العودة   منتديات الـــود > +:::::[ الأقسام الثقافية والأدبية ]:::::+ > منتدى القصص والروايات
موضوع مغلق
   
 
أدوات الموضوع تقييم الموضوع انواع عرض الموضوع
قديم 29-07-2011, 09:05 AM   رقم المشاركة : 1
راعية مشاعر
( ود متميز )
 
الصورة الرمزية راعية مشاعر
حدوته قبل النوم...بقلمي


السلام عليكم ورحمة الله وبركاته

اعتصرت الذاكره لاعود بالزمن سنوات وسنوات
الى تلك الايام الجميله التى كنت اضع فيها راسي لانام فاجد من يحتضنه ويحكي لى مالا اتخيله اليوم او اتذكره
ولكن حاولت اكراما لجدتي رحمها الله ان اتقمص شخصيتها ولهجتها لاضع بين ايديكم

حدوته قبل النوم





كان يامكان ولا يحلى الكلام الا بالصلاة على النبي
قولوا صلى الله عليك يانبي

كان في زمان واحد جبار قلبه صخر وجواه نار
ياخد ولا يدي يظلم ولايهدي
ماتت مراته وفي نفس اليوم
اتجوز بدر البدور قمر مسطور
ولاده كرهوها لانه في نفس اليوم شافوها
وهوا ولا همه
حملت وجابت له الولد الثالث الشاطر حسن
حبهم ولا حبهوش
وفي كل يوم يدعوا يموت هوا وامه
وفي يوم الشاطر حسن شاف قمر الزمان
بنت السلطان اللى ابوها اعدل من كان في الزمان
اخواته عرفوا وبسرعه لابوهم قالوا احنا عايزنها
وهو قال كمان انا عايزها لي حليله
ابوهم ناره حرقتهم وغضبه وصل للسلطان
اخوان وعايزين بنت وحده وكل واحد يقول انا شفتها الاول
السلطان قال لا بنتى مهرها مش فلوس
ولا كلمة تطيب النفوس
بنتى للي يلف العالم ويجيب اندر الكنوز
ولا اغرب النفائس ودي في البلاد البعيده
سلم حسن على ابوه واخواته على الطريق سبقوه
يمكن واحد يجيب المهر
ويقتل من الحسرة اخوه
حسن مانسيش هدية امه
اللى من زمن ادتله
قالت له وهيا تموت
دي هديه للشاطر حسن
اوعك تفرط فيها
ولا تهديها دي تنفعك وقت عوزه
اوعك تسيبها ولا تديها لحد يقول لك هات الامانه
لحق في الطريق اخواته
وعن وجهتهم سال وقالوا
ابعد يامنحوس
ياللى امك من الشعب الاحمر
عاشت وماتت سجينه حبك
حزن حسن لان عمره مافهم
اخواته ليه بيكروه وبامه دايما بيعايروه
مشى وراهم لانه صغير ولاول مره في الدنيا يسيح
لقوا عجوز على باب الطريق
يمنعهم يعدوا في اي طريق
سلم حسن وقالو ياعم
عن الطريق بسالك تزيح الهم
طريقنا نجيب الدره للاميره
يمكن تتجوز واحد فينا
ضحك العجوز وقال دا طريق السلامه
اللى يروح فيه يرجع بسلامه
جرى الكبير وسبق وعن اخوته افترق
وشاور على التاني وقال دا طريق الندامه اللى يروحه لازم يندم
التاني سبق وساب حسن اصله الشاطر
ضحك العجوز وقال وانت ياشاطر حسن
قال له ياعم عرفت اسمي من فين
قال له كله مكتوب على جبينك ولازم تدوق
طريق اللى يروح مايرجعش تاني
قال ياعم يعنى اموت
قال ياحسن هوا في حد يحدد الموت ولا يقسمه غيره
اسمع ياحسن حقول لك كلمه وافهمها
السكه دي مسحوره
ومليانه وحوش واسوده
بس لو جبت الامانه اعديك
قاله الا الامانه ياعم وانا حمشي مادام دي سكتى
قال نجحت ياحسن
امشي
حتلقى حية ملفوفه وفي الشجره مدسوسه
بس راسها و اقفه ومرفوعه
لو فاتحه فمها والسم بينقط منه
وعنيها مفنجله وبتتحرك يمين وشمال
عدي وامسك سيفك وبسرعه على راسها حطه وكلمها
اصلها كدا نايمه وانت بكدا تنجى منها
قال له ياعم ولو مغمضه قالوا اوعك تقرب منها
دي صاحيه وبتراقبك واول ماتقرب حتنهش في لحمك
بص حسن على السكه والتفت يشكر العجوز ملقاش منه غير ورقه تقول بسم الله
نادى باعلى صوته ياعم شكرا
رد عليه الصدا ياحسن قول زي مافي الورقه
واخذ الورقه ومشى في طريقه يتلصص زي الحرميه اصله من التعبان خايف وبيترقب
اول شجره كبيره ومحميه
ولقى الشجره وشاف عليها تعبان يخوف
حجمه كبير وجسمه تقيل وعلى الشجره ساكن ومتخبي
راسه مرفوعه وعينه مقفوله قال بس دا حية لئيمه
لازم استناها ونام حسن وهوا يستنى الحيه فتح عينها وتنام
صحى لقاها نايمه
عينها مفنجله وفمها مفتوح وبينقط سم
لم حسن نفسه ورمى الخوف من شكلها
اصل انيابها باينه وبالشر تنذر وتنادي
وبخفه طلع فوقها وسلط سيفه على راسها وقال ياحيه
معاي ورقه بسم الله
اتنفضت الحيه واتقلبت جنيه
شكلها يخوف وعنيها زي القطط تلمع بالطول
قالت له انت مين و ايه اللى عرفك سرى
قال لها السر نعمه مش حقول
وانا الشاطر حسن طلع نصيبي في الطريق دا
عايز دره اقدمها مهر لقمر الزمان بدر البدور بنت السلطان
وانت مفكر انى حساعدك وبعد ماعرفت سري حسيبك
قال اكيد لو فضحت السر كان موتيني وانا ماقلتش يبقى حتخليني
قالت له انت حكيم وبالمنطق بتقول كلام كبير
اسمع ياحسن ياللى امك كانت اخت ليا
انا حساعدك عشان تغلب اخواتك
قال امى اختك
قالت ايوه ابوك اسرها وبصورة الانس حبسها
منعها عنا بس كنا بنعرف اخبارها
ولو خرجت من البيت تتحرق ولو حد حاول يدخل بيتكم يتحرق
ويوم ماتفك الطلسم وقدرنا ناخدها قالت حسن ابني ماسبهوش
دي قصه طويله ابوك يحكيها لمى ترجع
ابوك مريض ياحسن والذنب بيقتله من يوم ماماتت
حاسس انه قتلها وبالهم كفنها المهم تنقذه الاول
اسمع ياحسن انا عايزه اوصلك الاقصر بس مش بايدي
اختى النداهه بعدي ودي ماتعرفش الا الموت
ان لقيت فمها مفتوح قرب
لو لقيته مقفول اوعك تقرب
صوتها بيطلع من بطنها
واللى يسمعها يتسحر ويقرب منها
فتاكله وعلى فكره دي ماتعرفش قريب
قال يعنى ايه
يعنى روح ياحسن ولو فمها مفتوح
قلها امنا الغوله بتسلم عليكي وبتقول بحق النقش والمرصود خلى ابن اختى يعدي ويكمل المكتوب
اقسم عليكي باسم الله الاعظم اللى في خاتم سليمان منقوش و على سيف اصف مرسوم عَديني وماتاذيني
قال لها شكرا ياخالتى و اشوفك ازاي
قالت له ماتخفش
حيتفك الرصد وارجع طبيعيه وقتها انا اللى حجي ولبيتك ازورك
مشي حسن ولقى خالته التانيه فاتحه فمها
وبالعلى صوته قال امنا الغوله بتسلم عليكي وبتقول بحق النقش والمرصود خلى ابن اختى يعدي ويكمل المكتوب
اقسم عليكي باسم الله الاعظم اللى في خاتم سليمان منقوش و على سيف اصف مرسوم عَديني وماتاذيني

صحيت على صوته وباعلى صوتها قالت
لولا كلامك قبل سلامك لاكلت لحمك قبل عضامك
قالت له انت ابن ابوقلب حجر
قال لا انا ابويا مش حجر
وسالها ليش قالوا عليكي نداهه
قالت حبيت إنسي وعشت حياتي ليه
عجز ومات وانا لسى صبيه
اصل عمركم بالايام واعمارنا بالسنين
رحت اعزي شفت مراته واولاده
قلت خاين لازم ارد عذابه
بقيت انده على كل من يعدي
وبالسحر اخليه هنا جمبي
اقتله واكله وهو يضحك
واصحيه من السحر وانا بشرب في دمه
خليه عشان يعرفوا اخرة الكذب والخيانه ايه
قال خالتى يانداهه انتى بتقتلى ناس طيبه
والخيانه لاطبع ولا غيه
قالت خلاص انا حكمت .....المهم
انا اتحلفت
يلا امشى في طريقك
وحتلقى اختى الصغيره ان كانت بترضع عيالها قرب منها وماتخفش حتكون عنيها عليهم اصلها
وهيا بترضع قلبها بيحن ومابتكلش حد ولا تاذي
بس حاسب لو ماسكه عيالها ومابيرضعوش
يبقى مستنيه صيده جديده والجوع حياكلها
طيب واقلها اي
قالت قلها اختك النداهة بتسلم عليكي وبتقول بحق النقش والمرصود خلى ابن اختى يعدي ويكمل المكتوب اقسم عليكي باسم الله الاعظم اللى في خاتم سليمان منقوش و على سيف اصف مرسوم عَديني وماتاذيني

وكمل طريقه ولقاها بترضع عيالها فقال اختك النداهة بتسلم عليكي وبتقول بحق النقش والمرصود خلى ابن اختى يعدي ويكمل المكتوب
انتبهت على صوته وباعلى صوتها قالت
لولا كلامك قبل سلامك لاكلت لحمك قبل عضامك
قرب ياحسن وماتخفش
قال لها عرفتيني
قالت اكيد ومين مايعرفكش
المظلوم ابن المظلومه
اسمع ياحسن انا حدلك على مهر حبيبتك
شايف القصر اللى قدامك ادلخه وماتخفش حيقبلوك بنات كتير كل وحده تقول للقمر قوم وانا اعد مكانك
اوعك تنصاع ولا حتبقى اسير لجمال خداع ولا غناهم يميل قلبك وينسيك حبك اللى كان
امشى وسبهم وهما مش حيطاردوك
افتح علبة امك هيا قالت لك وقت العوزه ودي العوزه يابن اعز الناس
افتح الصندوه وخد المفتاح وحط مكانه ورقة العجوز
قال لها انتى عارفه عن العجوز
قالت دا جدك وكنت وحشته فحب يساعدك
خد المفتاح ولف على الابواب الباب اللى يفتحه ادخل فيه واختار كل اللى فيه نوادر
خد منه ثلاث حجات انت اختارهم بس اوعك تطمع وتاخد الرابعه
كل وحده فينا احنا الاخوات هدتك منه هديه يعنى3 بس
يلا اتحرك
على فكره هدية جدك ليك اخوك اصل الواحد مايعيش من غير اخوان
حتلقاه بعد ماتخرج في الغرفة اللى من غير باب
جاليس يبكي ويعيط ويلطم من الندم
خده في ايدك وديه لابوه يمكن الاثنين يتعلموا يحبوك
ماله اخويا
قالت راح مع الحوريات وطمع وخالف الشرط فندم
هوا اللى غلطان
المهم روح دلوقتى الساعه بتمر وابوك بيموت والاميره حتتجوز من غيرك
قال لها اخويا الكبير لو اتجوزته تبقى اختى خلاص ومش حزعل دا اخويا
قالت لا
اخوك الخايب في البيت قاعد
روح بسرعه وبكره تفهم
روح
جرى على القصر
وزي ماقلت له خالته
مالتفتش للحوريات
ولا غناهم اثر فيه لان قلبه مليان بحب قمر الزمان
فتح الصندوق لقى مفتاح استغرب لان الصندوق كان فاضى
امه ادتهوله فاضي بس مافهمش..ومااهتمش اصل مفيش وقت
جري على الاواب يجربهم باب باب
لين انفتح منهم باب
دخل على غرفه وهو خايف مش مصدق انه حيلاقي اخيرا اللى هوا عايزه وياخد اللى حبها
بس الغرفه كانت فاضيه
مفهاش الا قنديل زيت قديم ورامي ضلاله على جوانب الغرفه
وقف مذهول والدمعه حتهرب من عنيه
مسك القنديل وقال ايه اللى فيك مميز
ولمى رفعه لقى بنت حلوه من الحوريات
محبوسه في الغرفه ومتقيده بسلاسل كبيره
خاف وقال ايه حكايتك
قالت ماتخدش قنديلي
دا النور اللى بشوف بيه وماليش غيره يونسنسي
قال انا افكك
قالت الرصد محدش يفكه
قال طيب وماتخفيش حفتكرك وادعيلك يمكن يجي اليوم اللى ينفك فيه اسرك
ورجع القنديل مكانه وفي لحظه الغرفه اتغيرت
والبنت انفكت وقالت له اخيرا جا قلب يفك دقتى
عارف لو اخدته كان عند الباب رجع وانت بقيت زي اخوك ياحسن من الندم تلطم وتبكي
قالها ايه حكايتك
قالت انا الرصد بتاع الغرفه
خد اللى انت عايزه
قال لها ايه البساط القديم دا
قالت دا بساط الريح اللى يركبه يطير ويطوى المسافه و الارض زي الريح
خد كمان ياحسن
قال لها ايه دا
قالت دا خاتم المدد يشبه خاتم سليمان اول ماتقول مدد يجيك جيش مايعرفش عدده ولا قوته الا الله
يسمعوا امر صاحب الخاتم
قال لها هاخده
قالت خد كمان
قال لها القزازه دي ايه
انا ششفت زيها عند امى
قالت دا دوا الجسد مش الروح يشفى المرض ويطول العمر
قال دا ينفع ابويا المريض
انا حاخده
قالت خد كمان
قال لا
دول هدايا خلاتى غيرهم مش عايز
شكرا ياجنيه
قال له ياحسن الخاتم ماتحطوش الا في صندوق امك ولا يتسرق منك
قال لها حاضر وشكرا
بس اعمل ايه عشان اخدمك
قالت انت خدمتني كفايه وانت ماتعرفش
من سنين وانا مرصوده واخيرا اتفك الرصد وحشوف امي واخواتي
خرج حسن يدور على اخوه ولقى غرفه مالهاش باب مليانه ناس تبكي وتعيط وكمان تلطم وتتالم
اخد اخوه وركبوا بساط الريح وامره على البيت يوديه
لقى ابوه بينازع في الروح ومن الالم هو بينوح
اداه نقطه من القزازه ورجع الجسد سليم بس الروح لسى منصاب
قال له ياحسن انت عملت معروف فيا
وانا اللى خطفت امك وعذبتها لين ماماتت
في يوم كان في تعبان اسود كبير يجرى ورى تعبان صغير
قتلت التعبان الاسود ومكنتش اعرف انه جنى وكمان امير
اتحول التعبان الصغير الى حوريه زي القمر وقالت لى انا بنت ملك الجان
قبيلتي القبيله الحمراء
وانت خدمتني وابويا حيهاديك
وجا ابوها بالنجده وعرف وحلف بالنقش على الهاتم الا يعطيني اللى ابغاه
قلت له عايز اتجوزها انسيه
وتبقى لي زوجه ولا ترجع عالمكم ولا تعرفكم
قال له انا حلفت ولو مانفذتش حتحرق
خلاص تم
واخدتها ورجعت بيها
وماتت من حسرتها وسجنها
ازاي تسامحنى ولا هما يسامحوني وقعد يبكي
كان حسن يبكي واخواته كمان
هما كانوا مفكرينها عاشقه ليه
ومايعرفوش انه سرقها من اهلها
وطلبوا السماح من حسن
وراحوا معاه لبنت السلطان
حكى الحكايه للملك وقال له شوف اللى يناسبك هديه كلهم لعيونها هديه
قال له لا
هديتي تحارب معايا اليوم جانى خبر ان المغول قربوا وكلها ساعة ويوصلوا حارب معايا وان انتصرنا يبقى اخذت المهر
حسن ماكدبش خبر ولبس الخاتم وبسرعه امر بجيش يحارب المغول ومايسيب منهم نفر
وانتصروا ....لا دا حسن بقلبه واخلاقه اللى انتصر
فسخره له رب العباد من الجان من يساعده ومن البشر
واخد الاميره وعاشوا في تبات ونبات وخلفوا صبيان وبنات
ومات الملك وبقى الشاطر حسن اعدل ملك
وتوته توته فرغت الحدوته حلوه ولا ملتوته
ودوبي جايه من عندهم ولو معايا طاقيه كان جبت لكم شعريه

احترامي لكم وتقديري







التوقيع :
تستطيع أن ترى الصورة بحجمها الطبيعي بعد الضغط عليها

قديم 30-07-2011, 07:37 AM   رقم المشاركة : 2
في صمتها حكاية
( مشرفة المنتدى العام والقضايا الساخنة)
 
الصورة الرمزية في صمتها حكاية

بصراحه قصه روووووووعه

بس تخووووف والمشكله اقراها وانا بظلاام

بس حلووه

يسلمووووو يالغلا وربي يعطيك العافيه







التوقيع :

قديم 30-07-2011, 03:41 PM   رقم المشاركة : 3
ملاك بدنيتي
( وِد ماسي )
 
الصورة الرمزية ملاك بدنيتي

الله يعطيـــــــــــــك العاافيه ع القصــــــه..
وننتظــــــــر قصه جديده بعــــــــــــد...







قديم 30-07-2011, 08:34 PM   رقم المشاركة : 4
weda
( مشرفة الضحك والفرفشة)
 
الصورة الرمزية weda

يآآآآآآآآآآآآنااااااااااااااااااااااااااس
قـــــــــــــــــــصه رااااااااااائعه مرررآآآ
تجنـــــــــــــــــــن ومسسسسسسسسليه كمآآآآآآآآآنآآآآ

تسسلم اناملك ويسسعدك ربي







التوقيع :
استغفرالله العظيم .

قديم 31-07-2011, 04:28 AM   رقم المشاركة : 5
سندريــــــلا
( مشرفة العام والقضايا الساخنة)

كان أسلوبك رائع وسرد الأحداث مشوقه ..

يعطيك الف عافيه يالغلا ..

ودمتي بح ب
سندريــلا






التوقيع :





















قديم 31-07-2011, 09:59 PM   رقم المشاركة : 6
شمس القوايل
المشرفة العامة
 
الصورة الرمزية شمس القوايل

يعطيج العافيه راعية مشاعر ع الطرح والقصه الجميله

كل عام وانتي بخير

ننتظر جديدج القادم






التوقيع :


اضغط على الصورة لفتحها بصفحة مستقلة

قديم 02-08-2011, 06:15 AM   رقم المشاركة : 7
راعية مشاعر
( ود متميز )
 
الصورة الرمزية راعية مشاعر

اقتباس
المشاركة الأصلية كتبت بواسطة في صمتها حكاية
بصراحه قصه روووووووعه

بس تخووووف والمشكله اقراها وانا بظلاام

بس حلووه

يسلمووووو يالغلا وربي يعطيك العافيه


اختى في الله
في صمتها حكاية

الله يسعدك وخيتي يارب
ويحلى ايامك
ويعافيك بالجنه ونعيمها بقدرته قادر كريم

اشكرك على رقي مرورك واعجابك
و الصراحه قدمتها بمسابقه في منتدى مصري عشان اللهجه
كنت حابه اعرف الحبكه
بس مافازت
هههههههههههههه

اشكرك مره اخرى على مرورك و اعجابك

احترامي لك وتقديري






التوقيع :
تستطيع أن ترى الصورة بحجمها الطبيعي بعد الضغط عليها

قديم 02-08-2011, 06:18 AM   رقم المشاركة : 8
راعية مشاعر
( ود متميز )
 
الصورة الرمزية راعية مشاعر

اقتباس
المشاركة الأصلية كتبت بواسطة ملاك بدنيتي
الله يعطيـــــــــــــك العاافيه ع القصــــــه..
وننتظــــــــر قصه جديده بعــــــــــــد...

ملاك بدينيتي

اشكرك غاليتي على رقي مرورك بصفحتى و اعجابك
وان شاء الله يارب اكتب وحده جديده كل اللى عندي قديم

في امان الله وحفظه






التوقيع :
تستطيع أن ترى الصورة بحجمها الطبيعي بعد الضغط عليها

قديم 02-08-2011, 06:20 AM   رقم المشاركة : 9
راعية مشاعر
( ود متميز )
 
الصورة الرمزية راعية مشاعر

اقتباس
المشاركة الأصلية كتبت بواسطة مضيعه قلبها
يآآآآآآآآآآآآنااااااااااااااااااااااااااس
قـــــــــــــــــــصه رااااااااااائعه مرررآآآ
تجنـــــــــــــــــــن ومسسسسسسسسليه كمآآآآآآآآآنآآآآ

تسسلم اناملك ويسسعدك ربي

اختى في الله
مضيعه قلبها

الله يسعدك يارب

وربي خليتيني اتجنن من الفرحه
الله يسعدك ويجبر بخاطرك

اشكرك على رقي مرورك و اعجابك
لاعدمتك يالغلا

احترامي لك وتقديري






التوقيع :
تستطيع أن ترى الصورة بحجمها الطبيعي بعد الضغط عليها

قديم 02-08-2011, 06:24 AM   رقم المشاركة : 10
راعية مشاعر
( ود متميز )
 
الصورة الرمزية راعية مشاعر

اقتباس
المشاركة الأصلية كتبت بواسطة سندريــــــلا
كان أسلوبك رائع وسرد الأحداث مشوقه ..

يعطيك الف عافيه يالغلا ..

ودمتي بح ب
سندريــلا


اختى في الله
سندريلا

الله يسعدك يارب
ويعافيك بالجنه ونعيمها

اشكرك غاليتي على رقي مرورك بصفحتى
وتشريفها بعاطر حرفك
لاعدمتك

احترامي لك وتقديري







التوقيع :
تستطيع أن ترى الصورة بحجمها الطبيعي بعد الضغط عليها

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:12 PM.




 


    مجمموعة ترايدنت العربية