يايمة انا [جامعيه] واعرف مصلحة نفسي
يايمة انا [جامعيه] واعرفـ مصلحة نفسيـ....!!
دقت الباب و جاتني بكل رقة
لقتني اقرأ رواية وعايشة في عالم الكذبة
لمتني بخفة و قالت قومي ذاكري كم كلمة
هذه ساعات النهار وطافت والامتحان
مابقي له الا ساعة
اكلت بخاطري وقلت:
يايمةانا [جامعيه] واعرفـ مصلحة نفسيـ..!!
كنت اغني لراشد: تغرق الغرقان اكثر
وارقص على نغم ولد شاكر
جاتني وفي ملامح وجهها كل التوتر
وقالت يابنتي ابي اقول كلمتين وللشيطان احقر
قومي صلي ركعتين وتعبدي الله ترى لك استر
قلت بغضب:
اوفـ انا بنت [جامعيه] واعرف مصلحة نفسيـ..!!
سمعتني وانا اكلم صاحبي بالليل
غيرت جلستي وقلت هذه هديل
قالت: يابنتي عارفة لكن خايفه من الويل
لكن بـ قلك احساس الام هالمره
أسوء من أسوء ماحسيت
قلت:
يايمه انا [جامعيه] واعرف مصلحة نفسي...!!
دخلت البيت وكنا وقتها عز الظهر
سألت امي وشو راح نتغدى قبل السفر
قالت طبخت الرز لعيونك
وان راق لك كلي فخر
شافت ملامح وجهي فيها ضجر
وحسيت بخاطرها عذر
وشافت يدي للجوال اتحركت
قالتـ يابنتي اتركيك من اكل المطاعم
وابعدي عن الخطر
قلت يايمه خلاص يكفي:
انا [جامعيه] واعرف مصلحة نفسي..!!
مرضت وحالتي ساءت
وحيلي انهد وفي وجهي كل المعيب
ومن نتايج الجامعه نفسي خذت كل العتب
ومن تهديد ولد ......
حسيت بخوف وبيده انا العبث
والاغاني صارت صعب تفهمني في عز التعب
رحت لها وقلت : [يايمه]
مالي غيرك ومالي في الدنيا مثلك محب
ساعديني انقذيني خلصيني حالي علي صعب
قالت: وينها بنتي الجامعيه تخلصكِ
من هذاالالم
ضمتني وقالت سامحتك
استغربتها وانا كل السبب..!!
تأكدت يومها ان لا [الجامعه]
ولا الـ20بترفعني في انكساري
عرفت يايمه ان مهما كبرت بعينك
ابقى طفلة ابلغ سنه من عمري
احبك و احبك و احبك
و اعترف انك مدرسة ايامي واجيالي
بعدها أقدر أقولـ:
انا [جامعيـ] واعرفـ مصلحة نفسيــ ...؟؟؟؟
۩ قـــصة يايمة انا [جامعيه] واعرف مصلحة نفسي
العرض العادي
