|
|
صباح الأجواء الجميلة والروقان :Redface:
|
أحلى شئ الواحد يتعود ينام بالليل
ويقوم الفجر يصلي ويستغل وقته بقراءة أو تصفح شئ مفيد سبحان الله جو الصباح غير ويكفي الهدوء يمكن أستغل هاليومين قبل لا أرتبط بدوام صباحي وأنشغل مع دوام المساء عاد هاليومين أجواء الرياض جميلة وقت الصباح يبي لها تمشية بس من فاضي لي كلن بدوامه :( |
أمس الصباح كنت أفكر أروح لبنك الراجحي أفعل حسابي
وبالمرة أستلم بطاقة الصراف بس لما دخلت تويتر وأقرأ مشاكل الناس وان السيستم عطلان بأغلب الفروع جاني تبلد من إني أروح في النهاية يقولوا لي السيستم عطلان مثل يوم فتحت الحساب طيب وش ذنبهم المراجعين يعني بداوم بالبنك مثلاً وليتهم يسمحون لأحد من المحارم يجيب البطاقة لا يقولون لازم حضورك وش هالنشبة بعدين نروح ويلطعونا عند الباب ربع ساعة ليش مو هالوقت من حق المراجعين بصراحة ماعندهم أمانة وعدم إحترام لمراجعينهم شكلي بالأخير إن أستمر الحال على ماهو عليه بفتح بإنماء وأسحب على حسابي عندهم قسم بالله شئ يقهر ليش كذا :( |
صلاة الضحى أحبتي
أراكم على خير :) |
مساء الخير :)
|
مساء الطبخ والنفخ *_*
أحلى شئ بِـ أيام الإجازة لما تسهر وتنبسط وتنام ولا وراك لاقومه بدري ولا طبخ ولاشئ تقوم وقت ماتبي لامنبه ولا احد يصحيك يبي شئ وأنت بِـ سابع نومه الحين ليش احنا البنات دايم نومنا حوسه على حساب الشباب الشباب يعني (الأخوان ) خارجين منهم الآباء ^_^ مفروض أيام الاجازة هم يدلعونا ويطبخون لنا ويغسلون المواعين <<احلمي هههههه جد والله احنا ندلعهم طول الأسبوع هم بس يوم واحد ماقلنا الجمعة والسبت راضين بيوم هههههههه ولا لا أعرسوا دلعوا زوجاتهم ويريحونهم وقت الإجازة واحنا لنا الله :( |
كل شخص فينا مثل ماعنده ميزات حلوة بِـ شخصيته
عنده بعد بعض العيوب اللي وده يتخلص منها في حياته ( العصبية ، التسرع في إتخاذ القرار ) العصبية إذا صارت مشكلة معينة ويجي شخص مثلآ يكذبني مسوي الغلط ويرجعه فيني انا هنا انقهر واعصب *_* ليش يرمي أخطاءه على غيره .. أذكر قبل يمكن ٥سنوات أو أكثر صار موقف مع وحدة من خالاتي وبناتها الأم أحياناً وحطوا تحت أحياناً خط أحمر لِإن مو كل الأمهات وفيه مواقف معينة فقط بِـ دافع الأمومة تدافع على بناتها حتى لو هم غلطانين وتكذب البقية ليش عشان ماتبي بنتها تطلع كذابة بِـ نظر العائلة بِـ الرغم من صغر سنها صحيح السن مايحكم عليه بس مفروض الأم تتأكد قبل توجيه الكلام وبِـ الذات لاصاروا كذا شخص بِـ الموضوع الزبدة أنا وقتها انقهرت يعني بنتها قالت لي بِـ لسانها هَـ الشئ ليش أنكرت قدام أمها وطلعتني كذابة :( أنا وقتها لاشعوري ماقدرت أتحكم بِـ أعصابي وكنت أتكلم ومع العصبية صرت اتكلم بِـ صوت عالي مع خالتي وخالتي الثانية وبنات خالاتي يهدوني وخالتي تقولي ليش معصبة هدي هدي سبحان الله الواحد أحياناً وقت الغضب يحاول يمسك نفسه بس فيه أشياء تقهره وتخليه مايسكت وبِـ الذات لاصار في السالفة تشكيك فيك أنتي وكم شخص إنكم كذابين *_* أحياناً أحاول أمسك نفسي وأكتم بس أحياناً بِـ عصبية أقول كل شئ << هَـ البنت فضيحة ههههه فضيحة بِـ شئ خاص فيني وبِـ أهلي ^_^ أما تسرعي في إتخاذ القرار كم مرة صار لي موقف من الفرحة أحياناً أوافق وأتندم لإن ماعطيت نفسي مجال أفكر .. أو أرفض لِـ صالح ناس مافكروا فيني على حساب نفسي ولما أرجع أفكر مرة ثانية أتندم إني تسرعت بِـ الرفض كم مرة حاولت أضبط نفسي بس أرجع من جديد *_* الله يبعدني عن هَـ العيبين وأصير هادية وأتأنى في إتخاذ أي قرار بِـ الذات لاصار يخصني .. فضفضة :) |
"قالوا إنا كنا قبل في أهلنا مشفقين"
الذكريات تبعث الحزن والحنين والشجن. إلا ذكريات الطاعة فهي فرحة متجددة ... |
سعياً إلى الأمنِيات البيضَاء ، أستغفروه كثيراً..
أستغفر الله العظيم وأتوب إليه .. |
أشتقت لِـ كل شخص كان هُنا
وبِـ الأخص من كانت تربطني بِـ هم علاقة أخوة وصداقة يارب أسعدهم حيثما كانوا .. أُحِبُكُم :) |
| الساعة الآن 08:22 PM. |
|