العودة   منتديات الـــود > +:::::[ الأقسام الثقافية والأدبية ]:::::+ > همس القوافي > قصائد تحت المجهر
موضوع مغلق
   
 
أدوات الموضوع تقييم الموضوع انواع عرض الموضوع
قديم 26-08-2009, 01:11 AM   رقم المشاركة : 1
مـربـشتهم
( ود متميز )
 
الصورة الرمزية مـربـشتهم
 





مـربـشتهم غير متصل

Icon1 لعشاق الشاعر حامد زيد ادخلو شوفو اجمل الاشعار




صورة الشاعر حامد زيد :
اتمنى ان تستمتعوا بأشاعر حامد زيد ..





انا ما اخطيت في حقك ولكن الكلام iiعتاب

أعاتب والعتب كلمة تفسرها iiمعانيها

اعاتب واحسب بهرجي الا مني حكيت حساب

وكلمه يستحي منها لساني يبتدى iiفيها

واذا انت من العتب تزعل علينا وابتصك الباب

ترى ما نيب قاصدها ولاني فيك iiناويها

ولا ودى على الفرقا وقلبي داخلي iiمرتاب

اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب

واشوف ان الجفا خطوة ولاني قادر اخطيها

وقلبي لو عشق يخلص ولو طالت عليه رقاب

وتشهد له دروب الحب حاضرها وماضيها

عشقنا والهوى حسرة،مشينا ولاأمل كذاب

بدينا نانبني منها قليل من بلاويها

عرفت الحب من عمري صغير بالغرام وشاب

وقلبي للحبيب اكبر من الدنيا وما فيها

صحيح انى نويت ابعد ولكن الهوى غلاب

وهي رحلة بديت بها ولا ادري كيف بنهيها

تحريتك شروق الشمس وشفتك للشروق غياب

ولا اضنك تبيع العشره اللي كنت شاريها

بقى لي بالهوى نظرة وتغريبة ودمع اهداب

وقصة بترك لسانك على العذال يرويها

واناجي باقي حروفي وبألف للفراق iiكتاب

قصايد تملي اوراقي ارددها واغنيها

واذا مرتني الذكرى وجرحي بالحشا ما طاب

بتبعدني وتدنيني وببعدها وابدنيها

وانا عيب علي اشكي من الدنيا بدون اسباب

مدامي ما خذ منها يجيني يوم واعطيها
________________
هموم بهموم

حامد زيد
_______
من يوم فرقانا الى يومنا اليوم

مافات يوم الا وهي مشغلتني

إليا غفيت اشوفها في حلا النوم

واليا صحيت بكل الافكار جتني

عشقتها من قلب ميس ومحروم

وتركتها يوم انها عاندتني

نار تشب بداخل القلب بسموم

حاولت اطفي ضوها واحرقتني

دنيا ثقيلة كلها هموم بهموم

كني حملت جبالها فوق متني
_________
غرام احباب

حامد زيد

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه ألين أن القمر قد غاب

تعب قلبي ، ولا تعبت مسافاتٍ توديني

لقيت الليلة الجردا هدب ظل وسما واعشاب

بعد ذاك الظلام اللي يتوهني عناويني

صدفتك معجبه فيني وياليت..الغرام اعجاب

وتراك انتي الهنوف اللي هقيتك iiتستحقيني

عطيتك عشق من قلبي..وسلمت لغلاك رقاب

وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب

ترى كل العيون اللي لقتني ما تكفيني

رماني حظي العاثر عليك وجيت لك طلاب

ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب

مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب

وصوني بالهوى نفسك قبل لا انتي iiتصونيني

وشيليني على متنك : خفوقٍ باريٍ iiمنصاب

ومن فوق الغرام العذب شيليني وحطيني

ولا منك هقيتيني شجاع وما يطيق يهاب

أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب

وترى عيبٍ عليّ أطعن..ولو كثرت iiسكاكيني

زهودٍ ما يطيق الدم لا داين ولا طلاب

شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب

أبيع عيوني الثنتين قبل أنك تخونيني

إذا شد الغرام اترك خفوقي بين ناب iiوناب

لفرقى تكسر ضلوعي ولا عشقٍ يوطّيني

أنا رجلٍ ولي غيره وإذا شفت الهوى كذاب

تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب


اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب

وابي منك قبل لا نتي تصديني توديني

وابي دربٍ على العذال صعبٍ ومتعبٍ وغلاب

وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب

وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب

دخيل الله ، وبعد الله دخيلك لا iiتخليني
ما دام أن كل من يحيا على وجه التراب تراب

عسى تنساني الدنيا مادام أنتي iiذكرتيني
_____________
من تحت لي تحت

حامد زيد
لو تعرف الخطايا كيف كنت محروم ii
كان سود الليالي يوم طحت iiسمحت
لو هموم المفارق مثل كل الهموم

ماتشوفون عيني بالدموع سبحت

ولو تحن المشاكل عقب حب الخشوم

كان حبيت خشم المشكله واستحت
بين صدة عزيز وكبرياء مهزوم

عين شحت عليّ وعينٍ استسمحت

بس مالله خلقني من بكاي معصوم

وادري انه المحاجر لو تفيض افضحت

والله اني على جرحي صبور وكتوم

لكن ان الدموع ان روحت روحت

اعذلتني ظروفي وانهكتني عزوم

والوجيه احزنت لي والقلوب افرحت

والله ان الليالي ماتعرف السلوم

قلب جافي لقاه ووجه صافي

بحت راهنتني تبلل بالدموع الكموم

ويشهد الله عليها راهنت واربحت

احرمت نور عيني من غلا ريم قوم

بذرةٍ وارتوتني واثمرت واطرحت

جادلٍ دوم ماهي مثلها كل يوم

استضاحت غموض وبالغموض اوضحت

دورت بين قلبي والهدب درب iiنوم

وامرحت وين مدري المهم امرحت

تـنحت اسمي بقلبٍ جيت فيه معزوم

واسمها بين جلدي والعظام انحت

مثل جفني لعيني بالنعاس محكوم

كل مانمت نامت كل ماصحى صحت

ماتعارض كلامي غير عند اللزوم

بس لا قمت اسولف واندمجـت سرحت

دايم ازعل عليها بس قلبي رحوم

وهي تموت بعذابي من تحت لي تحت

مثل وجه العلاقه في ثياب الخصوم

ان تطيبت طابت وان جرحت اجرحت

خصها الله بوصفٍ من خيال معدوم

لا اذان اسمعتبه ولاعيون المحت

كن ربي خلقها من بياض الغيوم

ومن كفوف السحابه بالورد القحت

عن سواها فرقها بالقمر والنجوم

وكل عذرى تباها بالجمال انزحت

بالحلا هي كوم وباقي الناس كوم

كفتٍ عادلوها بالبشر وارجحت

حسبي الله على اللي مابغاها تدوم

من بعد كيف كانت شوف كيف اصبحت

لاتحقق وصال ولا فراق محتوم

خطةٍ قربتني للفشل وانجحت

لعنة العشق تبقى مثل ضرب السهوم

لو محى الوقت جرحه صورته ما انمحت

كيف ابنسى وانا اللي من جفاف السموم

ماحشمت العيون ولا الدموع فلحت

كانها بالحميا كل ربعي قروم

لو يلدون لاصعاب الظروف صلحت

اجزم ان كنت ياقلبي شجاع وجزوم

لد لعيون بنتٍ لا التفت الفحت

ماتهين البخيل الا يدين الخدوم

دام كف الخطايا بالجفا لوحت

نطح الباس باس ونطح اللوم لوم

وان تهدت تهد وصيح ان صيحت

ياتعيش بمعزه ياتموت محشوم

ودك ان الليالي لافعلت امدحت

عمر ضعف الاراده مايسر الرخوم

ضربت السيف لوبيدين الشجاع iiذبحت
______________


حامد زيد


أدلعها وأولعها
---------------
بعد ماقابلتني عاتبوها

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي iiقرّبوها

وأنا ماتعّبت قلبي خيانه

خيانه رتّبوها iiوأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي
وأزيله

وأخرّبها مثل iماخرّبوها

وأذوّقهم ندم ماصار iiفيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا iiلأبوها

السفينه

حامد زيد
ضاقت وساع الفيافي والوعد متن السفينه

للطريق اللي دعاني بعد أمان الله وأمانه

لاتناديني وصوني قلبك الله لايهينه

لايراهن في رجوعي لجل مايخسر رهانه

ليه ما أرحل عن غرامك بعد ماذقت الغبينه

أذكريلي شي واحد يستحق أقعد عشانه

قلب ماحن لوصالي ماني بحاجة حنينه

وأشهد أنه مايعزر بالرفيع الا هوانه

الهوى الغدار حد الله مابيني وبينه

والرجل لاخير فيه إن ماحفظ قدره وصانه

واحدٍ مثلي اليا من حدته عوجا سنينه

ماشكى لقرب أبن ادم لوهو أقرب من أخوانه

يوم قلبي ماعصاك وماقدرتي تذبحينه

ليه خنتي فيه وأنتي معه من نفس الديانه

كان ذبحي بيدك أرحملي من اللي تفعلينه

وأن طلبتك تذبحيني ماذبحتيني لعانه

كل جرحٍ من جروحي تذكرينه .. iiتنكرينه

كن مالك في نزيفه (يد) خانت بالأمانه

ينزف الخافق تواضع لين لطختي جبينه

والا أنا ماكنت أبيها توصل لحد الأهانه

قلت من باب الميانه صاحبك وتعذبينه

لعنبوك إرخي معاي أشوي ماصارت ميانه

طعت عقلك يوم قيل إن العقل للبنت زينه

لكن الشرهه علي اللي كنت أحسب إنك تكانه

من بعد ماكنتي أنتي في حشاي أغلى سجينه

بوعدك بطلق سراحك وأتهميني بالأدانه

وين رايح..؟ لأي دربٍ مايرجع للمدينه

ليه رايح..؟ لان قلبك ماترك قلبي وشانه

كيف أبنسى.؟ ربي اللي ملهم القلب السكينه

مثل ماعانه بقربك لانوى فرقاك عانه

كان قاسي يجرح أطراف السكاكين السنينه

مايطيح وبنتٍ مثلك حبها هزت كيانه

والا أنا خابر خفوقي مايمد الا الثمينه

وإن بغى يغيض الثريا قعد القمرى وزانه

مزعلٍ لجلك هنوفٍ رجت عقول iiرزينه

وإن تهادت بالطريق الجرهدي تزهر جنانه

جادلٍ كن الجمال قبالها كتف يدينه

والقمر لو شاورت له ينزح وتقعد مكانه

كانت أول من تحكم في فروع الياسمينه

وأن تعدتهن تثنن خيزرانه خيزرانه

بعتها لجلك وصارت لأصغر أطرافك رهينه

وألا هي لفتة هدبها تغمرك ثقل ورزانه

والخفوق اللي تغذى من معزة والدينه

مشكلته إنه تعلق في زمن ماهو زمانه

كل مازادت جراحه وأكتشف غلطة ضنينه

صدقيه أن قال مابه شخص يستاهل حنانه

يوم نادا يافلانه مارضيتي تسمعينه

لين صوت يافلانه ,يافلانه يافلانه

كنت أشوفك زعفرانه تقرض الورد وتدينه

يمكن أني ماقطفتك بس أشوفك زعفرانه

كنت أهاب البعد عنك وأطلبك لاتذكرينه

كان خوف من الفراق وخطوت الفرقا جبانه

وماقتنعت أن الخيانه للرجل تلوي يمينه

لين ماربي بعثك وذقت من طعم الخيانه

إسمحيلي..مابقى فيني مكانٍ تطعنينه

وأقبلي من جوف قلبي كل عطفه وأمتنانه

والله الله في عذابك بتركك عينك بعينه

دلليه ولايرده عن شقاك إلا لسانه

والا أنا قررت أسافر وأمتطي ظهر السفينه

لأن مابه شي واحد يستحق أقعد عشانه

ملعون ابو العشق
ــــــــــــــــــــــ
حامد زيد
ـــــــــــــــــــــ
ملعون أبو العشق دام العشق دلّعها

لاصارت البنت تامرنا وتنهينا

تجزم على الراي والكلمه وتقطعها

وحنا الرياجيل لارحنا ولا جينا
.............
لولا العقل

حامد زيد
إستحيت ورحت بالخطوه وراي

يوم شفته من بعيد يكلّمك

والله إن لولا العقل توّه iiمعاي

كنت أعرف أعلّمه وأعلّمك
..
اربع جهات

حامد زيد
يالحبيبه خفوقي مايبيك ويبيك

أشهد أنك حبيبه غير كل البنات

وين ما ألد وجهي بالطريق التقيك

صرت أخيلك واشوفك في جميع الجهات

الكذب خيبه
ـــــــــــــــــــــ
حامد زيد
ــــــــــــــــــــ
روحي وهالمرّه خلاص لاتردين

هذا الفراق وروحةٍ دون رده

الكذب خيبه ماعرفتي iiتحبين

ما أنتي من يستحق المودّه

ماتعرفين الحب والعطف واللّين

ولا عاد في قلبي على الحب شده

ماتشوفين شر
ـــــــــــــــــــــــ
حامد زيد
ـــــــــــــــــــــــ
لاباس أنا يالغاليه قلتها لك

من قلب يخلص لك يحبك ويغليك

ياليتني كنت المنوّم بدالك

وليت المرض يابنت فيني ولا فيك

على نار الصبر

على نارالصبرقلبي يذوب لشوفة عيونك

يعذبني الصبر لاكن امني عيوني بالشوفة

كثيرة قلوب عشاقك ولكن قلبي مجنونك

يصيح وتحضنه روحي تقول القاسيه ظروفه

تعبني هالزمن والله وسقاني المر من دونك

بوجودك كان ما يخطي بغيابك بانت سيوفه

تخبل وش بقى فيني وانا اللي حيل مفتونك

وربي لاسمعت اسمك تطير الروح ملهوفه

عسى محد يجيب اسمك عساهم ما يطرونك

عيون ساهره في بعدك عيون حيل مكتوفة

وانا مانمتها عيون تبيع الشوف لعيونك

عيون ماتشوفك انت وربي مابي شوفة

تحيآتي


دلع






التوقيع :









{ مًنٌ لاآإ يعرٍفً شخصيتيٍ| لاآإ يحقُ لهـً الحكمً علىآ تصرٍفآإتيً!.

قديم 26-08-2009, 01:52 AM   رقم المشاركة : 2
๑ஐتــآهت افكــآري ஐ๑
( وِد ماسي )
 
الصورة الرمزية ๑ஐتــآهت افكــآري ஐ๑

لاهنتي دلع
صح لسان حامد وصح كلك
ودي







التوقيع :
اضغط على الصورة لفتحها بصفحة مستقلة

عنود صيدٍ ماقنصهاا مقانيص -ولا ذيروهاا رافعين الحساسي

قديم 26-08-2009, 02:23 AM   رقم المشاركة : 3
مـربـشتهم
( ود متميز )
 
الصورة الرمزية مـربـشتهم
 





مـربـشتهم غير متصل

اقتباس
لاهنتي دلع
صح لسان حامد وصح كلك
ودي

منوووور يالغلا

ماننحرم من هيك طلات

حلووووووهـ






التوقيع :









{ مًنٌ لاآإ يعرٍفً شخصيتيٍ| لاآإ يحقُ لهـً الحكمً علىآ تصرٍفآإتيً!.

قديم 26-08-2009, 02:28 AM   رقم المشاركة : 4
صغيرة..على الحب
( مشرفة الإبداعات الأدبية)
 
الصورة الرمزية صغيرة..على الحب

.






عزيزتي .. دلوعة
سلمتِ على هذا الإختيار الرائع
من أجمل القصائد هي قصائد حامد زيد
يعطيكِ العافيه

ولكن سيتم نقلها للقسم الأنسب
تقبلي تحيتي






.






التوقيع :
اضغط على الصورة لفتحها بصفحة مستقلة

قديم 26-08-2009, 02:28 AM   رقم المشاركة : 5
مـكـشختهم
( وِد لامِـــع )
 
الصورة الرمزية مـكـشختهم
 






مـكـشختهم غير متصل

ليش تعبتي نفسك كذا
ع العموووم
يسلمووووو قلبـــــوو
الأشعار مآآآآره حلوه وهذا يدل على
ذوووووقك







التوقيع :








^
^
^
سآآـــآــآـآإأبقآآ livemooooon

قديم 26-08-2009, 02:36 AM   رقم المشاركة : 6
كياان
( وِد ذهبي )
 
الصورة الرمزية كياان
 







كياان غير متصل

مشكووره

على الانتقاء الرائع

,,,,,,,,,,,,,,,,,,

تحياتي







التوقيع :
..

قديم 26-08-2009, 02:41 AM   رقم المشاركة : 7
مـربـشتهم
( ود متميز )
 
الصورة الرمزية مـربـشتهم
 





مـربـشتهم غير متصل

اقتباس
.






عزيزتي .. دلوعة
سلمتِ على هذا الإختيار الرائع
من أجمل القصائد هي قصائد حامد زيد
يعطيكِ العافيه

ولكن سيتم نقلها للقسم الأنسب
تقبلي تحيتي






.

الله يسلمك قلبوووو

الله يعافيكي

معطرهـ الصفحة بطلتك الحلللوهـ






التوقيع :









{ مًنٌ لاآإ يعرٍفً شخصيتيٍ| لاآإ يحقُ لهـً الحكمً علىآ تصرٍفآإتيً!.

قديم 26-08-2009, 02:42 AM   رقم المشاركة : 8
خاااااالد
Band
 
الصورة الرمزية خاااااالد
 





خاااااالد غير متصل

يعطيس :) الف عافيه دلوووعه


حامد زيد شاعر متألق


خااااالد







قديم 26-08-2009, 02:45 AM   رقم المشاركة : 9
مـربـشتهم
( ود متميز )
 
الصورة الرمزية مـربـشتهم
 





مـربـشتهم غير متصل

اقتباس
ليش تعبتي نفسك كذا
ع العموووم
يسلمووووو قلبـــــوو
الأشعار مآآآآره حلوه وهذا يدل على
ذوووووقك

ههههههههههآآآآآآآآآآآآي

لاتعب ولاشيء والله تعبكم رآحة

الله يسلمك غلآتي

انتي الاحلى

اذا انا الذوق فإنتي منبعه

منوووووورهـ






التوقيع :









{ مًنٌ لاآإ يعرٍفً شخصيتيٍ| لاآإ يحقُ لهـً الحكمً علىآ تصرٍفآإتيً!.

قديم 26-08-2009, 02:46 AM   رقم المشاركة : 10
مـربـشتهم
( ود متميز )
 
الصورة الرمزية مـربـشتهم
 





مـربـشتهم غير متصل

اقتباس
مشكووره

على الانتقاء الرائع

,,,,,,,,,,,,,,,,,,

تحياتي

العفوووو ياقلبي

طله ولاأحلا منهآ

منوووورهـ






التوقيع :









{ مًنٌ لاآإ يعرٍفً شخصيتيٍ| لاآإ يحقُ لهـً الحكمً علىآ تصرٍفآإتيً!.

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:20 PM.




 


    مجمموعة ترايدنت العربية