الســـلام عليكــم ورحمـــة الله .. الســـلام عليكم ورحمـــة الله
(وتفرغ الصغيــرة من الصـــلاة)
(ثم تــرفع كفيــها للــدعــاء)
ربنـــا .. أنــي هســا صــرت أعــرف أصَّـــلي، واليــوم أول مــرة أصليلــك لأنــي هوايه أحبــك. ربنــا، أمي هــوايه تحبك بعــد، وأبــوي كل يوم يحجي لي عنك ويقــول ما إلنــا غيــرك. ربي: انت بعد تحبنا مثل ما احنا نحبك؟
ربنــا .. دخيــلك إذا تحبنــي لا تخلي يصير معــاي مثل مــا صــار بإيمــان حجو. أنــي شفتــها على التلفــزيون. كان بطنــها ممــزوع وما كانت تحجــي. أمي تقول راح يصــير فينــا مثل فلسطــين جريب. أنــي مــا ودي يصــير معــانا هيــج. ربنــا .. احنــا شو سوينــا في أمريكــا عشان تسوي فينـا هيج؟ أني خـايفـة ربنــا، مـا ودي أمـوت. ربنــا .. أريــد أكبــر وأصــير طبيــبة.
ربنــا لا تخليــهم يســو فينــا شي. أمــي تقــول انهم ما يصلولك، بس احنـا نصلــيلك قسماً بالله. ربنــا .. الأمريــكان موتو أخوي حسين، أنــي ما ودي يموتــونــي مثلــه. اهو أصـلاً ما سوالهم شـي. أنــي مــا شفتــه. اهـو مــات من زمــان. بــس أمــي حجتــلي عنــه وقــالت انه ما كــان يــاكل بس بطــنه كان اش قــد كبــير. أمــي تقــول انه اهو والصغـار إللـي مثلـه صـار لهم هيج من ادوى أمريكــي يموّت.
أنــي يـا ربنــا مـا أريــد أنــام، أخــاف يجــون بكــرة ويضــربون بيتــنـا. أنــي راح أظـل صــاحية عشــان إذا جو، أصَّــحي أمــي وأبــوي ونــروح نتــخبى في بيــت مــريم. بيتــهم وش قد كبــير. ربــنا .. أعطيــني بيــت مثــله لمــا أكبـــر. وبعــد ربنــا أعطيـنـا أكــل كثــيييييير عشان ما يجي يوم مثل أمــس ونروح نــاخذ أكل من بيــت ســارة. اهــي كل يوم تقـول ما راح نعطيكم بعد مرة. أنــي ما ودي أصادقهــا لما تقول هيج. أنــي مـا أحبــهـا. لا، لا .. مو اهي. أنـي مــا أحب الأمريكــان لأنهم يذبحونـنـا ويذبحـون الأطفـال كل مكـان.
__________________
العرض العادي
