السلام عليكم ورحمة الله وبركاته0
ودي أشاركم برحله وجيبلكم بعض أخبار عن الأرض الجديده نيوزلند 0
في الحقيقه أنا رحت هناك بقصد الدراسه مو السياحه بس جت من الله بدت السياحه على الدراسه وشلون مادري مالكم طويله 0
ودي أبين نقطه قد تكون غايبه عن بعض الأخوان والأخوات وهي أن نيوزلند ما يحتاج لها فيزه على شان تروح كأنك رايح للأحد دول الخليج أذا كنت خليجي طبعاً بس أذا جلستك ماراح تكون أكثر من ثلاث شهور أيه لي أن بعد الثلاث شهور راح يطالبوك بفيزه ولاأنسا المكاتب الي عندنا بالسعوديه هجو عنهم تقولو ليش لي أنهم ولا أعم أنشالله نصابين وسمحولي بالكلمه 
لي أنهم ماعندهم الا مدينتين فقط يودون لمهن وهن يأالعاصمه التجاريه ((أوكلند))ولا ((عاصمته ولنقتن)) وهذولي مليانات عرب على الأخر يعني تخيل معك بالفصل الواحد أكثر من ثمان أشخاص خليجيين قلي وشلون راح تستفيد0
على العموم أنا كنت حاط في بالي مدينه شفته على قوقل أيرث الي أسمه ((تروناكي)) حجزت والله لايوري ضالم الرحله كانت حوالي ثنين وعشرين ساعت طيران من الرياض لهنق كنق 11ساعه ومن هنق كنق 11ساعه تقريبن بس ترتاح بالمطار وتغير طيالره ويالله على المشوه0نزانا بمطار نيوزلندوفيه بالمطار وراح يستغرب البعض قسم خاص بالخرائط يعني يعطيك كا الي ودك تعرف بالضبط عن المدينه الي تبي0
جينالقسم ومثل الأطرش بالزفه لاغت أشاره بس ((طارت علوم المدرسه كله))وكانت معي نسخه مصورها لتروناكي الي قلت لكم في البدايه الناس يبون يعلموني أن تروناكي ماهي مدينه بعينه زي ماتقول الحسى أوالقصيم مجموعت مدن يطلق عليها كلها تروناكي بعد الويل أستوعبت الفكره قلت وش أكبر مدينه هناك قالولي ((نيوبلمث)) وهي تبعد عن اوكلند حوالي 5ساعات بالباص وهناك مايعطونك المسافه بالكيلو زينا بلعكس يعطونك أيها بعدد الساعات نمنا أكا الليله بشي يسمونه ((باكبكرز))وهو زي بيوت الشباب متعارف عليه دولي ورخيص لي أن كل شي هناك بالنسبه لعملت السعوديه غالي ومن بكرى أتجهت الي نيو بلمنث والله والله واودي أن الباص وصل من حلات المناضرالي تشوفه والنهر كانت بالصيفيه وهم عكسنا تماماً بالنسبه لطقص دخلنا ((نيوبلمث)) وجلست شهرين ماشفت العربي لين طقيت ودي أحكي عربي عجزت لين جاب الله بذاك المطعم أمرئه محجبه قلت أبي أسئلها عن المسلمين فيه أحد هنا لي أني ودي أصلي الجمعه ومالقيت مسجدوسلم عليها وردت وسئلته قالت زوجي عند المحاسبه دقايق ويجي أنتضرت شوي ويجي ذاك الشايب الكبير بالسن وسلم عليه وبدأ أسئله عن المسجد قالي أنتا منين قلتله من السعوديه قال تكلم عربي فرحت من كل قلبي يوم تكلم بالغه عربيه بغيت أحب راسه من الفرحه قعدت أنا وياه شوي ولا الرجال مصري حاصل على الجنسيه ((الكيويه)) اي النيوزلنديه وقال لازم تجوني بالبيت لي 35سنه ونا هنا ودي أولادي يشوفو أي واحد من السعوديه ((صرت فرجه))مالكم بطويله جنت الله بلأرض نيوزلندا والشعب قمه في الأخلاق والتعامل الراقي والله والله أني داخل مطعم بوكلند ويوم شفت الشورما وي قولون له هناك ((كباب)) لي أن مصدره من الجاليه العراقيه هناك قلتله ساندوتش كباب دجاج لو سمحت بعد ماأتجه لشاورما رجع وبكل أدب سئلني أنت مسلم لوسمحت!!!! قلتله أيه قالي أنا أسف الدجاج ليس حلاال !!!!!ذهلت ورب الكعبه من مقالته وقلت له طيب أنت مسلم قال لاأنا مسيحي ولاكن أعرف أنكم يالمسلمين ماتاكلو ألا المذكا ويشير بيده على رقبته قلت له طيب عندك شي حلاال قال عندي ويسحب الطاوله وي طلع دجاج مقطع قال هذا الي يطلبونه المسلمين هنا0
زبدت القول أني وجدقوم مسلمين بلا أسلام والله قمه في الأخلاق من سابع المستحيل تلقا أنسان ينضر لك بزدراء اونضره تهكميه0
أنا طولته عليكم بس لو بجلس أسولف عن نيوزلند ليوم الدين ماوفي بعض صفاته على العموم أي سؤال أو أستفسار عن المدينه (( نيوبلمث)) انا حاضر ودمتم في رعايت الله 0
أخوكم /طالب معرفة
رحــــلـــتـــي الــــــي نـــــيـــوزلـــــــنـــــــــداء
العرض العادي
