيش

جالسين على الكرآسي ..

جراح : انا رايح اجيب بريد تبون ؟؟

بتول بهمس : نويصر .. بريد يعني آيس كريم ؟

ناصر : ايوه هههه

بتول تعلي صوتها : جراح بليز كله كاكاو

جراح : من عيوني .. وانتو ؟؟

ناصر : انا ما آحبه

تسنيم : وانا بعد

تغريد بصدمه : تسنيم خلينا نطلب اللي دايما نآكله فآنيليآ بالكاكاو .

تسنيم تضرب اختها على كتفها : قلت لك ما احبه

جراح : على راحتج

بتول وناصر يناظرو فبعض وبفمهم ضحكه

جلسو البنات بجنب بعض وقام ناصر يمشي عالبحر يبغاهم ياخذو راحتهم شوي ..

آه على من يطير للرياض ويناظر بنويف ايش تعمل الحين ؟ نايمه ؟
والا جالسه تناظر باتلفزيون والا بالسوق والا عند نجيد

والا ذكرتني بهاللحظه ؟؟

انا وش هالتفكير اللي علي .. ياااااوه يا نوف كذا تعملي فيني ؟؟ والله احس

ما بقى بي عقل افكر فيه .. غبت عنها يومين وحالي ماهي حال ..

كثر ما احبك كثر ما ودي ما ابعد عنك .. وارتاح اكثر لما اشوف حبك

لي بعيونك .. كل جلسه لي ولك مع بعضنا ما نسيتها .. لو هي

دقايق .. بس لحظه ؟ معقوله هذي هي الحياه ؟؟؟؟ معقوله الانسانه

اللي احبها وتحبني بجنبي قريبه واقدر اوصلها بأي طريقه ؟؟؟ وين

التعب والفراق اللي يقولو عنه ؟؟ معقوله حياتي معها راح تكون

سهله ؟؟؟ حب وبعده زواج وعيال وبيت كبير !!! معقوله ؟؟؟؟

قلبي ماهو متطمن .. !! والله ماني مرتاااااح .. ربي يحفظك نويف ..



قاطعه صوت جراح .. : صارلك ساعه لوحدك ما طفشت ؟؟
ناصر :ساعه ؟

جراح : اي والله .. حتى البنات طفشو من البحر ..

ناصر : السموحه والله ما حسيتت بالوقت .. يلا مشينا ؟؟

جراح : توكل على الله ..

/

قصر ابو دانه

دانه بهمس .: ماما مين تحت ؟

ام دانه : اهلنا بس ..

دانه : طبعا انا ماراح اسلم عليهم ؟

ام دانه : يا بنت الناس مو مهم .. اهم شي يشوفك عريسك وخلاص

دانه بفرحه بقلبها : والله لأقهرك يا نويف : طيب ماما من بيكون موجود
جوا بالصاله الثانيه

ام دانه : وش هالاسئله انتي وياه وابوك ..

دانه : لااااااا ماما ماراح ادخل الا ونجود معي .. اخاف اناا استحيييييييي

ام دانه : خبله انتي ؟؟ وش يجيب نجيد لكم .. عيب والله اني مستحيه ادخلها ..


دانه : والله عاد انا علمتك .. هذا شرطي ..



/

نايف جالس بالصاله ينتظر دانه .. وهو يقول فقلبه (ليه كل هالحركات
يا ناس .. عارفها وشايفها .. ليه اتعبوني اكثر ؟؟ )


جالس يفكر ..


اما ابو دانه وابو خالد راحو يودعو الرياجيل اللي هناك لان زمان تعشو
وانتهو ..


ام دانه : ماما نجود .. اطلعي الصاله اللي تحت وبخريها كويس .. نايف
و دانه راح يجلسو فيها ..

نجود وكن فيه شي يقطعها من داخل .. ما تحس بوجود قلبها ..
تحسه بمكان ثاني ماهي بعادته .. : ابشري ..



/

نزلت تحت بعد ما طلعو النسوان ( خلاص ؟؟ راح تزوج يا نايف ؟ الله
يوفقك ويوفق اختي .. يا رب يا رب يا حبيبي ترزقه على قد نيته ..
وتخلي اختي حبيبه معاه ولا تكدره يا رب ) سرحت بتفكيرها و فكره
نجيبها وفكره توديها ..



دخلت بهدوءها الغير معتاد .. دايم نجود تحب الحركه والنشاط

والضحكه اللي دايم على شفايفها ..

لكن اليوم غير .. طبعا قدام الكل الابتسامه ما ابتعدت عنها ثانيه
وحده .. لكن الحين خلاص تركت قناعها فوق ونزلت بوجها الطبيعي ..
وجها البريء اللي مرسوم عليه الحزن .. والظلم .. وكل معنى قاسي في الحياه


دخلت الصاله والبخور فيدها .. وصلت للنصف .. وبعدها صحت لحالها ..
لقت واحد رامي راسه على يدينه من التعب .. لكنها اعرفته .. ايوه
عرفته .. نايف .. هذا جسمه وهذا طوله وهذا هدوءه وهذا عطره اللي
تارس المكان ..



وقفت بمكانها بهدوء وبيدها المبخر ماسكته بيديها الثنتين .. وحست
في عينها دموع تتزاحم تبغى تطلع .. لكنها حست حالها اقوى
ومسكتهم ..

رجعت لورا بخطوات مش ثابته .. رجعت لورا تبغى توصل للباب
بسرعه .. لكن مكان فيه نجود ونايف لازم يحسو فبعض ..


رفع راسه نايف .. وناظرها باستغراب .. وقبل ما تطلع .. بصوت واحد : نجووووود

نجود غمضت ووقفت مكانها .. كرهت حالها انها نزلت .. وش راح يقول لها الحين ؟

نايف وقف وراح لها : نجود ؟

نجود خايفه من قرب المسافه : نـ نــعم

نايف : ما فيه مبروك لولد عمك ؟

نجود بغصه ليه يا نايف ليه : مبروك


نايف : عيونك ذبلانه .. ووجهك اصفر .. وشفايفك ترتعد بالثانيه الف
مره .. ودموعك اشوفها وهي جوا ..

وش تفسيرك لهالكلام يا نجيد ؟


نجود بصوت مرتعد : مافيني شي .. بس تع

نايف : تعبانه ؟

نجود تنزل راسها : ايوه

نايف : انتي تعملي حالك قويه وانتي الهوا يطيرك .. ياليت اللي فبالي ما كان صح .. (تنهد بقوه)

ليه يا نجود تركتيني كذا ؟ والله لو عارف مشاعرك زمان كان ما فرطت فيك ثانيه وحده .. يا نجيد (تغير صوته)

يا نجيد انا ... والله ماني عارف كيف اقولها ..

لكن الله يوفقك ويكتب لك الخير في كل خطوه تخطينها .. يمكن
هاللحظه آخر مره احكي معك فيها بصراحه لأن من بعدها .. بيني
وبين اختك كتاب ربنا اللي يخليني ما اتهاون فيه واخونها فيه حتى لو بنظره لك ..

يكفي انك اختها .. وهذا اللي معور قلبي اكثر .. اذا افترقنا لا تزعلي
لأن بيوم بنجتمع .. واحلفك بالله ما تبكي ..



نجود لو ترمش دموعها راح تنزل .. لفت تبغى تهرب .. تهرب من كل
شي : لكن حركة نايف خلتها تبكي بقوه



مسكها نايف بقوه مع كتوفها .. وكنها يبغى يصحيها : الحب بالنسبه
لي يجي مره وحده وانا حبيتك ويعلم الله اني ما تركت الفرصه تروح
مني الا لما اجبرت اني عطيت عمي كلمه .. والا والله ما اتركك .. الله
يقدرني ويساعدني اسعد اختك .. واللي ابغاه منك تنسيني لاني
والله احبك ولا ابغاك تتعذبي .. عشت اللي عشتيه وتعذبت اكثر منك
لأن القرار كان بيدي ..



نجود تبعد يدينه عنها : ابعد نايف اوجعتني (جلست تبكي) انت تقول
اشياء غلط انا اصلا ما احبك انت زي اخوي (جلست تبكي بقوه
وبصوت اعلى)



نايف بصوت اعلى وكن عيونه صارت فيها لمعه غريبه ؟ : نجود ؟
احلفك بالله ما تزعلي مني .. لا تبكي .. فاهم ومقدر موقفك .. ارضينا
الكل على حساب نفسنا ..

نجيد فكت نفسها منه ..

نايف : فمآن الله

نجود : ركضت لفوق .. خافت اهلها يشوفوها وش يقولو ؟؟؟ طلعت
لغرفتها وقفلت الباب وجلست تبكي وتبكي وتشهق .. حست راح
تطلع روحها ..

نجود تبكي : لااااااا ما كنت ابغاك تحكي .. ليه تتكلم لييييييه يا نايف .. (تبكي) ليه يا نايف ؟؟

[ماجد العساف]

/
/



الهنوف والعنود : والله لندخل،، حلوه هذي كمان ؟

نوف : يا عمه اتركيهم يدخلو حنا اهل .. وش دعوه ..

ام دانه : كيفكم اعملو اللي تبونه

نايف بالصاله .. من طلعت نجود وهو واقف ما جلس : .......


خالد : علامك نايف ؟؟ اجلس يا بن الحلال .. اللي يسمعك يقول
ناس اول مره نشوفهم ؟؟

نايف : لا عادي مافيني شي ..

خالد : واضح .. ناظر بشكلك في المنظره

نوف حست بنايف : بالعكس يجنن اخوي فديته .. بس هذا طبيعي ..

خطبه هذي مو لعب

خالد : حكت الفيلسوفه ..

نايف : مو كنها طولت ؟

نوف مستغربه وش فيه هذا ؟؟؟ ما تدري انه يبغى يخلص من
الواجب ويطلع يركض يهرب من اللي هو فيه : الحين تنزل !!


/

دانه قلت لك والله ما ادخل الا لما تجي

ام دانه : الله ياخذ هالوجه .. ارسلت لها الخادمه تقول نايمه

دانه بحقد (نايمه ولاا ما تبغى تشوفني وياه ؟؟) : وهذي قعده ..
ماني بقايمه الا لما تجي اختي ..

ام دانه طلعت على السلم تركض .. : نجود ؟؟؟ نجود ؟؟؟ (تضرب
الباب )

نجود بعد ما ارتاحت شوي فتحت الباب : نعم ؟؟

ام دانه : دانه فضحتنا تحت تكفين تعالي

نجود باستغراب : وانا وش دخلني ؟

ام دانه : تقول ما هي داخله الا معك .. خايفه ..

نجود وقلبها يضرب بقوه : انا ؟؟ صاحيه هذي ؟؟

ام دانه : كيف ؟

نجود : ماما انا تعبانه

ام دانه تترجى بنتها : تكفين طلبتك نجيد .. فكيني من سوالفها
وانزلي .. بس شوي واصعدي

نجود ما حبت ان امها تترجاها اكثر ضغطت على نفسها : ابشري ..

ام دانه : الله يخليك لي ..

نجود عدلت المكياج ومسحت الكحل اللي نازل وحطت كحل وثبته ..
وزيت الشدو .. وزادت الروج ..

ونزلت بسرعه ..


/

نايف يناظر بالموجودين .. الكل موجود هنا ما عدا ام دانه ودانه
ونجود .. متأكد ان نجيد ماهي نازله ..

التفت لقى الهنوف والعنود يناظرو فيه ابتسم لهم ..

نايف يحاكي نوف : نويف وين الريم ؟؟؟

نوف : هناك عند نوره

نايف : ناديها بالله

نوف : انشاء الله

وفجأه

دخلت دانه وكان شكلها مره حلو .. طووووويله وجسمها يجنن كان
مره باين عليها الرشاقه والتناسق .. وسمارها البرونزي طالع روعه
مع الميك أب وفستانها أخضر روتانا ..


نايف يناظر بورى دانه يدور على نجود .. بس مالقاها ..

نجود عملت حالها داخله مع دانه .. وتركتها تدخل لوحدها ..بعدين تجي هي ..

نايف فقد الامل .. وكان توقعه في محله .. ابتسم لدانه ابتسامه بارده
مرررررره وكانت تناظر فيه نجود من براااا


الكل كان يلولش ويضحك ويرقص ..


ام خالد : ههههههههههههههه اول مره اشوف خطبه زي كذا

ام دانه : اي والله صادقه .. بس والله احلى

نوره : اي والله دايم الخطب تكون ممله ومتوتره .. هذي غير ..

الريم واقفه بعيد .. ناداها نايف ..


دانه فقلبها .. قليل ادب انا بجنبه ولا عطاني وجه ورايح ينادي البزر

نايف : هلا ريومه وينك من الصبح ما شفتك ؟

الريم فررحانه حتى فخطبته ذكرها : موجوده .. بس .. (استحت)
مبروك نايف .


نايف : ههههه الله يبارك فيك يا قلبي .. عقبال ما ابارك لك ..
الريم استحت مره وراحت ..


دانه (بعد تقول لها ياقلبي .. كل الناس قلبه .. مالت عليه ،، وهذي وينها الكلبه قالت لي بدخل وما دخلت)



دخلت نجود .. والكل عادي ما انتبهو اصلا ما عدا ثلاثه .. (نايف ودانه نوف)


هالثلاثه كلهم كانو يناظرو بنجود اللي جايه من بعيد بابتسامه تسحر .. تخفي وراها حزن مدفون ..

ابتسامتها كانت ماليه وجها ليما جت عينها فعين نايف تغير وجها
وكأنها تتذكر حكيهم اللي ما مر عليه حتى الساعه

نوف : نجيد .. طالعه قمر فديتك ..

نجود : تسلميلي يا قلبي ..

نوف تبغى تهدي الوضع .. امش نبارك

نجود بصوت هادي : ما ابغى .. اخاف نويف

نوف : نجيد .. ترا دانه حاسه .. امشي

نجود : وش حاسه انتي .. ؟ البنت متأكده ..

نوف .. : اجل امشي معي وبس ..

نايف يناظرهم من بعيد وهم جايين يباركون ..

نوف بصوت عالي عشان الموسيقى : مبروووك نويف واخيرا بتعرس .. ضمته بقوه

نايف وهو ضام نوف يناظر بنجود اللي صارت قدام وجهه : نويف لا يطبع روجك على الغتره

نوف : هههههه .. فديت اخوي يا ناس طالع قمر .. الله يوفقكم يا رب ..


سلمت على دانه عادي وطلعت

نجود وقفت قبال نايف ما تدري وش تسوي : مبروك نايف

مد يده نايف : الله يبارك فيك .. وعقبال ما نفر ( قلبه عوره وما كمل
جملته ،، حس كأنه يدعي على نفسه كيف نجيد تاخذ واحد ثاني)


نجود استغربت انه وقف عن الحكي وللحين ماسك فيدها بس هي
سحبتها بسرعه وسلمت على اختها وطلعت لغرفتها تركض ..

أحاول !!
أخفي إحساسي

ولكن بالعشق مفضوح ..
تشوف الفرحة في عيني

أحبك بالعقل وبالروح ..
احبك حب مااقدر

اعاند فيه احساسي ..
لقيت الحب شي اكبر

من إني آخذ انفاسي ..

/


شقة ابو تركي

الجوهره : اليوم خطبة نايف اخوي نوف .. على دانه

ساره : مين دانه ؟

ام تركي : دانه الكبيره بنت فواز ..



ساره : يا حليلهم .. الله يوفقهم

ام تركي : اول بنت تزوج من السامي .. اللي سبقها بس خالد ..

ساره : خالد مين ؟؟

الجوهره : اففف كل دقيقه تقول مين ومين

ام تركي : خالد اخوي نوف .. وش فيك ساره ..

ساره : وانا شعرفني يمه .. اللي يسمعك يقول امس متغدين
معهم .. تحسسو الواحد انه فاقد الذاكره


ابو تركي دخل عليهم : السلام عليكم


الكل : وعليكم السلام .. هلا وغلا

ابو تركي : هلا فيكم ..


منيره ام تركي : ها بشر ؟

ابو تركي وجهه لوحده يحكي : خير ان شاءالله

الجوهره : ها يبه ؟

ابو تركي : مالقيت اليوم وظيفه بكره القى .. الله ما ينسى احد ..

.......... : سبحآنه



راحت الجوهره غرفتها .. و كل دقيقه يطري عليها تركي .. اشتقت

لك مره وربي .. متى ترجع ياخوي .. ارسلت له مسج ونامت ..

يــا خـــوي
أنت آلسند [ حزة الضيق ] ~

وَ أنتَ الذيّ يغني الناس
عن | ظله !

الطيب يرفع من مقآم المخآليق
وأنتَ بْـ / طيبك ’ ترفع الطيب كله !

/

/

في المزرعه ..

وبوسط دهشة ديلار الخادم اللي في مزرعه ابو سالم .. !!

ديلار يناظر بالكل : متسدحين .. ويضحكو على اتفه الاسباب ..

وهناك بالزاويه عند المطبخ واحد واقف ويحاكي حاله ..

ديلار : !!!!


عزيز مكيف مررررررره .. شرب شرب شرب ليما طاح وراح فنومه ..

عقول فآرغه .. تدور على الغلط وتركض تعمله .. والحلال قدآمهآ و
لأنه حلال يشوفوه سهل ويبعدو عنه

هذا الانسان وهذي طبيعة اغلب البشر فيه .. كل ممنوع مرغوب ..
وكل ممنوع هو اول خيار يجربوه .. ويكتشفوه ..

الله لآيبلآنآ ..


/

الخطبة تمت .. ومر هاليوم ثقيل على الكل .. البعض ثقيل على قلبه
من الحزن والبعض ثقيل على جسمه من التعب ..



جت الساعه 1 بالليل ,, دخلو اهل ابو خالد البيت

صعد خالد جناحه

طلعت نوف ونايف وحمودي لغرفهم فوق ..


نوف حست بنايف عنده حكي يقوله ..

نوف قبل ما تدخل غرفتها .. : نايف تبغى شي ؟؟

نايف واقف على باب غرفتها : ......

نوف : ؟؟؟؟؟

نايف : لا لا سلآمتك ..

نوف : تصبح على خير ..


/

نجود ونايف .. تعبو مره .. نفسيتهم كانت مره بالارض .. تعبو من
التفكير .. تعبو من البحث عن حلول ..

سلمو امرهم لله وتوكلو على الله وتأكدو ان كل انسان راح يآخذ حقه
عآجلآ غير آجل ..

تمدد نايف على السرير


اتصلت نجود بنوف .. و كانت عاليه مره نغمة نوف ..

نوف : هلا نجيد ؟

نجود : تعالي شوي ..

نوف : عارفه انك راح تتصلي وتقولي تعالي .. جيت عند بابك بس مارديتي علي


نجود : سمعتك بس استحيت افتح

نوف بخوف : نجود تبكين ؟

نجود : تعالي نويف .. تكفين .. انا شوي وانجن

نوف تسمع طق على الباب : مين ؟

نايف : انا ؟

نوف بقلبها كملت نجود على الخط ونايف على بالباب : تفضل

نايف وكن شكوكه فمحلها : مين تحاكي بهالليل ؟

نوف : ها ؟

نجود : لا تقوليله نجود ..

نوف وقفت خايفه .. كنها عامله عمله ..

نايف : اذا خلصتي من نجود ابغاك برا ..

نوف : طيب ..



/

نجود : ليه تعلميه

نوف : هبله انتي ؟؟ انا ما قلت شي .. هذا وانتي جالسه تسمعين كمان

نجود : اكيد أشرتيله ..

نوف : كيف يعني ؟؟ أمثل طريقة وجهك مثلآ ؟؟؟

نجود : هههههههه

نوف : فديت الضحكه انا .. يلا اخلص من نايف واجيك طيااااااااره ..

نجود : جآو ..

/
/



نوف لبست بيجامتها .. وطلعت له : هلا نايف ؟

نايف : ابغى اسافر .. احس راح اختنق ..

نوف : وين ؟


نايف : مادري وين .. اي مكن ان شاءالله جزر القمر

نوف : ليه طيب ؟

نايف : نوف لا تعملي حالك غبيه .. انا ضايقه فيني الارض .. احس
ودي اشق ثوبي ..

نوف : طيب روح لناصر في الكويت ..

نايف : ناصر هناك ملتزم بعمه واهله .. وانا طالع ابغى ارتاح ..

نوف : خلاص سافر لمكان ثاني ولا تعلم احد

نايف : وين اروح ؟

نوف :تبغى بعدي والا قريب؟

نايف : لا قريب .. عارف حالي .. يومين وراجع .. ما احب السفر ..

نوف : سافر .. مصر .. ؟؟ او لبنان .. ؟
نايف وقف ..


نوف : وين ؟؟

نايف : طالع اجهز شنطتي يومين مصر وجاي .. لا تخبري احد ..

نوف : انتبه لحالك نايف .. واذا وصلت بلغني ..

نايف : ابشري .. بس انتبهي لجوالك ..

يتعبنا الهوى دايم وتتعبنا مشاويره
ويجيك من الهوى ظلم كثير كثر ما جاني

ترى ما للهوى أسباب ترى ما للهوى ديره
ولكن لا غابت عيونك بربك كيف تلقاني



/



نوف رآحت لنجود .. ..


دخلت القصر اللي كان مليان ازعاج .. وكان هادي مرره

طلعت فوق بهدوء لقت نجود متمدده على الصوفا


نوف : نحود ؟

نجود قامت : هلا نوف ..

نوف : وش في شكلك كذا تقولي مدمنه ؟؟

نجود : وش كان يبغى منك نايف ؟؟

نوف : انا وين وانتي وين ؟ احاكيك انا ؟

نجود : مافيني شييييييي .. ما قلتيلي وش يبي ؟؟

نوف تجلس : نايف طلع المطار يبغى يروح لمصر يومين ويجي ؟؟


نجود : ليه ؟

نوف : اول مره اشوف نايف كذا .. انا مستغربه على كثر السنين اللي
قضيتها سوالف واسرار معاه ولا مره حكالي عن حبه لك .. كنت اعرف
من تصرفاته .. لكن اليوم احس صمت السنين كله طلع فجأه .. ياااي
يا نجود صعبه تشوفي اخوك ضعيف وماله قدره يعمل حاجه الا انه
يهرب من واقعه .. عور قلبي .. ودي ابكي .. انا مادري كيف خليته
يسافر ياليتني منعته ..

نجود تتنهد : ربي يرجعه بالسلامه ..



يرحم الله والدينـك لاتطـوّل = السفر ماهو لزومٍ أو ضـروره

كان قصدك بالسياحه والتجوّل = عدّني ذاك المكان اللي تـزوره

قم فديتك من خفوقي لاتحـوّل = دوك قلبي من جذوره لي جذوره

صابني شيٍ من الضيقه يهـوّل = بالغٍ في داخلي كل الخطـوره

راحو لغرفة نجود ..

نوف : .. تعبانه مره .. وانتي كمان ارتاحي ..

نجود : آه كل شي يوجعني .. تصبحي على خير نويف

نوف تضم المخده : تلاقي خير يا قلبي ..



محتاج .. رآحه / ظِل / أحلام / مدري !!
............... عن إذنكم ياناس ...... [نوم إضطراري ]



..
.

[ماجد العساف]

يتبع الفصل الرابع عشر

.
.
الكويت ..


اشتقت لك واشتقت لأيامك ..


/

ناصر : هلا هلا وعليكم السلام ..

نايف بصوت مبحوح : هلا فيك كيفك

ناصر : عسى ما شر وش فيه صوتك ؟؟

نايف : أبد ما شر .. بس انا في الفندق في المملكة ..
وانتظر بعد ساعه طيارتي لمصر

ناصر : نعم ؟

نايف يكح : اللي سمعته يا بو سلمان

ناصر : نايف احلفك بأغلى ما عندك يا رجال وش فيك ؟ ترا دقايق بالطياره وحنا عندك

نايف : شدعوه نويصر والله ما فيني شي .. بس ضايق وقلت اسافر

ناصر : من متى تسافر فجأه ؟؟ اخبرك تكره السفر ؟؟؟

نايف : آآآآآآآآخ .. خلها على ربك

ناصر : يا ويلي عليك يا نايف .. بلاك من نجود ؟ اذا ماني غلطان

نايف سرح وجلس يناظر بشنطة المره اللي قباله

ناصر : الو ؟؟؟

نايف صحى : ههههههه نويصر احراج جالس اخز شنطة المره سرحت وهي مستغربه شككتها بنفسها ..

ناصر : خل عني المره وشنطتها لا تضيع السالفه ..

نايف : ايه ايه يا ناصر نجيد .. ارتحت ؟

ناصر : وراك معصب .. هذي الحياه يووم لك ويم عليك .. تذكر لما كنت اقولك لا توهق نفسك . واهم ما عليك حياتك و

نايف : يرحم والديك لا تكمل درينا انك نصحتني .. بس انا ما اقدر ارجع فكلمتي لو ايش ..

ناصر : حتى لو على حساب نفسك ؟

نايف : حتى لو على حساب نفسي يا ناصر وانت عارف هالشي

ناصر : ........

نايف : تامر على شي ..

ناصر : ابد سلامتك لا وصلت عطنا ألو ..

نايف : الله يسلمك .. عساي ما انسى .. ادق على نويف ..

ناصر فز قلبه : كيفها ؟


نايف بحنان : طيبه الحمد لله

ناصر تغير وجهه : عساه دوم .. سلم لنا عليهم كلهم .. وما تشوف شر ..


سكر الخط ناصر .. وجت فباله نوف جا بيتصل فيها بس انحرج ،، ورمى الجوال على السرير ..


والله يا نويف خايف اني انا اللي فاقدك .. قمت اخاف انك ما تفكري فيني او تنسيني ..
اففففففف وش هالتفكير .. ان جلست هنا راح انجن



ما للغياب اعذار غير المقادير
لو ما فقدتيني انا اللي>>> فقدتك<<<

/

/

قصر ابو خالد .. الرياض

محمد : صباااااااخ الخير

بو خالد + نوف : ههههههههههههههه

ام خالد : اهلين حمودي .. بابا قول صباح الخير ماهو صباخ

محمد يجلس على الكرسي : ما اعرف

نوف تبوسه : يا لبى كلك .. كل شي يطلع منه حلو

خالد دخل : السلام عليكم

الكل : وعليكم السلام

نوف بقلبها (ياربي ليه كل ما يدخل هالبني آدم يحرك معه كل شي احس تصير ضجه بجيته مع ان كل شي ثابت !!) :

وعليكم


خالد : يا تردين السلام بنفس يا ..

نوف : الحمد لله شبعت .. انا طالعه السوق بابا تامر بشي ..

ابو خالد : سلامتك ..

خالد : سلامات .. السوق بهالصبح ؟؟ رايحه تفتحي ابواب المحلات ؟؟

نوف بأدب : لا بس الجامعه بعد بكره .. ورايحه اشتري كم حاجه ناقصتني ..

خالد وهو يشرب الشاي : مع مين ؟

نوف ملت من اسئلته: نجيد و باقي البنات

خالد : يا كرهي لحركات البنات وتجمعاتهن .. مليون وحده يمشن مع بعض ..

نوف : بس حنا مو بمليون حنا 3 بنات

خالد : والباقي ؟؟ الله هاديهن ؟؟

نوف برفعة حاجب : تامر بشي ابو فيصل ؟

خالد : سلامتك ..

نوف سحبت العباية وطلعت .. (اف منك كل شي لازم تعلق عليه .. ولا كأن فيه ناس اكبر منك .. اتخيل نفسي عايشه معك لوحدنا والله ليقتل الواحد الثاني .. الله يخلي ماما وبابا ولا يحرمني منهم )


لمو تركض على السلم فبجامتها وشعرها القصير :
نوووووووووويف .. لا تنسين اللي وصيتك
ههههههههههههههههه

نوف بقلبها (الله يفضحك) : اوكي .. بس اسكتي

حمودي : حتى انا ابغى نوفه

نوف : ههههههههههههه ابشر ..


/
/

بالسيارة ..

نجود + العنود ..


نوف دخلت سلمت وجلست : آه

نجود : يلا تحرك

العنود : وش فيك تأخرتي .. ؟؟ يا شينك

نوف : سوري بس وربي ما خلصت من خالد واستجوابه

العنود : الله يعينك ..

نوف : وش فيها اللي بجنبك

العنود : صار لها كم يوم ماهي عاجبتني ..

نجود : العنود لا تألفي مافيني شي .. (نجود تكمل بزعل) :
نوفه ليه امس طلعتي وتركتيني

نوف : والله نجيد رجعت القصر خذيت دوش وقلت برجع لك لكن اغراء السرير كان اقوى مني ومنك

نجود : ما علينا اي مول رايحين ؟

نوف : عندي كم شغله بكملها في المملكة والباقي عاد بالفيصلية ..

مع حركة السيارة ودورانها حول النافوره الخارجية .. ارخت

نجود راسها على المرتبة وجلست تتذكر


/
/

فيلا ابو جراح ..


بتول بتعب : ماما ساعديني ..

ام سالم تجلس فوق شنطة الملابس الكبيرة .. : يلا
سكريها

بتول : هههههههههه ماما انتي مره فله .. اللي يشوفك ما يققول عجوز عندك 5 عيال ..

ام سالم بعصبية : عجوز يا اللي ماني بقايلة .. استحي
على وجهك جايه اساعدك

بتول تجلس فحضن امها : هههههه امزح معك يالغالية وربي
قمر اللي يشوفك يقول اختي مو بأمي ..

ام سالم وكأن ثقتها بنفسها ارجعتلها : تعدلي يا بنت ..


بتول توقف : اقول ماما .. انا طفشت من هالبيت واللي

فيه .. اهلنا في الرياض ابرك منهم وارقى بالمره

ذيلا مره سوفاج ..

ام سالم : هذا وهم سعوديين يحتقرونا زي كذا .. بس والله
الديرة واهلها مره فريندلي ..

بتول باستغراب ممزوج بضحكة : ههههههههههه احلى ماما تحكي انقلش ..

ناصر يدق الباب : فديت الأخضر واللي لابس اخضر

ام سالم : هلا وغلا بوليدي .. وينك ؟

ناصر : ترا بعد 3 ساعات طيارتنا ..

ام سالم : طيب انت وين رايح ؟؟؟ الغدا بعد شوي

ناصر : لا ابغى اتغدا برا .. اهم شي جهزو كل شي على
شان نطلع للمطار بسرعه

بتول تمسك يد ناصر : بليز نونو حياتي خذني معك

ناصر : والله لو تدلعيني من اليوم لبكره مافيه جيه .. ابغى
هدوء .. وشكلي معطيك وجه زياده عن اللزوم

بتول بدلع : انا اختك الوحيده لازم تدلعني اصلا :(

ناصر : لا جد طالع شوي واجي ..

بتول : طيب لا تأخر اشتقت للرياض

ناصر : اشتقتي لها بعد المولات والتسوق .. بعد ما خلصتي بضاعة الكويت ؟؟ يااوه يا الحريم

بتول : خخخخخخ

/


طلع ناصر بسيارة جراح اللي نايم في الفيلا .. حب يتمشى
لوحده ما يدري ليه .. لكن حس بضيقة وناصر من النوعية
اللي لو يجلس لوحده عادي

يعشق الهدوء والخلوه ..

ناصر يطلع الجوال من جيبه ويتصل لا شعوري (حب هالرقم وحب راعيته )


ناصر ساكت يبغى يسمع صوتها : .........


نوف : ألو ..

ناصر : .......

نوف باستغراب : ناصر ؟

ناصر : يا عيون ناصر ..

نوف : خوفتني الله يسامحك

ناصر : ويسامحك انتي بعد

نوف : افا ليه وش سويت

ناصر : والله مادري .. بس الله يسامحك ..

نوف : كيفك ناصر ..


ناصر سمع صوت رجال بجنبها : طيب الحمد لله نويف وش هالصوت ؟؟

نجود تحاكي صاحب محل الشنط .. : عطني 2 ماكس فاكتر

نوف : انا في السوق ..

ناصر : ومن صوته هذا ؟؟

نوف : مادري يمكن صاحب المحل .. ليه ؟

ناصر : .......

نوف : ناصر فيه شي ؟؟

ناصر بضيقه : مافيني شي ..

نوف بصوت باين عليه الاستغراب : طيب ليه تحاكيني كذا ؟

ناصر : نويف انا مادري وش فيني .. لا تزيدين علي

نوف : انت وينك ؟

ناصر نزل من السياره ويسكر الباب ويعدل السماعه فأذنه :
انا نازل فرايديز


نوف جت بتتكلم بس سكتت : لا و

ناصر : وش فيك سكتي

نوف : فيه بنات ؟

ناصر بعصبيه : رايح مرقص انا .. والارايح عشان البنات ؟؟؟


نوف تبعد عن البنات : ناصر مليون مره اقولك لا تحاكيني كذا .. اففففففف باي


ناصر بصوت عالي : لا تسكرين انا اكلمك


نوف شوي وتبكي : ما اقدر اسكر اصلا


ناصر اوجعت قلبه : عارفه كيف .. ؟ انا راجع سيارتي وبجلس فيها زين كذا ؟


نوف : ناصر خلاص عاد .. طلعت مني عفويه .. لا تزعل بليز .. انت عارفني ..

ناصر : يا قلبي قلبك .. عارف بس انا ضايق بملابسي .. احس بنجن

نوف : اسم الله عليك .. وش فيك ناصر ..


ناصر جالس في السياره : برجع الرياض بعد كم ساعه ..
وبظل منقطع عنك .. وش هالحياه .. اشتقت لك والله اشتقت لك

اول اقول اني متضايق عشان امي وابوي .. الحين انا جالس معهم .. وللحين ضايق

وش تفسيرك لذا .. غير ان انتي قريبه وبعيده بنفس الوقت ..

وربي يا نويف احسد السواق واحسد حتى صاحب المحل
اللي قبل شوي .. امانه يا نويف ماهو شي يفشل ؟؟

والا من يفكر بكذا الا واحد منتهي قاضي .. ؟؟



نجود : نووووووووووووف تراك ازعجتينا لا خلصتي شغلك ولا خلصنا شغلنا .. مين تكلمين ؟

نوف : ناصر

نجود سكتت : طيب انا ودوده هناك

ناصر : نويف نويف

نوف : هلا ..

ناصر : انا عطلتك .. اسمعيني نويف انا مهما قلت ومهما
زعلتك هالفتره اعذريني وامسحيها فوجهي تراي والله
ماعندي احد احط حرتي فيه الا انتي ..

وكله اصلا بسببك .. انتي عارفه وش كثر احبك واغار
عليك .. وانقهر اكثر اني ماني عارف وش حالتك ولا اخبارك ..

نوف : ابشر يا ناصر ما طلبت شي ..

ناصر : تبشرين بالجنه يا قلب ناصر انتي .. سلميلي على البنات وما تشوفين شر ..





ان تفرقنا وخانتنا الظروف
والمسافة كل يومن تتسع

كل ما خطيت من اسمك حروف
اذكرك واقول يارب نجتمع

/

/

شقة ابو تركي ..

الجوهره : يمه تكفين يمه

ام تركي : لا يعني لا .. انتي ما تفهمين ؟

ساره : يا شينك يا الجوهره لا صرتي زي البزر .. دام امي
رافضه انسي تقتنع

الجوهره : يمه تكفين والله ماراح اطول عندها ساعه وحده

ام تركي : الجوهره اسمعيني انا ماني ناقصه خالتك والا

خوالك يجون ويقولون وش جايب بنتك فبيتنا


جايه تشحذ والا قطة وجه بس


الجوهره : لو تركي هنا كان وداني .. عزاه يا تركي .. آه

ام تركي : تركي صار له كم يوم ما يدق ..

ساره : الغايب عذره معه ..بعدين اكيد انشغل بهالدوره

ام تركي : قلبي ما هو مرتاح

الجوهره بتريقه : عاد امي توها شايفه فلم عربي .. ها يمه
وش قلتي

ام تركي ماسكه راسها : ساره ابعديها عن وجهي .. ما
ابغى ازعل عليها

الجوهره تطلع وهي معصبه : اف كل شي في هالبيت لا ولا




/

/
/

قصر سامي السامي ..

كالعادة الهدووووووووووووووووء مالي المكان .. والقصر رغم

جماله وفخامته اللي مالها شبيه الا في الاساطير
الا انه جامد ومافيه حياة ..

سامي جالس على سريره متمدد


سلمى توها تدخل الغرفة . (غريبه ابو راشد وش فيه اول مره يرقد بهالوقت ؟؟؟ )

سلمى : ناظرته من بعيد لقته يرجف ..

سلمى عرفن انه جالس يبكي ..

سبحان الله الواحد كل ما يكبر في العمر قلبه يحن و يصير لين مره .. لدرجة ان الواحد ما يعرف حاله

سامي حس بوجود ام راشد : (جلس يتمتم بكلمات ماهي مفهومه)


سلمى : سم ؟؟ وش قلت ؟؟

سامي بهدوء : وهو بنفس الجهة حاط يده تحت راسه : انا
فرقت عيالي عن اخوانهم .. وحاولت ابعد احفادي عني
لانهم قالو الحقيقه

الواحد ينصدم لما تجيه النصيحه من شخص اصغر منه بالعمر ..

اليوم هذاك لخبط كل شي .. كرهت الطلعه كرهت كل
حاجة بسبة هالناصر .. ذكرني بأشياء كثير ناسيها او في

الحقيقه احاول اتناساها مع انها مطبوعه في الذاكره


ام راشد فضلت السكوت لأن باين على سامي انه يبغى يفرغ صمت كل هالسنين ..


سامي : حاولت اعتذر منه بأكثر من طريقة لكنه عنيد .. وعزته فوق كل شي مع انه مفروض

يشيل الحواجز اللي بينا ..

(بنبرة عالية )وش يبغاني اسوي اكثر من كذا ؟؟

سلمى : اذكر الله يا ابو راشد كلنا نغلط .. خلاص انت
سويت اللي عليك .. لا تحمل نفسك اكبر من طاقتك .. ترا جسمك له عليك حق ..

سامي : اذا احد اتصل كالعاده قولي نايم طالع اي حاجه ..

/
/
/

قصر ابو خالد

خالد : نوره جيبي غداي بسرعه

نوره : ابشر

ابو خالد : انتظر شوي نوف هذي هي هنا .. قربو

خالد : يبه والله تأخرت على الشركة .. ابغى اتغدى بسرعه واطلع

ابو خالد : على راحتك .. جيبيه يا ام فيصل

نوره : سم

تغدا خالد وجا بيطلع .. فتحت الباب نوف ونجود ..

خالد نزل نظارته الشمسيه : السلام عليكم

نوف +نجود : وعليكم السلام

خالد : كيفك نجيد ؟

نجود : تمام

خالد يلتفت لامه وابوه : فمان الله

..

نوف تبوس راس ابوها : ماما وين الغدا جوووووووووعانين

ام خالد : 5 دقايق وكل شي جاهز

نوف : كان خليتينا نتغدا في المول ..

ابو خالد : افا وانا وامك مين يتغدا معنا ؟؟

نوف : وفيه احد يفوت فرصة زي كذا ..

نجود تهمس لنوف : نوفه انا بطلع فوق

نوف : طيب تغدي ما كليتي شي ..

نجود : مالي نفس والله .. اذا خلصتي تعالي



/
/

طلعت نجود بالاصنصير .. وهي تناظر بكل حاجه
فهالبيت .. !!

كل شي فهالقصر مر عليه نايف .. كل حاجه هنا لمسها .. كل حاجه هنا عطره مر عليها ..

مشت فالممر الطويل .. وجالسه تناظر فغرفته من بعيييييييد

قربت تدخل غرفة نوف .. بس وقفت .. ظلت ملتفته
بجسمها لجهة غرفة نايف .. نزلت دمعه سريعه وكنها تهرب

مسحتها بسرعه

وقربت بخطوات بطيئة لبابه .. فتحت الباب وجتها لفحه قوية
من ريحة عطره .. تنهدت بقوه ودخلت


شغلت الاضاءة .. الغرفة راقيه ي صاحبها .. !
الغرفة هاديه زي صاحبها .. !
الغرفة معالمها واضحه زي صاحبها .. !

لكن الغرفة موجودة بعكس صاحبها ،

ليش سافرت يا نايف .. تبغى تهرب مني والا من القهر ؟؟ يا
ليتك هنا على الاقل صادفتك او لمحتك .. او عشت باقي
الوقت بلمحة لابتسامتك



قطع تفكيرها صوت نوف : نجيد

نجود اول ما ناظرت فنوف انحرجت وخدها صار احمر ما
حبت حد يشوفها وهي بهالحاله اللي وصلتها تدخل عشان تناظر اي حاجه لها علاقة بنايف : نوف ..

نوف بخوف : هلا

نجود : متى يرجع نايف (بكت بقوه وغطت وجها بيديها)

نوف ما تدري وش تسوي : نجيد يا قلبي .. اذكري الله ..
يومين وراح يرجع

نجود بتوتر : بس انا ما ابغى اشوفه

نوف (بسم الله هذي انجنت ): نجيد تعالي طيب معي

نوف وهي طالعه لغرفتها وضامة نجود (والله ما الومك يا
نجيد ،، والله شي يقهر ومحد يتحمله ،، لو انا مكانك والله
يمكن انجن لما اشوفه حاط يده بيدها وشلون اجل لما
يظمهم بيت واحد وتصير حلاله ) ربي يصبرك ويصبر اخوي
وش هالقهر