بسم الله الرحمن الرحيم
بداية قبل أن اشرح وضعي حاليا نحن أسرة من 8 أشخاص أنا ترتيبي الثاني بين إخوتي ونحن 6 إضافة إلى الوالد والوالدة
اولاً أنا طالب في السنة الأخيرة من الهندسة الميكانيكية
كلية الهندسة جامعة الملك سعووود
يفترض أنا أكون متخرج من سنة ونصف ولكن للظروف ماساحكيه لكم أنا لم يقل معدلي التراكمي عن 4 من 5 طول سنوات دراستي بالكلية
ولم أتعرض لحمل أي مادة إلا بعد الظروف التي حصلت معي...
أولا كنا أسرة عاااادية جدا ميسورة الحاال كأي أسرة من ذوي الدخل المتوسط طبعاً في السعودية العلاقة بين الابن والواالد علاقة رسمية
جدا جدا إلا ماندر...
الوالدة نور البييت >> واحشتني حييييييييييييييل...
من فترة ليست بالبعيدة تزوج الوالد بامرأة أخرى شي لم يضايقني لأنه خاص ومتعلق بالوالد شخصياً لان ماقصر على البيت بشي بعد الزواج
وقبل الزواج..
تزوج من امرأة لديها بنتتي و ولد واحد...
البنت الكبيرة عمرها مايقارب 22 سنه والصغرى 14 سنة والابن 8 سنوات>>طبعا الوالد بتقولون مااخذ وحده كبيرة اوفقكم الراي لكن الوالد
لم يكن من النوع المتشبب...
طبعا الوالد لم يعارض وجود أبنائها معها في البيت ...
وكزوجة للوالد يقتضي الأمر بتوصيلها وإحضار أغراض إلى البيت في حال انشغال الواالد..
فكنت أقوم بها أنا بالتناوب مع أخي الأكبر خالد>>له فضل كثير
المهم::
بعد زواج الوالد بفترة كبيرة تقريبا 5 سنوات خلال الخمس سنوات أنجبت زوجة الوالد اخوي الصغير ..المهم بدخل في السالفة
عدت الى البيت راجع من الجامعة الساعة 5:30 العصر >>اللي عندهم لابااات في الجامعة يعرفون سبب التأخير
المهم دخلت غيرت ملابسي وماالى ذلك الوالدة اتت إلى الغرفة بالغداء>>كانت تهاوش إخواني لاتاكلون غداء أخوكم..
تغديت وخلصت الوالد يتصل ع جوالي :الوو فهد وينك؟؟>>بنبرة صوت لم اسمعها من والدي طيلة حياتي
قلت انا بالبيت قال اطلع قابلني عند مسجد الراجحي اللحين قلت طيب ورحت لمسجد الراجحي والقى الواالد قالي فهد انت مسوي شي وساكت عنه؟
قلت لا يمكن اكون مسوي شي بس ماراح يكون كبير لدرجة شوفتي لوجه ابوي ركبت معه وخليت سيارتي عند المسجد
عشر دقايق وانا قدام شرطة النسيم ادخل انا والوالد طبعا الوالد مو ع طبيعته منصدم واشوف اخوان زوجة الوالد وعمان البنت الكبيرة
ورافعين شكوى علي اني ضحكت على البنت الكبيرة وغررتها وفعلت فيها والبنت حامل مني ...
والضابط من اول مادخلت عنده وماخلى كلمة وسخه ع لسانه الا قالها في وجهي...
المهم قال خذوه التوقيف ودوني التوقيف جلست حول الساعة شوي الا ابوي مكلم اخوان زوجته ان نبي نصلح غلطتهم ونستر انفسنا قداام
الناس ولا فضايح...واقسم بالله العلي العظيم البنت ماشفت وجهها اصلا..
المهم طلعوني عند الضابط على اني اصلح كل شي ويتنازلون ويزوجوني البنت ..
قلت انا ماسوويت شي والكلام اللي تقولونه كل كذب...
اللي فاهرني ابوي يناظرني وكانه واثق اني انا اللي سويت هالشي..
الضابط قال مرة ماراح تتفاهمون قلت وش اللي نتفاهم عليه يتهموني عيني عينك وتبينا نتفاهم قالهم اطلعوا شوي..
المهم طلعوا وقال الضابط شف مافي بنت في الدنيا تتهم احد كذا ...فتفاهم أنت وياهم ولا حولتكم على الشرع
قلت حولنا ع الشرع>>>وليتني سكتت
المهم قال دور احد يكفلك ويطلعك قلت الوالد برا قال الوالد طلع مو فيه>>هنا حسيت ان ابوي متاكد اني سويت هالشي
المهم تكيت بالتوقيف الى اليوم الثاني بعدها حولوني للتحقيق والادعاء العام قسم الجنايات
دخلوني على الرائد/محمد الشهراني
قام يحقق ويطلع ويجي قعدت عندهم حوالي خمس ساعات ثم رجعوني للتوقيف جاء اخوي خالد وكفلني
رجعنا للبيت اول مادخلت مع الباب ابوي يقول بيتي يتعذرك امي تبكي عند الباب دخلت عند الوالدة وحبيت راسها ويدينها وقلت انا تربيتك انتي
لاتتوقعين اني سويت هالشي..
اخذت اغراضي من البيت كتبي على كم ملابس ...المهم كطالب جامعي ماكان معي غير مكاافاة الجامعة
خالد حاول يكلم الوالد اني ارجع وكذا الوالد رافض نهائيا ولا ابي اشوف وجهه لاهو ولدي ولا اعرفه..
رفعت القضية للشرع ..
كنت ادبر نفسي خلال الترم هذا اشوف العيال اللي عندهم شقة واجلس عندهم ماقصروا معي كثييير..
ابي الترم ينتهي واقدم على سكن الجامعة لان يكون من بداية الترم غير كذا مافيه رحت للشئون الطلاب كلمتهم انا عندي ظروف وكذا
مافي احد يتفهم الوضع...
المهم قدمت اعتذار عن الترم للجامعة عشان القضية المرفوعة لدي الشيخ عبدالعزيز الدريهم بالمحكمة الكبرى ..
حضرت الجلسة الاولى في المحكمة
حضرت زوجة الوالد واثنين من اخوانها..
وبدا الشيخ ياخذ اوراق المحامي حقهم وتفاجات بوجود شهود اني على علاقة مع ابنتهم والشيخ يقول تكلم دافع عن نفسك
انا في نفسي اقول وش اقولكم انا من حالي في بالي ماعمري عرفت الدشرة والله من البيت للجامعة للبيت المسجد حارتنا اخوياي كنت بالنادر مااخرج معهم
المهم من ثلاث جلسات حكم علي القاضي بالسجن لمدة خمس سنوات والجلد مئة جلده
ولي الحق في الاستئنااف رفعت استئناف راحت القضية
للتميز ثم رجعت للمحكمة ببطلان الحكم في تاريخ 1429/05/05
البنت ولدت وجابت بنت المهم طلبت من الشيخ يمين البنت على اني فعلت فيها واني كنت على علاقة بها..
وحلفت يمين...
المهم تاجلت الجلسة
بسبب تحضير الاوراق والبنت توها والد
خلال الفترة هاذي تعرفت على عادل رجل والرجال قليل اعتبرته ابوي واكثر من ابوي وله الفضل لين اموووت ...
كان يعزمني على الغداء في بيته بحي السويدي بالرياض...
عرف الرجال سالفتي من طقطق الى سلام عليكم..
راح للوالد بالمكتب بدون علمي وكلم الوالد ان حرام عليك خل الرجال يشوف امه>>ابوي مانعني من دخول البيت ولا معرفة احد من اخواني كان واحد من خوالي الله يجزاه خير اذا
جت امي عنده يدق علي يقول تعال كانت اذا شافتني تبكي ومابي اشوف دمعة في عيونها
المهم خلال فترة كانت الدنيا تضيق بي من كل جهه السكن الجامعي يبونك تسدد رسوم السكن..>والجيب فاضي
المهم دق علي عادل كبر الوالد طبعا فهد تعال بيتي ابييك...
رحت لبيته بعد صلاة العصر ...
دخلت عنده وجلس يسولف معي عن مبارة اليوم بين النصر والهلال طبعا نصرااوي انااا
وهو هلالي وسبحان الله كانت الجلسة معه شي فوق الخيال يزيل هموم الدنيا عنك المهم طلعنا نصلي المغرب انا وياه وحن بطريق للمسجد قالي
فهد ماودك تتزوج قلت ان شاء الله قريب اذا تيسر الحال قال طيب واللي يقولك عنده البنت وموافقة وماتبي مهر ولا شي...
قلت هااااه
قال بنتي اريج ملكو على بعض ومتى ماتيسرت تزوجوا المهم رحنا نصلي استغفر الله ماادري كيف صليت هالصلاة...
رجعنا للبيت قلت انا موافق على بالي بعد اسبوع شوي قالي اصبر انادي اريج يابن الحلال انا ضاعت علومي تعرفون كاي شاب سعودي لم يرا غير الوالدة والجده
والخالة والعمه يرتبك وتجيه ام الركب
دخلت اريج وشفتها وشافتني ...
المهم من بكرا كتبنا كتابنا الوضع كله محيوووس لكن الله يسعد هالرجال في الدنيا والاخره...
طبعا اريج وقفت معي وقفات ماانساه طول عمري صدق في بنات عن مية رجال...
المهم حضرت الجلسة السادسة في المحكمة من جد الشيخ رفع ضغطي بالتاجيلات طلبت تحليل dna
قال الشيخ يرفع للتحليل البنت كانت رافضة التحليل حسب ماسمعت ...
اخذوي من دم في المستشفى والتحليل على مايوصل يبيله ثلاث اسابيع...
المهم طلعت نتيجة التحليل واخذت اوراقي وجهزتها على اني بقلب الطاولة فوقهم رحت للجلسة وسلمت الاوراق للشيخ وعنده نسخة من الاوراق
كان معي عمي عادل كان يزعل لناديته عم يقول ماني بشايب
المهم دخلنا للجلسة شوي الا البنت تعترف بكل شي وانه اتهمتني لانها خايفه من امها لو درت وش راح تسوي طبعا من القهر
قمت وتكلمت للشيخ انا من سنتين مطرود برا البيت من سنتين وانا ماشفت امي ولا جلست مع اخواني انا المفروض بهالوقت متخرج من الجامعة وماسكلي وظيفة
بارقى الشركات وانتي تقولين كنت خايفه من امي...
طلبت بتعويض وبحقي الخاص
صدر حكم الشيخ موثق باعترافات البنت بسجنها ثلاث سنوات ومليون وخمسمئة وسبعين الف ريال
المهم طلع صك الحكم عليها وصدقت من التمييز
رحت للسكن ابي ارتاح بعد يوم اعتبره ربي فك عني ظلم سنين..
دخلت تروشت وارتحت شوي الا جوالي يدق من ابوي مارديت...لاتلوموني اللي صار مو بشوي
دق علي خالد وامي تعال البيت نبيك رحت للبيت قابلت ابوي طبعاً لاتسالوني عن الموقف ماهمني في الدنيا الا الوالدة
اليوم الثاني كلمت عمي عادل اني عازمكم في بيتنا حياكم الله
جو لبيتنا وقابلت امي اريج...
الوالد طلق زوجته واخذ نواف مع اخواني ..
زوجة الوالد سددت المليون وخمسمية الف ...
طبعا اول ماجاني المبلغ رحت لعمي عادل ببيته وجتني اريج وعطيته مهرها 80 الف عيت تقول اهم شي انت مابي فلوس الدنيا هاذي كلها دامك معي...
تزوجت ولله الحمد وزوجتي حامل وانتظر المولودة بفارغ الصبر بسميها رنيم>>رنووومه
وعما قريب تخرجي من الجاامعة باذن الله دعواتكم لي ولاتنسون شي الظلم ماعمره يدوووم له وقت ويرجع ربي حقك كامل وزووود...
ويوجد خلف اروقة المحاكم مايخفى على الكثيررر..
العرض العادي
