سلام .... :D
يا كثر اللي يجرشون الفصفص و يحبونه ... صح ؟؟!! :D
المهم الموضوع هذا يعطيك برنت ( تقرير كامل ) عن شخصيتك من خلال طريقة اكلك للفصفص ... والموضوع اصلاً ملطوش :D مع تغيير كثير من الاشياء غير الاساسية .... :D
يقول الكاتب :
اذا كنت تأكل الفصفص بسرعة وانت تسولف وبالطريقة السلقاطية ... يعني انك ترميه من بعيد لحد ما يطيح في أثمك !!
فانت شخص مبعثر ومشتت وحار .... لكنك سنع يعتمد عليك في المهمات الصعبة وخاصةً في الهوشات الداخلية ( داخل البيت ) او الخارجية ( في الحارة ) !!!
ثانياً : اذا كنت ترمي القشام في الارض ياللي ما تستحي !!! فانت شخص غير مرتب ... ولا فيه امل تصير مرتب ابداً ...
ثالثاً : اذا كنت تاكله بهدوء وانت تسولف مع تمطق زايد .... وتجمع القشام في يدك ولا منديل ولا صحن .. فانت شخص منظم .
رابعاً : اذا كنت تاكله وانت منبطح ولا منجطل تذاكر ..... فانت طالب فاشل .. ومن المستحسن انك ما تعب رويحتك بالمذاكرة لانك اخرتها راسب !!!
خامساً : اذا كنت تاكله وتحط القشام في ورقة وتلفها فانت عربجي ... وينخاف منك ... وتحتاج في هالحالة إلى مساعد ... الا وهو ببسي ابو نص ... لتنشيط الشخصية العربجية كخخخخخخخخ ... ويتواجد اصحاب هذا النوع من الشخصية في العواير وقدام البقالات !!!
سادساً : اذا كنت تختار الحب المقشر فانت كسول ... ليزي مان !!! والله يعينك على نفسك !!!
سابعاً : اذا كنت تحب تاكله في السيارة فانت مهموم ... وعندك وقت فاضي ولكن تحب تحس بنفسك ووقتك ... عشان كذا تآكل الفصفص وانت تدور بالسيارة ... ونصيحتي لك كل يوم جمعة دخل سيارتك المغسلة !! والله يعين التكارنة على قشامك .
ثامناً : اذا كنت تاكله مع الناس فقط فانت عملي ... وراعي فلوس ... واتيكيت ... وتجامل كثير ... وتاكل مع الناس عشان ما يحسون بعجرفتك .. ولا انت اصلاً خربوطة ... اي كلام يعني ...نصاب ومجاملجي نبر ون .
تاسعاً : اذا كنت تاكله بلحالك غالبا فانت طفشان .... والانتظار قاتلك !!
تسلم يا سواق الباص على الرد :D وغصب يعجبك الموضوع اصلاً :D <-- صاير يمون بزيادة
اخوي امير الاحلام ... مدامك ما تاكل الفصفص وش مدخلك يا مال الصلاح مانيب قايل يا مال الوجع :D
بس تصدق ... اسمك حلو جداً ... يوم دققت فيه ... له معنى خفي جميل !!!!
تسلمون اخواني على ردودكم .... ولا تزعلون مني كله مزح
على بالتس تطبقين المثل اللي يقول ( يرحمتس الله يا روحي ما عندتس الا جدار ما يوحي ) !!!!!
والله ان اللي فيتس هذا هو داء جنون البقر بعلمه وعلمه !!!!كاني اجيب الخبر !!!
الا سحيلوه ... شكلهم في الكلية عندكم طاقينتس بأبرة يجربونها فيتس بمناسبة بداية العام الدراسي الجديد ... وهذا اللي ادى إلى ظهور الحالة اللي فيتس الان ( رجة ، لخبطة ، تقليب الحتسي ، سرعة في الكتابة مهيب طبيعية بسم الله علي :D ) كخخخخخخخخخخ