العودة   منتديات الـــود > +:::::[ الأقسام الثقافية والأدبية ]:::::+ > منتدى القصص والروايات
موضوع مغلق
   
 
أدوات الموضوع تقييم الموضوع انواع عرض الموضوع
قديم 28-11-2011, 07:56 AM   رقم المشاركة : 1
حدود آلكمآآآل
( مشرفة النواعم والقصص والروايات)
 
الصورة الرمزية حدود آلكمآآآل
Icon12 مزحه محرجه . . :



مزحه محرجه . . :

آلسسسسلآم عليييكم ورحممممه آلله وبركككآته . .




هذه سالفة واقعية راح تعجبكم ومضحكه بس لاتحاولون تسوون مثلها . .

وااااحد يقوول ........

يوم من الأيام مداوم وكنت في دوره لغة انجليزية وكان اليوم هذا يوم أربعاء وقال المدرس أخر حصة ونبي نسولف بلا مراجعه بلا بطيخ,نبي نتعرف عليكم وعلى هواياتكم,

ودياركم,,وتخبرون ندور السوالف والو ناسه..المهم من فلان سالفة وفلان سالفة ,,قال المدرس الله يذكره بالخير أبي أعلمكم قصه صارت قبل شهر مع احد الجيران.. طبعا الكلام هذا قبل حوالي سنه ونص..

المهم اسلم يا أبو رجاء ..قال.يوم من الأيام طق الباب والله وافتح الباب إلا وهذا جاري حياك الله تفضل ..قال , مستعجل بس ابي منك خدمه..

قال ابشر ..الله يسلمك يابو رجا أبي عده إذا كان عندك عده محتاجها عندي شغله بالبيت ومحتاج كم مفتاح وسكروب وزراديه..قال أبو رجا.. ما عندي لكن خابر عند اخوي عده بالسيارة واخوي مسافر عنده دوره بالأمن بالرياض.. وخلى السيارة

معي أبي أشوف وإذا لقيت أجيبها لك بس انتظر دقيقه..قال الجار زين..

رجع أبو رجاء وجاب شنطه عده ما يدري وش اللي بالشنطه من سيارة أخوه.. وأعطاها جاره ورجع بيته.. يقول أبو رجا يوم خذيت بعد ساعتين او 3 ساعات إلا ويدق الباب ويفتح واحد من العيال قال يبه هذا جارنا يبيك

طلعت للرجال ولاحظت أن الرجال ما هو طبيعي كأنه منحرج ولا صاير عليه شي . قال يابو رجا الحق علي .. وش بك يابن الحلال عسا ما شر والرجال يضحك ومنحرج بالحيل ..علمني وشبك تضحك .. قال العده اللي جبتها لي ..

لقيت بها يا أبو رجاء كلبشات شرطه..قلت ايوه.. قال ..يا خوي بعد ما استخدمت العدة وخلصت أخذت الكلبشات ومسكت المره ((زوجتي)) وكلبشتها .

أبي امزح معها وطقطق عليها واعلق عليها ..ويوم جيت أبي افتح الكلبشات

قلت أكيد تنفتح بسهوله أو القا المفاتيح حقتها .. وحاولت أدور بالعد يمين ويسار .. ما لقيت لها مفتاح ابد.. وحاولت بالمفكات والسكروب لكن ما قدرت افتح الكلبشات..وانأ منحرج منك..وجيتك أبيك تشوف لي المفاتيح أكيد أنها بالسيارة..

بالشنطه وراء أو بالدرج .. يقول أبو رجاء أنا مت من الضحك طول ما الرجال يعد السالفة.. ورحت أدور بالسيارة يمين ويسار وراء وقدام المهم ما خليت من حيلتي شي .

ورجعت للرجال وقلت والله أنها بلشه ما لقيت مفاتيح الكلبشه..المهم قمت اتصلت على اخوي .. ومارد على الجوال لأنه كان نايم ويوم صحى على وقت صلاة العشاء تقريبا إلا ويتصل بي اخيي عسا ما شر لقيت لك عشرين اتصال

..قلت له يابن الحلال السالفة كيت وكيت وكيت .. يقول أبو رجاء

اخوي فرط من الضحك وجلس يتخيل الموقف ويعلق وأنا أقول له اخلص وشلون الدبره الحين ..قال اخوي .. يابن الحلال المصيبة أن المفتاح بقسم الشرطة والضابط الفلاني مستلم ولازم اتصل عليه وتروحون له عشان تأخذون المفتاح..

المهم اتصل عليهم ورد لنا قال روحوا للقسم الفلاني وتلقون ضابط خفر

والضابط رتبه ملازم أول دخلت عليه أنا وجاري وعرفته على نفسي وعرفته على جاري ورحب بنا الرجال وقام يضحك الضابط لأنه عرف السالفة من اخوي


وقال أصلا غريبة إن المفتاح يكون بالقسم لأنه دايم مع نفس الكلبشه لكن الشباب ينسون وهذي عجيبة يقول أبو رجاء أخذنا المفتاح ومعنا عسكري ..



ودخل جاري البيت وفك زوجته من القيد((الكلبووووش)) وسلمت العسكري الكلبشه والمفتاح.







التوقيع :
طبعي , كذآ
آرقىـآ , على روس آلمخإْلييقَ
مَ هـِو مرضض |[ لكنَ آعتبرهآ ~
طنآآخخخهَ "

سآبقآآ { نـغـم }

قديم 28-11-2011, 01:39 PM   رقم المشاركة : 2
شمس القوايل
المشرفة العامة
 
الصورة الرمزية شمس القوايل

يعطيج العافيه نغم ع الطرح والمجهود

عساج ع القوه

ننتظر جديدج القادم







التوقيع :


اضغط على الصورة لفتحها بصفحة مستقلة

قديم 30-11-2011, 12:25 AM   رقم المشاركة : 3
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

مرحبااا يالغلاااا
هههههههههههههههههههههههههههههههههههههههههههههههههه ه
هدا من جد بيسوي كدا بحرمة
يسعدلي قلبك وروحك الحلوووه نغم ع هالقصه الحلووووه
تقبلي شكري تقديري
بباي







التوقيع :
اضغط على الصورة لفتحها بصفحة مستقلة

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:40 PM.




 


    مجمموعة ترايدنت العربية