السلام عليكم ورحمة الله وبركاتة
قصة مكاوية روووعة..
تستغربو كيف ممكن يكون من الحبه قبه
اكثر شي يسوي من الحبه قبه هم الحريم وهذي قصه
سوها جبل مو قبه
كان يا مكان في قديم الزمان
كان في وحده اسمها ام معتوق عندها ولد واحد هو طبعا معتوق
كان في يوم معتوق يلعب كوره في الحوش
جا بيشوت الكورة اتعنقل وطاح انجرح جرح بسيط
وكان هداك الوقت جارتهم ام فتو عندهم بس راح الولد عند امو وحطتلو لصق ولا شي صار
خرجت ام فتو من بيت ام معتوق وراحت بيتها واول ما دخلت جريت عالتلفون
واتصلت على ام فخرية قالتلها ما سمعتي ايش صار لمعتوق ولد حليمة طاح واتعور ونزفت رجلو دم
يالطيف
اتصلت ام فخرية على ام عباس ما سمعتي ايش صار لمعتوق ولد حليمة كان يلعب كوره وطاح وانكسرت رجلو
يالطيف
اتصلت ام عباس على مرت صدقة قالتلها ما سمعتي ايش صار لمعتوق ولد حلووم الحرمة الطيبة كان يلعب كوره
وطاح وانفقش وانكسرت يدو
اتصلت مرت صدقة على حليمة وقالتلها ما سمعتي ايش صار لمعتوق ولد ام معتوق
كان يلعب بالكوره في الشارع وطارت الكوره للسكه راح وراها صدمو دباب واحد من هدولا الشباب
المفلتين وانشل الولد
اتصلت حليمة على جميلة وقالتلها ما دريتي ايش صار لمعتوق ولد حليمة هديك الحرمة اللي شفتيها عند بيت ابو كرتة سلمت علينا افتكرتيها اللي جات مع عباسية اختها
ايوة عرفتها اشبه
كان ياستي يلعب كوره في الشارع طارت الكوره للسكه راح وراها صدمتو السياره ومات
الناس يقولو انو ابو ضربو وطردو من البيت الله يهدو الولد ضاع مسكين ابو الظالم المفتري حيروح فين من ربنا
اتصلت جميلة على ام معتوق تعزيها على ولدها
ودوبها تقولها عظم الله اجرك على ولدك معتوق الا ام معتوق تطب ساكته محلها ولدها الوحيد مات
والابو جاتو جلطه في القلب يالطييف يارب ولدهم الوحيد معتوق مااات
سبحان الله خلقوا النساء من ضلع اعوج ان عدلته انكسر وان لم تعدله بقي اعوج...
قصة مكاوية روووعة..
العرض العادي
