من يقول إن عيني ليلها لــــــــــيل
من يقول إني أزعل وأتشـــــــــره
السعد صعب في وجه المــــــقابيل
بين برد الغرام وبين حــــــــــــــره
مابقالك تحت جفني مراســــــــــيل
وأنا ماأشوف بعيونك مبـــــــــــره
والمشاعر بصدري مابهن حــــيل
مرجهنات والقلب بمــــــــــــــــقره
تؤي أضحك على ليل الـــــمهابيل
تو عيني تعرف النوم حــــــــــــره
وتو خدك تساقيه الهمــــــــــــاليل
شفت كيف الدموع تكون مــــــره
كان للدمع في كفي مـــــــــــناديل
وكان للحزن في وجهي مســــره
كان للحب في صدري مووايـــــل
كان صوت يبي لاماك أجـــــــــره
يوم تطربني السود المظــــــــاليل
بين بارق خدود وبين غـــــــــــره
يا أدمي لاتقوم تحط وتـــــــــشيل
أنت عشق ٍ كفانا الله شــــــــــره
تحسبني غشيم الحب وحـــــــليل
يلبس الثواب أبو ذل ويــــــــزره
أنت ماتدري إني من رجـــــاجيل
مالهم عند باب الذل جـــــــــــره
========
قصيده منقوله ومختاره لكم للشاعر (ضيدان المريخي )
العرض العادي
