العودة   منتديات الـــود > +:::::[ الأقسام الثقافية والأدبية ]:::::+ > منتدى القصص والروايات
موضوع مغلق
   
 
أدوات الموضوع تقييم الموضوع انواع عرض الموضوع
قديم 17-01-2009, 12:40 AM   رقم المشاركة : 1
ذهول اللقاء
( مشرفة عالم الجوال والصور )
 
الصورة الرمزية ذهول اللقاء
===بنات راشــــد===


في بيت عود يشبه القصر .. فيها أكثر من 14 غرفة +غرفة البشاكير و العمال + المطبخ العود و المطبخ التحضيري و الصالة الكبيرة التي تكفي حق 30 شخص من كبره و ميلس عود طبعاً + الملعب و حديقة كبيرة فيها مسبح ..
في المطبخ التحضيري ينسمع صوت و حدة كبيرة في السن تنادي البشكارة :
ماما نورة: جويرية تعالي ..
جويرية:حاضر ماما..
ماما نورة :يابنيتي نادي ميري تساعدج و زهبي الغدا اليهال يواعة ..
جويرية : انشاء الله ماما .. سوي شيء ثاني..
ماما نورة : لا مشكورة . ما ابا شيء بس بسرعة.. مو تسيرين تسولفين وياهم و تنسين سالفة الغدا ..
جويرية : لا ماما .. ما سير اسولف ..
ماما نورة : انزين قولي حق جانا تنادي اليهال ينزلون ..
جويرية : انشاء الله ماما ...

'ماما نورة .. الكل يناديها ماما نورة اليهال و البشاكير بعد .. هي صاحبة البيت عقب وفاة ريلها راشد . توفا قبل 3 سنين .. وما كان له حد في هالدنيا غير نورة مرته حبيبة قلبه .. الله ما رزقهم عيال .. بس الله سبحانه و تعالى عوضهم بالبيزات .. و لكن راشد من حبه لليهال . تكفل أيتام و رباهم و حبهم مثل عياله .. و دلعهم كثر مايبون و عيشهم أحلى عيشة .. لكن عقب وفاة المرحوم راشد .. نورة تغيرت على اليهال ، صارت تهزبهم على أي غلط صغير يصدر منهم ، حتى انها يابت حريم يكونون مسؤولات عنهم و يضربونهم أحياناً إذا صدر منهم أي غلط و لو كان بسيط و ما يستاهل ..نورة طيبة و قلبها حنون بس تقول انها ما تحب حد يقول ان راشد ما عرف يربي بناته .. بس هي تحبهم واليهال بعد يحبونها واايد . و كانوا يحبون راشد مثل أبوهم و أكثر لان عمرهم ما حسوا بضيق و لا حسو بنقص و حزن بجوار راشد .. لأنه كان صدق أب مخلص لعياله من كل النواحي المادية والمعنوية ..
راشد تكفل 10 بنات .. تقريباً متساويين في الاعمار .. *فرح (19سنة) مخطوبة لواحد اسمه فهد .. يشتغل في الجيش .. و اايد مستانسة لأنها بتعرس شهر الياي . فرح بنت حلوة و متواضعة و دوم تتفدى خطيبا و تقول انه شخص عادي بالنسبة لها و لين الحين ما تحبه..هذا و هو شخص عادي دوم تتفداه و متخبله عليه .. إذا تحبه شو يتسوي .. على العموم هي تحبه بس أونها تمثل عليهم بس ما تعرف إن عيونها تكشف و أول ما تسمع اسمه كيف تتناقز و تتنافض ..و الثانية اسمها *أسماء (17سنة) حلوة و بيضة و حبوبة و الكل يحبها .. المرحوم راشد وايد كان يحبها مع انه ما كان يفرق بين البنات.. لكن هي الوحيدة الي كانت شاذة من بينهم .. كان يحبها حب محد يتصوره .. هادية و خلوقة .. كانت تموت في واحد اسمه راشد ابوها .. بس قلبها دفنته يوم اندفن المرحوم راشد ..حست الدنيا انصك في ويها .. شاطرة في المدرسة و الكل يمدح فيها..حتى البشاكير لي طلبت منهم شيء الكل يسارع عسب يخدمها .. حتى البشاكير يموتون فيها .. اسماء انسانة صدوقة و الكل يثق فيها .. و لي وحدة من خواتها صار لهم شيءيسارعون لها و يطلبون منها العون .. تحافظ على اسرارهم و تحبهم واايد و اكثر نوحدة تتخبل عليها *حمدة أصغر وحدة فيهم .. حمدةو اسماء يموتون في بعض .. حمدة عمرها (7سنوات) ما تذكر المرحوم راشد لانها كانت صغيرة عمرها (4سنوات) يوم توفى راشد .. بس تذكر شخص بها الاسم و تذكر انه كان يشتري لها اي شيء تبا .. هي دلوعة البيت .. حمدة تحب نورة بس ما اتحبها كثر ما اتحب حبيبة قلبها أسماء..حتى من زود ما تحبها تناديها 'ماما' لانها تربت بين ايدين أسماء ؛مع ان اسماء ما كانت كبيرة وايد . كان عمرها 12 سنه يوم يابو حمدة لأول مرة و كان عمرها سنتين ..
و الرابعة *حصة (16سنة) ما شاء الله عليها جمال و أناقة تشبه القمر ..تخبل بس مشكلتها خقاقة ، بس هي طيبة و حبوبة .بس محد يعبرها في البيت وايد .. لأنها ما تنزل من مكانتها و كبريائها شوي.. تهتم في نفسها و بس .. بس الوحيدة الي قدرت تكسر هالحاجز فرح اختها .اختها و ربيعتها الروح بالروح .حصة واايد تحبها و ما تثق فقي حد غيرها .. و الي عقبها *ضحى(15سنة) و ايد حبوبة هالانسانة .. أضحوكة في البيت .. هي الي تحلي جو البيت و سوالها يالله شو حلوة .. وايد فنانة و حبوبة بين خواتها لي ما سمعوا حسها .. يحسون بكتمه و ضيق و البيت يكون ملل من دونها ..*هبة و سارة (14سنة) دفشات في كل شيء بس ثنائيين مرحين أحلى شيء فيهم ضحكتهم الحلوة .. كل شيء لازم و يا بعض و اسرارهم مشتركة .. يحبون يلسون عند ماما نورة و يطفرونها ..*مشاعل (14) سنة هادية لدرجة فضيعة ما لها حس خجولة . بس وايد تحب خواتها تحس ان مالها حد غيرهم .. تحب تيلس عند أسماء و تسولف .. لكنها غامضة شوي اتحب تقول كل الي في خاطرها لانها تخاف من نورة و المسؤولات و تخاف يدر منها اي غلط عسب ما تنضرب .. مشاعل سمرة شوي بس ملامحها حلوة كتكوتة تشبه اليهال ..مي (13سنة) هادية بس شيطانة من خاطر و سوالفها كل من تحت لي تحت .. تشبه مشاعل الي يقول توم .. مي تحب تسير و يا هبة و سارة عب تتشيطن شوي . و آخر وحدة *بسمة (11سنة) بيضة بياض الثلج تحب تتضارب و يا حمدة .. نروم انقول انها تغار من حمدة .. هالانسانة مزاجية من خاطر .. يوم لك و يوم عليك .. مرة تكون زينة ويا حمدة و الاغلبية تكون ضدها .. بس فنانة و يا حبها للرقص .. دوم و يا ضحى يشغلون هالمسجل ضحى تيلس تغني و بسمة تيلس ترقص ..بنات راشد .. بنات حلوات الله عوضهم بأبو طيب لكن شاءت الأقدار انه ما يتم و يا بناته لمدة طويلة .. بنات راشد الناس يمدحون فيهم و الكل يتمنى ان بناتهم يأخذون بنات راشد من اخلاق و سمعة و جمال .. بنات راشد لين الحين صغار على هالسوالف .. وحدة مخطوبة و 9 بقو.. لكم محد يدري شو تحت راس نورة و محد يدري شو بيكون مصيرهم عقب وفاة الغالي .. لكن حياتهم قاعدة تسوء يوم ورى يوم لكن تمسكهم في بعض و حبهم لبعض . صاروا يكسرون الحوجز الي تمرهم و ما ينسون إنهم بنات راشد ..'

سارت جانا تنادي البنات ينزلون .. و ع الغدا .. يلست نورة مع اليهال ..
حمدة : ماما
نورة و أسماء في نفس الوقت : نعم ..
و احمر ويه اسماء .. شان اتقول لها نورة : اسماء حمدة قالت ماما مب أسماء ..
أسماء تستهبل : اتحريتها قالت أسماء ..
'نورة ما لاحظت ان حمدة تنادي اسماء مام .. لكن هالمرة حمدة كانت تقصد ماما نورة مب أسماء '
نورة : نعم حبيبتي شو تبين ..
حمدة: ماما حبيبتي .. أبا موبايل ..
بسمة : عشنا و شفنا ..
ضحى: طاعو منو يرمس .. ما دام هاي قالت عشنا و شفنا عيل نحن شو نقول عيّزنا ..
كلهم ضحكوا حتى مشاعل ..
ضحى : فديتج و اخيرا ضحكتي ..
مشاعل و احمر خدودها : ليش شو فيها ..
ضحى : لا حبيبتي ما فيها شيء .. بس وين هالضحكات الحلوة دوم نبا نشوفها مرسومة ع ويهج .
مشاعل و هي مستحية : شو قالو لج دفتر رسم
كلهم تمو يضحكون بس الاخت الدلوعة ام الموبايلات محرجة ..
حمدة: ماما ما اتغشمر ..
نورة و هي تضحك : حق شو تبين موبايل .. وايد صغيرة انت ع الموبايلات اختج مخطوبة و ما عندها موبايل ، و اذا عن اسماء .. اسماء كبيرة حبيبتي ..
حمدة : بس ابا اكلم ربعي ..
نورة : انزين كلميهم من تلفون البيت ..
حمدة : لا عندي اسرار ..
فرح : عشتو .. اسرار .. يا حلوج يوم ترمسين ..
سارة : دلوعة البيت ما تنلام .. ترى عادي يوم و اتي و اتقول هذا بيتي و اطلعو منه .. أسماء ابتسمت لحمدة و ما قالت شيء ..
نورة لفرح : فرح حبيبتي متى بتسيرين تأخذين حق العرس ..
فرح مستحية : أي عرس ؟
نورة : ليكون هونتي . ما تبين تعرسين ..
فرح : لا حبيبتي ما قلت شذي ..
نورة : اشوا ترى عادي تهونين على آخر لحظة ..
فرح : حشا .. بسم الله علي ..
هبة و ناقعة من الضحك : هاي تهون لو الموت ..
حصة تبا تقهر هبة : انشاء الله ايامج تكون كلها فرح في فرح ..
فرح : مشكورة حياتي .. عقبالج . انشاء الله بدور لج ولد سنع . ولد ناس ..
مي : ولد ناس اكيد بيكون عيل ولد منو ؟!! شو هالعبط ..
سارة : اشوفج عقب ما بتعرسين بتشتغلين خطابة ..
هبة : يا خوفي تخطب حق ريلها ..
مي : ترى عادي ...
كلهم تموا يضحكون ..
أسماء : فرح ما عليج منهم يهال .. الله يسعدج حياتي .
فرح : فديت أسماء .. اختي حبيبتي . عقبالج انشاء الله ..
أسماء و خدودها محمر : انشاء الله..
ضحى : ادعي .. ادعي دعائج يمكن مستجاب .. لا تنسين ابا ريل سنع و لد ناس ..
فرح تمت تضحك ع ضحى ...
حمدة صرخت مرة وحدة : لاااا..
أسماء منصدمة : شو حبيبتي ؟
الجو صار هادي من خاطر ..
حمدة: انت ما بتعرسين .. انت لي .. محد بياخذج مني .. أسماء لا تنسين انتي وعدتيني إنج ما بتتركيني ..
أسماء ما عرفت شو ترد على حمدة : لا حبيبتي منو قال بهدج ... انا يتم عندج و عمري ما بهدج .. عاد الي يقول المعرس عند الباب ..
حمدة ركضت عند اسماء و سارت تلوي عليها : أسماء الله يخليج لا تتركيني ..
أسماء حست بشعور غريب ..ليش حمدة تقول لها هالرمسة ؟!!.. حست في حمدة الي خايفة من نورة و المسؤولات .. بس ليش!!
باستها و طلبت منها ترد مكانها و تكمل غداها ... دخلت المسؤولة و تمت واقفة فوق راسهم ..
نورة للمسؤولة سلامة : سلامة تعالي تغدي معانا ..
سلامة : لا مشكورة خالتي .. بس ييت أطمن عليكم ... أبا أعرف إذا ناقصنكم شيء .. نورة : لا مشكورة . ترومين اتسيرين الحين ..
سلامة : عن اذنكم ..
سارة : ها إلي ناقص تتغدا معانا ..
نورة : ليش شو فيها ..
هبة : ما في شيء ..
نورة : آخ منكن من بنات .. بس ودي مرة تسكتون .. أو تتطلعون على مشاعل الحلوة .. صح مشاعل ..
مشاعل : أمايا .. لو طلعوا علي ما بكون حلوة صح ..
ضحى : خيبة .. كيف ردت ؟
نورة : خيبة .. تخيبج .. باركيلها لانها رمست ..
مشاعل استحت واحمر ويها و تمت ساكته .
حصة ترمس نورة : ماما نورة .. انزين نحن ما بنفصل ثياب حق عرس فرح ..
نورة : من وقال انكم بتسيرون العرس ..
كلهم استغربوا .. فرح انصدمت و حطت في خاطرها ..إن ليش خواتها ما بيحضرون عرسها ..بس هي مستانسة لأنها بتترك هالبيت .. و تعرف ان نورة ما تروم تقول لها شيء لأنها على ذمة ريال ..
حصة و الدموع في عيونها: بس عرس اختي لازم انسير ..
نورة : عرسج هو و لا عرسها ..
فرح : بس ليش عرسي بيحلو بحضورهم ..
نورة: قلت لا يعني لا ..
حصة ما كملت غداها . ركبت الدري و سارت فوق .. و تمت تصيح ف غرفتها ..
مب لانها ما بتحضر عرس فرح .. لأنها أصلاً من دون فرح ضايعة .. و تحس انها مب واايد ويا خواتها .. تبغي تتجرب منهم كيف .. ما تعرف ؟ !! تفكر .. اتسير و يا منو .. منو الي بيتقبلها و بيعزها و بيحبها كثر اختها فرح .. فرح اختها الروح بالروح ... لا مستحيل ما تقدر و لو لِلحظة انها تصدق ان فرح يتترك ها البيت و بتسير بيت ثاني ..
تحت ع الغدا .. مي تهمس لهبة : حرام كسرت خاطري حصوه ..
هبة : و الله ما اعرف شو أرد عليج ..
فرح : نورة عن اذنج بسير فوق ..
نورة : سيري .. أكيد عند حصة مو صح ... سيري طيبي خاطرها بكلمتين ..
'نورة في خاطرها: فرح ..نورة مرة وحدة .. وين قبل تناديني ماما نورة .. و تلوين علي و تبوسيني '
حاولوا يغيرون السالفة .. بس ردت حليمة لعادتها الجديمة ..
حمدة : ماما.. ما رديت علي شو قلت!!!
نورة ابتسمت : عن شو ليكون الموبايل ..
حمدة: هيه.
نورة : لا .. قلتلج عندج تلفون البيت .
حمدة : و أنا قلت لج عندي اسرار ..
نورة : انزين قوليلهم اسرارج .. ترى مثل ما اعرف ما عنا جواسيس في البيت ؟
حمدة: لا عندنا جواسيس؟
نورة: قوليلي منو عسب اقص اذونهم ..
حمدة: بسمة ...
بسمة محرجة : أنا جاسوسة .. يالدلوعة .
حمدة : هيه .. دوم تشلين السماعة يوم ارمس ربعي ..
بسمة نشت بتضرب حمدة .. بس حمدة حاولت اتدافع عن نفسها و حطت ايدها ع ويها .. و يت بسمة دزت حمدة فاندق ايدها ع الجلاص و طاح ع الرخام و انكسر .. قطع الرخام كلها منثورة ع الأرض .. و أول ما انسمع صوت تكسر الزجاج .. ربعت المسؤولة لغرفة الطعام .. و شافت حمدة الي كسرت الجلاص و يت و بدون اذن من نورة و صفعت حمدة .. أسماء وقفت عسب تدافع عن حمدة بس يودتها هبة و ما خلتها..طبعاً بسمة شردت و لحقتها مي .. أما مشاعل كانت زايغة و ما قالت شيء .. كملت غداها و سارت فوق غرفتها .. و عقب شوي لحقتها ضحى فوق .. و أسماء متيبسة في مكانها . ما تعرف شو تقول .. حمدة يالسة تصيح و تيمع الزجاج بإديها .. مثل ما طلبت منها المسؤولة ..و المؤولة واقفة فوق راسها .. و تحرج عليها و البنت ميتة من الصياح ..شو ذنبها .. و يعني لو انكسر الجلاص صار صدفة .. حمدةو هي تيمع الزجاج دخل في ايدها و الدم يسيل من ايديها .. أسماء ما قدرت تستحمل .. فسارت غرفتها و قفلت عليها الباب ..
أسماء : ياربي شو الي قاعد يصير .. وينك ابوي .. وينك ولهت ع صوتك . و لهت ع ضحكتك الي كانت اتلم البيت .. ابوي حبيبي لو كنت اهني شان ما رضيت نورة تسوي شذي ف حمدة .. ابوي ودي اصدق يوم انك ميت .. يا ربي شو ذنب هالبنت اليتيمة.. يعاملونها شذي ... ' و تمت تصيح
تحت .. جو صراخ المسؤولة و صياح حمدة ..
نورة بكل هدوء لوت ع حمدة و طلبت منها اتسير غرفتها ..حمدة ما صدقت سارت فوق و هي منهارة من الياح ..
نورة للمسؤولة سلامة : قولي حق البشاكير يشلون الغدا و ينظفون المكان .
سلامة : انشاء الله خالوه ..
حمدة قاعدة تدق الباب و تصيح : أسماء فتحي الباب ..
اسماء اول ما سمعت صوت حمدة ركضت وبطلت الباب..
مي شافت حمدة في الممر فدخلت و ياها الغرفة .
أسماء : مي حبيبتي .. نادي جويرية اتيب لزق حق حمدة ..
مي : انزين ..
أسماء تمت لاوية على حمدة و تحاول تهديها .
---------
في غرفة حصة .. فرح يالسة و يا حصة و تحاول تهديها ..
حصة و الدموع في عيونها : فرح أبا أحضر عرسج
فرح : شو رايج تحضرينه من بدالي ..
حصة : فرح ما قاعدة اتغشمر ..
فرح : شو تبيني اقولج . أنا بروحي أباكم اتون .. انت ما تعرفين أنا كم أحبكم و أباكم تكونون معاي خاصةً في ليلة عرسي . بس شو أقول نورة مب راضية .. و ما فيه تعصون أوامرها و يطيحون فيكن ضرب هالمسؤولات ..
حصة تلوي على فرح و تصيح : خسي اصلا يمدون ايدهم علي .. فرح بس انا أبا أكون معاج لا تتركيني ..الله يخليج ما أبا أتم روحي ..
فرح: حبيبتي حصة .. عمري ما بهدج روحج .. انشاء الله كل يوم بمر عليج و بوديج بيتنا .. و تعرفين انه حبيبي فهد دومه في الدوام و 3 أيام بس بيفضالي .. لت خافين عمري ما بودر طبجتي الثانية .. حصة تبتسم : أشوف فهد صار حبيبي ..
فرح استحت : ابتسمي فديت هالويه .. شو حلوج يوم تبتسمين تخبلين ..
حصة : اوه لا .. فرح لت غيرين السالفة .. اتحبينه صح ؟
فرح مستحية : أكيد احبه خطيبي ..
---------
في الغرفة الثانية .. مشاعل منسدحة ع السرير .. و ضحى يالسة وياها تكلمها ..
ضحى : مشاعل شو فيج ردي ؟
مشاعل: ما أبا .
ضحى : انزين ليش زعلانه ..
مشاعل : يعني عايبنج الي صار . حمدة تنضرب بكل هالقسوة عسب جلاص و نحن نطالعها كأن فليم هندي..
ضحى حرجت : يعني شو اسوي ..انت بس قوليلي .. و لا أحسن شيء أظهر من الغرفة .. لأنج ما تستاهلين حد يرمسج اصلاً ..
ظهرت ضحى من الغرفة .. و مشاعل ما توقعت ردت فعل ضحى .. تمت تصيح و ما عرفت شو تسوي .. فظهرن من الغرفة و قعدت اتدور ع ضحى .. مشاعل معروف عنها في البيت انها تستحي من ضحى .. ليش محد يدري .. بس محد عمره يتوقع من مشاعل ترمس ضحى بها الطريقة ..
دخلت غرفة أسماء بدون ما دق الباب و هي تصيح ..
أسماء مستغربة : مشاعل حبيتي وشو فيج ..
مشاعل لوت ع أسماء : أسماء ابا ضحى ..

أسماء : ضحى هني حبيبتي لت صيحين ..
حمدة و مي يتطالعون بعض و مستغربين ليش مشاعل اتصيح ..
شان تظهر ضحى من الحمام .. و عيونها كانت محمرة ..شكلها كانت صايحة .. بس أول ما شافت مشاعل حاولت تتجاهلها .. بس مشاعل ركضت عند ضحى و تمت لاوية عليها بالقو و تصيح أحر ما عندها ... مشاعل و هي لاوية ع ضحى :ضحى أنا آسفة الله يخليج سامحيني .. ما كنت أقصد ..
ضحى تمت صاخة و لا قالت شيء ...
مشاعل: ضحى : الله يخليج .. ردي علي .. سامحيني .. ضحى ..
ضحى ابتسمت لمشاعل: فديتج .. أنا كم مشاعل عندي ..
حمدة: وحدة بعد كم ...
مي :سكتي .. رزه .. سكتي ..
ضحكت مشاعل .. بس اسماء ما سكتت لمي ..
أسماء : لت قولين حق حبيبتي سكتي .. كلامها كله درر ..
حمدة: فديت اختي اتدافع عني ...
تمو يضحكون و نسو السالفة .. و لا كأن قبل شوي حمدة هازبينها و تمت تصيح و لا حتى كأن مشاعل مزعلة ضحى .. عقوا كل شيء ورا ظهرهم لانهم أصلا يعرفون ان مالهم غير بعض ..
-------
في غرفة سارة و هبة ...
سارة: كسروا خاطري حمدة و حصة ..
هبه : ما ادانيهم هالمسؤولات ..
سارة: و لا أنا .. سكتي لت تيبين طاريهم .. شان الحين بيظهرون لنا و يطيحون فينا ضرب ..
هبة : صدج .. أقول سارة ..
سارة: قولي ..
هبة : أبا أطلع من هالبيت ..
سارة : ينيتي ...
هبة: لا ما ينيت .. اصلاً المينون الي يقعد في هالبيت ..
سارة: لا انت مب هبة الي اعرفها .. وين كلامج يوم كنت تقولين انه نحن محظوظات لان نعيش في هالبيت ..
هبه: قلت على ايام المرحوم راشد .. و الله خاطري يرد...
سارة يوم اتذكرت المرحوم راشد دمعت عيونها .. : حتى انا تولهت عليه واايد .. اتمنى يكون مسافر بس مب ميت...
هبة : اذكري الله .. كان يومه .. تعالي انسير عند حمدة واسماء ..
سارة : بغسل ويهي و بنسير ..
هبة : اترياج ..
سارت سارة تغسل ويها و عقب ساروا غرفة أسماء .


اعجبتني فنقلتها ...






التوقيع :
[الكبر لله]...
والمرجع كفن.,


قديم 17-01-2009, 02:26 AM   رقم المشاركة : 2
الجذااابة
( وِد ماسي )
 
الصورة الرمزية الجذااابة


يعطيكـ العافية عزيزتي :)

والقصة روووعهـ مثل صاحبة الموضوع

لاتحرمينا من روعهـ مواضيعكـ يالغلا

وبنتظار جديدكـ ^^






قديم 17-01-2009, 06:16 AM   رقم المشاركة : 3
!!! الرومـ ^_* ـانسي !!!
Band
 
الصورة الرمزية !!! الرومـ ^_* ـانسي !!!
 






!!! الرومـ ^_* ـانسي !!! غير متصل

لي عوده لقراءة الروايه

اعجبتتني بدايتها

اخت اخواني

سجلي حضوري الدائم

لكي احترامي وتقديري






قديم 18-01-2009, 04:06 PM   رقم المشاركة : 4
ذهول اللقاء
( مشرفة عالم الجوال والصور )
 
الصورة الرمزية ذهول اللقاء

اقتباس
المشاركة الأصلية كتبت بواسطة ][الجـذابـة][

يعطيكـ العافية عزيزتي :)

والقصة روووعهـ مثل صاحبة الموضوع

لاتحرمينا من روعهـ مواضيعكـ يالغلا

وبنتظار جديدكـ ^^

الله يعاافيكــ ويخليك يااغلا

الاروع وجودكــ

شكر لك منوره






التوقيع :
[الكبر لله]...
والمرجع كفن.,


قديم 18-01-2009, 04:08 PM   رقم المشاركة : 5
ذهول اللقاء
( مشرفة عالم الجوال والصور )
 
الصورة الرمزية ذهول اللقاء

اقتباس
المشاركة الأصلية كتبت بواسطة !! الفارس الرومنسي !!
لي عوده لقراءة الروايه

اعجبتتني بدايتها

اخت اخواني

سجلي حضوري الدائم

لكي احترامي وتقديري


في انتظاركــ يااغلا

شرف لى تواجدك :)






التوقيع :
[الكبر لله]...
والمرجع كفن.,


قديم 18-01-2009, 07:02 PM   رقم المشاركة : 6
ضحكـــ^ـــ^ـــة قمر
( ود متميز )
 
الصورة الرمزية ضحكـــ^ـــ^ـــة قمر
 







ضحكـــ^ـــ^ـــة قمر غير متصل

مشكووووووووووررررره ياااابعدي وآآآآآسسفه على التأخير في الرد







التوقيع :
اضغط على الصورة لفتحها بصفحة مستقلة

قديم 18-01-2009, 07:24 PM   رقم المشاركة : 7
ذهول اللقاء
( مشرفة عالم الجوال والصور )
 
الصورة الرمزية ذهول اللقاء

اقتباس
المشاركة الأصلية كتبت بواسطة بنوتة مفرفشة
مشكووووووووووررررره ياااابعدي وآآآآآسسفه على التأخير في الرد

يابعدي انتي وجودكــ لوحده شرف ربي يوفقك ويسعدك ويخيلك ويوفقك

ومنوووره ياقلبي انتي:)






التوقيع :
[الكبر لله]...
والمرجع كفن.,


موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:15 AM.




 


    مجمموعة ترايدنت العربية