انا مره مايهزني رجال

نــــونــــا · 29-09-2009, 04:12 AM

انا مره مايهزني رجال

ببدا بدايتي من هنا من موقع الود الرائع اعجبتني هاذي الروايه

قلت لازم تقرونها لانها بصراحه روعه

الجزء الأو ل :

اسمعي يمه انا قلت نوره ماابيها يعني ماابيها....والزواج مهب غصب..!وان صار هالشيء تراكم بتظلمونها وذنبها في رقبتكم..!!!!
ام زيد:ياولدي قصر صوتك الله يهديك..ابوك والله لايسمعك ان يقوم الدنيا ولايخليها تقعد...
زيد:خليه يدري اني مابي بنت عمي يمه انا ابي آخذ..منيره تراها بنت اخوس ..وش بلاس منشبتني على ذا البارده!!!يمه امانه انا بسألس ماتحسينها ثقيلة دم ويالله تحترك من كبرها يايمه ذي مهب مره!!!!!!
ام زيد:بلاك ماتعرف البنت ذي وش عندها من الزين ولامن العقل..ياولدي لامنك خذيتها بتعرف طيبة قلبها وكبر عقلها..
قالت ام زيد كلامها هذا وهي تقصر صوتها عشان مايسمع ابو زيد..!!!
ولكن هيهات.......دخل عليهم ابو زيد وهم متحمسين واجد بالنقاش......

ابو زيد وهو معصب:خير يازيد علامه صوتك واصلٍ للحوش تقول تحرج لك على غنم......!!؟؟؟؟؟؟؟خير وش فيه؟؟؟؟؟؟؟؟؟؟
زيد:اسمع يبه نوره بنت عمي مابيها ولانيب ماخذها لو وش صار.....!!!
ابو زيد بهدوء:لا ..ان شاء الله بتاخذها ..وبتملا عينك!! اللي مايصك فيها الا التراب...........!!
وطلع ابو زيد وهو حمقان وراح لغرفته فوق وطلعت وراه مرته ام زيد..

جلس زيد بقلة حيله...على الكرسي اللي جنب التلفزيون ومسك راسه...
وجلس يفكر.....!!
وش ذا البلشه اللي طحت فيها يازيد ..؟؟؟مع ذا العادات والتقاليد....؟؟
مع هالتخلف ..!! البنت ماتاخذ الا ولد عمها والا ماتعرس ولايعرس هو بعد!!!.....
والله حاله...بس انا ابي منيره..!...!لكن منيره تبيك؟؟؟؟؟؟!!!يازيد فكر زين انت تحب البنت وهي ماتدري عنك ولو حتى درت بتصير اكيد لولد عمها
وانت....وانت يازيد وش راح يكون مصيرك...آه يارب ساعدني...!!ماعاد اقدر افكر..آه ياراســي.....!!!

بعد ساعه تقريباً البيت كان جداً هادئ وكل واحد في غرفته....وشوي الا و صوت في البيت بكل قوه........!!!!!

يمــــــــه..يبـــــــــه..زيــــد..فـــايز..هيييي ييييييه ياجماعه وينكم قبلوووووووووووووني في الشرطه.....تحقق حلمـــــي....يمـــــــــه؟؟؟؟؟؟
ام زيد جات مسرعه:خير يمه وش فيك تصارخ؟؟؟؟؟
محمد اقولس قبلوني في الشرطه لبى عيونس ...وقام يحب راس امه ويتفداها ويرقص..!!!!!!!!
الكل طلع على صراخ محمد..
محمد: انتم ليه ماتفرحون لي..اقولكم توظفت..!!!
ام زيد:مبروك ياولدي الله يعطيك خيرها ويكفيك شرها ...وقعدت تمسح دموعها اللي طلعت من فرحتها بولدها....
محمد يضحك: يمه تراها وظيفه مهب مره!!!...
زيد :مبروك ياخوي والله اني فرحت لك من كل قلبي..والمره خلها علي!!!
يقولون كل بنت لولد عمها...!!!!!!!!!!!!!!!!!
ابو زيد ناظر زيد نظره خلت الدم يجمد في عروقه..وبعدها بارك لمحمد ومسك يد زيد ودخل به المجلس...!!

فايز:الحين هالإزعاج وهالزحمات وفي النهايه عسكري!!... اقول لاتعلم احد عشان مانفتشل....!!!اللي يسمعك يقول صايرٍ ضابط..وانت حتة عسكري يمسك خفاره على البيبان ولا على نقاط التفتيش...!!!بس تدري مبروك وش نسوي لازم نراعي مشاعرك..وضحك بقوه على شكل محمد وواجهه وحب راسه.....
محمد :ممكن توضح وش كنت تقول؟؟؟؟؟
فايز يضحك: اقول مبروك..
محمد: ايه ...على بالي شيء ثاني!!!
ام زيد:الله يوفقكم ياعيالي واشوف عيالكم قولوا آمين؟؟؟
الأثنين:آمين......

ولنا تكمله غد انشاء الله إذا ثبتت واعجبتكم

مع فائق حبي واحترامي

نـــــونــــا

كبتشينوا · 29-09-2009, 04:14 AM

يسلموووووووووووووووووووووووووووووووووووووووا على الموضووع

ديان الهاجري · 29-09-2009, 07:30 AM

يسلموووووووووووووووووووووو

لاهنتي نونو

●MŭhâMmāĐ● · 29-09-2009, 08:43 AM

..

رووووووووعه

وننتظر التكمله

..
يسسسلمو .

نــــونــــا · 30-09-2009, 12:09 AM

اشكرك كبتشينوا و●MŭήâMmāĐ●

ع مروركم الرائع

طبعا الروايه للكاتبه امراءه ما طبعا لحفظ حقوقها

نكمـــــــــــــل اليوم

الجزء الثاني:

ابوزيد:شف يازيد ياولدي انا ابيك انت اللي تاخذ نوره لأنك انت العاقل والكبير..و..............
زيد يقطع ابوه:بس يبه انـ........
ابو زيد:خلني اكمل الله يهديك..
زيد: اسلم..
ابو زيد:البنت ابيها لك يوم انها عاقله وكل واحد يتمناها...ومابيها تضيع من يدك..وانا ماقلت لك لا..تعرس عليها يومك تروح وتعطيها اخوك..إذا خذيتها ولاعجبتك محد برادك اعرس يابوك..لكن الحين انت لازم تاخذها البنت عمرها صفق السبعه وعشرين سنه..تحتري ولد عمها ياخذها وانت تماطل..ياولدي العلم ذا عيبٍ عند الرجاجيل...!!!
زيد بعد تفكير:اوعدك افكر في الموضوع بس لي طلب؟؟؟!!!
ابو زيد: اطلب يابوك.... وش تبي؟؟؟
زيد: ابيكم بعد ماآخذها تخطبولي منيره بنت خالي سند.....!!!
ابو زيد:دور غيرها ولد عمها حير عليها ولا هي بلك......
وقام ابو زيد من المجلس وخلا وراه واحد منتهي من الصدمه!!...........

شلون يحير عليها؟؟....على كيفه هو..طيب يمكنها ماتبيه..؟!!وانت وش دراك انها ماتبيه؟؟؟؟...تدري عن اللي في قلبها الاّ يمكنها تبيه ولا تدري عن هواء دارك اصلاً.....لا..كيف ماتدري...؟؟! ومن وين تدري يافالح؟؟؟!
قالت لك اختك بروح اجس نبضها وعييت..مسوي فيها!!!!..هاااه هذا اللي جاك...طيب وش اسوي....ابوي مكلمني اليوم بهدوء ...لكن بكره بيعصب علي...ولاهب معطيني فرصه افكر.....!!!!!

ومامداه زيد يكمل تفكيره الا وابوه راجعٍ عليه يقوله:حط في بالك بكره المغرب معزومين في بيت عمك وبنخطب بنتهم.....!!!!
وامنعني من شغل الحريم ذا؟؟؟!!!!...........وطلع ابو زيد...

زيد:الله يهديك يايبه...كذا بدون ماتشاورني قررت.....ومن قالك انه ماشاورك؟؟؟الا شاورك قد له شهرين....لو انها مرة مخطوبه كان قد وافقت.. يارجال توكل على الله ..اعرس عليها ولا تعرس...خلها تعرف انك ماتبيها..وبعدين بتطلب الطلاق...وانت على طول طلق ولا يهمك احد.....!!
آه يامنيره ..ليه تعطينه أمل انه يحير عليس ليه؟؟؟؟؟؟....ماهب كفو ياخذس..على العموم الله يكتب اللي فيه الخير.............
لما طلع زيد كان المؤذن يأذن للعصر راح للحمام عشان يتوضا ويروح المسجد يصلي...وهو طالع صادفته اخته هند توها جايه من الجامعه.....

هند: السلام عليكم....أخيراً وصلت!!!!...
زيد:وعليكم السلام ......ومشى وخلاها.....
هند:وش فيه ذا وش مستعجل عليه..والله شكله مهب خالي شكله معصب من شيء.....!!!ودخلت هند للصاله لقت فايز ومحمد نازلين من الدرج.....
هند: محمدوه..انت ليش ماجيت تاخذني من الجامعه ترى والله كرهت قطار الموت ذا اللي رايحة جايه عليه....
محمد:وجع يوجعس..اصغر عيالس انا"ويقلدها"اسمعيني الحين انا رجال مشغول ولانيب فاضيلس...خلاص صرت عسكري....!!!!!!!!
فايز:وخر عنك ...قال ايش قال عسكري ..الحمدلله وطلع وخلاه..
هند بفرح:صدق عالبركه ..ياخي مابغيت ...قامك والله ذا النسبه اللي تفتح النفس....!
محمد: الله يبارك فيس يالله انا طالع للمسجد..
هند: الله يستر عليك..
وطلع محمد وراحت هند تحب راس امهــا..

صدقيني يامزنه مدري ليه إلى الآن ماجوا يخطبون!!من يوم كان عمري احد عشر سنه وابوي حي وعمي يقول ترى نوره لزيد وزيد لنوره وماعقب
هرجي هرج وابوي كان موافقه..!!؟!؟!وانا خلاص برمجت حياتي اني مستحيل اتزوج غير زيد لأن ابوي وعمي يبوني له....!!
مزنه: لكن انتي وش تبين يانوره؟؟؟؟!؟
نوره:مااخبي عليس ..انا عمري ماتخيلت نفسي مره لرجال غير زيد..من حياتي تعودت ان زيد لي وانا له ولافكرت في يوم اني آخذ غيره مدري ليه
كنت احس اني من املاكه...!.!!بس هو لاخطبني ولاقال لأخوي انه مايبيني كان والله انها تهون..وان تبقى معزته في قلبي مثل ماهي...!!!!!
مزنه: طيب وانا اقولس اني حاسه انه مهب ماخذ غيرس ..وقريب بعد..؟؟!!!
نوره:انا ماعاد ابيه يجي عقب ذا العمر ..!!انا يامزنه صكيت السبعه وعشرين يعني خلاص ماعادني بصغيره كبيره يامزنه كبيره.........
...................وبانت عبرتها في صوتها...!!!!
مزنه: اجل اخليس الحين..قومي اغسلي وجهس وصلي لس ركعتين وارقدي وان شاء الله بتقومين وانتي بخير....

زيد: يمه وين ابوي؟؟!؟!؟!؟؟
ام زيد:ابوك في غرفته ليه يمه بغيت شيء؟؟؟؟؟....
زيد: ايه...بلغي ابوي اني موافق اتزوج نوره بس إذا ماعجبتني قسم بالله لأعرس عليها..!!!!!!!!
ام زيد:زين ياوليدي الله عقل عليك الله يوفقك يمه وصدقني والله ماتندم في لحظه انك خذيتها...
زيد: نشوف يمه نشــــــوف؟!!!!
راح زيد ودخل غرفته.....ياربي انا شسويت...وكيف اوافق على وحده عمري في حياتي مافكرت آخذها ....لا ..والمشكله مامعها الا شهادة سادس
وشكلها بدويه ولاتعرف شيء ....ليه انت نسيت انك ناوي تطفشها إلى ان تطلب الطلاق ....آه..والله اني مدري وش بيصير ...يارجال خلها لوقتها وربك يحلها............................................. ........
.................................................. .......................................

الجزء الثالث:

ام زيد ماصدقت خبر راحت بلغت ابو زيد ثم دخلت على هند وبشّرتها..وراحت لمحمد وفايز وبلغتهم بها الخبر السعيد........
وكلها دقايق ومحمد وفايز وهند داخلين عرض على زيد في غرفته ..!!
هند: ألف مبروووك اخيراً بتاخذ النوري...ياحظك والله فيها ..
زيد:انتي على ويش طايره؟!؟!؟؟؟
محمد:ياولد خل عنك الثقل وفل ابووها..قم قم ورنا رقصك اشوف..!!
زيد: ماعاد باقي الا هي..بعد ارقص عشاني بآخذ ذا البدويه..!
فايز:احمد ربك بس ....محدٍ لقى نوره..هذا إذا وافقت عليك يالشين..وطلع وخلاه مستغرب من كلامه له...!!
هند: البدويه ذي اللي مهب عاجبتك ...عندها علم مهب عند احد منا..انسى منيره وفكر في مرتك يالخبل؟؟؟؟؟؟؟؟!!!!
محمد يضحك: أي والله خبل ...والا به احد يقولون له خذ خير يقول ماعندي ماعون...قم صل العشاء وارقد وراك بكره خطبه ومره وعيـــال....
يووه يابوك مسئولياااات ..مسئوليات...وطلع هو الثاني ..!!
هند بعد ماجلست على حافة السرير قالت له :اسمع يازيد إذا ماتبي البنت لاتعلقها فيك...؟؟؟؟؟؟؟؟؟!!!!!!
زيد: ليه ياخوس تحسبيني ماقلت لهم...انا قلت بس محدٍ سمع....!!!!
هند:زيد نوره تراها احسن من منيره بواجد يكفي انها متواضعه مهب مثل منيره اللي ماتشوف الدرب من كثر غرورها...!!
عندك لا بكره تفكر ورد لي خبر ..وانا بعالج الموضوع بطريقتي..وصدقني بكون معك في إختيارك؟...!!!!
زيد: مشكووووره ياهند والله اني بدونس مااعرف اسوي شيء!!
هند:هذا عشان تعرف قيمتي بس..يالله عن اذنك عندي مذاكره..؟؟؟؟
زيد:معروفه قيمتس والله انس وحدة من عيوني....روحي ماابي اعطلس عن شغلس..
وطلعت وقعد زيد يفكر في الموضوع للمره المليووون....
.................................................. .............................

سعد:نوره اسمعي ياخوس انتي ومزنه عمي دق علي يوم الأثنين وقال ترى بنجيكم كلنا يوم الخميس.....عاد لاتفشلونا العشاء ابيه بعد الصلاه جاهز..
يتعشون بدري عشان محمد دوامه الساعه عشر وابيه يتعشى قبل لايروح.....!!
نوره: ابشر بس غريبه مهب من عوايد عمي يزورونا كلهم بالعاده يجي هو يسلم علينا ولا يدق لك تجيبنا....!!!!!!!!!!!!!!!!!!!
سعد:خلاص دق علي وصار اللي صار....!!!!
مزنه:طيب وش فيك معصب؟؟؟!؟؟؟!؟؟؟
وقاموا الثنتين...

ام سعد: يمه سعد وش فيك؟؟!!؟؟!!؟؟
سعد: مدري يمه احس اني متوتر من ذا الزياره ...الله يستر بس ..والله انها غريبه مثل ماقالت نوره....يالله يمه توصين شيء قبل لااطلع مع محمد بيمر علي بعد شوي....
ام سعد: سلامتك يمه بس لاتطول بالسهر عشان تسرح بدري تجيب اللي ناقصنا الله يحفظك يمه...
سعد: ابشري يمه ...فمان الله....
ام سعد: في حفظ الرحمن يمه...
وطلع سعد وقعدت امه تسبح وتدعي لعيالها...

مزنه: اقول نوره وش عنده عمي جاي؟!؟!؟؟؟؟؟
نوره: مدري والله احس فيه شيء...
مزنه:يمكن جايين يخطبونس؟؟؟!!!!!!!!!!!!!!!!
نوره: ماشاء الله صدق فالحه...لو يبون يخطبوني كان خطبوني من زمااان مهب يوم صرت عجوز...الا قصدس يخطبونس انتي لمحمد!!!!!!
مزنه وعيونه طايره:حرام عليس مالقيتي الا ذا الملقووف..من الحين بدق عليهم واقول مهب موافقه لاتجووون!!!!!!!!!!!!!!!!.................
.................................................. .........................
نوره: ليه ماتذكرين يوم كنا صغار يوم كان مأذيس مايخليس تطلعين ولاتدخلين الا بأذنه يوم كان يقول لأبوي الله يرحمه ترى انا بعرس على مزنه ياعم...!؟؟؟؟؟؟؟؟؟؟؟؟؟؟!!!!
مزنه: نوره قفلي على ذا الموضوع تراااني ماادانيه هذي اسوأ ذكرياتي لاتذكريني بها الله يخليس؟؟!!!!! وطلعت من الغرفه.......
نوره قعدت تضحك على مزنه وهي تقول "ماأدانيه"..........
...............................................

نوره اسمها حلو ..بس انا شكلها حتى مااذكره...ليه وش تبي بشكلها يوم تذكره شكلك بتوافق من قلب يازيد..!!!!انا بوافق مؤقتاً لمصلحتي ...وبعدين بكرهها في عيشتها إلى ان تطلب الطلاق..وتاليتها وش بيربطني بها لازين...ولاعلم....وانت وش دراك انها مهب زينه امك تقول عندها من الزين كل شيء..وهند تقول انها ماخذه دورة مكياج ورسامه بارعه...طيب وانا وش لي بذا....؟؟؟؟؟يارجال لاتقعد تفكر ....ارض اهلك ووافق ذا الحين
وبعدين لا نتفق معها في شي ومحدٍ برادك لابغيت العرس ....
ونقز يعلم اخته هند بالموافقه بس لأنه ناوي يحتفظ باللي بيسويه لها في نفسه..

في اليوم الثاني الكل زاهب عشان موضوع الخطبه ... الا زيد اللي ماكأنها خطبته كانت مشاعره باااارده وزعلان وشايل الدنيا فوق راسه....

سعد:ارحبووووا يارياجيل ياهلا ومسهلا ارحبوا ارحبوا زارتنا البركه..
.................................................. ................................
واجه سعد عمه وعيال عمه وجلسوا يتقهون...
ابو زيد: ياولدي ياسعد حنا جايينكم اليوم نخطب نوره لزيد على سنة الله ورسوله...هاه ياولدي وش قولك....
سعد تفاجأ:والله ياعمي البنت بنتك ...وحنا نشتري رياجيل ومااظن بألقى لنوره رجال مثل زيد...لكن بعد لازم نشاور البنت.................
.................................................. ......................
ابو زيد: حقها يابوك قم شاور اختك ذا الحين ...ترى زيد مستعجل؟!؟!؟!؟!؟!!!!!
طلع سعد يشوف امه واخته...وجلس زيد مركز في ابوه بعد اللي قاله عنه!!!!!!!!!!

ابوزيد: زيد علامك من يوم جينا وانت ساكت ..لا..ومكشّر بعد
ياولدي ذي خطبتك وان وافقوا فالملكه بعد اسبوعين مهب عزاء!!!!
زيد: ان شاء الله يبه اللي تامر فيه خل سعد يجي وتشوف الضحكه من هنا إلى هنا..ويأشر على فمه.....
ياااااااااااااارب جعلها ماتواافق يارب دعوة المظلوم مستجابه...............
..............................................يارب .........!!!!!.......................

سعد بعد مانادى اخته وسألها قالت له خلني افكر قال:ياخوس علوم البنات مالها داعي انتي تعرفين زيد ولابه داعي تقعدين تفكرين...ليه هو انتي مافكرتي طول عمرس اللي رااااااااااح ....!!!!!انا بصراااااحه منيب شايفٍ على زيد غير العلوم الطيبه رجال وينشد به الظهر..والراي وانا اخوس رايس...؟؟!!؟؟
نوره بعد مااوجعها حكي اخوها قالت:قولهم اني موافقه....وطلعت لغرفتها
سعد: الله يوفقس يانوره والله مدري وش اسوي لامنس رحتي.....الله كريم!!

وطلع يعلم الرياجيل انهم موافقين...طبعاً الكل فرح من قلب الا زيد اللي زادت اوجاااااعه..لكنه سّلم امره لربه...................
اتفقوا على يوم الملكه اللي كان بعد اسبوعين من الخطبه ....وكل ماقرب هاليوم يتوتر زيد زياااده...اما نوره فهي مابين سوق ..وإستعداد نفسي قووي...وفي يوم الملكه كان الكل مبسووط..وأولهم ام زيد اللي ياما تمنت نوره تكون لزيد واكرمها ربي وحقق حلمها....
بعد المغرب جاء المملك وملك عليهم بعد مااخذ موافقة نوره اللي كانت ترجف ورى الباب يوم جاها الشيخ يسألها....

الشيخ: كم المهر وهل هناك شروط؟؟؟؟!!؟؟؟
ابو زيد: المهر علي مية الف ريال....وعندكم شروط ياسعد...
سعد: لا مابه شروط....
وتم الموضوع وقوّم سعد الرياجيل على العشاء وطبعاً قبل لايرووح ابو زيد دخل عالبنات وسّلم عليهم وبارك لنوره وام سعد واتفق مع سعد على يوم العرس اللي كسر ظهر زيد ...وكان يوم العرس بداية العطله اللي باقي لها شهرين وتبتدي.......
.................................................. ........................

سعد: مبروك يالنوري والله إذا رحتي بموووت!!!!!!!!!!
نروه وهي تضحك بحيا:الله يبارك فيك ...بس عاد تموت مره وحده؟!؟!؟؟
سعد: إي والله انتي اختي الكبيره وطول حياتس وانتي معنا يجي زيد بكل بساطه ياخذس...!!!!!!!!
مزنه: لاحووول الله...الحين انت بتقطع نصيب البنت..يااخي خلها تتزوج وش عليك منها خلها تعيش...!!!!!!!!!!!!!!!!!
سعد: اقول اسكتي انتي لا أدق على محمد واقول تعال خذ مرتك......
مزنه: ويش ..ويش..ويش.. عد اللي قلته انا مزنه بنت زيد آخذ محمد هالمطفوق ..اعوذ بالله والله اللي ماقبلت به...وقامت وخلتهم....

اول ماوصل ابو زيد وعياله للبيت....باركوا لزيد اللي كانت نفسيته في الحضيض...!!!في البدايه كان متوقع نوره ترفض...لكن نوره خذلته؟؟!!؟!؟؟؟لــــــــيه يانوره؟؟!!؟؟ لــــــــــيه توافقين؟؟؟؟؟؟؟؟؟؟؟؟؟؟
ليه تبيها تردك عقب ماضاع عمرها؟!!!...
اكيد قعدت تحتري العرسان ولاجاها احد .....وقالت اوافق على زيد قبل لايطير هو بعد.......بس انت يازيد اللي منعت عنها العرسان...ليه؟؟؟؟هوانا كنت راضي؟!؟!؟راضي ولا...زعلان ماعلقت ولا قلت شيء ولا فكيت البنت برقبتها.....وماانتبه على نفسه لأنه دخل في النوووم من الزعل والتعب............................................ ....
.................................................. ...............................

مرت الأيام على زيد بطيئه جداً ووقته كله كان دوام ونوم وترك كل شيء على اهله ..ولا...كأنه هو اللي بيعرس ...إلى ان جاء يوم العرس!!!!!!!
اللي الكل احتفل به الا زيـــــــــد!!!!!!!....اللي احتفل بموت قلبه........!!!

ابوزيد: اسمع يازيد رح الحين جب مرتك....ولااوصيك عليها يابوك نوره يتيمه...وماطلعت من بيت ابوها الا وهي دارية انها بتروح لرجال,,,وترى نوره تستاهل كل خير.........!!!!
زيد: ابشر يبه مالك الا اللي يرضيك...وقال في خاطره وانا في حريقه مهب مهم...!!!!!!!!!!!!

راح زيد مع سعد يجيبون نوره اللي كانت منحرجه واجد...وركبت معها مزنه وخالتها نوره...ولما وصلوا البيت نزل زيد وسعد ودخلوا للبيت..
وقعدت مزنه وخالتهم ينزلون نوره اللي كانت يابسه من الإحراج من السياره ودخلوها لقسمها اللي حطوه لها ...واللي مايدري زيد كيف اثثه ورتبه...لما دخلت نوره لبيتها جلستها مزنه في الصاله وشالت غطاها عنها...وزينت طرحتها ..وفستانها اللي كانت فيه قطعه.....كانت نوره سرحانه لأبعد حد وخااايفه كثير.....ولكن نوره رجعت للواقع بعد ماسمعت صوت سعد يبارك لزيـــــــــد...ويوصيه عليها ...عرفت ان زيد خلاص بيدخل .....!!!بدت الرجفه تسري في جسدها كـــله!!!!!!!!!!!!"طبعاً زيد رفض وجود أي مصوره بحجة انه مايبي مرته تطلع في صور"...طلعت مزنه وخالتها وسعد..من الجناح حق زيد ونوره...وهم يدعون لهم بالتوفيق...وكلها دقايق الا وزيد داخـــــــل على نوره....................
.................................................. ...................!!!!!!!!!!!!!!

ولنا تكمله غد انشاء الله إذا ثبتت واعجبتكم

مع فائق حبي واحترامي

نـــــونــــا

LadyLvoe · 30-09-2009, 08:48 PM

ياويل على حرق الاعصاااااااااااااااااااب

يلاانتظرالتكمله بالصبااح لاهنتي

يسلمؤؤؤؤؤؤؤؤؤ

نــــونــــا · 01-10-2009, 03:04 AM

اوه سوري ياعيون راعيها

كان عندي زواج

بس لعيونك نزلت الجزء الرابع

وانشاء الله كل اسبوع انزل جزء استحملوني

بدت الدوامات بس كل اربعاء انزل جزء اوجزئين

الجزء الرابع:

دخل زيد للصاله وكان حاط في باله انه مايشوف نوره....ولما دخل لفت إنتباهه شيء قدامه وكأنه قطعة ثلج..ركز في هالبياضه لقاها نوره!!!!!!!!!!فتح فمه من شكلها اللي كان جداً ملائكي...كانت آيه في الجمال..وش آيه كان معنى الجمال مايوفيها حقها من الروعه....خصوصاً مع الورد الأحمر اللي كان بين يديها....ومانتبه لنفسه الا وهو يبوس راسها....!!!!!!!!ومايدري من وين جته الجرأه...وقعد يتأملها بصمت...وفي باله يقووووول وش هالملاك ؟؟!!؟؟!؟؟!؟؟؟!؟؟؟؟؟؟؟؟

نوره اول مادخل زيد عليها...من الربكه وقفت عشان تحس انها مسيطره على نفسها شوي....كانت تحس ان روحها بتطلع .....اختنقت ...وماعادت قادره تشوف شيء من الخوووووف...!!!!!!!!اول مره تكون بها القرب من زيد.....الا تعتبر هذي ثاني مره تشوفه في حياتها بس هالمره غير هالمره تشوفه وهو زوجها...لها هي وحدها!!!!!!!!!ولما حست ان زيد بدأ يقرب منها انتفضت وغمضت عيونها ..كانت تظن انه بيقول السلام عليكم لكنه فاجأها يوم باس راسها...هنا جمدت جميع اطراف نوره...يوم ركز زيد عيونه في عين نوره!!!!!!!!!من الخووووف بكت...هي ماتدري ليه بكت بس كانت نظراته بارده.. كانت تخّوف ....مهب قادره توصف نوع نظراته...!!وفي النهايه لما شافها زيد بدت تبكي ماكان عارف كيف يتصرف !!!!!!!!!!!!!!قال بسرعه وبشكل غبي نوره انتي تعشيتي؟!؟!؟!؟!؟

نوره انصدمت من قلب من سؤال زيد وش عنده ذا هذا كلام واحد في يوم عرسه لمرته مايعرف حتى يقول سلام عليكم...ولا مبرووك؟؟!!!
قالت :لا...ومهب مشتهيه..
زيد بغباء قوووي:براحتس..اجل انا برقد وياليت تصحيني للصلاه لأني قافل جوالي وماابي احد يزعجني.......!!!!!!!ودخل غرفته وتركها وراه عروسه مذبوحه بيوم زواجها؟؟؟؟؟!!!!!!!!!!!!!!!!...........
.................................................. ...........................

نوره تقول في بالها هذا وش فيه ..ليش يعاملني كذا وش هالحقد اللي في عينه....بالطقاق انا ماصديته .والله لردها لك يازيد ولا ماكون نوره بنت زيد.....!!!!!!!!!!!!!!!!!!!!!!!!!!!

نوره وهي تمسح مكياجها طاحت من عينها دمعة قهر تدري وش سببها بس تكابر...............انا الحين ليش معصبه ..الله يجزاه خير عالأقل زال نصف التوتر اللي كنت عايشته...بس وش قصده بذا الحركه...يعني مايبيني؟؟؟؟!!!!!!لا..هو اكيد يبيني ولا ليش تزوجني؟؟؟؟؟؟بعدين انا شفت بعيونه نظرة إعجاب....يمكن هو اعجب بشكلس ..اما مضمونس فهو مايبيه...لاهو اكيد مايعرفني ...على العموم كلها كم يوم ويتعود علي ويحبني بعد..!!!!!!!!!!طلعت من الحمام ... وراحت للغرفه...!!!!!!!

يوم فتحت نوره الغرفه لقت زيد نايم...وفي سابع نومه.....راحت نوره وانسدحت على حافة السرير من الجهه الثانيه....ولكن النوم مازار عينها إلى الآن.....من التعب اللي في نوره رقدت قبل وقت الآذان بساعه...!!!!!!!!

زيد اللي من دخل الغرفه وهو يتذكر شكل نوره اللي كان جداً روعه....كانت إنسانه جميله جداً...وكان يظنها وحده من رسماتها اللي ترسمها.حاول ينام زيد...ولكن نوره شاغله باله وقاعد يفكر فيها.؟.........
.......................................

ماشاء الله تبارك الله ...ماتوقعتها جميله كذا...طيب انت وش لك بزينها وانت ماتحبها؟؟؟؟؟؟؟؟؟؟؟؟؟انا ماابيها..بس لفت نظري جمالها..عيونها فيها براءه..بياضها اللي كان شادني بقوه.رزتها في الوقفه......كل شيء فيها يسحر....وش تبي بذا الزين بدون علم ....بدون ثقافه...مره عقلها صغير انسانه مهب متفتحه....انا متأكد بعد انها الحين نست الحروف الأبجديه وبتقعد انت يازيد تعلمهاا!!!!!!!!!!!!!!انا بس ابدي رأيي بشكلها..؟؟يمكنها عاديه..بس انت عشانك ماتعودت تشوف حريم استغربت شكل المره؟؟؟!!!!!!!يارجال خلك منها وفكر كيف بتطلع من ذا المصيبه اللي طرحت نفسك فيها يالدلخ؟؟؟؟؟؟!!!!!!!!!!!!!!!!!!!!!!!!!

بعد وقت كان جداً بطيء على زيد.....سمع الآذان وقام عشان يتوضأ ويلحق الرياجيل في المسجد..... كان متوقع ان ابوه بيدخل عليه في أي لحظه ويصب في أذنه ماء نسى الغبي انه الحين متزوج..ماعاد مثل قبل!!!!!!!!!!!دخل الحمام وتوضأ وطلع يقّوم نوره عشان تصلي ...ويوم قرّب منها ...اذهله شكلها للمره الثانيه وجلس يناظر فيها....كان شكلها وهي نايمه كأنها طفله....بس طفله حلووووه!!!!!!!!كانت جذابه كثير ...فمها كان صغير وشفايفها منتفخه....وبشرتها كانها حليب من كثر ماهي صافيه بس حليب الصافي مهب حليب الدنمارك!!!!!!!!!!!!!!!!!!!!!!سحب زيد المفرش وغطى به نوره....وطلع بدون مايقومها للصلاه...................
.................................................. ..............................

لما رجع زيد من الصلاه ..قرر ا نه يقّوم نوره من النوم عشان تصلي ولما فتح باب الغرفه لقاها مازالت نايمه........قرب منها وهو يحاول يكون طبيعي....وقعد يقّومها:نوره...نوره...نــوره ياحلوه.نوره!!!!!
نوره قامت مفزوعه وكانت على وشك تطيح من السرير من كثر ماكانت لاصقه في الحافه: خير ...انت وش تبي..............؟؟؟؟؟؟؟؟!
زيد بغيت شيء تبي اكل؟؟؟؟؟؟؟؟؟؟؟؟؟؟؟؟؟؟؟
زيد يحاول يخفي إبتسامته: لا...بس ابيس تقومين تصلين........
نوره: طيب الحين بقوم....ورفعت المفرش عنها....طبعاً نوره في ذيك اللحظه نست انها كانت لابسه قميص نوم!!!! ماكانت متعوده تنام وهي كذا...كانت معتقده انها نايمه ببجامه ولما وقفت........شافهــــــــــــــا زيد!!!!!اعجب فيها هالمره بصدق........جسمها كان روعه وكأنها راسمته رسم ..ماكان ماتوقع انها بهالنحف...اول مره شافها كانت صغيره وكان جسمها كتله وحده ملخبط !!!!!!!!!!ماتت هي من الإحراااااااااااااااااااااااااااااااج..وكانت تبي تنحاش للحمام بدون ماينتبه زيد........او ترجع تلف المفرش عليها...لكن زيد سبقها ومسكها من كتوفها....وقعد يناظرها............!!!!!!!!!!!!!!!!
نوره: زيــ....ــد...فــــــ....ـيه شـــــــ....ــيء؟؟؟؟؟!؟!!!!!!!!!!
زيد: لاسلامتس ..بس محد قد قالس انس حلوه؟؟؟؟؟؟؟؟؟؟؟؟؟؟؟؟؟؟
نوره قعدت تناظر زيد وفكت نفسها بهدوء.... ومشت للحمام.........
.................................................. ........................

انت وش سويت يالدلخ...؟؟؟؟انا وش سويت مدحتها...انت قلت بتمدحها في خاطرك......وماله داعي تعلنها!!!!!!!!كيف يعني ؟؟؟حرام احسسها بقيمتها..؟؟؟!! وليه تحسسها بقيمتها ؟؟؟انت ماقلت انك بتكرهها وتخليها تكرهك؟؟؟؟؟؟....وليه تكرهني إذا انا ماكرهتها.....؟؟؟؟ يعني يازيد انت حبيتها..؟؟؟ انا ماحبيتها ...بس هي فعلاً حلوه..وانا لازم آخذها شهر عسل بما اننا في إجازه..........!!!!!!!!!!!!!!!!!!!!!!!!!!!!!!!!!!! !!!!

هذا وش فيه؟؟؟؟؟ ليه مزاجه متقلب....؟؟؟مره مايناظرني...ومره يقول انتي حلوه.........!!!!!!! والله انه مهب طبيعي....بس اوريك يازيد على الموقف اللي سويته لي البارح...والله لأرده لك ..ولا..ماكون بنت زيد يازيد...................!!!!!!!!!!!!!!!!!!!!!!!!!! !!!

زيد لما حس انها شوي وتطلع من الحمام..نط عالسرير وسوى نفسه نايم!!!لكن نوره عارفه ان زيد توه مابعد نام.....خذت جلالها وجت تبي تصلي...بس ماتدري وين القبله؟؟؟!!!!وبعد تفكير ودوران في الغرفه ...بالضبط بعد سبع دقايق..قررت تسأل زيد...وجات عنده تقومه...:زيــــــــــد ...زيـــ....ـــد !!!!!!
زيد وهو يسوي نفسه نايم: هاااااااااااااااه...
نوره:زيد وين القبله ابي اصلي..؟؟؟
فتح زيد عينه عشان يوريها القبله ولكنه شااااااااااااااااااااااف...................
.................................................. ....................................

وتقبلوا تحياتي وانتظر توقعاتكم

نــــــــــــــــــونـــــــــــــا

غـ السعودية ـلا · 01-10-2009, 03:57 AM

شكرا على هدا الطرح الجميل

LadyLvoe · 01-10-2009, 08:14 PM

نــــــــــــــــــــــــــــونا حررام وربي هي كم جزء نزلي كل بعديومين جزئين ياقلبي

ترى وااجد من الاربعااء للاربعاااء بليييييييييييييييز << تصيح هع هع

نــــونــــا · 03-10-2009, 12:21 AM

الجزء الخامس:

زيد لما فتح عيونه....شاف نوره قدامه وهي لابسه الجلال..وماهب طالع منها غير وجهها....قعد زيد يقول في خاطره : ماشاء الله كل شوي اشوفها احلى من قبل...لا والجلال عليها طالعة بدر...والأهم من ذا كله وجهها فيه نور يعني باين عليها الصلاح......قام بسرعه واشر لها عالقبله وطلع بسرعه وسط إستغراب نوره.......!!!!!!!!!!!!!!!!!!!!

هذا وش فيه انا ابي اعرف؟؟؟؟؟؟؟ وش فيه بعد غير انه منهبل عليس.......واللي ينهبل على وحده يروح ينام ويخليها بيوم زواجها..لاوالله خلك كذا يازيد عشان تشوف من هي نوره.......؟؟؟؟؟؟!!!!

لما طلع زيد جلس في الصاله......وكان يقول في خاطره....انا لو جلست معها اكثر من كذا بأنهبل .....بأنهار وانا ماابيها...ولا ابي اعذبها!!!!!!!!
وليه ماتنهار يازيد؟؟؟؟؟؟؟نوره مااحبها.....!!!!!!لكنك ماتكرهها ....بس وش الفرق؟؟؟؟؟؟؟؟الفرق انك مع الوقت بتحبها.....!!! وليش احبها؟؟؟ ليش تحبها..؟؟؟؟؟؟؟؟ عشانها زوجتك..ولازم تراعي مشاعرها....بس انا ابي منيره....!!!!!! يوووووه يازيد طلعت كأنك بزر...ماتفهم..يقولون لك منيره لفهد انت ماتفهم؟؟؟؟؟؟؟؟ انت ليش ماتحب نوره..؟؟؟نوره ماتستاهل انك تتزوج عليها...يكفيك انها جميله وساكته عنك..ولاتكلمت معك...؟؟؟؟

نوره بعد ماخلصت صلاه طوت السجاده والجلال..وقعدت تفكر تكمل نومها ولا ..تطلع تشوف زيد....؟؟؟؟؟؟!!!! وقررت تطلع تشوفه بس بعد ماتغير ملابسها وتذكرت موقفها قبل شوي مع زيد وحمّر وجهها!!!!!!!!

فتحت الدرج وطلعت لها بجامه لونها وردي...ولبستها ...كانت اكمامها قصيره ويدها بيضاء.....وعلى البادي حقها صورة ورد..وقبل لاتطلع خذت لها ثلاث بخات من العطر وطلعت.......واول مادخلت الصاله لقت زيد قاعد وسرحان فجات وقعدت عند رجوله....!!!!!!!!!!!
نوره بكل انوثه: زيد فيك شيء؟؟؟؟؟؟؟؟؟؟؟؟؟؟؟
زيد تعجب من حركة نوره واللي زاد إعجابه لما شاف شكلها مع اللون الوردي...
زيد:هـــــلا......!!! لامافيه شيء بس كنت افكر وين تبينا نقضي شهر العسل؟؟!؟!؟!؟!؟؟
نوره: شهر عسل ...كيف يعني نطلع برى ولا داخل زي باقي الجماعه....؟؟؟؟؟!!!!!!!!!!!!!!!!
زيد: لااكيد برى...بس وين؟؟؟؟؟؟؟
نوره: براحتك....اهم شيء دوله عربيه.....
زيد بعد ماسمعها قال في خاطره وهذي اول مشكله ماعندها لغه إنجليزيه...من وين بتبدأ يا زيد تعدل فيها....!!!!!!!!!!!!!!!!
نوره بعد مالاحظت سرحانه قالت:زيد ..وين سرحت...؟؟؟
زيد:معس..مارحت بعيد......!!!!!!
نوره: شوف انا مابضغط عليك إذا ماتبينا نسافر..مانسافر...؟؟؟؟؟؟؟؟؟
زيد بعصبيه: ومن قالس اني ماابي اسافر..لو اني ماابي كان ماقلت لس...!!!!!
نوره بخوف: يمه ماقلت شيء خلاص اسحب كلامي ...انا بس كنت ابي اريحك....تدري انا ابي اسافر؟؟؟؟؟ وقلب وجهها يعطي اروع الألوووووووان......وابتسمت إبتسامه خجوله..!!!!

زيد اول ماتكلمت نوره بشكل مسترسل...حس انه اول مره يسمع صوتها...كان ناعم وفيه حناااااااان كثير..ولما شاف إبتسامتها المتردده ذاب في مكانه...وكان بيموت ويشوفها تبتسم مره ثانيه....وقال:اجل خلاص
وش رايس بمصر.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره : مصر ...مصر...اللي يريحك...وقامت نوره ووقفها زيد..
:نوره وين بتروحين؟؟؟؟؟؟؟؟؟؟؟؟؟؟؟؟

نوره: ابتسمت ...بروح اكمل نومي والا انت ناسي ان الساعه صارت ست الصبح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد: لامانسيت..تصبحين على خير...
نوره: وانت منهم........

مر اربعة ايام على زواج زيد ونوره... واللي حجزوا خلالها رحله لمصر...ولكنها تأخرت بسبب الضغط بما انهم في عطله.....
زيد: نوره ..لو سمحتي جهزي شنطتس عشان بعد ثلاث ايام سفرنا...!!!!!!
نوره: ماتبيني اجهز شنطتك؟؟؟؟؟؟؟؟؟؟؟؟؟؟؟؟؟؟؟
زيد: لا مشكوره انا بجهزها!!!!!!!!!!!!!!!
وكانت الضربه القاضيه على نوره ...ولعت من القهر ولاقدرت تستحمل فلت لسانها منها وقالت: ليه يازيد انا مانيب مرتك؟؟؟؟؟؟؟؟ زيد ارجوك إذا بتقعد تعاملني وكأني ضيفه عندك....!!!! مالنا حاجة بذا السفره...وراحت لغرفتها...............!!!!!!!!!!!!!!!!!!!!!

زيد: هذي وش فيها زعلت؟؟؟؟ معها حق تزعل... الا اكيد بتزعل دامك ماتعطيها وجه...يااخي الرجال إذا اعرس يقول جميع كلمات الحب...اللي في القواميس ويخترع بعد!!!؟؟؟ وانت ماتناديها الا بأسمها...عالأقل دلعّها...إذا رحت لمصر زينت معاملتي معها ..اما ذا الحين مالي بها حاجه..بس بعد لازم ارضيها عشان محد ينتبه كفايه هند انتبهت علينا البارحه..يوم قلت لهند تروح تجيب مفتاح السياره من ثوبي ولاقلت لها هي مع انها الحين زوجتي....!!!!!!!!!!!!!!!!!!! والمفروض هي اللي تجيبه....

لما دخل زيد على نوره ..حاول قد مايقدر انه يراضيها..لقاها جالسه عالكرسي حق التسريحه..مسك طرف خشمها وقال:زعلتي النوري؟؟؟؟؟؟

نوره اجمدت من لمسة زيد لها ..كانت تحس انها تتبخر!!وكان هالشعور
مختلط بشوية فرح وراحه وحزن غريـــب...!!
نوره: قولّي يازيد ..مايحق لي ازعل؟؟؟اول شيء تركتني في ليلة زواجي الحالي ..وثاني شيء تعاملني وكأني ضيفه عندك ماكني بزوجتك؟؟؟!!!!!! وذ الحين تنشد إذا زعلت ولا...لا...والله انك غريب...زيد انا بسألك سؤال بس اتمنى تجاوبني بكل صراحه...!!!انت ليش تزوجتني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

زيد كان منزل راسه ولما سمع هالسؤال الناري من نوره رفع راسه وفتح عينه فيها...
نوره: عشان ترضي اهلك صح؟؟؟؟؟؟؟؟؟؟؟؟؟؟؟؟بس انا ماني بلعبه!!!!
زيد: نوره انتي من اللي قالس هالكلام...ولا مهب صح...!!!!!وقام وخلاها........

انت ليش ماقلت لها انك ماتبيها....؟؟؟ليش ماقلت ياغبي...؟؟؟الفرصه وجات عندك وش ردك؟؟؟؟؟؟؟؟؟؟؟؟؟وليش اجرحها؟؟؟؟وش ذنبها ؟؟؟الذنب ذنبي انا لأني وافقت على كلام ابوي كان المفروض احتج اسوي أي شيء ...اقلها بقول لهند..هند قالت علمني برايك وانا بعالج القضيه...بدون محد يدري...بس انا قلت لا...!!! وحبيت اتزوجها عشان اذلها بنفسي .... واخليها تكرهني بعد ماتكره نفسها...!!!! بس وش بيفيدني ذا الشيء ؟؟؟؟غير اني بضيع عمر البنت اكثر مما ضاع...تدري يازيد خلها للزمن يمكن هو اللي يداوي جروحك وجروحها....!!!!!!!!!

نوره انتي لازم تنهين هالجفاء اللي بينكم....يعني كيف انهيه؟؟؟؟؟اروح اترجاه واترضاه وانا اللي زعلانه؟؟؟...والا اجي واحب راسه واقول ولايهمك اجرح وعذب على كيفك انا تمثال؟؟!!!!!!!!!!!!!!!
انا اللي زعلانه والمفروض هو اللي يراضيني...!!!!!!!!آه....يازيد
ماكنت متوقعه انك معقّد... ومزاجك صعب ليتني عرفتك قبل لاآخذك.....كان والله ماآخذك ولو انك آخر رجــــــــال
في العالم................!!!!!!!!!!!!!!!!!!!!!!!!!!!! !!!!!!!!!!!

نوره كانت داخله جو في التفكير بمشكلتها...وماانتبهت لجوال زيد اللي قام يدق على التسريحه....لكنها انتبهت لزيد اللي دخل وناظر فيها نظره سريعه ورد على جواله...
زيد: الوووووووووووو.......
المتصل:.........................................
.................................................. ....................
زيد: خلاص نازلين الحين..
المتصل:.................................
زيد: مع السلامه.. وسكر جواله والتفت على نوره..نوره البسي وانزلي معي اهلي يبونا نتقهوى معهم..وفتح الدرج عشان يغير لبسه..ورجع يكلم نوره:يالله قـــــــــومي وش فيس قاعده....!!!!!!!!!!!!!!!!!
نوره: انزل انت وقولهم اني تعبانه مانمت وابغى انام زين؟؟!!!!!!!!
ماانتبهت نوره على دمعتها اللي طاحت بدون ماتستأذن على خدها الصافي..ولكن زيد انتبه لها وقال: على راحتس وسحب غترته وطلع...............!!!!!!!!!!!!!!!!!!!!!!!

انتي ماتعرفين تجلسين بدون دموع؟؟... آه يازيد ليتك تدري اني ماابي شيء غير الحنان...!!!!!!محتاجه احد يعوضني عن اللي راح كله..ويجبر خاطري...مهب واحد يدوس علي في الرايحه والجايه....!!!!!!!!!!محتاجه رحمه وقلب وقبل ذا كله حــــب!!!!!!

بعد ساعتين تقريباً..رجع زيد لنوره ..وكله امل ان نوره تكون هدت...ماكان يبي يدخل معها في متاهات كان متوقع ان نوره مجهزتها له....لكنه تفاجأ لما شافها واقفه ومعها..........................

الجزء السادس:

اول مادخل زيد شاف نوره واقفه وماسكه في يدها علبة الوان...وقدامها لوحه..وفي يدها الثانيه الفرشاه وترسم....

نوره اول مادخل زيد قررت انها ماتتكلم معه وانها تحقره عشان يحس فيها...وقعدت تكمل رسمها بكل إنتباه..واللي كانت تعكس مشاعرها المنكسره..كانت راسمه بنت مطيّر الهواء شعرها..تطرد ورى سراب رجل...وتتفاجأ بوجوده في كل الجهات ولكنها ماتقدر توصل له...لأنها ماتعرف الصوره الأصليه وين هي بالضبط؟؟؟؟!!!!!!!!!!!!!!!!!

جاء زيد ووقف جنبها وجلس يناظر فيها...ونوره بعد قرارها قررت انها تتجاهل نظراته ...مع انها كانت حاسه انها تحرقها من قوتها كانت بكل بساطه تتبخر...
زيد: النوري وش ترسمين؟؟؟؟ومشى عشان يقعد عالكرسي....
نوره:............................................. ..!!!!!!!!
زيد: تصدقين وش يعجبني فيس؟؟؟؟فيس من عناد جدتي الله يرحمها..نوره لما سمعته التفتت له ماكانت قادره تقاوم لسانها وقالت: زين.. فيه شيء يعجبك فيني.....!!!!!!!!!!!!!!!!!!!!وشالت لوحتها والوانها ودخلتها الغرفه من غير ماتتكلم ....وسكرت الباب.........!!!!!!!!

يالله ماتوقعتها بارعه لها الدرجه...كنت متوقعها لعب!!!!!!بس طلعت شيء....بس هي ليه حاقرتني وليه قالت لي الكلام ذا...ليه هي وش شافت منك من يوم خذيتها غير الحقران..والقهر...تحمل ماجاك هي الحين قاعده ترد لك ولو شيء بسيط...!!!!!!!!

نوره بعد ماسكرت الغرفه ..انسدحت على السرير وقعدت تبكي بحرقه...على حظها!!!!! انتي ليش ماتتكلمين؟؟؟؟ليش ماتقولين له
انس ماعاد تحبينه.!!!!!!!وحتى لو درى عادي الوضع عنده ...هو ماحس فيس وانتي ساكته ...بيحس فيس لاتكلمتي!!!............
آه...ياحظي النحس..ياليتني قعدت بكرامتي في بيت اهلي...على الأقل هناك ماعندي هم ...وهنا همـــــوم الدنيا كلها على راسي....نامت نوره بعد ماذرفت من عينها دموووووع ومن قلبها ألـــم........
................!!!!!!!!!!!!!!!!!!!!!!!!!!!!

زيد بعد ماقلّب في القنوات واستبطاها..دخل الغرفه عشان يشوفها..واول مادخل لقاها نايمه على السرير بشكل عرضي...ودمعها مابعد نشف ....آثاره باقيه على خدها....وخشمها احمر من كثر البكاء!!!!وقعد يلوم نفسه على اللي هي فيه....وسحب نفسه وراح يشوف رسمتها....اللي مافهم هي وش تقصد فيها بس كان متأكد من شيء واحد وهو ان نوره متألمه واجد منـــــه..........!!!!!!!!!!!!!!!

مرت الثلاث ايام بين زيد ونوره بنفس الفتور اللي فيها...واللي كانت هند حاسه بوجوده بينهم..بس مهب قادره تسوي شيء لأن مالها دخل في حياتهم الخاصه.....!!!

قبل الرحله بثلاث ساعات ..كانت نوره تتأكد من شنطتها...وتنسرق تشوف شنطة زيد إذا كامله...ولاتزهبها له من غير مايدري...كانت تحس انها مسئوله منه..بس تخفي هالشعور..وقررت تبقى على نفس اسلوبها إلى ان يجي زيد ويراضيها..او يفتح الله بينهم.....!!!!!!!!!!!!!!!!!!

زيد: نوره كل شيء جاهز؟؟؟؟؟؟؟؟؟
نوره: انا عني جاهزه.....اما انت فمالي شغل في اغراضك على حد قولك!!!!!!!!!!!!!!!!!!!!!!!!!!!!!!!
زيد بعد مافهم نغزتها..قرر يرد عليها عشان مايصير في موضع خطأ..
زيد: وانا اغراضي بعد جاهزه بعد ..اجل يالله باقي ثلاث ساعات على الرحله..
نوره: ليه اجل تبينا نطلع من الحين؟؟؟؟ابي اتونس مع امي ساره واخـتــ...............
زيد وهو يقطعها :لس اسبوع معهم ماتونستني ..بعدين فيه اغراض ابي اشتريها قبل لاأسافر..
نوره: خلاص رح انت وانا بقعد إلى ان تجي...!!!!!!!!
زيد وهو يحاول يمسك اعصابه: نوره....قلت الحين يعني الحين..يالله البسي عباتس وانزلي وراي تراني احتريس في السياره...بسلم على امي واطلع لاتبطين؟؟!!!!!!!...وشال الشنطه ونزل.............

نزل زيد وراح لأمه وودعها..
زيد: يالله يمه توصين على شيء ..؟؟؟تبين اجيبلس معي شيء؟؟؟؟
ام زيد وهي محزنه: ابي سلامتك ياولدي الله يستر عليكم..والله اني مدري وش بسوي لارحتوا..وبكت.......
زيد وهو يضم امه: لاحول الله ..الله يهديكم ياذا العجايز ماتعرفون تعبرون عن مشاعركم الا بالدموع....وانا وين بروح ..كلها اسبوع وانا عندكم....!!!!!!!!!!
ام زيد:الله يستر عليكم يمه...
وشوي دخلت هند المجلس وشافت امها وزيد...وقالت: هااااااه زيود رايحين...؟؟؟؟؟؟؟
زيد: استحي على وجهس ..الحين بتنزل نوره وتسمعس تقولين زيود وتقعد تناديني بها!!!!!!!!!!!!!!!!!!!!!!!!!!
هند: افـــ ......خلاص بسحبها..هاه رايحين....
زيد : ايه توصين على شيء هنوده مناك...
هند: إذا ماعليك كلافه جبلي معك هرم!!!!!!!!!!!!!!!!!!!!!!!!!!!!!
زيد: يادافع عالبلا...هرم مره وحده...وش رايس نجيب فرعون احسن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشوي دخلت عليهم نوره تودع مرت عمها...اللي من شافتها هند سحبت زيد للصاله...وخلت امها ونوره مع بعض................!!!!!

خير وش تبين لاتكونين تبيـــ......
هند: هاه زيود وشلون النوري معك ؟؟؟؟
زيد :تمام ليه تسألين..؟؟؟؟؟؟
هند: اقصد وش رايك في ذوقي؟؟؟؟؟؟؟؟
زيد:لارجعت من مصر قلت لس..وباس راسها وطلع
وكلها ثواني وهند داخله على امها ونوره لقتهم فاتحين بحيره جديده............وجرت نوره وقالت لها....:لاحول بتموتين..تراس مسافرة مع رجلس مهب بالحالس..هدي الله يرضى عليس...!!!
سلمت نوره على مرت عمها وطلعت وهي عند باب الحوش مسكتهانوره وقالت:اخص يانوره والله انس خطيره على طول صرتي في المرتبه الأولى عند اخوي!!!!!!!!!!!!!!!!!!!!!!!!!!!!!!!!!!!
نوره بإستغراب: ليش وش سويت........؟؟؟؟؟؟؟؟؟؟؟؟؟
هند: الرجال متقطع ويقول...انه يحبس وااااااااااااااجد......!!!!!!!!!!!!!
نوره ووجهها احمر:....................................اقول سلميني على عمي والعيال لاجوا وان شاء الله بنكلمكم...مع السلامه.....
بعد ماطلعت نوره قالت هند: اقص يدي من هنا.. إذا ماكانت تموت فيه!!!!!!!!!!

نوره بعد مااركبت السياره عطت البيت نظره سريعه وتخلل جسدها شعور بالفرح...ممزوج بخوف....على رشة حزن..شعور غريب..لأنها اول مره تركب مع زيد في حياتها وهالمره بلحالها!!!!!!!!!!!!!!!!!

بعد لحظة صمت سادت على نوره وزيد..قرر زيد يقطع هالصمت!!!
زيد: نوره انتي تعرفين للجوالات؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
التفتت نوره بنظره خاطفه على زيد وصدت على دريشة السياره.....
زيد يوم شاف ردة فعلها عرف انه غلط غلطة عمره..فحب يصححها
وقال: اقصد ...يعني وش تبين نوع جهازس اللي اجيبه لس؟؟؟؟؟؟؟؟؟
نوره: ماله حاجه الجهاز ذا الحين!!!إذا استقر وضعنا بقولك وش تجيب لي؟؟؟!!!!!!!!!!!!!
زيد: ..........انا آسف ماكان قصدي هالسؤال!!!!!وقبل لايكمل قطعته نوره: ماله داعي هالأسف..ماصار شيء!!!!!!
ورجعت نفس لحظة الصمت بينهم ..كل واحد يفكر في الثاني...

هند تقول انه يحبني....واللي يحب يجرح..اكيد انها تلعب علي عشان تصبرني..وانا يالخبله اللي اصدق!!!لكن هين يازيد...مستعّر مني يوم ماعندي شهاده..وانت مدرس..!!!والله لأردها لك زي غيرها..هين!!!!!!!!!!!!!!!!!!!!!!!

ياوجه الله مكثر قلباتها...المره ذي وش بلاها...مهب قادر افهمها...!!
تدري ليه؟؟؟؟؟لأنك ماتبي تفهمها!!!!!!افهمها يازيدنوره تستاهل كل خير..وانت منت بعاجز تسعدها...حبها يازيد..حبها...لكن منيره!!!!!!!!!!!!!!!!!!!!وش فيها منيره...منيره ماعادها بلك....
وامك واختك مايبونها...انت ليش مصر ماتنساها؟؟؟؟؟يازيد حب نوره..نوره هي اللي تستاهل..حبها...وتعلق فيها قبل لايفوت الفوت وتندم..حبــــــــــــها!!!!!!!!!!!!!!!!!!!!

نوره مارجعت من غيبوبتها الحزينه الاعلى صوت السياره يوم وقفت عند محل اجهزه إلكترونيه....!!!
نوره: ليش وقفت؟؟!!
زيد:عندي شغل منيب مطوّل..وجاء يبي ينزل..
نوره: بتنزل وتخليني؟؟؟؟؟؟؟!!!!!!!!!!!!!!
زيد: ابتسم..ايه..ليه تخافين بالحالس؟؟؟؟؟؟؟؟؟
نوره: بصراحه ايه..من حياتي ماحلست الحالي في السياره..
زيد:يعني...؟؟!!تبين تنزلين معي؟؟؟؟؟؟ظ
نوره فتحت الباب وقالت: احسن من اني اقعد بالحالي...!!!!!

عند مدخل المحل كان زيد يفكر في نوره كيف كانت زعلانه وفجأه في ثانيتين..تتكلم معه عادي ولاكأنه جرحها..!!!
يالله على طيبة قلبها..اثاري امي معها حق يوم قالت لاتزوجتها عرفت قلبها...!!!فقرر انه يستمتع باللحظات الحلوه اللي تجمعهم ..ويطرد شبح منيره من قدامه..وشد على يد نوره اللي كان ماسكها.....!!!!!!

بعد ماشراء زيد اللاب توب اللي كان يبي ياخذه معه لمصر..انسحب من نوره وجلس يكلم له واحد خمس دقايق بعدين رجع وراحوا للسياره وتوجهوا بعدها للمطار....
في الطياره اخذ كل واحد منهم مقعده..زيد كان داخل ونوره عالطرف لكن زيد ماخلاها وقال انا اللي بجلس على الطرف وانتي ادخلي داخل..!!
نوره استجابت لزيد بهدوءلأنها ماكانت تبي لأنها ماكانت تبي هالشيء اصلاً ..ولا هي لوكانت تبي المقعد كام ماردها زيد ولاغيره!!!!
عناديه.....
نوره اول مره تركب طياره او بالأصح اول مره تطلع برى السعوديه هي صح كانت تسافر بس بالسياره...كانت جداًَ خايفه..خايفه لايعرف زيد انها تخاف ويضحك عليها طول عمرها..هذا إذا استمرت معه!!!!!!!!
اما زيد فمن يوم اقلعت الطياره وهو نايم...كان شكله تعبان جداً...وتعبه النفسي كان اكثر من العضوي!!! على حالته مع نوره..كان خايف لايظلمها..وفي نفس الوقتمهب قادر يكذب عليها ويقولها انه يحبها وهو مايبيها!!!!!! نوره لما هبطت الطياره..جاء الوقت انهم ينزلون..التفتت
نوره على زيد تقومه ومستغربه نومه طول الرحله..لكن زيد ماقام!!!!
نوره قامت تهزه عشان ينتبه لها لكن مافيه فايده...ماكانت تسمع الا انات
تطلع من زيد!!! من سمعتها على طول طاحت دمعتها وقعدت تبكي وتقول: زيد..زيــد...زيد وش فيك؟؟؟؟زيد قم الله يخليك..زيــــــــــــــــد............

ولنا تكمله غدا اقصد من اربعاء الى الاربعاء الاخر

اذا تبوني اغير موعدي وانزلها كل يوم ماعندي مانع

بس ابي اشوف ردود ان فيذا قراء احد يبيني اكملها ولا اخليها

مع فائق حبي واحترامي

نـــــونــــا