السلام عليكم ورحمة الله وبركاتة ..
صلوا على النبي ... اللهم صلي وسلم عليك يا نبي
اسم الحكاية ** فخريه وأسعد .. ورمضان كريم !! **
أسعد : يافتاح ياعليم يارزاق ياكريم .. يامجوز الرجال والحريييم !!
فخريه : ترااا سامعتك يا أسعد .. يعني مبيت النيه ولا ايش !!
أسعد : ماشاءالله عليكي يافخفخ .. عمرك خمسين ولسه سمعك قوي !!
فخريه : امسك الخشب وصلي على النبي .. والله لو سرلي شي ماني مسامحتك
أسعد : ياست الكل انتي امزح معاكي الله يعطيكي العافيه .. هو الي يشوفك يفكر يشوف غيرك !!
فخريه : ايوه يا كل بعقلي حلاوه .. دحلسني بكلمتين .. عشاني غلبانه ضعيفه !!
أسعد : هيا هيا بس فضيها سيرة وجهزيلنا الفطور .. عشان ننزل المستهلك ونقضي لرمضان !!
فخريه : ايوه الله يرضى عليك .. لحسن البيت محتاج لشوية عوايز .. خلينا نلحق قبل الزحمة !!
أسعد : يامهوّل !! ماصدقت خبر .. انا عارف الشوية عوايز دي .. حنرجع بدِيَـــنّه مليانه مقاضي !!
فخرية : يخس عليك يبو سعدية .. والاغراض دي مو عشان البيت وأهل البيت .. يعني هيا لحالي أنا !!
أسعد : هيا بس .. سمي بالله ومدي يدك .. بلا نكد وغمبجه .. !!
(( وفطرو الجماعه .. واستعدو للنزول للحلقة .. لتقضية المقاضي ))
>>> وفي المستهلك .. فخريه نسيت نفسها .. مافي غير تشل وتحط في العربية .. وأسعد يغفلها
ويرجّع الي حطته في محله .. عشان يخفف من الحسبة .. وفجأة افترق عنها اسعد .. واتلهى
في محل الخضار <<<
فخرية : يا أسعااااااااااااد .. فينك يبوسعديييييييييه !!
<< في دي اللحظه يجي ولد يعاكس فخريه .. ويرميلها الورقه المرقمه في العربيه ويمشي >>
فخريه : وه !! ايش رمالي دا في العربيه .. لا تكون فاتورة مقاضيه !! خليني اشوف !!
<< تفتح فخريه الورقه وتتقي رقم جوال >>
فخريه :تعال ياولدي تعاااال (( وتكشف غطوتها )) شوف ياولدي انا عجوزه مكركبه ومررررره ما اصلحلك !!
خود الرقم اعطيه للبنت الي هناك يمكن تنفعك .. اما انا ماحنفعك ولا اعرف امسك الجوال واضرب الرقم !!
خود الله يهديكم .. الناس هنا بتقضي وانتو دايرين زي العفاريت لا شغله ولا مشغله
روح شوف امك ايش تبغا مقاضي بدل منتا قاعد تأزي في خليقة رب العالمين !!
<< ياخد الولد الرقم ويضحك ومشي .. وفي دي الاثناء يجي اسعد >>
أسعد : شوفي دي الملوخية طيبه .. عشان تسويلنا اول يوم فتة ملوخيه !!
فخريه : فتت أيييه الله يفت رقبة عدوك !! انت فين رحت وفلتني لوحدي هنا !!
أسعد : ليش خير ايش فيه .؟؟
فخريه : خير ايييييييه .. والبلد مليااانه من الولدّه الفاضين المؤزيين .. حتى فخرية ما رحموها !!
أسعد : أفااااااا متى دا الكلام !! وريني هو ولد الــ A !! والله لأكروسووو قدام الخليقة دول !!فينوو !!؟؟
فخريه : تكرس اييييه .. !! راح الوااااد بخيره وشره .. الله يهديهم شباب اليومين دي !!
أسعد : هيا خيييير .. هيا اخلصي قوام خلينا نمشي .. !!
<<< خلصو الجماعه تقضيه .. وحاسبو .. وهما خارجين .. وأسعد ماسك العربيه
ويبغا ينزلها من الدحديره .. وفجأه >>>
فخريه : أهوه هو دا الواد الممرقع الي رمالي الرقم !!
أسعد : >> اتربش << فينو وريني هو ؟؟
فخريه : أهوه داكا ابو مناضر سوده !!
أسعد : أمسكي العربيه .. سيبيني عليه !!
>> يفلت العربيه في الدحديره ويروح حامش ع الواد .. و يادوبك فخريه تمسك العربيه الا تنجر
هيا والعربيه في الدحديره وتتقربع معاها <<
فخريه : يا أسعععععععععععد ألهي يضرك انتا وشرك .. آآآآآخ يايدي
آآآآآخ يدي انكسرررررررت
أسعد : ياولييييه ما قولتلك امسكيها .. مسكت عدوك كهربه قولي آآآمين !!
هيا شرد الولد فين القاه تاني !!
فخريه : كم مره اقولك سيبك الشر !! أنا من قلي اهرج آآآآآآآآآآآآآخ يااااااايدي !!
أسعد : طيب كدا لميتي علينا الخليقه .. هيا قومي قومي .. انا عاد انزل اقضي معاكي .. سكه ودينها !!
<<< يلم اسعد المقاضي الي اتشعترت .. ويلم فخريه معاها ويحطهم في السياره وع البيت >>>
أسعد : يالله يا اولاد تعالو دخلو المقاضي .. ودخلو امكم معاها .. يقطع اختها من خرجه !! قال نقضي قال !!
(( وتدخل فخريه ويدها مجبره ويجي شهر رمضان .. وفخريه حترمض بيد
مكسوره .. وراحت فتت الملوخيه على أسعد بسبب شره هههههههههههههههاااى
يا حبيييييبي علييييييييييينا والله اننــــا أسـيـااااااااااااااااااااد