قصة زواج >>>واقعيه من جد

[أم ميعاد]

مرحبا حبايبي أعضاء وزوار
انا عضوه جديده وحابه أشارك بالقصه هاذي وأبي ردودكم لو سمحتو

هاذي وحده أعرفها معرف شخصيه كانت مرررره مبسوطه بحياتها الزوجيه,,,خصوصا كانت حامل بأول مولود لهم بعد علاج,,,, وكانت قايمه بزوجها بكل واجباته الزوجيه دلع وأكل وزينه وغيرها,,,وفي يوم من الأيام طلب زوجها منها تجهز له ملابسه لأنه معزوم لحفله شبابيه خاصه,,,, طبعا كالعاده قامت وحضرت ملابسه وكوت له شماغه وزود عن كذا دخلت معه دورة المياه وروشته ودلكته<<ياعيني على الدلع>> وبعدها جابت البخور وبخرته وطيبته,,, المهم طبعا طلع بيروح الحفله,,, كان الوقت ساعتها يمكن العشاء,,,, طبعا طول الوقت الساعه تعدت نص الليل تتصل عليه المسكينه مايرد,,, بعد صلاة الفجر اتصل عليها وقالها انه راح يبات برا البيت لان الشباب باقي مطولين بالحفل,,,المهم ودعته ووصته ينتبه على نفسه ,,,طبعا تعبانه لانها حامل حطت راسها ونامت المهم متى رجع الأخ ؟؟؟؟ مارجع الا العصر اليوم الثاني قابلته زوجته طبعا مشتاقه له المهم مرت حياتهم عادي ماشاءالله ولدت وجابت بنوته حلوه ,,,
المهم خلصت فترة نفاس وكانت المفاجأه اللي فجأها فيها الزوج يوم كانت تراجع المستشفى بعد الولاده خاصه انها بفترة علاج قدم لها احلى هديه ماسمعت ان فيه زوج قدمها لزوجته يوم خروجها من النفاس قبل كذا ابدا ابدا تخيلو وش هي الهديه؟؟؟؟؟؟


ورقة طلاق لزوجته الثانيه!!!!!

المهم,,,بعد نقاش حاد بينهم كيف وليش ؟؟؟؟

استنتجت المسكينه في الأخير أن يوم الحفل اللي كان معزوم له أنه يوم زواجه من الثانيه وتخيلو الموقف ان هي المسكينه اللي جهزته ذاك اليوم مين قده؟؟؟؟ استحمام وتدليك وبخور وعطور وبالنهايه يتزوج عليها!!!!! تخيلو موقفها كيف كان لما كانت تتذكر هاذيك الليله؟؟؟؟حبايبي والله القصه واقعيه أتمنى تعجبكم وابي ردودكم بلييييز ,,,,,

[ρùℓşέ]

لاحول ولا قوة الا بالله

الله يكون بعونها أكثر الرجال كذا مايقدر العشره الزوجيه

الله يعوضها خير يارب

كل الود

[[ صعود جبل ]]

بســـم الله الرحمن الرحــيم



0
0
0
0


حــقاً قــصة مؤثرة جداً .. !
بداية رائعة لكِ أختي الغالية
و كمآ قلت لا تحرمينآ من مواضيعكِ و إطلالاتكِ .. !



و شكراً

[لمسه براءه]

حسبي الله ونعم الوكيــل

تسلميـــــن يالغلا على القصه المؤثره

لاعدمنا جديدك..

[أخصائي صرقعه]

ها

والله مشاكل هالدنيا

ياحليلي وانا كمان ابي اتزوج وتروشني مراتي مثل هالرجال <<< ينعن بو التفكير

هههههههههههههههههههههههههههههههههههههههههههههههههه هههه

[مخملية الاحساس]

لاحول ولا قوة الا بالله



يسلموو خيتو

[تـذكـرتـــــك]

لاحول ولا قوه الا بالله
الله يعوضها
يعطيك العافيه..

[تذكَـــرنـِي]

سيبقى هذا الجرح مهما حاولت ان تنسى صديقتك . .

صحيح انه لم يفعل شئ محرم ولكن لماذا لم يخبرها

بإنه سيتزوج!!

الادهى من ذلك فيما بعد يأتي ليخبرها بإنه طلقها!!

شخصية غريبة جدا والله اعلم اذا له اهداف ولكن

من وجهة نظري انسان ضعيف وتصرفه احمق . .

حياك ام ميعاد في منتداك دائما . .

[عويت الذيب]

الواحــــــــــد مايعرف قيمه الحــــــــــاجه الا لين يفقدهـــــــا

تحيـــــــــاتي لك أم ميعــــــــاد

[Ŗờờ7 έήŠấń❥]

لاحول ولا قوة إلا بالله
يعطيك ربي العافيه
قصه تشكرين عليها ام ميعاد
وننتظر جديدك
ودي وتقديري