لكل واحد منا ذكرياته الخاصه سعيده كانت أوحزينه
ولهذا أنا حبيت أألف موضوووع يهتم ببعض القصايد او الأغاني اللتي لو سمعناها
نحس لها طعم ثاني خاصةً إذا سمعناها في أوقات وأماكن معينه
أتمنى من الجميع المشاركه وياليت اللي وده يكتب مناسبه هذي القصيده يكتبها ولايهوون
عشاان يطلع للموضووع رونق ثاني وتزيد حساسية الموضووع أكثر وأكثر
مافيه إشكال تكتب المناسبه في سطر واحد أو حتى نص سطر
أتمنى الموضووع يعجبكم بالحيل
وأنا ببدأ
أغنيه معرفه أتوقع أنها لها ذكريات خاصه عند أغلبية الأعضاء للشاعر(السامر)
@..آهات..@
آهات من طول العناء طاولتني ** ونفسي من الفرقا وحالي سخيفه
جارت علي من الفراق وقصتني ** غزت ولكن مانوت بالنكيفه
بهمومها اللي شفت منها كوتني ** هذا الذي خلى حياتي مخيفه
باكر يروعني وأنا فيه فتني ** وآقوول ليت الغيب يبخل بحيفه
خيل السعاده بالهوى خالفتني ** خالفت معها عيد قلبي وريفه
هبت هبوب ٍ بالنيا عطشتني ** وكم غالي ٍ قبلي ضما من وليفه
ليت الليالي عن غرامي نهتني ** ولابدا زرع الأمل منك هيفه
وإلا إنها عن غايتي خبرتني ** وأختار أنا مرباع قلبي وصيفه
خل ٍ جيوشه بالمحبه غزتني ** وأنا أسير ٍ للعيون العفيفه
أغلى هجوس ٍ طول الأيام جتني ** هاك الهجوس اللي تجيني بطيفه
الماضيات بغيبها ماأنصفتني ** والمقبلات أرجي عدلها خليفه
أتبع ظنون ٍ بالهوى ماشفتني ** أحسب حمولي بالمحبه خفيفه
واليوم ظالمة المحبة طوتني ** طي الورق يوم أنطوى به خريفه
وأشباح ياسي بالهموم أعترتني ** وأنا علي أسباب صدك كليفه
أشيل حتفي راضي ٍ فوق متني ** وأبوح نفسي من حياة ٍ معيفه
آقول للي بالجفا عذبتني ** عسى الشقا من بيننا بالنصيفه
شربت من فيض الشقا وأشبعتني ** دنيا ً مع الأحزان ضدي حليفه
(للي يبي يقلب مواجعه ويسترجع الذاكره ويرجع بذاكرته شوي )
العرض العادي
