بسم الله الرحمن الرحيم
هذه قصيده لشاعر |بسيس بن حديد الشدادي رحمة الله عليه
يقول في ليله من الليالي تحلمت انني في ديره خضراء فيها جبال واوديه وفي احد الاوديه سرحه تحتها
جمس احمر يقول اعجبني هذا الجمس واتجهت له مشي على الاقدام وعندما وصلت له وجت بداخله
بنت جميله لم ارى في حياتي مثل جمالها فقلت يابنت الجمس للبيع قالت نحنو من ذوي هلال مانتكلم
الابالقصيد يقول ثم رجعت خطوتين للخلف وركزة عصاي وبديت معها بالقصيده ( للمعلوميه القصه حقيقيه )
قال
ابنشدك ياصاحب الجمس ممن ... عد الصحيح اطماعتي لاتفوتي
قالت
اليا بغيت اسمي انا هن ابن هن ... ماحب لعب الضومنه والبلوتي
قال
عد الصحيح وقلنا من ابن من ... عوايد الاجواد واهل البخوتي
قالت
انا من اللي تعرف الأنس والجن ... وبلادنا قريب من حضر موتي
قال
جمس جديد وزاد فوق الحلى فن ... مبفرقه عنده حياتي وموتي
قالت
الجمس خله دونه العود ابوسن ... لداره الطماع شتناه شوتي
قال
اباخذك مشوار بالله لاعن ... مابين ساق وبين ذيك الخبوتي
قالت
اخذ من اللي لامشن مايردن ... من وارد اليابان خل الفروتي
قال
باحطلك في داخل القلب مسكن ... ماهو بيت الذر والعنكبوتي
قالت
ماناخذ الغلطان وللي معه ضن ... ولاخير في علمن بليا ثبوتي
قال
بعرفك على ديرة هل الهيل والبن ...اهل الخيام البيض عقب البيوتي
قالت
ادياركم يبست كما يبست الشن ... غلق حياها ودمرتها الوقوتي
قال
الله اليامنه عطا الرزق مامن ... ماشاور الحساد ولاالشموتي
قالت
المال مرعي والركايب يردن ... من مشربن كله طحالب وحوتي
وبناتنا عن الرجال ايتغطن ... ولاهن من اللي يحذفن البشوتي
متعلمات وللفرايض يصلن ... ولاتبعن مقسمين الكروتي
يقول زادت علي بثلاثه بيوت وعند آخر بيت استيقضت من نومي عطشان
فقمت وشربت ماء وصليت ركعتين ومن بعده شيب راسي
وسلامتكم
![الصورة الرمزية [ صعود جبل ]](image.php?s=3302d7a51b60016fdc5b65283d34e19d&u=92102&dateline=1309094041)
الراوي
العرض العادي
