تشير الساعه الى 6:30 صباحا :
تودع زوجها وهو طالع للعمل وتقول له: (بالسلامه يا حبيبي)
الساعه 11 صباحا:
تتصل عليه في العمل وتقول له حبيت اسمع صوتك بس يا عمري)
الساعه 3 العصر :
تستقبله وهو متشيكه وتبوسه وهو داخل للبيت وتقول له الغدا جاهز يا حياتي ..تحب احطه لك الحين ؟)
الساعه 5 العصر:
تصحيه من النوم ببوسه وتقول له اعمل لك شاي يا حبي ؟)
الساعه 6 المغرب:
تسبل عيونها وتقول بكل خجل يا ريت يا حبيبي .. يعني لوما عليك كلافه .. يعني اذا تقدر توديني شوي لبيت اهلي اذا كنت تقدر يا عمري وقبل ما ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في آخر الدنيا و هو في اولها.
الساعه 8 بالليل:
تتصل على الموبايل وتقول ( اشتقت لك يا عمري .. يا ريت تمرني ونروح للبيت ) وطبعا هو عارف ايش يعنى نروح البيت فيطمر ويقول للشباب آسف والله يا شباب راسي مصدع ولازم امشي
الساعه 10 بالليل:
تجلس في حضنه وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع معاك ) وبعدها هات يا بوس لمده لا تقل عن ثلث ساعه
الساعه 11 بالليل :
الوصول الى هذه الصفحه غير مسموح
بعد مرور عشر سنوات
الساعه 6:30 صباحا:
هي في سابع نومه
الساعه 11 صباحا:
هي بعده في سابع نومه
الساعه 3 العصر:
تستقبله وهي نافخه كشتها وتقول ( شف لي حل مع ولدك علوي هذا ..حتى الحين ما حل الواجب .. وسويرة الله ياخذ عمرها انشاء الله شاقه مريولها في المدرسه اعطينى… فلوس لازم اروح اشتري لها واحد غيره … وصلوح يبي علبة هندسه توة يقول لي اليوم ان الاختبار صار بكره … وترى مريوم يكرفسة مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تكون حلوه …..يا ويلك لو كانت حلوه …..وبعدين شغالتي ابيك تشرط عليها اذا سفرتها ما تشتغل عند احد غير ….عشان ما تقول اسرار بيتنا للناس الي تشتغل عندهم ( ما تدري ان اسرار بيتنه كلها عند الجيران من لسانها هاللي اش طوله )
و …و …..و
الساعة 5 العصر:
هي تفك هوشه بين سويرة واخوها ويفز هو على صوتها وهي تهاوش وتدعي عليهم بجميع الامراض الخطيره الحديث منها والقديم عساكم الطاعون عساكم… الصخونة عساكم... بللوادي المتصدع عساكم… الحمى القلاعيه …والايدز ..الخ )
الساعه 6 المغرب :
هو جالس يشرب الشاي وهي تقول ( نبي نروح لامي بتييهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من (تويز آر اص)و ابي امر على الخياط..وبعدين حطنا عند اختي من زمان ما شفناهم...
وفي هاللحظه فكر هو انه يشتغل سايق احسن له
الساعه 8 بالليل:
تتصل على الموبايل ( وينك الحين؟ وبعدين وين بتروح ؟ ومع مين بتروح؟ وش بتسون ؟ ومتى بترجع؟)و للحين ما تكلم (لا ما فيه الساعه تعال الساعه 10 )
الساعه 10 بالليل:
جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول ( الحين امك وش عندها اليوم ما ترد لمة سلمت عليها ؟ هاه ؟ ) ( والله ما ادري كان اشفيها ) ( واختك ايش هالحركات الي مالها سالفة…ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما أروح زايرتها اذا ولدت ……وبعدين بنات عمك شنو عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه )
ملاحظه : علي هو اشين اخوانه
انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره 3 من حريم الجيران قد خطبوه لبناتهم ….من زينك بس ما ادري ايش لاقين فيك ) . يسكت وما يرد , تسكت هي ثم تقول ( وبعدين اخوك شاري لزوجته ساعه قيمتها عشرين الف ريال) يرد ‘ ايش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … اشفيك ما شفتها ..مو حلوة و اخلاقه شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت شاري ولا شي )ايش تبغينى اقول يا بنت الحلال ؟ ) تقوم وهي تبكي (خلاص ما ابي منك شي)
الساعه 11 بالليل:
هي زعلانه ونايمه مع العيال
العرض العادي
