هذي قصة عجبتني اتمنى ان تعجبكم:
احلى حب في صباح يوم مشرق وتحت اشعة الشمس المتحمسه..المنبثقة من فتحة المكيف ..على عين سعيدان..والذي قام من النوم..نشيطا..ونقز يغسل وجهه بالماء والصابون..سبع مرات احداهن بتايد مع مبيض..
بعد ذلك انطلق مسرعا ليقف عند باب بيتهم ماعنده لاشغله ولا مشغله الا انه ينتظر طلوع حبيبته وعشقه الوحيد..من بيتهم ذاهبه الى مدرستها...انها منيره..ام الشوشه المستديرة..وذات الخدود الكبيره..وام جبهه مثيره..
خرجت منيره من بيتهم..ضاحكه مستانسه..وتناقز يمينا ذات مره..ويسارا مرة اخرى..وتغني..وهي مبسوطه..
وبنفس الوقت تحمل في خلجات قلبها...الشوق..لأن تركب الباص..لكي تجلس جنب النافذه...حيث ان الباص سوف يمر من حلاق الذي سوف يحلق فيه حبيبها..والأنسان الذي تحبه من قلبها...
انه خالد..ولد جيران صديقتها..الذي قام من الصباح..راكضا الى سيارته...متجها الى الحلاق..يحلق شوشته..لأن اليوم..سوف يذهب يجيب اخته من مدرستها..واللي تدرس بها حبيبته الوحيده..والتي لم يحب غيرها..انها ساره..
ساره التي كانت جالسة في فصلها..في حصة الرياضيات...تهوجس..وترسم وتكتب حرف نون كبير...وودها تصرخ وتقول احبه...احبك يا نواف..
نواف..اللي عنده مباراة مع اخوياه اليوم وقاعد يتدرب بحوش..بيتهم من الصبح..على امل ان تطل عليه بنت جيرانهم وحبيبته اللي يحبها من كل قلبه..ريما..
ريما..التي ذهبت للمشغل..تصلح شعرها..ومشخصة بتروح لعرس صديقتها ..وودها تصير حلوة قدام اهل ..حبيبها مشعل..
مشعل ..وهو الذي دخل العسكريه..وتبهذل..ومازال يدرس..فيها..بسبب ان حبيبته هند..سمع انها تحب العسكر..
هند وهي تلك الفتاة الجميلة...الرقيقه..التي تجلس امام التلفزيون..تنتظر..برنامج ..فيه واحد يشبه حبيبها وليد..
وليد ..ذلك الفتى المندفع..بين اصدقاءه...يحاول الآن ان ينط فوق الملحق يجيب الكوره عشان يقز حبيبته بحوشهم..حبيبته أمل..
أمل...والتي كانت ناوية تروح للملاهي مع صديقتها....عشان اللي يبي يوديهم هو اخو صديقتها..وحبيبها..عماد..
عماد .. دايم يرجع من الدوام زهقان..ولكنه يروح يدق على بيت حبيبته مها.. يسمع صوتها..ويسكر السماعه..
مها..وهي مدرسة العربي..وبينما هي تشرح الدرس..دايما تكتب بالأمثله..قام فهد..وجلس فهد..على اسم حبيبها..
فهد يعمل مصمم..مواقع..ودائما مايكتب تحت كل تصميم له...اسم لجين..حبيبته..
لجين..والتي تموت..على ولد جيرانهم سعيدان..
في نفس ذلك الصباح..نقز سعيدان الى حوشهم..وقطف وردة حمراء..
وراح ..وزلق عند باب باص منيره...وعطاها الورده..وردت عليه بابتسامه..
وبينما الباص..مر من عند الحلاق اللي فيه..خالد..كانت منيره تويق من الدريشه..ولما شافها خالد..رمت له الورده..تعبيرا عن حبها...
اخذ خالد الورده..واعجبته ريحتها....وبعد ماطلعت اخته من المدرسه..قالها عطي ساره هذي الورده مني..
اخذت ساره الورده..وداخت على ريحتها..وقالت بنفسها..هذي ماتصلح الا لحبيبي نواف..وراحت عند الملعب اللي فيه نواف..وحطت الورده على سيارته...
شاف نواف الورده..قال مابدهاش..هذي وردة ريما...وانطلق..للمشغل اللي رايحة له ريما..وحط الورده عند الباب..
شافت ريما الورده ..وفز قلبها...وقالت هذي ورده حبنا انا ومشعل..وارسلتها لحبيبها مشعل..
لقى مشعل الورده..ولما رجع للبيت..ارسل الورده مع اخوه الصغير...لحبيبته هند..
خذت هند الورده...وراحت وتعرفت على اخت وليد..وقالت لها عطيه هذي الورده مني..
وليد..كان مشتاق لحبيبته امل..وقال مالي الا هالورده اعبر بها عن شعوري...ورمى الورده على حوشهم..
امل..خذت الورده...وهي رايحه مع صديقتها..وحطتها جنب يد حبيبها عماد..
اخذ عماد الورده...وراح لبيت حبيبته مها...وحط الورده جنب الباب..
شافت مها الورده وهي طالعه..اخذتها..وخلت اختها الصغيره تحط الورده على سيارة حبيبها فهد..
فهد..اخذ الورده..وارسلها..لحبيبته لجين..
اخذت لجين الورده...وطارت من الفرحه انها لقت شي تعطيه لحبيبها سعيدان..
ونقزت لبيت سعيدان...وعطته الورده..
وقال سعيدان : يؤ...موب ذي الورده حقتي ؟
اللي يبينا عيت النفس تبغيه *** واللي نبيه عيا البخت لا يجيبه
ويا سبحان الله!!!!!!!؟؟؟؟؟؟
انتظر ردكم شباب وصبايا
تحياتي
------ الفجر
العرض العادي
