بسم الله الرحمن الرحيم
((قصص واقعيه))
ربما الغالبية منكم لم يسمع أو يقرأعن محاضرة للشيخ المشيقح
سأعطيكم طرق عملية وبإذن الله لوطبقتها وغيرك ممن يقرأ
صدقني بإذن الله راح تجلب لكم نتيجة وللأمانة بحثت في الأنترنت وشدني موضوعنا كثير
فعن نفسي بإذن الله راح أطبقها وأبدأ فيها من اليوم
لذلك وصيتي لكم
محاضره للشيخ المشيقــح ويتكلم عن عدم قبــول الله للدعـــاء على كثرة دعائنا .. اللي تدعي تتزوج واللي يدعي بوظيفــه وغيرهـا من الدعوات وقال كم بند لقبــول الدعــوه وقــال اللي يمشي عليهم راح تقبـل دعوته لامحـــاله وعشان تفهمون الخطوات بقولكم عن المرأه اللي كلمت الشيخ وقالت له/
ياشيخ أنا تزوجــت من شخــص إكتشفت انــه راعي سفــــر وبعد ان جامعني نقل اليّ مرض خطير(وللأمانه لم يذكر الشيخ انه الإيدز) لكن أكاد أجزم انه الإيدز لأنه قااال مرض خطير جداً وذهبو لكل بلدان العالم للعــلاج وصرفـــو مليون وخمس مائة ألف على العــلاج ولم ينفع معهم ولاأي علاج وقال لها الشيخ وش تبين مني؟؟
قالت له ياشيخ أبغاك تدعي لي ... قالها بعطيك خطوات استمري عليها وأنا وآثق انها راح تنفع معك
قال لهــا/
1_ خليك انتي وزوجك دائمــاً على طهــاره (يعني توضو لكل صلاة وإن احدثتو توضو وقبل النوم توضو)
2_لاتاكلون ولاتلبسون شي حرام خلو كل مأكلكم وملبسكم من مال حلال
3_تصدقو ولاتخبرو أحد >>>ومو لازم شي كثير لو خمسة ريـال تعطينهـا عامل نظافه بالشارع بس على شرط ماتقولين لأحد خلي هذا العمل شي بينك وبين ربك وللصدقه اشكــال ومنها الكلام الطيب بس ماأروعها عندما تخرج لمحتــاج
4_قالهم كررو من قول (لاإله إلا الله وحده لاشريك له لهُ الملك ولهُ الحمد وهو على كل شي قدير)وقول(لاإله إلا أنت سبحانك إني كُــنت من الظالمين)
5_إبتعدو عن المعاصي من سماع اغاني اورؤية محرمــات حتى لو انتم تحبونهــا بس جاهدو أنفسكم وقولو (يــارب إننا نحب هذا الشيء لكن تركناه لأجلك)
وقالهـــا بهذي الخطوات تكونون تقربتو من الله كثيـــراً حينهــــا أدعوه بالشفــــــــاء لكم .....
يقول بعد يومين اتصلت عليّ قالت لي ياشيخ أنا مرررررره مرتاحه نفسيتي وحسيت اني قريبه جدا من الله قالهـــا استمري .... حلف وأقسم الشيخ ان بعد خمس أيــام اتصلت عليه وقالت ياشيخ توي جايه من الدكتوره أنا وزوجــــي وقالـــت الدكتوره انتم سليمين ونسبة المرض عندكم 0% مع انه كــان خطير وخطير جداً
والله يابنات اني كدت ابكي عند سماع القصـــه شايفين ربنا كيف قريب منــا ويجيب الدعوات بسرعه وحنــا مو فاضيين كل همنــا الأغاني والشتم والغيبه والنميمــــه والأكل بأعراض الناس
وفيه ملاحظــه مهمــه/
أتمنــى من اللي يسوي الخطوات تكون نيته لله سبحـانه وتعالى يعني مايسويها عشان يتوظف وينسى مع أول يوم يداوم فيه أو يتزوج وأول مايتزوج ينســى ربـه لاااااااااااااا انتم سوووا هذي الخطوات لمرضاه الله وبعد ماتتقربون منه ادعوا الله بااللي تحبونــــه والله ياجماعة الخير ان الشيخ حلف وأقسم ان من يمشي بالخطوات بحذافيرهـــا راح يتقبل الله دعوتــــه وسريعـــاً بس انتم لاتقنطون من رحمــة الله ولاتنسون ان الله يستحي من عبدة اللحوح يعني ألحــو بالدعاء لله بالستر والعفــــاف وبإذن الله يحقق لكم اللي تبـــونه
وياليتكم كمــان ماتنسون الدعاء في كل وقت وأهم شي المغرب والفجــــر ولاتنسون الإستغفـــــار والله ان فضله عظيـــــــــــم ومن أسباب قبول الدعــــوه
تمنــى أن فيه أحد يقول هذا الوعد معـــاي ويدعو الله بااللي يبيــه وإذا تحقق له دعائه أتمنى إنه مايبخــل علينــا ويقوله لنــا عشان بعض النـــاس ماتصدق الا لما تشوف أو تسمــع
ولعلمكم الشيخ يقول قلت هذي الطريقـه لنااااااااااااااااس كثــار والله استجــاب لهم يعني مو بس الحرمه وزوجها المريضيــن
من لم يصدق ماقلته أرجو منه ان يتابع محاضرة الشيخ عبدالكريم المشيقح بعنوان (محبة الله) على قنــاة بدايه وهي تعـــاد مراراً وتكراراً.....
أو من اليوتيوب
انسان في هذه الدنيا تأتيه المفجعات والكبيرات , والمصائب والهموم والغموم , وايًضا الفرح والسرور , والنجاح والاستقرار ,
ومنهم من يريد امنية ما , واخر يريد ان يحدث شئ في عالم الغيب , والاخر في شدة ويريد زوالها , وذاك مذنب جاء يريد ان يستغفر , وعابد يريد ان تقبل عبادته وطاعته ..
أتمنى الكل يطبقها ومن يطبقها يرد لنا خبر وعشان الكل يستفيد
انشرو هذا المقطع في كل المنتديات فهناك من هم في حاجة اليه
وتذكرو قول الحبيب المصطفى
(الدال على الخير كفاعله ..)
العرض العادي
