السلام عليكم ورحمة الله وبركاتة ..
وأخيرا مات شايب الحاره
القصة تقول ياطوال العمر والسلامة انه في واحـــــد
شايب(ن) أسمه (حمد) قبل كم شهر مات الله يرحمــه
لكن المشكلة أكثر أهل حارته أستغفر الله أستانـــسوا
وفرحوا بموته طيب وش السبب ؟ تعالوا أقول لكم
وش الأسباب اللي خلت أهل الحارة تفرح بموتــه
_ 1_
( عشانه أقشر وراعي مشاكل مع الناس )
كان كثير المشاكل مع الناس . حتى بيوم من الأيــــام شــكا على
عيال حارته وورطهم عند الشرطة وأتهمهم أنهم مادين أيدينهم
عليه وطبعن الشرطة شافته شايب وصدقته وتم توقيف العيـال
مدة 3 أيام في الحجز ولما جاء بيطلع الشايب من مركزالشرطة
قام يطالع في الورعان ومد اللسانه وهو يضحك عليــــــــهم
وعلى فكرة كان توقيف العيال في أول يوم من أيام العيد ورفض
الشايب يتنازل حتى بعد ماجاو أهل الورعان وحبوا على خشمه
ولكن مافي فايدة شايب(ن) طول عمره أقشــــــــــــــــــــر
_ 2_
( راعي عين .. ما أحد سلم منها )
وكان يصوب بعينه حتى بيوم من الايام صوب بعينه عــلى
واحد شاب والشاب المسكين راح للمستشفى عدة مرات بس
مالقى أي فايــــــــــــــــــــــــدة
. وبعدين راح للشيخ يقرأ عليه قرآن
وعاد الشيخ يوم شاف الشاب تعبان قاله : أكيد حمد عجوز السوء
هو اللي صايبك بعـينه
قال الشاب : إيه ياشيخ مافي أحد غيره ، بس كيــــــــــــــــف أنت
عرفت أنـــــــــه حمد؟
أبتسم الشيخ وقال : ياولدي أكثر المرضى اللي يجون عنـــــدي
بسبب حمد وعيونه الشيطانية وأزيدك من الشعر بيت حتى أنـــا
مرة صابني بعينه وخلاني طريح أسبوع على الــفراش
_3_
( البخل )
رغم كثرة فلوس الشايب حمد وامتلاكه للأرضي والمحلات
التجارية ، كان بخيل بالمرة ومايعطي لا زوجته ولاعيالـه
الا شي بسيط بالمرة حتى يقولون أنه يخلي زوجته تسوي
له مرقة مع دجاجة وياكل اشوي ويحط الباقي في الثلاجـة
وكل يوم يخليها تسخن المرقة وياكل منها مع الخبز ويستمر
على هذي الحال قرابة الشهر
_4_
( الحسد )
في أخر أيامه قال لعياله أنه يبي يتزوج وحـــده ثانية
قالوا له : يايبه أنت رجال كبير حيل وينك وين الزواج ؟
قال لهم : أدري عنكم حاسديني خايفين أحد يورث معكم
بس قصب عنكم بتزوج وحده صغيرة تدللني وأســـــجل
كل ممتلكاتي بـ أسمها وأحرمكم من كل شي يا عيـــــال
التسلب ههههههههههههههههههههههه
لكن الرجال ماطول بعد ايام زاد معه المرض وراحوا به
للمستشفى وهناك أعلن عن وفاته
ومثل ماقلت لكم أهل الحارة فرحوا بموته وحضــــــروا
العزاء بس عشان يجاملون عيال الشايب وأظــــــــــن
عيال الشايب فرحانين هم أكثر بس لازم من دمــــــوع
التماسيح
العرض العادي
