|
مـع غروب الشمس لا يغرب الحب * أحلى رواية حب رومانسية كاملة الجـــــــ الإحدى عشر ــــــــزء سهى كانت جالسه ع النت تكلم رهف في الماسنجر بعد مااطمنوا على حالة أبوها وإنو العملية 95% احتمال نجاحها وهيا تتكلم جاتها اضافه من ايميل ماتعرفه فقررت تقبله وتشوف ميـن إذا تعرفوا أوكي وإذا ماتعرفوا دليت الشخص المجهوول (✖بسأل نجوم ليلي في وصوفك والقمر فوق ولا الي أشوفه ✖) سهى (*•.¸soOoOosoOoOo*•.¸) ✖بسأل نجوم ليلي في وصوفك والقمر فوق ولا الي أشوفه ✖: السلام عليكم (وجه مبتسم) *•.¸soOoOosoOoOo*•.¸: وعليكم السلام ✖بسأل نجوم ليلي في وصوفك والقمر فوق ولا الي أشوفه ✖: كيفك سهى؟ *•.¸soOoOosoOoOo*•.¸: الحمدالله بخير.. مين معايا؟ ✖بسأل نجوم ليلي في وصوفك والقمر فوق ولا الي أشوفه ✖: دووم يارب *•.¸soOoOosoOoOo*•.¸: تسلمي ✖بسأل نجوم ليلي في وصوفك والقمر فوق ولا الي أشوفه ✖: (وجه تعجب) *•.¸soOoOosoOoOo*•.¸: اشبك؟ ✖بسأل نجوم ليلي في وصوفك والقمر فوق ولا الي أشوفه ✖: مين قال لك إني بنت؟ *•.¸soOoOosoOoOo*•.¸: (سهى استغربت) أكيد بنت ولا ماحتعرفي اسمي ✖بسأل نجوم ليلي في وصوفك والقمر فوق ولا الي أشوفه ✖: ههههههههه بسيطه أقدر أجيب اسمك *•.¸soOoOosoOoOo*•.¸: يعني ولد؟ ✖بسأل نجوم ليلي في وصوفك والقمر فوق ولا الي أشوفه ✖: ما قلت إني ولد *•.¸soOoOosoOoOo*•.¸: ياااربي طيب مين معايا؟ ✖بسأل نجوم ليلي في وصوفك والقمر فوق ولا الي أشوفه ✖: ليش تبغي تعرفي؟ *•.¸soOoOosoOoOo*•.¸: لأني لو ماعرفت حعمل لك بلوك ✖بسأل نجوم ليلي في وصوفك والقمر فوق ولا الي أشوفه ✖: لالا الا البلوك *•.¸soOoOosoOoOo*•.¸: طيب يلا مين معايا ✖بسأل نجوم ليلي في وصوفك والقمر فوق ولا الي أشوفه ✖: مممممم معاكي وااحد من خلق الله *•.¸soOoOosoOoOo*•.¸: سهى اتفاجئت (يعني ولد) من وين لك ايميلي ✖بسأل نجوم ليلي في وصوفك والقمر فوق ولا الي أشوفه ✖: أخدتو وخلاص *•.¸soOoOosoOoOo*•.¸: ليش؟ ✖بسأل نجوم ليلي في وصوفك والقمر فوق ولا الي أشوفه ✖: أبغا أتعرف عليكي ... (وقبل ماترد) خخخخ لالا أمزح حقول لك مين أنا خلاص *•.¸soOoOosoOoOo*•.¸: ياليت بسرعه ✖بسأل نجوم ليلي في وصوفك والقمر فوق ولا الي أشوفه ✖: حاضر.. أنا رائد أخو رهف *•.¸soOoOosoOoOo*•.¸: (كأنو أحد كب عليها مويه بااارده قرأت الي كتبه عشره مرات ومي قادره تصدق ولا قادره ترد) ✖بسأل نجوم ليلي في وصوفك والقمر فوق ولا الي أشوفه ✖: سهى أنا أبغا أخطبك (وعلى طول خرج) طبعا لاتسألوني عن حال سهى مصدوومه وقلبها يدق بقوه .. بس بذكائها عررفت إنو رائد لسا ماعرف عن مرض أبوها أكيد مهند انشغل وماقاله ’.’.’.’.’.’.’.’.’.’.’.’.’.’.’.’ في بيت أبو سامي كانت3 مرام تكلم سهى على التلفون وخالد جالس في الكنبه الي جمبها ورغد قبالهم مرام: هههههههههه ياي وطلع رائد رومنسي يقول لك في المسن يبغا يخطبك سهى: مرووووم عسى في أحد سمعك مرام: لا تخافي بس خالد ورغد جمبي لكن مو معايا سهى: إنتي فضيحه متى تتزوجي وأفضحك مرام: هههههههههه لا خلي سمر تتزوج أول ماأتقدم عليها خالد يتدخل: سيبوا سمورتي في حالها مرام: شف هذا داخل عرض سهى: مين قصدك؟ مرام: هذا الحبيب خالد يقول سيبوا سمورتي في حالها سهى: هههههههههه أستني أقول لسمر مرام: لاااا ياربي شوف الثانيه راحت وخلتني على السماعه رغد ضحكت بدلع وقالت تقهرها: تستاهلي أكثر يا بعد قلبي مرام طلت فيها بنظرة ازدراء (خخ حلوه ازدراء): ماطلبت رأيك رغد مسكت غرتها ونفختها بدلع: أموت وأعرف ليش تغاري مني مرام باست يدها وجه وقفا وهيا تقول: الحمدالله والشكر الناس إذا غاروا من أحد يغاروا على شئ حلو إنتي قولي لي شئ فيكي حلو؟ خالد: أوهووووووو ألين متى إنتوا بتجلسون تتضاربوا كل ماشفتوا بعض..مرووم ماجات سهى ؟ |
مـع غروب الشمس لا يغرب الحب * أحلى رواية حب رومانسية كاملة مرام: ههههههههه تبغا تعرف ردة فعل سمورتك.. إيوا سهى سهى: سوري اتأخرت .. فاااتك سمر مرام: ههههههههههههههه اش سوت؟ سهى: في البدايه سوت كأنها مو مصدقتني بعدين قالت طيب اقلبي وجهك ووجهها أحمر مرام: هههههههههههههه ياحرام مسكينه خالد: مالمسكينه غيرك إش سوت سمورتي؟ مرام: عنااد ماني قايله ودحين اسكت ابغا اتكلم مع البنت زي الناس.. إيوا سهى كملي رائد اش سوى سهى: ههههههههههههههههه وجع يادبة دحين يحسبوا ماعندي موضوع غيره مرام: ماعليكي منهم ’.’.’.’.’.’.’.’.’.’.’.’.’.’.’.’ في المستشفى كان موعد عملية أبو سامي .. سامي وماجد ومهند وخالد يعني الشباب كانوا منتظرين في المستشفى أما الباقي في البيوت يستنوا النتيجه من الشباب ماجد: يا شباب ادعوو يارب تنجح العملية مهند: آآمين.. وعلى فكرة لاحد يبلغ فارس مايبغونه يعرف خالد: إن شالله جلسوا يستنوا ساعة ساعتين 3 ساعات وأخيرا خرج الدكتوور وانتهت العمليه الدكتور راح لعنهدهم وهوا مبتسم: مبرووك نجحت العملية واستئصلنا الورم سامي أول واحد فز من مكانه وهوا فرحاان: جد يادكتوور؟ الدكتور: أكيد الحمدالله ماجد مسك سامي وضمه: الحمدالله على السلامة خالد مسك سامي وحضنه: أشكر الله وألف مبرووك سامي: الحمدالله يارب والشكر لك مهند: يلا خليني أتصل عليهم أطمنهم دق على أمه وردت روضه مهند: هلااا رودي أبشرك الحمدالله نجحت المليه روضه بفرح: الحمدالله الله يبشرك بالخير يلا خليني أتصل على سمر مهند: ههههههه ولاتنسي تبشري أمي وأبويا روضه: إن شالله .. مع السلااامة ’.’.’.’.’.’.’.’.’.’.’.’.’.’.’.’ مرام كانت في بيت خالتها أم سامي وجالسه مع سهى وسمر تهديهم .. فجأه دق التلفون أم سامي: مراام قومي ردي مرام: إن شالله.. ألو روضه: هلا،، مين مرام؟ مرام: إيوا .. ها رودي في أخبار روضه بفرح: الحمدالله بشريهم أبوهم خرج من العمليه والحمدالله نجحت العملية واستئصلوا الورم مرام تكلم سهى وسمر: بناات مبرووك نجحت العمليه سمر وقفت وسجدت لله سجدة شكر ومعاها سهى سمر: الحمدالله ههههههه مين ع التلفون؟ مرام: رودي خذي كلميها أخذت سمر السماعة: ألو روضه: ألف مبرووك سمورة سمر: هههههه الله يبارك فيكي روضة: شهد عندكم ولا بس مرام؟ سمر: بـس ((وفجأه سكتت )) روضة: ألوو سمر بس ايش سمر بصدمة وبشويش: ر و د ي روضه: ألوو سمر ايش في؟ سمر بين دموعها: مرام روضه اتوترت: سمر ايش في اتكلمي بس روضه ماسمت غير قفلة السماعة (توت توت توت ) روضه تكلم أمها: ماما الحقي لازم نكلم أحد من الرجال مدري اشبها سمر كأنو مرام فيها حاجه أم ماجد: بسم الله ايش فيها طيب خلينا نروح لبيت أبو سامي وناخذهم ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ الإتنا عشر ــــــــزء في المستشفى الكل ماكان مستوعب الخبر الصااعقة الدكتور: عظم الله أجركم أم خالد: دقيقه دكتور الدكتور: نعم أم خالد: ويين بنتي مرام الدكتور: ياخالة بنتك مرام رجعت روحها لبارئها وهذا شئ كلنا حنمر فيه فلازم نصبر واحتسبي الأجر عندالله هيا محتاجه لدعائكم أبو خالد يبكي: الله يرحمها الله يرحمها .. دكتور من ايش مووتها؟ الدتور: سبحان الله الأعمار بيد لله انتهى عمرها وهيا مافيها مرض سكته قلبيه خالد كان في حالة يرثى لها القلب منزوي على نفسه في ركن على أرض المستشفى وحاط راسه بين يدينه يبكي بحرقة وونين سامي جالس جمبه ماهو عارف ايش يقول هاذي روح ماتت فجأه والكل يعرف غلاة مرام عند خالد سامي: خالد خالد مارد عليه بغير الشهقات الي طالعة من قلبه سامي حس انه روح خالد بتطلع -غصبا عنه نزلت دموعه على خدينه أبوه توه خارج من عمليه ومرام بينت خالته ماتت وقدامه ولد خالته يبكي بكاء يقطع القلب مهند وماجد دوبهم دخلوا المستشفى ومعاهم كم حرمة لابسة عباية وحدة منهم جات بسرعه لعندهم وعرف انها أخته سمر سامي بين دموعه: سمر سمر جلست قدام خالد وحطت راسها بين ركبتيه ودموعها تصب على وجهها خالد رفع راسه أخيرا كان ماهو بااين من الدمووع وشاف سمر قدامه حس انه محتاجهاا زي الواحد لما يكوون تعباان ومحتاج للمويه البارده كان نفسه يضمها إلى قلبه ويفرغ همومه كلهااا. هياا أمله بعد مرام بس كان يحس إنه ماايقدر يضمها قدام النااس وكلهم يطالعوا فيهم.. حس بخنقه خالد: ساامي مويه سامي فز من مكانه بس مهند مسكه: سامي اجلس انت تعبان انا اروح اجيب لكم سامي سكت ورجع مكانه جا مهند ومعاه 3 كاسات مويه حطها على الأرض: اشربوا مويه وارتاحوا أجلسوا ع الكراسي أحسن ماحد رد عليه .. سامي وخالد أخذوا كاستهم بس سمر مااتحركت كان جسمها بس يهتز من البكاء خالد بعد ماشرب أخذ كاسة سمر ورفع راسها..قال بصوت متقطع: سمر سمر رفعت راسها ماتقدر تسمع صوته وماترد خالد صوته مبحوح: حبيبتي اشربي موويه عشاني سمر هزت راسها يعني طيب وأخذت منه كاسة المويه بيدين ترجف.. شربت شويه من المويه ورجعت الكاسة ع الأرض مهند: يلا ياجماعة استهدوا بالله هذا قضاء الله وقدره ادعوا لها ان ربي يغفر لهاا سامي: آآمين يارب سمر وقفت ومسكت يد خالد عشان تقومه وفي دي اللحظه شافوا رغد كانت كاشفة وجهها وباين انها كانت تبكي بس مسحت دموعها رغد راحت لعند خالد وبعدت سمر مسكت يد خالد وقومته بالقوه: قووم غسل وجهك بسرعه خالد ماكان عارف ايش الي يسير قام من مكانه وراح للحمام غسل وجهه ورجع لهم ماشاف غير رغد وماجد وسامي ومهند خالد: فين سمر؟؟ رغد: خالد سمرر راحت دحين خلينا ندفنها ونستقبل الناس للعزا خالد بحـزن كئيب: إن شالله ’.’.’.’.’.’.’.’.’.’.’.’.’.’.’.’ بعد مرور شهرين من الأحداث المرة والحلوة والعادية ووو بدأ الجرح يلتأم أي شئ يبدأ صغير بعدين يكبر إلا المصيبة تبدأ كبيرة ثم تصغر وموت مرام + مرض أبو سامي كانت مصيبة ولكنها مع مرور الأيام والشهور بدأوا يتأقلموا ويؤمنوا بقضاء الله وقدره وأيقنوا إنها دحين في ذمة الله ’.’.’.’.’.’.’.’.’.’.’.’.’.’.’.’ رغد كانت جالسة في غرفتها تفكككر في حالهاا مع نهى ومع فهد وفي حالهاا بعد أختها مرام سارت تحس بشئ غريب كأنها تفتقد أختها مرام رغد تكلم نفسها: لاا مستحيل أنا أصلا ماكنت أحب مرام عشان اشتاق لها بس كنا نتضارب وحتى ماما موو مره متأثره لوفاتهاا أنا كانت بالنسبة ليا بس اسم أخت وماافي أي مشاعر أخوة بيني وبينهاا عموما الله يرحمهاا أنا حكمل حياتي عاادي فجأه وصلها مسج فتحت الجوال لقت المسج من > >fr<< (يعني فهد ورغد) قرأت المسج _ لو يفارقني همس صوتك مايفارقني غلاك يكفيني إني أعزك وإنتي في عيني ملاك_ ضحكت بنعومه قررت انها تكلم فهد وتقول له بكـره (يوم الثلاثاء) يتقابلوا في المطعم حست انها مشتاقة له خصوصا إنها ماقالت له على مووت أختها عشان مايحسب قلبها قاسي // ’.’.’.’.’.’.’.’.’.’.’.’.’.’.’.’ بعد المغرب لكن بتوقيت فرنسا حسن كان يسوق وجمبه فارس الي كان ساند راسه بيده اليمين وساارح في افكاره قطع عليه صوت حسن: هههههههههههههههههههاي الأخ يفكر فيها قبل لايشوفها فارس يسوي إنه معاه: على مين قصدك حسن طل فيه بنظره جانبيه: مين غيرها فارس بنفاذ صبر: إذا حتجلس تتكلم بالألغاز كدا ترى حطنشك احسن حسن: هههههههههههه طبيعي ماعندك صبر تبغا تشوفها (وبهمس) تبغا تشوف روزا فارس طل فيه ببرود: إنت ووجهك افكر فيها وسويت قصه في النهايه على دي الروزا حسن: هههههههههههههاي (يغمز) علينا يا حلو؟ فارس: لو ماقلت كلمتك الأخيره كان رميتك من الطاقه انت وافكارك المنحرفه حسن: ههههههههههههههه (يطل في لوحه) اش مكتوب هنا؟ فارس: قرين قاردن (الحديقه الخضراء) حسن: بسس وصلنا دخلوا للحديقه وكانت واااسعه فيها نوافير وتماثيل روووعه وطبعا كللها خضضضرا .. وقفوا السياره ونزلوا .. اتصل حسن على فادي .. وأثناء الإتصال كان فارس ماسك كاميرته ويصور بعض المناظر الحلوه حسن: دحين جاي فادي (وشويه) فادي: أهلا يا ميّة أهلا ومرحبا حسن: هلا بيك فارس: هلا فيك والله فادي: اتفزلوا طبعا روزا هونيك جالسه عم تستنيكم حسن ابتسم وطل في فارس: إيوا راحوا لكراسي بس دي الكراسي جوة هرم وفيه جهه مفتوحه مره فخم وحلو أول مادخلوا فارس وحسن شافوها كانت في عيونهم بكل صراحه جذاابه لكن موو مره حلوه ملامحها أحلى شئ شعرها الغزير والي يوصل لنص ظهرها والأشقر فارس: السلام عليكم روزا كانت مركزه عينهاا على فارس بنظرات إعجااب: وعليكم السلام فادي بابتسامه: أكيد بتعرفيهون هايدي حسن وهايديك فارس روزا بابتسامه خطييره: اتشرفنا حسن: بمعرفتك فادي: شو أخباركن فارس: بخير ماشي الحال روزا: الحمدالله حسن: وإنت فادي كيفك فادي: تمام فارس: مشكور فادي على الدعوه وهذا المكان الحلوو فادي: الحمدالله عجبكن بتستاهلوا أكتر روزا: يسلمو فادي: الله يسلمك .. إن شالله بتكون بدايه للإآتنا (للقاءاتنا) حسن: إن شالله روزا: فارس إنت إسمك هندسه مو؟ (قسمك) فارس ابتسم : إيوا روزا: ممم وكيف عامل؟ فارس: مستمتع قسم حلو بس يحتاج اجتهاد فادي: إي صحيح أنا أخويا كمان إسم هندسه بس لسا ماإجته بعسه حسن: إن شالله تجيه فادي: إي هوّ كتير متحمس ليسافر لبرا روزا: وإنت حسن شو بتدرس؟ حسن: قسم طب متخصص طب أسنان روزا: حلو بس لشو اخترت( ليش) تخصص اسنان حسن: طموحي من وأنا صغير فادي: الله يوفأك فارس: ولد عمي مهند بيدرس طب وتخصص طب عام بس حتى هوا لسا ماجاته بعثه روزا: بدو يسافر لبرا هوّ |
مـع غروب الشمس لا يغرب الحب * أحلى رواية حب رومانسية كاملة فارس: إيوا يتمنى وهنا جا العشا الي حطوه النادلين على الطاوله فادي: اتفزلوا جلسوا يتعشوا وبعد العشا كل واحد ركب سيارته ورجع لأشغاله .. "حسن كان مصرر على فارس إنو واقع في حبها(روزا) بس فارس ينكر بشده لكن لافائده أمام حسن وإصراره (هع هع)" ملاحظه: طبعا فارس ماكان يدري لابمرض أبو سامي(الي الحمدالله اتشافى) ولابموت مرام ’.’.’.’.’.’.’.’.’.’.’.’.’.’.’.’ خالد الي كان حاجز سمر بنت خالته سار في سن الزواج هوا وسامي الي خاطب شهد بعد ماقوا وظيفة مناسبة لهم فقرروا إنهم يسوو ملكتهم في يوم واحد والزواج إن شالله،، وحددو الموعد بعد شهر ’.’.’.’.’.’.’.’.’.’.’.’.’.’.’.’ غدآآآ لنا لقاء ياحلوووووووين طيب بباي |
يعطيج العافيه قلب الزهور ع المجهود
احداث حلوه بالرغم من الحزن في انتظار الجديد يوميا موفقه ان شاء الله |
اقتباس:
<< جبرتي بخاطري ههههههههههههههههههههههههههه يسعدلي قلبك ياقلبي انتي وكمان شكرااا من كول قلبي ياعيوني |
مـع غروب الشمس لا يغرب الحب * أحلى رواية حب رومانسية كاملة الجـــــــ التالت عشر ــــــــزء يوم الثلوث في بيت أبو خالد أم خالد تكلم رغد: حبيبتي أنا رايحه للسوق تجي معايا؟ رغد تمثل: لا ماابغا اخرج اليوم بس يمكن تمر علي نهى نروح نتمشى أم خالد: أجلوها لبكره وتعالي معايا اليوم رغد: لا اليوم مناسب لي ومناسب لها أم خالد: براحتك أبو خالد: أنا اليوم بنام بعد المغرب مافي دوام أم خالد: نام ما تنام مالي دخل واذا تبغا اكل خلي الخدامة تجيب لك أبو خالد: لاشكرا ماابغا شئ الساعه 6 البيت كان فاضي مافي غير رغد الي كانت في غرفتها وتتجهز لمقابلتها اليوم مع فهد ونهى صحبتها ( وزنها زاد 3 كيلو من المكياج الي حطته في وجهها هع هع) أخيرا خلصت ونزلت بعد مالبست عبايتها عفوا فستان سهرتها هع هع نزلت لقت سيارة نهى دوبها وقفت قدامها فتحت الباب وركبت أول ماشافتها نهى صفرت: واااو انتي رغد؟ رغد رمشت بعيونها: طبعا نهى: ههههههههههه ياخوفي على فهد اش بيسير بعقله رغد ضحكت ضحكه ناعمه: هذا الي ابغاه اجننه نهى تغمز لها: لحستي عقلي ياهوو رغد:هههههههه (طلت في ساعتها) حلو .. اكيد دحين يستنانا في المطعم نهى: أكيدين وصلوا للمطعم كانت رغد رافعه راسها ونهى تمشي جمبها لكن وراها شويه ومن جد رغد كانت ملللفته شافوا شاب جالس في طاوله لابس ثوب وشماغ ومتكشخ عرفوا إنه فهد من نظراته لكن رغد اتاكدت ودقت على جواله طلع هواا.. راحوا له جلست رغد في الكرسي الي قباله وكان هوا فااتح عينه من جمالها: يا هلا والله بالغزال رغد: نهى عادي اجلسي في أي طاوله فهد طل في نهى الواقفه كأنو يستناها تروح نهى: أوكي أستناكي برا في كراسي الإنتظار فهد: ماشي راحت نهى ولف على رغد: أخيرا اتقابلنا والله مااتوقعتك بدا الجمال رغد بدلعها: كيفك؟ فهد: أحد يشوف الملاك دا ومايكون بخير رغد حمرت خدودها من كلامه ونظراته فهد: هههههههههههههه يا عيييني على اللي يستحوا .. رغودتي رغد: هلا فهد طل فيها مباشرة: أحبك نزلت عينها وسكتت ووجهها أحمر فهد: ارفعي راسك خليني اتهنى (مسك المنيو الوحيد على الطاوله) امم اش نطلب رغد: امم شو رايك فهيتا فهد مد لها المنيو: شوفي الأكلات كلها رغد: أوكي .. خلاص حددت بس باقي تطلب عصير فهد: اطلبي لي من ذوقك رغد: ههههه وإذا ماعجبك فهد: آآه مافي شئ من رغودتي ما يعجبني رغد بخجل: أوكي كملوا كلامهم الين جا الأكل ساروا ياكلوا ويتكلموا وعلى الساعه 8ونص الليل استأذنت رغد ووقف فهد معاها يودعها الين السياره ركبت هيا ونهى الي وصلتها لبيتها طبعا بعد ماحكتها الموجز الي سار بينها وبين فهد ’.’.’.’.’.’.’.’.’.’.’.’.’.’.’.’ كان مهند جالس في غرفته يفكر في لبنت الي شافها في القاعة يوم الحفلة: فيها شئ يخليني غصبا عني أفكر فيها هههههههه بس والله حرام سارت لها صدمه بطاااله آآه ياخوفي إني جالس أفكر فيها و حبيتها وهيا ماني على بالها ناسيتني اممم أكلم روضه وأقول لها؟ يمكن تعرفها وتنصحني أخطبها ولا لا إيوا روضه أثق فيها بس خلي الوقت المناسب يجي وأصارحها بحبي دق جواله وكان عارف إنه فارس رد: هلا والله صوت بنت: أهلين دكتور مهند مهند استغرب بس عرفها من لهجتها اللبنانيه: دكتوره ناهد؟ ناهد: إي نعم مهند: سار شئ؟ ناهد بخيبة أمل: لا مافي إشي بس بدي أبلغك إنو دكتور محمد آل(قال) حنمارس عملنا في المستشفيات وإنو أنا حكون السكرتيره تبعك مهند اتفاجأ ناهد تكون سكرتيرته كان يبغا رجال بس قال: أوكي شكرا إنك بلغتيني.. من فين لك رقم موبايلي؟ ناهد: إداني هوا الدكتور محمد وآلي بلغي الدكتور مهند على موبايله مهند: آها (وسكت) ناهد: بتحب أبلغه إشي؟ مهند: لا مشكوره ناهد: العفو .. باي مهند: مع السلامه قفل مهند وهوا مستغرب من الدكتوره ناهد طريقة كلامها معاه وحركاتها كأنها تبغاني أتقرب لها .. حفظ رقمها في جواله باسم ناهد ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة مــر شهر من يوم تحديد موعد ملكة سامي من شهد وخالد من سمر .. يعني اليوم ملكتهم فيـ بيت أبو ماجد مهند كان جالس في الصالة وماسك الجوال يكلم ومعاه في الصالة روضه الي كانت تتفرج تلفزيون وليان وعزوز جالسين مع بعض ع الطاولة ياكلو مهند: بس من جــد لك وحشـه غير عن الكل فارس: والله حتى انتوا مااتوقعت اني حشتاق لكم لدي الدرجه مهند: ههههههه يازينك ساكت المفروض تكون متوقع.. وكيف فرنسا؟ فارس: من ناحية حلوه حلوة بس ناقصها إنتوو مهند: الله يسلمك.. ومتى أقرب موعد جااي؟ فارس: أفف أنا مقهور حاولت أحجز ع اليوم مافي إمكانيه لأني دوبي لسا كملت شهر ونص مهند: يلا إن شالله تحضر الزواج وإذا ع الملكة مايهمك الجيل الثالث يقوم بدوره فارس: ههههههههههههههه ماحقدر دحين أنا رايح مهند: آآ إيوا صح اختلااف التوقيت فارس: بشرني كيف حال أهل جده مهند طبعا منتبه مايقول له ولا شئ عن الأحداث الحزينه الي سارت وهوا هناك: الحمدالله كل شئ تمام واليووم ملكة سامي وخالد فارس: ههههههه الله يوفقهم موو مصدق هما أصغر مننا وخاطبين قبلنا مهند: ههههههههه لا تخاف قريب وأنا لاحقهم فارس: لاااه من جد؟ ومين تعيسة آآ قصدي سعيدة الحظ؟ مهند: ههههههههه آآخ لو إنك قريب مني .. وحــده مااتعرفها فارس: هههههههه احلف انت ووجهك.. يلا سلـــم ع الكل وبارك لسامي وخالد ووصل لهم سلااام خااااص مني مهند: أبشرر.. وانتبه على نفسك فارس: إن شالله .. فمان الله مهند: الله معاك قفل مهند وطل في روضه وعزوز وليان: هذا فرووس يسلم عليكم روضه: الله يسلمك.. مهند ع الساعة 6 المغرب نبغاك تودينا أنا وماما الكوافيرا ماينفع السواق واحنا بتساريحنا مهند بطفش: إن شالله ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ الرابع عشر ــــــــزء في الملكة كانوا كاتبين موعد الزفه 12 وبالنسبة لجدة تعتبر بدري جدا لكن تهون لأنها ملكة مع انها في قاعة فخمـة عند طاولة البنات كانوا جالسين// روضه وسهى ورهف ورغد وكم بنت ماايعرفوهم// روضه كانت كل شويه تطلع للغرفتين غرفة شهد وسمر بس لما خبروها إنو أزواجهم دخلوا لهم عشان يتصورا معاهم جلست في الطاولة مع البنات وهيا جالسه تتكلم مع سهى ورهف وكانت تحاول تجر كلام مع رغد خصوصا إنو أختها ماتت فحست بالرحمة روضه بابتسامة: ماشالله رغد شكلك حلو فين سويتي التسريحة؟ رغد بغرور: سويتها في مشغل ............... روضة تكلم نفسها سبحاان الله حتى بعد موت أختها ماسابت غرورهاا غنت المطربة أغنية في منتهى الرقة .. سهى: رهف نقوم نرقص؟ روضه: يلا حتى انا قايمـه قاموا الثلاثة ورغد جالسه كانوا الثلاثه فوق الكوشه ويرقصوو الكـل كان يطالع في روضه ورقصها،، كأن رابح صقر ماغنى الأغنيه إلا لهاا ^_^ فوق في الدور الثاني من القاعه كان في غرفتين للعرسان نروح لغرفة خالد وسمر في البدايه .. كانت المصوره تقول لهم اعملوا حركه وهيا تصورهم المصوره: أوكي .. دحين أمسك يدها وقرب وجهك منها وطل في عينها سمر منحررجه: احم خالد تعال على جهة اليمين أحسن ابتسم خالد: من عيوني ذابت سمر من نظرته خصوصا إنو المصوره لسا ماخرجت .. راح لليمين وعمل الحركه الي قالت عليها المصوره وهوا حاس إنو سمر تحاول ترجع راسها لورى بس هوا يعاند ويقرب منها أما عند سامي وشهد لسا المصوره ماجات لهم فكان آخذ راحته الحبيب جلس جمبها مسك يدها وباسها: والله ياشهد سرت أفكر فيكي بجنون ومااا صدقت لما شفتك في بيتناا ماكان ليا نفس أطلع بس سمر طردتني شهد ضحكت بنعومه: وقتها ماكنت تسير لي شئ سامي ابتسم ومسك يدها: بس دحين أنا خطيبك ومافي هروب شهد خجلت وحمرت خدودها: مو كأن المصوره تأخرت سامي: احسن ان شالله تتأخر أكثر بس للأسف اندق الباب ودخلت المصوره ومعاها المساعده حامله الكاميرا والإستاند حقها سامي طل في شهد نظره خلتها تضحك كأنو يقول إش جابها دحين الساعه 12 ظلمت القاعه واتوجه كشاف للبلكونه وعلى أغنية ألف الصلاة والسلام عليك يا حبيب الله محمد ..باسم الله المعبود والرحمن وأزكى صلاة ع النبي العدناني على عروس نورهاا يسبقها تمشي ونتبعها بنظر الأعيان عروسنا كل الحسن فيها والبدر يخجل لو يطالع فيها .. ظهروا العروستين سمر وشهد وكانت كل وحده أحلى من الثانيه .. لون فستان سمر فوشي وفستان شهد تفاحي .. رموا ورد مقصوص وعليه اكليل وطبعا المصوره معاهم بعدين راحوا للدرج .. هوا درجين أصلا واحد للعريس ووحده للعروسه بس هما ما دخلوا عرسانهم.. أخيرا وصلوا للكوشه وعلى صوت المطربه مسكوا يدين بعض وبنعومه جلسوا يرقصوا انتهت الملكه على خير وكانوا كلهم مبسوطين رجعوا لبيوتهم الساعة 2 وهما تعبااانين (ماكأنها ملكه خخ) طبعا كلهم رجعوا ناموا بعد مااتجهزوا للنوووووم ’.’.’.’.’.’.’.’.’.’.’.’.’.’.’.’ جلس مهند على مكتبه في المستشفى المعروفه بسمعتها الحلوه كان في قسم الطوارئ وقدامه جالسه السكرتيره ناهد ماسكه أوراق دق جواله والمتصل رائد مهند: هلا وال رائد قاطعه وبسرعه قال: مهند ألحق رهف ينزل من راسها دم بسرعه أنا قدام مستشفتك (لاحظتوا المصطلح << مستشفتك هع هع) مهند: طيب اهدى اهدى دحين جايك فورا قفل وبسرعه نادى على الممرضات ونزل لتحت بأسرع مايمكن كانت رهف مغمضة عينها بس مو فاقده الوعي وراسها نازل منه دم شالوها بسرعه وحطوها في السرير دخلوها لغرفه ودخل مهند بصفته الدكتور المسؤول عنها دحين ... كان رائد يستنى برا وخاااايف مو قادر يجلس من التوتر بعد 10دقايق خرج له مهند وراح لعنده مبتسم: روق روق ياخي رائد بسرعه: مهند اش سار لها؟ مهند: مافيها شئ الجرح مره بسيط لفيت لها راسها بعد ما نظفت الجرح لكن ما حتقدر ترجع للبيت دحين كمان حتجلس ساعه نص يعني على الساعه 6ونص المسا تخرج إن شالله .. إنت روح اتطمن عليها دحين وبعدين ارجع البيت ولا تخاف أنا حكمل الإجراءات رائد: آآه والله إني تعبان الله يسعدك ياارب يلا أنا حسوي الي قلت عليه مع السلامه |
مـع غروب الشمس لا يغرب الحب * أحلى رواية حب رومانسية كاملة مهند يبتسم: الله معاك رجع لمكتبه وهوا يكلم نفسه: هههههههههههه اش الحظ الحلو اليوم حبيبتي بنفسها تجي لعندي .. يلا بما إني الدكتور المسؤول عنها حروح اتطمن عليها بعد شويه ههههههههههههههههههههه. ناهد: شو بك دكتور مهند هيك مبسوط؟ مهند انتبه: لامافي شئ.. إش سار بالمريض (فلان) ناهد تدور في الأوراق: إممم أي راح إله الدكتور (فلان) مهند: أوكي.. أنا قايم شويه وجاي ناهد: لوين؟ مهند لازم يقول لها: لعند المريضه رهف ناهد: أوكي بتحتاج إشي؟ مهند: لا وراح لعند غرفة رهف كان قلبه يرقص من الفرح وفي نفس الوقت متوتر دق الباب دقتين وسمع صوتها: تفضل دخل مهند وهوا مبتسم ابتسامه من قلب رهف أول ماشافته مااستوعبت جلست ترمش كأنها في حلم مهند: السلام عليكم سكتت ماعرفت اش تقول بس لاإراديا طلعت منها: إنت الي أول شفف تك (وكأنها تتذكر) إنت مهند؟ مهند جلس بالكرسي الي جمب سريرها.. أول ماجلس قامت جلست ولفت عنه كأنها حتقوم مهند ماقدر يكتم ضحكته: ههههههههههههههههههههه إشبك ابغا اشوف جرحك رهف سار وجهها طماطم: أنا بخير مهند: أوكي الحمدالله بس لازم أتاكد رهف: لا مو انت خلي أي دكتوره او دكتور ثاني مهند: طيب قبل ماأرد ليش لافه وجهك كلميني عادي رهف: لا مو عادي ممكن تنادي أي دكتوره ثانيه مهند بنفاذ صبر: لا مو ممكن لأنو أنا الدكتور المسؤول عنك رهف اتجمعت الدموع في عيونها وبصوت واطي: ماأقدر ألف عليك ماأقدر مهند بهدوء راح قبالها مشتاق يشوفها هوا بنفسه مو عارف كيف جاته الجرأه يروح لها .. نزل عن مستواها شويه عشان يقدر يشوفها مسكها من دقنها عشان يرفع راسها بس هيا مسكت يده وبعدته جات تبغا ترجع يدها بس هوا مسكها كانت منزله راسها وشعرها مغطي وجهها ويدها في يده رهف ببكا: ممكن تسيبني مهند بهدوء: ليش خايفه مني لدي الدرجه أنا زي أي دكتور ثاني بس خليني أتطمن على جرحك رهف: لا مو زيهم (سكتت) مهند بنبرة ترجي: رهوفه يلا خليني أشوف جرحك رهف استغربت يدلعها كمان بس وهما في دي الوضعيه اندق الباب ودخلت الدكتوره ناهد مهند ارتبك وعلى طول وقف .. رهف رجعت انسدحت وباين إنها كانت تبكي .. أما ناهد انصدمت وحست بطعنات في قلبها قالت بصوت متألم: سوري آطعتكن (قاطعتكم) مهند: لالا بس رهف كانت تبغا تروح الحمام وتحتاج لمساعده جرحها لمن توقف يألمها رهف طلت فيه بنظره إعجاب على الكذبه الي ألفها بسرعه ناهد: أوكي .. (راحت لمهند ومدت يدها أدته شاش) اتفزل دكتور مهند هاي الشاش لرهف بتحب تغير لها ولا أنا؟ رهف بسرعه: لا أنا مهند قاطعها بصوت حاسم: خلاص دكتوره ناهد روحي ارتاحي أنا بغير لها هوا ناهد بابتسامه: حاضر دكتور مهند (وبابتسامه عريضه) بتأمر على إشي؟ مهند: سلامتك ناهد: الله يسلمك .. بس بجد مابتحتاج إشي؟ مهند استغرب على إصرارها طل في رهف: ايوا بجد ناهد: أوكي بستناك باي هنا رهف قلبها مقهور من ناهد لبنانيه فيها جمال بالرغم من قصرها حست بغيره منها على مهند مهند: أنا رفضتها تعمل لك الشاش لأنها مو مره ممتازه و( سكت شويه بس كمل) أنا أخاف عليكي رهف قلبها دق، ومن أول ماخرجت ناهد كانت منزله راسها وشعرها مغطي وجهها مهند: يالليييل (راح لجمبها في الكرسي) رهف ممكن ترفعي راسك وتكلميني بس حلف لك الشاش وحخرج على طول رهف: وعد؟ مهند بضيقه: وعد هـــــــــــدوء .. قطعه صوت رهف وهيا ترفع راسها بصعوبه: احم يلا ابتسم مهند وقرب منها ومعاه الشاش .. فتح الشاش الي في راسها وهوا سامع دقات قلبها حزن عليها وحس بموقفها بس جبر نفسه يكمل قرب لراسها عشان يشوف الجرح راح لدرج وأخذ المعقم وقطنه رجع لعندها مسك المعقم ومد يده: أمسكي القطنه شويه .. أخذت القطنه منه ولامست أصابعه حست برعشه في جسمها .. وهوا ينظف .. رهف بهمس: أححـ مهند: أو سوري عارف إنه يألمك خلاص قربنا نخلص// بعد مانظفه مسك الشاش مهند: طلي فيا عشان أقدر ألفو خلت وجهها عليه بس عيونها على تحت كان يفتح الشاش وهوا يتأملها هيا حاسه بنظراته بس ما تقدر تسوي شئ لفه على راسها بإتقان ووقف: تامري على شئ؟ رهف بتردد: لا .. بس مهند:بس ايش؟ رهف: متى الخروج؟ مهند: بعد شويه حيجيكي رائد ع الساعه 6 ونص تقريبا رهف: ............. (بصوت مبحوح) شكرا ما قصرت مهند بابتسامه: العفو ولو أقل الواجب خرج من عندها و ماوده يخرج.. ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ الخامس عشر ــــــــزء فيـ فرنسا كان واقف قدام المرايا يضبط شكله ويعدل الجاكيت الرسمي مشط شعره بعد ماخلص قفل إزرار الجاكيت الي في النص وحمل الشنطة اتوجه لباب الشقه وخرج ركب السيارة .. كان واقف يستنى حسن ينزل شان يوصله على عمله وهوا يروح كان الجوو مره حلو ووقت الصبااح نعنـشه وصل حسن فتح الباب الأماامي وبابتسامة: السلاآآم عليكم فارس طل فيه وبدون أي تعابير: وعليكم السلااام حرك السيارة حسن: أخباارك اليوم؟ فارس: مااشي الحال بس كل يوم يزيد أزيد شووق لأهلي حسن: ههههههههآي طبيعي أول كم شهر فارس: والقهر إنو أختي واثنين من اصحابي ملكوا ولا حضرت ملكتهم حسن: يااشيخ الي فات ماات افرح بالجاي عيش حياتك في فرنسا .. أقول لك ماينفع تروح وانت بدي النفسيه وقف عند اقرب كافيه فارس: ههههههههههههه وربي انك فله.. أبشرر وقفوا عند كافيه راايق نزلوا من السيارة ودخلوا المحل جلسوا ع الطاولة وطلبوا الي يبغوه حسن: امم وكيف حال الحبيبه؟ فارس عقد حواجبه: أي حبيبه؟؟ حسن: هههههههههه من كثرتهم منت عارف ايت وحده .. لا هيا آخر وحده اتعرفت عليها هناا في فرنسا فارس: أووهو انت وروزا ياخي شكلك انت الي تحبها حسن: يااليت بس خليها تعطيني وجه ولا نظره من ظراتها لك فارس: ههههههههه لو بكيفي قلت لها حسن: يااعيني.. تعرف انوو باقي لك شهر وترجع جده؟؟ فارس: وكييف مااعرف انا حاسبها بالايام حسن: لا لا اجل انت عاشق وصلت لههم الطلبات وجلسوا يشربوا وهما مستمتعين بعد مااتعدل مزاج فارس وعلى طوول حركوا كل واحد لمقر عمله لانهم متأخرين ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة روضه بلهجه لبنانيه: مهند شو عندك اليوم؟ مهند ضحك على لهجتها: لتكوني ناهد؟ أم ماجد: مين ناهد؟ مهند: هههههههههههههههه سكرتيرتي في المستشفى معجبه فيا روضه: شكلك تحلم مهند: طيب لاتصدقي مايضرني شئ روضه بنظره على جمب: أخاف إنت الي معجب فيها مهند ضحك ضحكه استهزاء وطل في روضه نظره غريبه فهمت منها سكي الموضوع خليه بيني وبينك روضه: يلا أنا طالعه فوق أغير أم ماجد: أوكي بس انزلي بسرعه دحين يجي أبوكي ونحط العشا روضه: أوكي طلعت فوق لغرفتها غيرت وفتحت موبايلها تضبط وقت المنبه يصحيها صلاة الفجر .. سمعت دق الباب روضه: ادخل مهند فتح الباب ودخل بعد ماقفل الباب روضه: يا هلا مهند: رودي أبغا أكلمك في موضوع بس افهميني صح روضه: قول إنك تحبها مهند فتح عينه وطل فيها: كيف عرفتي قصدك مين روضه: مين غيرها اللبنانيه ناهد مهند: ههههههههههههههههههههه والله حسبتك عرفتي روضه: كيف يعني مهند: رودي أنا ماأحمل أي مشاعر لناهد هيا سكرتيرتي وبس روضه: الحمدالله .. أجل اش موضوعك مهند: بس وعد تفهميني صح وما تقولي لأي أحد روضه: لاتخاف مهند طل فيها: أنا أحب روضه: هههههههههههههه يا سلام ومين هيا الي اختارها قلبك؟ مهند بعتاب: روودي أنا ماقلت لك عشان تتريقي أبغاكي تساعديني وتشوفي إذا مناسبه ليا أولا روضه: طيب سوري يلا قول مين هيا مهند: أنا ماأعرف إذا تعرفيها أولا حتى أنا ماأعرفها بس أعرف اسمها روضه: وكيف حبيتها؟ مهند: شفتها بالغلط وعجبتني ( ماكان يبغاها تعرف قصة المستشفى) روضه: آهاا اش اسمها مهند: رهوفه أخت صاحبي رائد روضه: ماشالله تدلعها كمان (كأنها تتذكر) رهف؟ صحبة سهى؟ مهند بحماس: إيوا تعرفيها؟ روضه: إيوا اكيد لعرفها مهند: اش رايك فيها روضه ابتسمت: ممتازه مهند فرح: يعني مناسبة لي؟ روضه: ههههههههههههههه ليش لأ مهند ضمها بقوه: هههههههههههههههههه الله يخليكي ليا ياأحلى أخت روضه: ههههههههههههههههههههههه أحلى أخت ها يا مصلحه قام مهند وهوا عند الباب: حكلم أمي وأبغاكي تكوني موجوده عشان تتكلمي معايا روضه: كمان مستعجل الحبيب خرج مهند بدون مايرد عليها وهوا فرحان بس خايف إنو رهف ترفضو لكن كان متأكد إنها حتوافق من نظراتها في المستشفى ولمن قالت له إنت مو زي الدكاتره الباقين ’.’.’.’.’.’.’.’.’.’.’.’.’.’.’.’ أم سامي وسمر وسهى جالسين في الصاله أم سامي: سهى وسمر بكره اتجهزوا حيجونا رهف وأمها سهى شهقت سمر: بسم الله اشبك سهى (يؤيؤ والله من جد رائد يبغا يخطبني يا الله قلبي) فكرت اش ترد على سمر وبسرعة بديهه قالت: رهف الدبه ماقالت لي إنها حتجي سمر: طبعا تلاقيها انشغلت بخطوبتها << مبروك رهف وافقت على مهند << أم سامي: سهى رهف عندها أخوان سهى بلعت ريقها وحاولت تكون طبيعيه: الي اعرفو عندها اخو واحد أم سامي: وايش اسمو سهى كأنها تتذكر: إيوا رائد أم سامي: بكره اتجهزوا والبسوا مانتو صغار اعلمكم سمر الي حفظت كلام امها: إن شالله في اليوم الي بعده كانت سهى طبعا عارفه إنهم مو جايين إلا عشان يخطبوها في الليله الي قبلها ماقدرت تنام من كثر التفكير وأول ما صحيت استحمت بعدين نزلت تاكل وطلعت لغرفتها تجهز لبسها واكسسواراتها ومكياجها .. دخلت عليها سمر سمر: بووو سهى انفجعت(مسكينه حتنفج من أي شئ اليوم) سمر: هههههههههههههه اشبك انفجعتي سهى يدها على قلبها: بطلي حركاتك سمر راحت جلست جمبها: سهى بالله اشبك مو على بعضك سهى حست إنها ماتقدر تتحمل لفت على سمر: سمر إنتي عارفه اليوم ليش حيجو؟ سمر استغربت: عادي زياره سهى دمعت: يبغوا يخطبوني لرائد سمر اتفاجئت بس ابتسمت: مين قال لك سهى اتفاجئت بالسؤال: رهف لمحت لي سمر ضمتها: مبرووك سهى بكيت في حضن اختها: والله لو مو مهند ولد عمتي خاطب رهف كان احترت اوافق ولا لا وماما ماحتكلف نفسها تسأل عنهم سمر حزنت بس تبغا ترفع معنوياتها: لااا لاتقولي كدا وين راح بابا وسامي وأنا سهى وهيا تبكي: الله يخليكم ليا سمر بعدت عنها ومسحت دموعها: يلا ياعروسه مانبغا الدموع دي اليوم اتجهزي واتشيكي ولو تبغي شئ قولي لي سهى ابتسمت: إن شالله خرجت سمر وراحت لغرفتها بقيت سهى الي قررت إنها تتجهز وتستشور شعرها الطويل الساعه 8 ونص الليل جو أم رائد ورهف واستقبلتهم أم سامي أحسن استقبال (الي يشوفها مايعرف إنها أم سامي بشخصيتها الشديده طبعا دا التمثيل لأنها كانت عارفه إنهم حيخطبوا سهى) أم سامي: يا هلا ومرحبا اتفضلوا أم رائد: يزيد فضلك أخذت منهم العبايات وجلسوا يتكلموا شويه وجو سمر وسهى سمر: يا هلا السلام عليكم سهى بابتسامه: السلام عليكم وقفوا أم رائد ورهف: وعليكم السلام سلموا عليهم وجلست سهى جمب رهف وسمر جمب أمها أم رائد: كيفكم؟ سمر: الحمدالله بخير وإنتو أخباركم أم رائد: الله يسلمك (طلت في سهى) ماشالله إنتي سهى؟ سهى بابتسامتها الخايفه: إيوا أم رائد: ماشالله وإنتي سمر؟ سمر بابتسامه : إيوا ..(وبعد شويه).. عن إذنكم (طلت في سهى) تعالي معايا راحوا للمطبخ وأم رائد طلت في رهف يعني قومي معاهم رهف: عن إذنكم حروح معاهم أم سامي: خذي راحتك بقيوا أم رائد وأم سامي لوحدهم أم سامي: حياكم الله أم رائد: الله يحييكي.. أم سامي إحنا اليوم جينا نبغا نخطب بنتكم سهى لرائد ماشالله عليها كبرت أم سامي ابتسمت: هاذي الساعه المباركه واحنا نتشرف نرتبط بعيله زيكم ورهف مخطوبه لمهند مو غريبين يعني أم رائد: أكيد أم سامي: بس تعرفي لازم نشاور البنت وأبوها وأخوانها أم رائد: خذوا وقتكم جات سمر ومعاها عصير وسهى معاها كيك ورهف حامله بيتزا وزعت سمر العصير .. سهى مدت الصحن لأم رائد أم رائد: من يد مانعدمها سهى انحرجت: تسلمي أم رائد: الله يسلمك رجعوا البنات جلسوا .. رهف قرصت سهى خفيف سهى بصوت واطي: أح اشبك رهف: طيب يا دبه بس باركتي لي في التلفون ودحين لمن شفتيني ولا شئ سهى ماكانت على بعضها: سوري نسيت.. مبرووك والله |
مـع غروب الشمس لا يغرب الحب * أحلى رواية حب رومانسية كاملة رهف: الله يبارك فيكي (غمزت) عقبالك سكتت سهى كانت منحرجه بعد شويه خرجوا أم رائد ورهف بعد ما سلموا عليهم ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ السادس عشر ــــــــزء في فرنسا كان هذا آخر يوم لفارس فيها .. كان في الشقه خلاص يحط أغراضه في الشنطه إلا رن جواله ابتسم ورد: هلا والله حسون حسن يتنهد: آآآآآآآآآآه فارس حسب فيه شئ: ألوو فيك شئ حسن بهدوء: فيني أشيااء فارس تأكد إنه بخير: ههههههههههه والله فجعتني حسبتك تعبان من جد حسن: إيوا من جد تعبان مدري كيف حتحمل فرنسا بدونك فارس: خلك رجال كلها كم شهر وبتلحقني لجده حسن: صحيح بس هاذي الكم شهر صعبه تمر بدونك فارس: حسوووون تشككني انك زوجتي مو صاحبي حسن: هههههههههههههههه الله يرجك هذا جزاتي إني أحبك فارس: أقول إنت خلصت شغلك؟ حسن: لا إستأذنت قلت لهم اليوم صاحبي حيروح بودعه فارس: حللوو .. يلا أنا استناك في الشقه إذا جيت دق وأنا بنزل نروح جوله سريعه وأخيره في فرنسا بعدين توصلني على المطار حسن: إن شالله يسير خير .. مع السلامه فارس: مع السلامه ماقفل جواله إلا رن مره ثانيه بس رقم غريب رد: ألو ..... :أهلا فارس فارس عرفها: هلا روزا كيفك؟ روزا: امم بخير بس حزينه اليوم إنت راجع لجده سكت فارس وشويه: ممم إن شالله نتقابل .. هذا رقم جوالك؟ روزا: إي احفزو عندك بالموبايل فارس: إن شالله روزا: اممم فكرت إنو أبل (قبل) لتروح للمطار بنتمشى وبعدين بنوصلك للمطار ونودعك فارس اتفاجأ بس عيب يردها: تسلمي والله،، خلاص أكلم فادي وننزل كلنا دحين روزا انبسطت: أوكي بتجهز وبنزل فارس: أوكي باي روزا: باي كلم فادي الي رحب بالفكره وقال له إنو يعرف مكان حلو ومناسب بعد ماخلص فارس ترتيب الشنطه واستحم ولبس دق جواله المتصل حسن وقال له ينزل هوا تحت وطبعا فارس قال له إنو فادي وروزا حيجوا معاهم فقرروا إنو كلهم يروحوا بسيارة حسن كان فارس كااشخ لأنو آخر يوم في فرنسا وفي نفس الوقت حيستقبلوه أصحابه وأبوه في جده فلازم يتشيك ،، في سيارة حسن نزل فارس أول واحد وركب ورا عشان فادي الي حيركب قدام فارس: سلاااام حسن لف عليه وجلس يطل فيه: الله الله على الشياكه .. كل هذا عشان روزا فارس طنشه: حسون فرحان وزعلان حسن: ليش فارس: فرحان إني راجع جده وحقابل اهلي بس زعلان إني حفارقك لكن الي مهون علي إنك بعدي بشويه حتجي جده وتقابلني حسن: إيوا والله حتى أنا مبسوط إني حشوفك مره ثانيه وهنا جا فادي وفتح الباب الي ورا وبابتسامته المعهوده: أهلين.. فارس اركب إدام (قدام) فارس: لااا انت اركب فادي: شو رايك حسن؟ حسن: إنت الأكبر قفل فادي الباب وركب قدام: بعرفكن راسكن عنيد فارس: ههههههههههههههه وين حتودينا فادي: بعرف مكان كتير حلو إسمو ...... بتعرفو حسن؟ حسن: إيوا حلو مره فارس: على بركة الله .. وهنا لف للعماره يتأملها يبغا يحفر صورتها في عقله وجات فكره يطلع كاميرته ويصورها طلع الكاميرا وفتح الطاقه ضغط على زر التصوير وفي دي اللحظه ظهرت روزا فارس أول ماشافها فتح عيونه مو مصدق فتحت روزا الباب الثاني ودخلت وبابتسامه حلوه: أهلين فارس لف راسه عليها وفادي مال بكل جسمه لورا عشان يشوفها أما حسن كان يشوفها من المرايا كانوا الثلاثه مبهورين كانت لابسه تنوره قصيره لنص فخذها لونها وردي وبلوزه كت حمرا ونظاره شمسيه فادي: أهلين (وبنظرة تفحص) شو هالأناقه روزا: يسلمو عيونك الحلوه (طلت في فارس الي كان جمبها) امم سوري طلعت في الصوره؟ فارس اتذكر: أوب مدري والله روزا ضحكت: عادي احتفز فيها فارس انصدم بس قال: أكيد طلت فيه وابتسمت حسن: أوكي يلا وصلنا نزلوا الأربعه لمكان فيه طاولات ومفتوح على بحيره مره حلو فارس: واو مكان روعه روزا: عن جد .. مين اختارو حسن: فادي الله يخليه فادي ابتسم: يستاهل فارس الله لايحرمنا شوفتو روزا وحسن: يارب فارس اكتفى بابتسامه طلبوا الأكل وجلسوا يتكلموا شويه فارس وهوا يطل في ساعته: يلا لازم أروح للمطار دحين وقفوا كلهم واتجهوا للسياره وهما يتكلموا وصلوا المطار جلسوا على كراسي الانتظار مع الباقين روزا: فارس حفزت رأمي عندك؟ فارس: إيوا. مين اعطاكي رقمي؟ روزا: أخدتو من فادي حسن: فارس إن شالله دائما نكون على اتصال ولا أوصيك إذا جيت جده استقبلني فارس: هههههههههههه ابشر ماطلبت وهنا سمعوا كلهم النداء عن إقلاع الرحله إلى جده وقف فارس وحس إنو هاذي اللحظه صعبه لحظة الوداع حسن يضمه وهوا ينزل بعض الدمعات: والله بشتاااااق لك فارس يضمه بقوه وبصوت حزين: مو أكثر مني تركوا بعض وجا فادي وضمه فادي: رح إشتألك اكتير فارس: وأنا أكثر |
مـع غروب الشمس لا يغرب الحب * أحلى رواية حب رومانسية كاملة بعدوا عن بعض وجا دور روزا .. فارس كان مو عارف كيف حيودعها بس طل فيها وقال بابتسامه: إن شالله نشوفك روزا وقفت قباله مباشرة ومدت يدها له وعينها الي مليانه دموع في عينه: حتوحشني فارس حس بإحراااج خصوصا قدام حسن كانت قريبه منه بس مد يدها له وحاول يرجع لورا بشويش وقال: وإنتي أكثر بعدت عنه وهيا تبكي فادي مسح دموعها: مايحتاج روزا هاي الدموع فارس حمل شنطته وقال: لا مانبغا دموع (طل فيهم واحد واحد بنظرة تعمق وآخر شئ ركز نظره في حسن) آآه يلا مع السلامه راح وطلع الدرج وعند آآخر درجه ابتسم وأشر لهم باي هما طبعا اشروا له ودخل الطياره جلس على كرسيه المخصص سند راسه لورا وغمض عيونه وجلس يفككككككر ’.’.’.’.’.’.’.’.’.’.’.’.’.’.’.’ فيـ بيت أبو فارس كان الكـل متحمس لجية فارس بس زعلانين إنهم ماحيروحوا يستقبلوه في المطار لأن الي حيستقبله أبوهم وأصحابه .. // كانوا بيت أبو فارس مرتبين عزومة بكـره بمناسبة رجوع فارس لجده // شهد: يا الله متى يجي؟؟ أم فارس: بااقي ساعة ونص أبو فارس: هههههههه استنيناه 6 شهور وصبرنا، دحين ع الساعة ونص ماحنا قادرين نستنى ونصبر شهد: ههههههههه من جد متحمسين وشاايفه الساعة وص دي كثيره ليان: أنا حشيل منو الشنطه حقتو عزوز: لا أناا أم فارس: خلااص طيب طيب الاثنين شيلوها ليان وعزوز: طيب ’.’.’.’.’.’.’.’.’.’.’.’.’.’.’.’ الشباب كانوا متجمعين كلهم في بيت أبو ماجد عشان يروحوا بسيارة وحده يستقبلوا فارس أما أبو فارس فحيروح بسيارة ثانيه وهيا الي حيرجع فيها فارس للبيت مهند: شباب استعدوا بعد 5 دقائق حنروح للمطار سامي: جاهزين.. رائد: أووه أخيرا فروس حيشرف خالد: ههههههه تصدقوا إن نسيت ملامحه ماجد: هههههههههه لاعاد مو لدي الدرجه ماطول مره مهند: 6 شهوور وماطول.. يبغالنا نشيل لمى عنك 6 شهوور هههههه ماجد: ههههههههه أما لمى وعزوز وليان مسوين رجـه سامي: ههههههه عقولهم صغيره خالد: الله يالعقل الكبير مهند: يلا قمنا قاموا وركبوا السيارة الجمس لأن عفش فارس هما حيرجعوه وصـلوا المطار وجلسوا يدورا على فارس من بين الناس وأبو فارس معاهم مهند رفع يده وبصوت عالي: فاارس سامي طل في فارس: هناا فارس شافهم وابتسم ابتسامة شووق راح لهم جري وأول شئ حضن أبوه أبو فارس: ههههههه الحمدالله على سلامة الوصول ياهلا والله فارس يضحك: الله يسلمك والله اشتقت لكم مهند يضمه: واحنا أكثــر نوورت جده يالحبيب فارس: بوجودك يا غاالي وبعد ماسلم عليهم ركب مع أبوه السيارة وخلا الشباب يتولوا الشنط كان تعبان ومشتاق لأهله // وصلوا البيت وكانوا اهله جالسين في الحديقه يستنوه على احر من الجمر وأول مادخل نطوا عليه ليان وعزوز،، شهد وأم فارس راحوا له جري أم فارس: يااا هلا والله نور البيت فارس: ههههههههههههههه بوجودكم .. آي عزوز خنقتني شهد تدف عزوز: بعد دوري.. ضمت فارس بقوه وعيونها مليانه دموع وضربته خفيف.. تاني مره ماتروح وتخلينا فارس: ههههههههههههههههههههههههه والله فراقكم صعب ضم أمه بحراره وجلس معاهم يتكلموا وهما مبسوطين أم فارس: كيفك وكيف فرنساا وصاحبك حسن؟ فارس: ههههههه يووه حسن ذكرتيني شويه واتصل عليه اطمنه بسلامة الوصول .. وانا الحمدالله بخير بشوفتكم ، مشتاااق لجده شهد: ههههههههه والله حتى جده مشتاقة لك فارس: خخخخ كويس 1_1 أبو فارس: في خبـر حلـلو لك فارس ابتسم: الي هو ؟ أبو فارس: بكره عاملين لك عزومة بسلامة وصولك فارس بتعابير فرح: أووه جيــد (وكأنه افتكر شئ) بـس عندي اقتراح أم فارس: قوول فارس: إننا نأجل العزومة لبعد أسبوع عشان صاحبي حسن جااي شهد: آآها نوو بروبلم فارس طل فيها وغمز: مبروووك ياعروسة شهد انحرجت: ههه الله يبارك فيك.. (سوت نفسها معصبة) كدا ماتحضر ملكة أختك فارس: خلاص الله يخليكي لاتزيدي قهري مو بس ملكتك وملكة سامي وخالد أم فارس تكمل: وسمر أبو فارس: ماشالله دحين سمر وشهد مملكين وسهى وصحبتها مين؟ أعتقد هيفاء شهد: لا اسمها رهف أبو فارس: إيوا سهى ورهف مخطوبين وحده لرائد والثانية لمهند شهد: الله يوفقناا أم فارس: يلااا باقي رودي ورغد من البنات أما الشباب فارس و مين كمان؟ أبو فارس: بس ولدي؟! لالا لازم نخطب لك أم فارس: ههههههه ها فرووس في بالك وحده؟ فارس: لا انتوا اختارولي شهد بسرعه ورجه: أنا عندي وحده منااسبة وقمر أم فارس وأبو فارس : ميين شهد طلت في فارس وغمزت: في أحلى من رودي؟؟ كلهم وجهوا أنظارهم لفارس يشوفوا رأيه .. فارس طل فيهم بوجه خالي من التعابير فارس: يلا انا استأذن حطلع غرفتي أبغا أنام شهد: لا قاطعتها أم فارس: الله معاك ’.’.’.’.’.’.’.’.’.’.’.’.’.’.’.’ غدآآآ لنا لقاء تاني ان شاء الله ياحلووووين مع تحيااتي .. بباي |
الاحداث صارت روعه ومشوقه
يعطيج العافيه قلب الزهور ع الاجزاء الحلووووووه ننتظر الباقي لاهنتي |
اقتباس:
يسعدلي روحك الحلووه ياحلووتي انتي تقبلي شكري الخاااص لك وتقديري واحتراااااااااااامي حبيبتي |
مـع غروب الشمس لا يغرب الحب * أحلى رواية حب رومانسية كاملة الجـــــــ السابع عشر ــــــــزء في بيت أبو رائد ..... رائد: يا هلا اتفضل مهند: هلا فيك.. كيفك؟ رائد: بخير الحمدالله وإنت؟ مهند: مشتااق لها وكنت متفاءل إنها هيا الي تستقبلني لكن رائد قاطعه: تحمد ربك وتشكره إني استقبلتك أدخل ادخل الصالون هنا استناها مهند: هههههههههههه ياخي سرت عصبي من بعد ما خطبت سهى رائد: كل يرى الناس بعين طبعه مهند: اش قصدك؟ أنا عصبي؟ رائد: اسأل نفسك مهند: بالله ناديها طولت رائد: هههههههه أي طولت مالك دقيقتين مهند: طيب انا رجال مشغول وقتي بالثانيه انا طب مو علوم رائد: الحمدالله إني علوم أشوف خطيبتي وقت ماأبغا وهنا دخلت رهف ومعاها كاستين عصير: السلام عليكم رائد: وعليكم السلام.. يلا انا استأذن خرج بدون ماحد يرد عليه وقف مهند وأخذ منها كاسه: وعليكم السلام حطت الصينية على الطاوله وجلست على كنبه قباله بعد ماأخذت عصيرها مهند: كيف القمر اليوم؟ رهف ابتسمت: بخير الحمدالله وإنت كيف صحتك؟ مهند: الحمدالله بخير بس الدوام شويه طويل رهف: ليش من متى تداوم مهند: كل يوم من الساعه 9 الصباح ألين 4 العصر بعدين من 8 الليل الين 11 رهف: يو الله يعينك مهند: آمين وإنتي كيف عامله في الإجازه رهف: ماشي الحال مهند: إذا السنه الجايه اتخرجتي بنسبه حلوه حتكملي جامعه؟ رهف: لا ماأفضل أنا أحب أجلس في البيت أهتم بنفسي و (سكتت) مهند: هههههههههه قوليها رهف: لا خلاص مهند راح جلس جمبها: مالي لازم تقوليها رهف بلعت ريقها: أهتم بنفسي وبزوجي مهند: آآه الله يوفقني معاكي ويوفقك معايا رهف: آمين.. مهند أبغا أصارحك بشئ مهند مسك يدها: باين في شئ مضايقك قولي الي في قلبك رهف اتنهدت: السكرتيره ناهد ابتسم مهند ولفها عليه طل في عينها وقال: رهوفه والله الي خلق قلبي إنو ناهد مالها ولا ربع مكان فيه ناهد سكرتيرتي وبس صح أنا ماألومك الغيره شئ طبيعي بس أطمنك إنو أنا ماأحمل لها أي مشاعر رهف امتلت عينها دموع: مهما كان مع الأيام قاطعها مهند وهوا يحط راسها على صدره: رهوفه لاتفكري كدا رهف ماقدرت تستحمل سارت تبكي على صدره بس شويه مسحت دموعها وبعدت عنو: ما تقدر تنقلها لدكتور ثاني؟ مهند ابتسم بالرغم من حزنه الي سببته له رهف: أحاول مايهمك سكتت رهف (وقف مهند ووقفت معاه رهف) مهند: يلا حبيبتي أنا خارج دحين رهف: انتبه لنفسك مهند مسك شعرها: وانتي كمان.. يلا حبي باي رهف: باي خرج مهند وركب سيارته شغلها ودخل على الشارع العام وهوا يفكر في رهف ومشكلتها مع ناهد وأثناء تفكيره حس بضباب في نظارته فأخذ منديل وشال نظارته وسار يمسح النظاره وبالقوه يشوف الطريق وهوا بيمشي ماانتبه لسياره كانت داخله عليه فصدمها حس براسه يروح ويرجع لمكانه رجع لبس النظاره وفتح الحزام بيده اليسار لأنو يده اليمين انجرحت من قزازه طارت عليها .. فتح باب السياره وخرج لقى الناس متجمعين راح لصاحب السياره الي صدمها وكان لوحدو صاحب السياره: أوه سلمات تحتاج إسعاف؟ ابتسم مهند: لا بسيطه بس إن شالله إنك بخير؟ صاحب السياره: لا ضروري نتصل على الإسعاف يدك تنزف ما حتقدر تسوق وفعلا دقائق والإسعاف جا وحمل مهند وداه المستشفى الي ربطو له يده اليمين ، ورجله كمان دخلت فيها قزازه فحطوا لها لصقه دخل عليه الدكتور: السلام عليكم مهند: وعليكم السلام الدكتور: كيف دحين تحس نفسك؟ مهند: طيب الدكتور: أوكي حتجلس عندنا لبكره المغرب مهند بضيقه: مافي إمكانيه قبل؟ الدكتور: أحسن عشان ترتاح رجلك سكت مهند وخرج الدكتور الي ماكان عارف إنو مهند نفسو دكتور ...مقاطعة... * بعد يوم من وصول فارس وبعد ماهدي وارتاح خبروه إنوو مرام ماتت طبعا هوا حزن واتأثر خصوصا إنوو كان يسمع عن مرام إنها طيبه غير عن أختها الي أكبر منهاا فاتصل على أبو خالد وخالد وحتى على أبو سامي وعزآآهم * مسك مهند جواله ودق على فارس مهند: السلام عليكم فارس: وعليكم السلام.. وينك أتصل عليك ما ترد؟ مهند: ايوا لأني في المستشفى فارس حسب عادي دوام يعني: آها مهند: في المستشفى لأنو سار لي حادث فارس انفجع: حادث؟ قوي ولا ضعيف وكيف انت دحين في أي مستشفى تحتاج حاجه قاطعه مهند: اهدا اهدا أنا بخير الحادث بسيط لاتخاف بس أنا كلمتك عشان الدكتور قال لي إني ماأقدر أخرج إلا بكره المغرب فارس ارتاح: أوه والله فجعتني مهند: بس أنا ماأبغا اهلي يعرفوا إنو سار لي حادث لأنهم حيقلبو الدنيا على الفاضي فحكلمهم دحين وأقول لهم أنا وفارس حننام مع واحد من أصحابنا تعبان فارس: يعني تبغاني أنام معاك الليله؟ مهند: طبعا فارس: خلاص انت ارتاح وانا ادبر الأمور مهند: طيب استناك بس ابغاك تجيب بطاقة الأحوال حقي من بيتنا فارس: امم هاذي صعبه مهند يفكر: شوف أنا ماعندي مانع إنو رودي تعرف بسس رودي وأنا حقول لها تعطيك بطاقة الأحوال فارس: وإذا أصرت إنها تجي تشوفك؟ مهند: خليها تجي بس بكره دحين ليل فارس: طيب يلا ساعه ان شالله وأكون عندك.. وخلاص انت ارتاح انا حكلم اهلك واكلم روضه مهند: طيب يلا على بال ماتجي حاخذ لي غفوه فارس: أوكي مع السلامه مهند: مع السلامه قفل فارس وهوا محتار كيف يبلغ أهله وأهل مهند إنهم حيناموا عند واحد صاحبهم والأصعب روضه مممم وهوا يفكر جا في باله ماجد أحسن واحد يقدر يكلمه وعلى طول اتصل بماجد ماجد: أهلين فارس: هلا فيك أبو الشباب .. أخبارك ماجد: بخير الله يسلمك وإنت كيفك؟ فارس: الحمدالله .. مجود ممكن خدمه بسيطه إذا ماعليك كلفه ماجد: أفا إنت تامر فارس: الله يخليك.. أبغاك تقول لأهلك إنو واحد من أصحابنا أنا ومهند تعب فجأه وهوا دحين في المستشفى وضروري اليوم ننام عنده ماجد: آها أبشر بس سلمات عسى ماشر فارس: سار له حادث وانقلبت فيه السياره ( ألف قصه جديييده هع هع ) ماجد: يا الله الله يشفيه ولا تشيل هم أبلغ أهلي أهم شئ راحة صاحبكم فارس (ههه لو تعرف الحقيقه): تسلم ماتقصر أبو لمى ماجد: الله يسلمك فارس: نشوفك إن شالله مع السلامه ماجد: الله معاك قفل وهوا يقول لنفسه حلو أول مرحله خلصت باقي أنا أبلغ أهلي وأكلم روضه تعطيني بطاقة أحوال مهند نزل تحت بعد ما لبس وقال لأهله القصه طبعا وافقوا له وخرج ركب السياره ووقت ما تسخن السياره كان يتصل على روضه ردت عليه وهيا مي عارفه مين: ألو فارس: هلا .. كيفك روضه عرفته واستغربت يتصل عليها في الليل: بخير الحمدالله فارس: ممم ممكن طلب صغير روضه: تفضل فارس: أبغا بطاقة الأحوال حقت مهند روضه اتفاجئت طلبه: ليش فارس كان عارف إنها حتسأله عن السبب وقرر يقول لها: أوكي في أحد جمبك؟ روضه بدأ القلق عندها: لا أنا في الغرفه لوحدي فارس: طيب بقول لك بس لاتخافي روضه: فارس الله يخليك قول فارس: مهند سار له حادث بسيييط في المستشفى وقالوا له نحتاج منك بطاقة الأحوال وهوا قال لي خذها من روضه روضه: أكيد مافيه شئ مهند؟ فارس: على حسب كلامه مافيه شئ أنا دحين رايح أزوره وعلى فكره إحنا قلنا لأهلك إنو واحد من أصحابنا أنا ومهند تعب فجأه ورح ننام عنده اليوم روضه: طيب بكره متى حيخرج مهند؟ فارس: المغرب روضه تكلم نفسها دحين ليل وما أقدر أزوره بكره رح أروح له: أوكي بكره لازم أروح أشوفه وقت العصر فارس سكت وشويه: طيب أمر عليكي العصر عشان تروحي السوق كمان وتشتري له هديه روضه ارتاحت: أوكي ..شكرا فارس ابتسم: لاشكر على واجب روضه: خلاص دحين أنزل لك بطاقة الأحوال وأحطها لك عند الباب فارس نسي إنه للآن ماحرك السياره: طيب دقيقه وانا عند بيتكم قفلت روضه وهيا تحس قلبها في يدها من الخوف الي ماتعرف سببه .. راحت لغرفة مهند وفتحت الدرج دورت شويه ولقتها .. أخذتها ونزلت بعد مالبست عبايتها وطرحتها للإحتياط .. فتحت الباب عشان تحط البطاقه على الصندوق بس شافت السياره وهيا توها توقف ونزل فارس منها .. لاشعوريا حطت البطاقه ودخلت بسرعه وهيا تجري وطلعت فوق لغرفتها فارس أخذ البطاقه وهوا متفاجئ من حركتها بس في نفس الوقت جاه الضحك دخل سيارته واتحرك للمستشفى بعد مامشي الحال وسوى كل المراحل بنجاح حس براحه وهوا يسوق. كانت روضه فوق في غرفتها و تتمنى تعطي نفسها كف على الحركه الي سوتها ماتدري كيف تفسرها والمصيبه فارس اش بيقول عني خايفه منه ولا ايش يااربي !!! ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة - دحين وقت العصر الي اتفقوا فارس يمر على روضه يوديها السوق وبعدها على مهند في المستشفى - نزلت روضه من الغرفه بعد ما لبست عبايتها وفتحت الباب وهيا مرتبكه ..فتحت باب السياره الي ورا وركبت: السلام عليكم فارس لف عليها: وعليكم السلام.. ليش ورا تعالي اركبي قدام روضه طلت فيه كأنها تقول لااا صعبه فارس رجع طل قدام وبنفاذ صبر: أنا مو سواق عندك تركبين ورا قفلت روضه الباب الي ورا بقوه دليل إنها معصبه وفتحت الباب الي قدام وقلبها يدق بقوه حست إنها قريبه منه بعد ما ركبت حرك فارس السياره وبدون مايطل فيها: أي سوق تبغي تروحي؟ روضه وهيا خايفه: سوق .... أقرب شئ سكت وكمل الطريق على السوق ولمن وصلوا: يلا أنزلي روضه (أكيد بنزل أجل بجلس في السياره) نزلوا ومشيوا هوا قدام وهيا وراه بس بعيده عنو شويه .. كانت وهيا تمشي وراه تتلفت يمين ويسار تبغا تشوف المحل الي في بالها عشان كدا مانتبهت له لمن وقف فجأه مالقت نفسها إلا صدمت فيه ومن الصدمه رجعت لورا بقوه بس بركه إنها قدرت تمسك نفسها ووقفت كانت وقتها نفسها الأرض تنشق وتبلعها وهوا يطالع فيها بنظرة استفهام عن الي سار لها قبل شويه حست بإحرااج وقالت بهمس: سوري ماانتبهت فارس ضحك: لا عادي أنا آسف وقفت فجأه سكتت وكملت مشيها لقت المحل وقفت عنده واشترت باقة ورد حـلوة وفارس قبل ما يمر عليها اشترى لمهند هديته الي كانت مغلفة.. رجعوا للسياره الي كان موقفها بعيد عن السوق شويه فارس: أستني إنتي هنا وأنا بروح أجيب السياره روضه: طيب راح وهيا بقيت مع بعض الناس الي يستنوا.. وهيا واقفه مرت سياره فيها شباب ورافعه صوت المسجل على الأغاني .. وقفوا قبالها وهما يصفروا ويرقصوا.. طبعا هيا ما وقفت تطالع فيهم حركت رجلها ورجعت لورا .. الشئ الي مااتوقعته إنهم نزلوا من السياره ووقفوا عند عامود قريب منها كانوا 3 شباب .. سارت الناس تطالع فيهم وأخيرا جا فارس ودق بوري لها.. ركبت بسرعه وهيا تدعي ربها إنو فارس ما يشوفهم بس للأسف انتبه لهم قبل ما تقفل الباب.. ال3 شباب لمن شافوا فارس ركبوا سيارتهم بس قبل ما يحركوا وقف فارس بعد مانزل من سيارته قبال سيارتهم وهوا يطل في ساعته.. فتح باب الي يسوق وصرخ: والله لو إن ماعندي موعد ضروري دحين كان مسحت في وجهك البلاط يا الي ماتربيت .. وقبل لا يقفل الباب قال بعصبية: يجيك يووم وتشووف إنتو أشكال ماينفع معاكم الكلام،، وصك الباب بقوه ورجع.. هنا روضه كانت خايفه يكمل باقي التهزئء عليها لكن هوا دخل وقفل الباب .. اتنهد ورجع راسه لورا كأنو يبغا يهدي أعصابه قبل لاتفلت عليه .. بعد دقيقه مرت طل فيها وقال كأنو يبغا يقنعها: لو إنك مغطيه وجهك مو أحسن؟؟ روضه استغربت لهجته بس هيا عارفه إنها غلطانه لو إنها مغطيه وجهها كان ماصارالي صار: مو بس أنا الوحيده الي ماأغطي وجهي فارس طل فيها وهوا شاد يدينه كأنو مايبغا يرفع صوته: مالك دخل بغيرك روضه خافت لايعصب زياده طلت فيه: فارس خلاص امشي كفايه الناس تطالع فينا سكت ضغط الزر وحرك السياره على المستشفى ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ التامن عشر ــــــــزء يوم جديـد،، بعد خروج مهند بالسلامة.. وروضه في غرفتها اندق عليها الباب روضه: ادخل فتحت الخدامه الباب: رودي مدام آند مستر تحت يبغاكي روضه (غريبه): طيب دحين انزل قفلت الكتاب الي كانت تقرؤه ونزلت تحت للصاله ماشافت أحد فراحت لغرفة أمها وأبوها ودقت الباب أم ماجد: اتفضلي دخلت روضه وقفلت الباب: ناديتوني؟ أبو ماجد: إيوا تعالي أجلسي نبغا نكلمك في موضوع روضه حست في الموضوع إنّ جلست على كرسي وطلت فيهم أم ماجد: إنتي عارفه سنة الحياه الي هيا الزواج وكل وحده لازم تتزوج وانتي خلاص ماشالله في سن الزواج فاليوم اتقدم لك واحد ماينعاب روضه حست قلبها يدق كمل أبوها: هوا الولد حيشيلك في عيونه واحنا سألنا عنو وماناقصه شئ اسمو أيمن عمرو 24 ويشتغل في أرامكو وأنا وأمك نتمناكم لبعض لأنه أخلاق وزياده على كدا وسيم بس باقي رأيك.. انتي يارودي رفضتي كثير اتقدموا لك بدون سبب ففكري في هذا كويس ///روضه وقتها حست إنها تحلم ماتعرف ليش كان نفسها تنعزل في غرفتها وتجلس تبكي قالت بصوت مكتوم: أفكر أم ماجد: خذي وقتك هذي مسألة زواج مو لعبه طلعت روضه لغرفتها وهيا تحس بفجوه داخل قلبها حطت راسها على المخده وانفجرت نوبة الصياح : آآآه ليش أنا كدا؟ دائما يسير لي عكس الي ابغاه أصلا أنا ليش معلقه مصيري فيه هوا أكيد مو فاكر فيا يعتبرني بنت عم وبس وأنا شفت بعيني صورة البنت الي في درجه الي لو مالبست شئ كان أحسن من لبسها، ليش محتفظ فيها للآن؟ أكيد إنها حبيبته اتعرف عليها من فرنسا آآآآه يا قلبي ماتقدر تتحمل زياده خلاص أنا لأيمن وأيمن ليا وفارس (نزلت دموع حاره على خدها) فارس مو ليا في اليوم الي بعده صحيت وقالت لأهلها إنها موافقه على أيمن وهيا تضغط على نفسها عشان تبين إنها مبسوطه .. باركوا لها كلهم وهما فرحانييين وقالوا لها إنو يبغا يشوفها بعد عزومة فارس بيومين ’.’.’.’.’.’.’.’.’.’.’.’.’.’.’.’ في بيت أبو فارس كانت شهد وأمها واقفين في المطبخ ويجهزوا أشياء عزومة فارس بكره بس شهد كانت كل شويه تسرح أم فارس: شهووده لو أدري كل هذا التسريح بيسير لك كان ماملكت لك على سامي إلا بعد العزومه شهد انحررجت أمها فهمتها غلط: لااا والله إني ماأفكر في سامي أم فارس: أجل على ايش كل هذا التسريح شهد بحزن: كنت أتمنى رودي لفارس دائما أحسهم مناسبين لبعض أم فارس قاطعتها بعتاب: شهد ما يسير تقولي هذا الكلام هاذي قسمه ونصيب رودي الله يوفقها مع أيمن وفارس بيلقى بنت الحلال الي تسعده إن شالله شهد بحزن: إن شالله ’.’.’.’.’.’.’.’.’.’.’.’.’.’.’.’ وصل حسن لمطار جده باستقبال أهله وفارس ومهند الساعة 7 الفجر تقريبا.. فارس وحسن ضموا بعض بقووه وبعد السلام والكلام حسن يكلم فارس بصوت واطي بعد مابعد عنهم مهند شويه: تصدق قبل شويه لمن ضميتك اتذكرت ايش؟ فارس: ايش حسن وهوا يضحك: اتذكرت روزا واحنا نودعك في المطار أحس كان نفسها تحضنـك الأخت قربت منك وايد فارس ضرب راس حسن: يازينك ساكت حسن: آه على قلبك الولهااان عليها فارس طل فيه: والله إن روزا ولا شئ، قلبي آخذه أحد ثاني حسن حب يغير الموضوع: خلاص بكره العزومه؟ فارس: إيوا أجلناها كله عشان وجهك حسن يتدلع: ما أستاهل؟ فارس وقف: أنا برأيي خلي الدلع لأهله أحسن.. يلا امشي اوصلك لبيتك حسن: ههههههههههههههههههههههههههه لامشكور بعد بكره نتقابل اهلي يستنوني مهند الي دوبو جا: إن شالله حسن: مع السلامه فارس ومهند: مع السلامه ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة اليــــــــوم عزومة فارس الي الكل كان مستعد لها من بدري وفرحان إنو حيلاقي العائله كلهم بدأو يجوا من بعد المغرب وعلى الساعه 8 كانوا كلهم موجودين في صالون الرجال.. كانت في أصوات عاليه وليان ولمى وعزوز داخلين خارجين الكل كان يسلم على أبو ماجد وماجد ومهند ويبارك لهم على خطوبة روضه و يحمدوا لفارس وصوله بالسلامه .. بعد المباركات جلسوا الشباب قريب من بعض مهند: ماشالله كبرنا والله سامي: ههههههههههه من جـد كلنا خاطبين بس باقي فروس الي الكل يتمناه فارس ابتسم: تسلم سامي: الله يسلمك مهند: وين حسون صاحبك؟ فارس لأن مهند كان بعيد شويه ومع الإزعاج ماسمعه: ايش؟ مهند رفع صوته: وين حسن صاحبك؟ فارس: أكيد في الطريق (دق جواله) هذا هوا أنا بطلع برا الحديقه عشان أسمعه عند الحريم.. كانوا آخر ناس وصلوا بيت أبو خالد وهما واقفين قدام المرايا أم فارس: أهلين أم خالد بنفخة ريش: هلا سلموا أم خالد ورغد على أم فارس وشهد وروضه رغد بدون نفس: مبروك رودي روضه حتى هيا بدون نفس: الله يبارك فيكي عقبالك رغد بصوت عالي شويه: يووو أم خالد طلت فيها: إشبك رغد: نسيت شنطتي في السياره// طلت في أمها: حكلم السواق يجيبها عند الباب عشان آخذها منو... في المطبخ كانوا سمر وروضه واقفين مع شهد يساعدوها روضه: شهد حطلع آخذ توكه من عندك عشان أقدر اساعدكم الغره نازله على عيوني شهد: روحي طبعا محلاكي وإنتي تستأذني ضحكت روضه وطلعت فوق لغرفة شهد في الحديقه .. كان فارس واقف قريب من الباب فارس: يلا وينك تأخرت حسن: خلاص دقائق وأكون في السياره فارس: أوكي عجل حسن: طيب إن شالله .. مع السلامه فارس: مع السلامه أول ماقفل شاف بنت واقفه قريبه منو جمب الباب رغد بدلع: إنت فارس؟ فارس استغرب بنت حلوه ودلوعه واقفه قباله كان أول مره يشوفها رفع حاجبه اليمين: إيوا أنا فارس رغد ابتسمت ولفت عنه .. أخذت الشنطه من السواق فوق في غرفة شهد وهيا تدور التوكه سمعت أصوات.. راحت لعند الطاقه وشافت رغد وفارس وهما واقفين قبال بعض حست كأنو شئ مر في ذاكرتها ذكرها بموقف في القاعة -- لما كانوا جالسين هيا ومرام جمب بعض وكانت مرام ماسكة شنطة رغد فجأه دق جوال رغد والمتصل = fr – (أكيد تقصد فارس ورغد).. لاشعوريا نزلت بسرعه للحديقه بس اتخبت ورا جدار سارت تشوفهم بس هما لا رغد وهيا تطالعه من تحت لفوق وعاضه على شفايفها: قالوا لي عنك حلو بس مااتوقعت انك بدا الجمال كان فارس وقتها مصدووم من البنت الجريئه أو الوقحه الي قدامه بس وهوا واقف لمح ظل روضه وعرفها فقرر إنو يشوف إش حتسوي.. ابتسم لرغد وقرب خطوه لعندها طل فيها بنظره تقتل: وإنتي أحلى رغد حمرت خدودها وسارت مع الأضواء الي عليها جذابه: تسلم عيونك الحلوه روضه حست بنااااار داخل صدرها وهيا تشوف فارس واقف قدام رغد ويتكلم معاها برومانسية وجرأة //حست إنو رغد جالسه تسرق شئ من أملاااكها// مااقدرت توقف مكانهاا وبدون تردد راحت لهم وهيا فايره وقفت بينهم رغد قدامها وفارس وراها روضه تكلم رغد بقهر وعصبية: إيش المسخره الي عايشه فيهاا انتي؟؟ كيف تسمحي لنفسك تكلمي واحد غريب عنك بدي الجرأه فارس فتح عينه اتفااااجئ من ردة فعلها أبدا مااتوقعها حتسوي كدا حس بإحساس غريــــب وشئ في قلبه اتحرك رغد ضحكت باستهزاااء: هههآي ضحكتيني وأنا مافيا ضحك// يا حلوة هذا فرووس الي غريب عني ترى غريب عليكي زيي تماما روضه مااستوعبت كلام رغد كيف فارس غريب عني هوا ولد عمي: فارس ولد عمي موو غريب رغد بأسلوب استفزاز: الغريـب يعني الي يقدر يتزوجك (وكملت بهمس) يعني أيمن زوجك قبل مايخطبك كاان غريب روضه حست بخنقة لاشعوريا لفت على فارس واتلاقت عيونهم ببعض حست إنو قلبها وقف وخصوصا إنهم قريبين من بعض ورغد وراهم فارس رفع راسه عليها وعيونه في عيون روضه مباشرة ، مد يدينه ومسك يدين روضه خلاها جوة يدينه الكبيرة بالنسبة لها: (قال بحزن) لييش؟ ليش ياروضة روضه وقتها ماكانت تشعر بقلبهاا كأنه طااح والهـواء خلص يدها بين يدين فارس وعيونها تطل في عينه ،،ماتعرف ايش تجاوب ماهي قادره تفهم سؤاله (ليش على ايش يقصد!) رغد جاها إحساس الغيره وفهمت سؤال فارس ليش: السبب واضح يا حبيبي فارس طل فيها ومازال ماسك يد روضه : ايش السبب؟ رغد: هيا تحب أيمن وتتماه زوجهاا مو فارس فارس ترك يد روضه وطل فيها يستنى منهاا جواب تأكد أو تنفي كلام رغد.. بس روضه كانت في موقـف ماتقدر تقول شئ كانت الأحداث سريعه عليها مافهمت منها حاجه بالنسبة لفارس كان سكوت روضه تأكيد لكلام رغد فارس بأسف وضيقـه كانت العبره خانقتو: الله يوفقـ (ماقدر يكمل دعوته ) رغد مسكت روضه من يدها ومشتها معاها لداخل الفيلا وكأن روضه فيـ عاالم ثاني جلس على الكرسي الي كان في الحديقة وحط راسه على الطاوله ،،لف يدينه على راسه: ليش؟ ليييييييييييييش؟ ليش حبي الي ساكن في قلبي من يوم اتولدت يضيع؟!!! حرااام والله حرااام خلاص اتحملت كثير آآآآه كانت بين يديني ليش تركتها أستاهل أنا الي اتخليت عنها والله ياروضه إني أعشقك وأعشق ترابك وأعشق هواكي ليش ماأبغا أبين لها ليش ما قلت لها من قبل مايخطبها أيمن الخسيس بس خلااااص حبي راح راح راااااااااااااااااااااح (طبعا كل هذا الكلام كان يقوله لنفسه وماخرج من قلبه لأحد) .. دق جواله بس وقتها كان ماله نفس يقابل أحد يبغا يكون لوحده نفسه يروح البحر ويغرق نفسه وينسى كل همومه لكن ماحس إلا ويد تمسح على شعره .. رفع راسه وهوا يحاول يمسح دمعته اليتيمه بدون ماحد ينتبه.. لقى حسن واقف وعلامات استغراب على وجهه .. وقف فارس وسلم عليه: هلا والله حسن: هلا فيك.. إشبك جالس هنا؟ فارس: مافي شئ كنت أكلمك و نعست شويه حسن كان عارف من نبرة صوت فارس إنو فيه شئ: أوكي تعال يلا ندخل فارس حس بضيقه تخنقه: تفضل |
مـع غروب الشمس لا يغرب الحب * أحلى رواية حب رومانسية كاملة عند الحريم.. شهد كانت في المطبخ مع سمر شهد: يؤ كل هذا تدور على توكه سمر: لها 10 دقايق وهيا مختفيه شهد: أنا حطلع أشوفها سمر: أوكي روحي أنا أكمل عنك طلعت شهد وفتحت الغرفه مالقت فيها أحد فراحت للحمام ودقت الباب: رودي إنتي هنا؟ ماحد رد عليها ففتحت الباب لكن كان مقفل: روودي إنتي هنا؟ شهد بدأت تخاف ليكون مغمى عليها فدقت الباب بقوه شويه: روودي ردت روضه وهيا تبكي: سيبيني لوحدي شهد انفجعت: رودي إشبك؟ أنزلي مو كويس تبكي في الحمام روضه ماردت بغير شهقات بكاها شهد انفجعت من جد وبنبرة ترجي: رودي لله يخليكي حسيبك لوحدك بس اطلعي اجلسي في غرفتي مو في الحمام فتحت روضه الباب وكانت عينها حمرا.. شهد خافت عليها مي عارفه إش سار لها .. مسكتها من يدها وقفلت باب الحمام وودتها لعند السرير ونزلت عن مستواها شهد: رودي حبيبي ليش كل هذا البكا مين ضايقك؟ قولي لي لاتزعلي نفسك مافي شئ في هذي الدنيا يستاهل دموعك روضه أخذت منديل وجلست تمسح دموعها الي تنزل بغزاره ومي قادره تتكلم من البكا شهد: طيب أنا حنزل أجيب لك مويه نزلت شهد ولقت في المطبخ أمها ومعاها سمر ومرام وسهى ارتاحت في أحد معوض عنها .. صبت كاسة المويه وانتبهت لها سهى سهى بذكاء: فيها شئ رودي؟ شهد اتفاجئت بالسؤال لكن هزت راسها يعني إيوا ((نظامهم إنو الخدامات في العزايم مايسوو شئ في المطبخ إلا إذا خلصت العزومه يغسلوا الأطباق بس)) طلعت فوق شهد وفتحت الباب لقت روضه على نفس وضعيتها بس إنها هديت شويه وماسارت تبكي ابتسمت ومدت لها كاسة المويه: خذي اشربي وسمي بالله جلست تراقبها وهيا تشرب بعد ماخلصت أخذت منها كاسة المويه وحطتها على الكومدينه: خلاص جاهزه ننزل تحت روضه اتنهدت: أوكي انتي انزلي وانا بلحقك ابغا اغسل وجهي واعدل المكياج شهد: هههههه أوكي عند الرجال... بعد ماسلم حسن على الكل وبارك لهم وقال لهم الحمدالله على سلامة الوصول جلس مع الشباب قريب من الباب وهوا منتبه لحالة فارس سامي: احم هذا الحلا سوته سمر خالد على طول أخذ منه حبه وقال: الللللللللله يجننن أطعم حلا ذقته الشباب إلا فارس ومهند: ههههههههههههههههههه مهند لاحظ حالة فارس من أول مارجع من الحديقه وهوا متضااايق حاول يعرف إش فيه بس مالقى تفسير حسن يكلم فارس بصوت واطي بمرح يبغا يفرحه: فروس تصدق إني ابغا الحمام فارس بصوت واطي ومتضايق: أول ماتخرج تلاقيه على اليمين حسن بيأس: مشكور // نزلت روضه وهيا تتكلف الابتسامه ولقتهم حاطين العشا جلست بهدوء جمب سمر وشهد سمر: هلا رودي وينك من أول روضه تحاول تكون طبيعيه بس مي قادره تنجح: كنت أدور على توكه من شهد و (بصوت مبحوح) بعدين دخلت الحمام شهد طلت في سمر يعني خلاص لاتسأليها شئ زياده .. كملوا العشا وهما يتكلموا في مواضيع عاديه بس روضه كانت تتغاضى نظرات رغد وتحاول إنها ماتطالع فيها أبدا رجعت كل عيله لبيتها وأول ماخلصت العزومه طلع فارس فوق لغرفته وبعد ماغير انسدح على السرير ويدينه تحت راسه وفي هذي اللحظه دق جواله والمتصل روزا (أرد ما أرد أرد ماأرد) في النهايه قرر إنو مايرد لأن ماكان له مزاج لأي شئ ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة
غدآآآ لنا لقاء با الحلقات الآخيرة بتمنى تردو ايشبكم يالطيف منكم بباي |
يعطيج العافيه يالغلا ع المجهود الرائع
اجزاء حلوووووه وننتظر الباقي لاهنتي |
اقتباس:
يسعدلي حياتك يارب ياحياتي شكرااا من كول قلبي ع المتابعه تقبلي شكري وتقديري واحترامي |
مـع غروب الشمس لا يغرب الحب * أحلى رواية حب رومانسية كاملة الجـــــــ التاسع عشر ــــــــزء .. ماقبل الأخيــــر .. اليـــــــوم ملكة رهف من مهند و سهى من رائد رهف وسهى راحو لنفس الكوفيرا من العصر أما مهند ورائد كانوا مع فارس في بيت مهند ومعاهم عزوز روضه وشهد وسمر ورغد وليان راحوا مع أمهاتهم لكوفيرا غير حقت رهف وسهى وصلوا للكوفيرا والي وصلهم خالد أم خالد: تكون عندنا لمن نتصل عليك خالد: إن شالله إلا إذا انشغلت كلموا السواق .. يلا سمورتي حبيبتي أشوفك على خير ولا تنسي لازم أشوفك وانتي متشيكة سمر انحرجت يكلمها قدام الكل: إن شالله نزلوا الحريم ودخلوا الكوفيرا وبدأو يتوزعوا إلا روضه ورغد كانوا جالسين يستنوا دورهم رغد كأنه ماسار شئ بينهم مع فارس: اش حتعملي؟ روضه حاسه بشعوور يخنق كل ماتشوف رغد: بس حخليها تعمل لي تسريحه وانا أعمل المكياج بنفسي رغد: آها معاكي المكياج حقك دحين؟ روضه: لا حرجع البيت وأعملو .. وإنتي؟ رغد بغرور: أنا حخليهم يعملوا لي المكياج والتسريحه وأرتاح .. تعرفي روضه: ايش رغد تبتسم بخبث: فارس في بيتكم يمكن يشووفك روضه ماعرفت ايش ترد حست قلبهاا مضغووط وعينها مليانه دمووع (ايش تبغا مني الرغد هاذي ليش تعذبني أنا مخطووبه لأيمن) شويه خلصت سمر ونادت روضه: رودي تعالي اعملي شعرك هنا روضه: أوكي الكوافيرا: شعرك اكتير حلو .. كيف بدك إعملوا؟ روضه ماكان لها نفس تتكلم بس تبغا تخلص: ممم شو عندك فكره حلوه الكوافيرا: إنتي بتناسبك تسريحات كتيره بس في وحده بتجي لابأه (لابقه) عليكي روضه: يلا اعمليها بسم الله الساعه 8 كانوا كلهم جاهزين يخرجوا من الكوفيرا والي حيرجعهم السواق أول شئ وصل بيت أم خالد وبنتها رغد بعدين أم فارس وشهد وليان وأخيرا أم ماجد وروضه الي طلعت لغرفتها عشان تكمل مكياجها أم ماجد: رودي إذا خلصتي مكيااج البسي فستانك وانزلي روضه وهيا في الدرج: طيب طلعت لغرفتها وبعد ماحطت المكياج كان شكلها مره حلو راحت ولبست الفستان كان لونه أبيض وماسك عليها مبين جسمها وطولها مره حلوين ......................... مهند: رائد كيف قلبك؟ رائد: أوه أحسو في يدي فارس: ههههههههههههههه أشوف افتح يدك مهند: طبعا تضحك ماجربت رائد: مهند أحس ريقي ناشف أبغا مويه مهند: ماأقدر أقوم .. فروس جيب لنا مويه فارس: أحلف إنت ووجهك شلل ولا زواج رائد: فروووس عشاني فارس: خلاص قدرتو تحزنوني (وقف) كيف تبغوها مهند: كلو باارد رائد: أكيد حتى أنا روضه: خلاص خلصت اللمسات الأخيره (أخذت جوالها) يلا ماما تحت تستناني نزلت من الدرج كأنهاا ملااك لابسه أبيض متأنقة وشكلها طالع مره حلوو وهيا تنزل وقفت في الدرج وكأنه أطرافها اتجمدت.. أماا فارس رفع راسه لهاا وجلـس يطل فيها موو مصدق الملااك الي قدامه وهيا في أعلى الدرج كأنها تنزف له .. ابتسم لها وبنظره تقتل طالعها من فووق إلى تحت وهيا بالفستان الأبيض الماسك على جسمهاا فارس بصوت حالم: ملاآآك والله ملاآآك روضه ولع وجهها من نظراته وطريقة كلاامه,, لفت ظهرها عليه وهوا مازال واقف وطلعت لغرفتها مره ثانيه بأسرع مااتقدر.. وقفت قدام المراياا وقالت تكلم نفسها: لأ لأا فاارس كفايه إحراجات والله حبكي المكياج حيخرب آآه يافارس حراام عليك تلعب بمشاعري ليش تقول اني ملااك وانت تعرف غيري بنات كثير إنت شاب مليوون تتمناك ايش معنى انا تبغا تعلقني فيك؟ أنا مخطووبه مخطووبه لغيرك والله تعبت خرجت عبايتها من الدولاب إلا انفتح باب غرفتها أم ماجد: لسا ماخلصتي؟ روضه: ها إلا خلاص جهزت أم ماجد: يلا فارس تحت يستنانا روضه اتفاجئت: فارس حيوصلنا؟؟؟ أم ماجد: إيوا ومعانا العرسان مهند ورائد سكتت روضه أم ماجد: يلا البسي عبايتك ولا تنسي غطي وجهك لاتفتني الرجال روضه: هههه طيب لبست عبايتها وخرجت مع أمها ونزلوا تحت ركبوا السياره.. كان فارس الي يسوق ومهند جمبه ورائد ورا .. روضه وأمها جلسوا في المقاعد الخلفيه .. روضه ارتاحت عشان ماتكون قريبه من فارس بعد الموقف الي سار قبل شويه وصلوا للقاعه وأول مادخلوا شهد: يا هلا أم ماجد: هلا فيكي فين مامتك جالسه؟ شهد أشرت على طاوله: هناك روضه: إن شالله حجزتوا لنا طاوله جمب الكوشه شهد: ههههههههه أكيد (فسخت روضه العبايه) شهد: وااااو رودي شكلك جنااان روضه: تسلمي عيونك الحلوه شهد: أمشي ندخل مع بعض عشان يعرفوا الناس إني أعرفك روضه: ههههههههههههههههه عليكي تفكير ضبطت روضه شعرها ودخلت مع شهد وكانت مللللفته للأنظار.. سلمت على بعض الناس الي تعرفهم وراحت للطاوله الي كانوا جالسين فيها سمر ورغد ومرام وبعض البنات الباقين سمر: ماشالله رودي حصنتي نفسك؟ روضه مع الأغاني ما سمعت: إيش؟ رغد لأنها كانت جالسه جمب روضه قالت بدون نفس: تقول لك حصنتي نفسك روضه تتغاضى تطالع في رغد طلت في سمر وهزت راسها بابتسامه يعني إيوا ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة بعد مارجعت كانت تحس نفسها مخنووقه .. راحت لغرفةأمها وأبوها وفتحت الباب بأقوى شئ بدون ماتدق صررخت وهيا تبكي: مااا أبغاااه والله مااتزوجوو والله انا حلفت ماابغاه اكرهو اكرهواا انتو ماتفهمو مااقدر اتزوج الأيمن هذا آآآآآه ماماااا ماابغا أبو ماجد فز راح لعندها ومسكها بالقوه جلسها ع الكنبه وجلس جمبها وهوا ماسك يدينها طل في أم ماجد: جيبي لها موويه أم ماجد كانت تطل في روضه باستغراب ودهشه وخووف ماكانت تتوقع انو روضه غاصبه نفسها عليه حست بشعوور الضيقة لماا شافت روضه بدي الحاله أبو ماجد رفع صوته: جيبي لهاا مويه أم ماجد انتبهت:إن إن شالله أبو ماجد يكلم روضة بهدوء: حبيبتي رودي من متى احنا نغصبك على شئ انتي ماتبغيه؟ حبيبتي مايسير تزعلي نفسك وتعصبي كدا بطاال ترهقي نفسك ماايحتاج كل هذا البكاء عشان تقولي لنا انك ماتبغيه روضه تبكي: بس انا ماابغاه (شهقت) ماابغاه أبو ماجد يحاول يهديها: ولاا يهمك روقي بكره نكلمهم ونقول لهم مافي نصيب روضه: لأ لأا دحييين تكلموهم أبو ماجد رفع لها ساعته: شوفي الساعة 2ونص الليل ماينفع دحين بكره في أقرب وقت نتصل عليهم روضه: وعد؟ أبو ماجد: وعد ’.’.’.’.’.’.’.’.’.’.’.’.’.’.’.’ فارس كان واقف قدام البحر وأول مره يحس بنظره جديده للحياه كان يشووف كل شئ بلون الحب حس انه فهم الدنيا صح لما يشوف أي شئ يشوفه بنظرة عااشق بنظره جديده ومختلفه عن أول حس بفرحه تفيض في قلبه وتغمره لما سمع إنوو روضة انفسخت خطوبتهاا ماحس إلا بصوت ضحكته طلعت من قلبه وانتشرت في الآفاق لتلفت بعض أنظار الماره << ^_^ فارس كان ماسك في يده وردة ذبلانة استنشق ريحتهاا.. طلع جواله وبدأ يكتب مسـج ’.’.’.’.’.’.’.’.’.’.’.’.’.’.’.’ كـانوا الشباب جالسين في مقهى والي نااقصهم فارس // خالد وسامي ومهند ورائد وفهد ونادر ورامي // مهند: ههههههه ترى لسا ماخلصوا بنات العالم تقدروا تخطبوا فهد: هههههآي بعد ايش ! بعد ماخطبتوا وخلصتوا علينا الحلواات سامي عصب: فهــد ماايسير تقول كـذا فهد: يآآ الله من جــد إنكم غيورين يابويا مااقلنا شئ خالد: طبيعي نغاار على خطيباتنا ولا انت عادي مافي غيرة؟ فهد: مدري والله ماجربت إذا خطبت جاوبت نادر: ههههههههآي مسوي بريـئ ،، تبغا تفهمني إنك ماجربت تكلم بنات أو تقابلهم؟ فهد: لا يا حلو الي أكلمهم في التفون مجرد تسليه إن شالله ينحرقون ماعليا فيهم على ايش اغاار أما خطيبتي ظفرهاا مايبان خالد: ماا أقسى قلبك أجل ليش تكلم البنات دامك ماتحبهم ولاا شئ فهد: أقول أنا بروح أجيب جوالي الثاني من السياره واتبهوا لهذا الجوال ترى فيه أرقام حبيباتي هههههههه رامي: يلا شباب كسرنااه؟ سامي: ههههههههههههههه قداام رااح فهد وخلى جواله الي يكلم فيه بنات معاهم مسك سامي الجواال في يده وجلس يقلبه .. فجأه دق الجوال المتصل ((رغـد)) خالد: يااعيني رغد ومشاعل وساره مايهجد الجواال طبعا سكـت الجوال بدون ماحد يرد عليه بس بعدها سمعوا نغمة الرسائل رامي: أكيد هاذي منها زعلت لأنه مارد عليهاا .. بالله افتحها خالد: خخخ طيب راح لصندوق الرسائل وفتح آخر رساله غير مقروءه وطلعت من رغد زي مااتوقعوا خالد: كاااي اسمعوا _ فهودي وينـك إذا جيت كوول مي بيبي _ خخ ,, فجأه سكـــــت وفتح فمه ع الآآخخر من الصدمة جلس يقرأ الرقم مليووون مره مو مستوعب.. طلع جواله من جيبه وجلس يقارن بين الرقمين // إلا هذا رقم رغد !!! رغد؟ إيوا رغد أختـه مااااكان مصدق ولا مستوعب حاس بصدمة قلبيه صحي على صوت سامي سامي: خلووود وين رحت سمع صوت فهد بغرور وهوا جاي: أكيد في وحده اتصلت عليا وانا هناك خالد كان يشوف فهد قدامه كأنه كاافر أو أبغــض خلق الله لقلبه مااحس ولا بشئ ألين لقى نفسه فوق فهد ع الأرض ويعطيه بكووس في وجهه والشباب يحااولواا يبعدوو بينهم خالد وهواا يضربه: يانذل يااااحقير ياأخون خلق الله مالقيت الا هيا تكلمهاا والله لأموتك بين يديني (يصرخ على الشباب الي يفرعوا) بعدووو بعدو الله ياخذكم ماتعرفوا ايش سوا هذا الخااين .. وجلس يضرب في فهد بأقوى مايملك ألين شاف الدم ينزل من وجهه حس بأنه لسا ماراح الي في صدره بس الشباب بعدوه بالقوة خالد على طول خرج من المقهى ماعنده وقـت ركب السياره ودااس البنزين بأسرع ماايمكن كان يدخل بين السيارات بصوورة خطيره حتى سامي ومهند مااقدروا يلحقوه أو يوقفوه وصل لبيتهم نزل من السيارة ودمه فاير دخل وشاف أمه تكلم تلفون أم خالد لما شافته شكله كان يخوف وين خالد المسالم الهادي .. ثوبه طالع على فوق ووجهه أحمر غير عيونه الي تتكلم من الغضب خالد يصرخ: رغــــــــــــد رغد يا حقيييرة يازباله أنزلي بسرعه وينــك وينـك انتي رغد طلت عليه من فوق الدرج وبنبرة استغراب: خالد؟؟؟! خالد طلع لها الدرج في ثواني كان قدامها بدأ يضربها بكــف حااار وبعدها مسك شعرها يشده ويكلمها باحتقار: ياخاينه يا زباااله كذا تخونين أهلك وهذا بعد مووت أختك أختك ياارغد مو بنت عمك (صرخ في إذنها) إنتي كيف تفكرين من ايش مصنووع قلبك رغد كانت تبكي شاد على شعرها بقوه: آآه ماما الحقيـــني ،، سيبيني ياا متخلف طلعت أم خالد جري ومسكت خالد: خالد خاالد سيبها حرام عليك قطعت شعر البنت خالد طل في أمـه: حرام عليا؟؟؟ وموو حرام عليكي لما خليتي بنتك تكلم أولاااد هاااااا؟ أم خالد ضربت صدرها من الفجعه: إيـــش؟ تكلم أولاآآد! رغد تبكــي: إهئ إهئ كذااااب ماأكلم خالد أعطاها كف ثاني: وكمان تنكري يابنت الـ ..... تعاالي تعالي أشوف جوالك وأقرأ المسج الي ارسلتيه لفهوووودي رغد عيونها طلعت من مكانها وقلبهاا في يدهاا هذا كيف عرف اني اكلم فهد؟؟ راح خالد وأمه للغرفه وجلست هيا ع الدرابزين حطت وجهها على يدها وتبكي من الألم ومن الخووف فجأه سمعة صرخة خالد: شااايفه قرأتي المسج؟؟ أم خالد: إيوا والله روووح روح كمل ضرب هاذي نجسه رغد تبكي وتصرخ: والله موو نجسه مافي احد أم خالد تقاطعها: أصصص ولا كلمة إلا نجسه ونجسه وحلال فيكي الضرب يا خاينه خالد: أدخلي أدخلي غرفتك وجوالك معايا واللابتوب ماافي خرجاات مافي تجلسين في غرفتك طوول اليوم مانبغا نشوف شكلك فاااااااهمه؟ رغد هزت راسها ودخلت الغرفه بســرعه قبل مايكمل عليهاا ضرب هوا وأمه ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة في بيت أبو ماجد ـ مهند في الحديقة ماسك جواله يكلم رهف،،أم ماجد وروضه قدام المسبح يشربوا شاهي،،أبو ماجد في العمل- أم ماجد: الحمدالله ربي كاتب من زمان إنو أيمن موو لكي روضه: أنا مااخترتوا إلا كـدا كنت ماأبغا أزعلكم بس في النهايه ماقدرت ماحسيت براحة أم ماجد: سبحان الله الزواج قسمة ونصيب الله يعوضك بأحسن منوو سكتت روضه وهيا تفكـر // فجأة سمعت صوت جوالها بنغمة مسج استغربت وفتحت الرساله لقتها من فارس روضه انصدمت قالت بدون شعور: غريبه فارس يرسل لي أم ماجد: فارس ارسل لك؟ ايش كاتب روضه ماردت على أمها وجلست تقرأ وهيا فاتحه فمها أم ماجد: بنت ايش في فجعتنيني؟ روضه رفعت راسها لأمها وهيا خايفه: لا دا دا موو فارس هذا قصدي هذي وحده أم ماجد: اشبك من جد في خبر موو حلو؟ روضه: والله لا مافي شئ .. وقفت .. عن إذنك أم ماجد وهيا مستغربه: إذنك معاكي دخلت روضه للباب وبدأت تطلع الدرج كل درجه تاخذ دقيقتين وهيا تفكر ماهي مستوعبه ولاا شئ .. أخيرا وصلت لغرفتها وقفت قدام التسريحة وفتحت الرسالة تكلم نفسها وهيا مغمضه: روضه لاتحلمي زياده دحين افتحي عينك وشوفي المرسل مين مستحييل يكون فارس فاهمه؟ واقرأي الرساله تاني فتحت عينها وشافت المرسل قرأت الاسم أكثر من مره فارس بدأت تقرأ المسج وقلبها يدق بعنـف السلاآم عليكم.. كيفك رودي؟؟ عارف إنك طالعتي في الرقم تتأكدي من المرسل بس أناا فارس من جد ههههههه شايف ملامحك الحلوة وانتي مستغربه من اني ناديتك رودي .. حيااتي إنتي حبــي الأول والآخر / إنتي موو لغيري فاهمة؟ رودي لو تبغي تقتليني وافقي تاني مره لأحد غيري يخطبك صرااحة ماقدرت أكبت مشاعري ليكي ألين دحين رودي في أشياااء كثيره في قلبي أبغا أقولها لكي أحس إنوو المسج مايكفي.. أعشقـك ’.’.’.’.’.’.’.’.’.’.’.’.’.’.’.’ فارس جلس قبال روضه في المطعم الي كأنهم وسط غابه حولينهم أشجاار كثيرة ومناظر ونواافير وشلالات صغيرة رووعه روضه بنبرة خوف: لازم مانتأخر ولا حيحسوا اني طولت فارس ابتسم: لاتخافي ماحد حيعرف اننا مع بعض.. رودي روضه: نعم فارس: اسمعيني كويـس الله يخليكي أترجااكي ماتحكمي ع الأمور من نفسك اسمعي مني أول روضه: اتفضل قول اسمعك فارس اتعدل في جلسته وحط يده على الطاولة: رودي أنا كلمتك اليووم أبغا افسـر لك كل شئ كل شئ من الألف ألين الياء وبعدها إذا اقتعتني أتقدم لك واطلب يدك روضه قلبها دق بعنـف ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ العشرين ــــــــزء " الأخير" فارس جلس قبال روضه في المطعم اليكأنهم وسط غابه حولينهم أشجاار كثيرة ومناظر ونواافير وشلالات صغيرة رووعه روضه بنبرة خوف: لازم مانتأخر ولا حيحسوا اني طولت فارس ابتسم: لاتخافي ماحد حيعرف اننا مع بعض.. رودي روضه: نعم فارس: اسمعيني كويـس الله يخليكي أترجااكي ماتحكمي ع الأمور من نفسك اسمعي مني أول روضه: اتفضل قول اسمعك فارس اتعدل في جلسته وحط يده على الطاولة: رودي أنا كلمتك اليووم أبغا افسـر لك كل شئ كل شئ من الألف ألين الياء وبعدها إذا اقتعتني أتقدم لك واطلب يدك روضه قلبها دق بعنـف فارس: أول شئ أبغاكي تعرفي إني من أول يوم شفتك فيه حبيتك يعني من قبل 24 سنه لكن أنا طبيعتي ماأبين لأحد حبي خصوصا إذا كان من الجنس الثاني يعني الإناث ،، ولذلك لما كان الكل يناديكي رودي كنت أحسها صعبة على لساني ما أقدر أنطقهاا أشعر لو ناديتك رودي حينفضح كل الي في قلبي ليكي سكت يشوف ردة فعلها بس هيا هزت له راسها يعني كمل فارس: روودي لا تحطي في بالك إني أنا أحب رغد أو أحب أي بنت تانيه صح إنو أنا وسيم (ابتسم لما قال عن نفسه وسيم) وعارف إنوو في ناس يشكوا إني عندي علااقات بس والله أحلف لك ع المصحف مافي أحد ساكن قلبي غيرك روضه قاطعته وقالت بنظرة تشكك: بس أنا ماأصدق فارس بهدوء: ليش روضه فكرت إن الكلام الي حتقولوا دحين حيقضي على فارس ويعرف انها مو هينه: أنا شفت صورة الببنت الي في درجك الي (سكتت بعدها كملت) الي لو مالبست شئ احسن (وطلت فيه تشوف ردة فعله بعد ماقالت كلامها بس استغربت) فارس ابتسم وقال بثقة: شكرا لكي أثبتي لي إنك مهتمه فيا والدليل إنك دخلتي غرفتي وفتشتي ،، أحب أقول لك إنو البنت الي شفتيها اسمها روزا لكن الي حصل انوو انا كنت في آخر يوم لفرنسا فجيت أبغا اصور العمارة من براا وأول ماضغطت ع الزر ظهرت هيا في الصورة ويكون في علمك رميت الصورة دحين بعد مااقطعتها بس يمكن انتي شفتيها اول يوم من رجوعي لفرنسا وكنت تعبان ناسي موضوعهاا روضه حسـت إنها ظلمت فارس وإنه فسـر لها الشئ الي كانت متضايقه ابتسمت غصبا عنها وحست برااحه عجيبه فارس: لساا ياحلوه باقي كلاام في قلبي العاشق إذا مااخليتك تضحكي مو بس تبتسمي روضه انحرجت انتبه لها طلت في ساعتها: أووكي كمل بس بسرعه فارس: حااضر.. (طلع من الكيس ورده ذبلانه ومدها لروضه) تعني لك شئ؟ روضه كأنها تتذكر: امم كأنها نفس الورد الي اهديته لمهند؟ فارس ابتسم: سرقت ورده منهاا وقلت لنفسي اعتبر انهاا هديه من رودي كنت أبغا أي شئ منك يرفع معنوياتي لما أكون متضايق ،، أنا كنت أتمنى انك تفهميني ولو شويه وتعرفي قد إيش أنا أفكر فيكي حااولت أظهر لك بس شكلي مانجحت ،، تتذكري لما كنا في البحر عند محل الآيس وقربت منك كنت ياا رودي محتاج لكي،، وفي مره كنت أبغا أروح للجامعه بس شفت سيارتكم موقفه قدام بيتنا رجعت دخلت قلت يمكن تكوني موجوده أمتع عيووني بشوفتك وماأعرف أوصف لك شعوري كيف لما شفتك لوحدك في المطبخ وقتها قلتي لي تبغي تعملي لنا الأكله حسيت بشعوور يغمرني وكنت عارف إنك حتاخذي اللبن قليل الدسم لأنو كان قبالك مباشرة فاستغليت الفرصه ووقفت وراكي لو تتذكري كنت أتمنى انك ترجعي ورا وتصدميني أبغاا أحس بلمساتك بس للأسف انتي انتبهتي،، والمره الثالثه واحنا في الحفلة دخلتي علينا كنا انا ومهند جالسين نبغا نتصور مع بعض ناديتك تصورينا موو عشان أبغا اتصور كنت أبغاا أقرب منك لما علمتك ايت زر تضغطي وحاس بتوترك عشان كدا طلعت الصورة موو حلوه يديكي تهتز بس انا محتفظ بالصورة للآن وحاطها في برواز. روضه كانت متفاااجئه مااتوقعت انو الي قدامها وجالس يعترف لها هواا فارس آخر شئ اتوقعته في الحياه إنوو فارس كان يحبها موو حب دا عشق روضه وهيا متفاجئه: فارس من جـد كنت تحبني لدي الدرجه؟ فارس طل فيها: وأكثر يااردوي ماأقدر أوصف لك حبي لكي قد إيش،، هههههههه تتذكري لما كنا في السوق وأنا وقفت فجأه؟ روضه ضحكت بنعومه: كيف أنسى؟ مت من الأحرااج فارس: عارفه اني كنت قاصد اعملهاا لمحتك وانتي تتلفتي يمين ويسار قلت لو وقفت فجأه أكيد ماحتنتبه وحتصدم فيا وفعلا دا الي ساار روضه سار وجهها أحمــر ونزلت راسها لتحت فارس: هههههههه اناا صريح ابغاا افهمك وافسر لك عشان تعرفي اني كنت محتااجك زي مااحتاج الهواا روضه تحاول تغير الموضوع: أناا اصلا ماكنت مرتااحه لايمن وانا ماوافقت عليه الا لاني كنت احسبك ماتفكر فيا وحسبت اني لو وافقت حنساك بس فارس: هههههههه بس ايش روضه: خلااص مو لازم انت كمل فارس: أووكي أكمل لك كلامي.. قبل ماتنخطبي لأيمن كنت جالس مع أهلي بعد مارجعت من السفر وبعدين جالسين نتكلم إنو في الجماعه كلهم خطبوا الا انا ومن البنات مابقي الا انتي ورغد فأمي قالت لي في بالك وحده؟ تصدقي انو كل عضو في جسمي كان ينطق روضه بس لساني قال لا مافي بالي وحده أما شهد قالت عندي وحده حلوه ومناسبه كلنا قلنا مين؟ قامت طلت فيا وغمزت قالت في أحلى من رودي؟ وقتهاا حسيت بتشنج وصدمه حسبت شهد عرفت الي في قلبي ومدري ليش كنت خايف كأني انفضحت طبعا كلهم طلوا فيا يستنوا رأيي بس أنا قلت لهم عن إذنكم حروح أنام بس بعد ماوصلني خبر خطوبتك والله كنت في حالى يرثى لها حسيت إني فقدت أغلى شئ بالنسبة ليا في الكوون طبعا كل هذا مع نفسي مابينت ولا لأحد من الناس أنا من النوع الكتوم ماأحب أفضفض لأحد وكنت أتمنى إننا نلغي العزومه ماكان ليا نفس اقابل الناس وقلت لأمي بس هيا اصرت لأنها خلاص عزمت الناس وفي العزومة ما قلت لرغد الي قلته الا لأني شفت ظلك وكنت أبغا اشوف ردة قعلك وبعدها انتي تعرفي الي سار روضه:ومن الأسباب الي خلتني أنزل (حكته حكاية fr ) كنت احسبها تقصد فارس ورغد،،ولما سألتني بحزن لييش؟ وقتها كنت ماني مستوعبه شئ حسيت الأحداث كلها مرت بسرعه من وقت ماكنت متخبيه وبعدها وقفت بينكم وبعدها كلامي مع رغد وبعدها اتلاقت عيوننا وحسيت برعشه تسري في جسمي ألين سألتني السؤال كان عقلي مايتحمل كل دا بسرعه عشان كدا سكت وانت حسبت سكوتي تأييد لرغد فارس: هههههه لاحبيبتي أنا حسيت بحبك ليا من وقت وقفتي بيننا عرفت إنك تحسيني شئ لكي ومن أملاكك وتغاري علي روضه: حتى انت نفس الشئ اتاكدت من حبك ليا بعد الموقف الي سار لما غازلوني الشباب في السوق كانت غيرتك مجنونه غارس: ههههههههه بركه الي ماسويت اكثر من كدا وقتها من جد كنت مجنوون عليكي،، صرآآحة يارودي من بعد مااشفتك وانتي لابسه الفستان الأبيض ونازله من الدرج سرت أحلم فيكي كل يووم وأفكر فيكي بجنوون عن جد سحرتيني دقات قلبهاا وصلت لإذنها خافت فارس يسمعهاا،، وقفت وهيا حاسه إحساس جديــد كل شئ في قلبها مع فارس وضح وبان .. فارس وقف معاها وباتسامة خبث: أشوفك قريب ياملاآكي روضه غطت وجهها عشان لايشوف وجهها من الإحرااج وخلااص هيا قريب حتسير ملكه فلاازم تحترم رغبته إنه يبغاها تغطي وجهها ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة أم نهى تخبط بيدينها على وجهها وفخذها وتلطم راسها والدمووع على وجهاا: هذا آآخر العهد فيهاا بنتنا بنتنا يا حامد (أبو نهى) تهرب !!! ليش أبو نهى : آآآخ آآخر زمن البنات يهربوون بس وين! هاذيك مو بنت هاذاك ولد خليها تهرب الله لايسامحهاا ’.’.’.’.’.’.’.’.’.’.’.’.’.’.’.’ أبو ماجد >> بقي هو وأم ماجد في البيت بعد مازوجوا ماجد ومهند وروضه وسار البيت فاضي الاا من زيارات أولادهم أبو فارس >> نفس حاال أبو ماجد بس البيت كان مليان بوجود ليان وعزوز أبو سامي >> اتشافى من المرض تماما الحمدالله وحاس براحه بعد مازوج سامي وسمر وسهى لأنه سار متفرغ لشغله ماعدا لما يجوا يزوروه وعلاقته مع ام سامي زي ماهي علاقة سطحيه أبو خالد>> شخصيه انطوائيه من الشغل للبيت ومن البيت للشغل مهند>> اتزوج هوا ورهف وهيا الآن حامل والحمدالله قدر ينقل ناهد لدكتور ثاني واتصلحت الأوضاع بينه وبين رهف شهد>> بعد زواجها بسامي انقبلت في الجامعه قسم إقتصاد وإداره ومبسوطه مع سامي الي للآن محتفظ بمفكرتها بعد مافضح لها السر إنو قرأ دفترها الخاص سمر>> ساكنة في قلب خالد الي مااحتل قلبه بعد موت اخته مرام غير سمر مبسوطيين مع بعض حاليا حامل وينتظروا المولود سهى>> هياا ورائد عايشيـن حياه حلوة يتكلموا بعض الأحيان مع بعض في الماسنجر ويتذكروا لما رائد أضفها وكلمهاا رغد>> ساارت حالها حال نفسها من بعد اكتشاف خالد لها وبعد مااتزوج سارت هيا وأمها وأبوها لحالهم بس سارت غير عن رغد الأولى حتى معاملة أمها معاها اتغيرت ’.’.’.’.’.’.’.’.’.’.’.’.’.’.’.’ تشابكت أياديهم ببعض والهواء الذي يحف بهما كانا من دواعي الإحساس بالحب والروحانية لبعضهما..~ تنفسا الصعداء وهما يبتسمان ثم نظرا إلى بعض في عيون العشق وقت غروب الشمس..~ السماء ملونه بألوان هادئه ومريحة ’’ الشمس توشك على المغيب ’’ البحر يرش عليهما بالرذاذ الذكي فينعشهما ويشعرهما بالسعاده ،، الناس يمرون من خلفهم وأمامهم ومن حولهم,, وهما ثابتان بجانب بعضهما فيـ صورة مبدعـه..~ نظرت إلى فارس أحلامها بعيون الأمل والعشق والراحة |/|/ نظر إلى روضة جنته فرآها صافية فاتنه ينبض قلبه بهوآها |/|/ غربت الشمس ولم يغرب حبهما .. ’.’.’.’.’.’.’.’.’.’.’.’.’.’.’.’ أبطال قصتي هم من عالم خيالي وهذه الرواية هي بادرة مني ومما جاد به قلمي وقلبي ولا أعتبر نفسي بأني تعمقت في تفاصيل الأحداث إنما هي مقتطفات ولقطات من كاميرة خيالي.. أتمنى بأن أكون قد متعتكم بروايتي الخفيفة الكاتبه: ~؟ خيـ~آلـ ـواقعْ ؟~.! ’.’.’.’.’.’.’.’.’.’.’.’.’.’.’.’.’.’.’.’.’.’.’ انتهت الرواية |
رووووووووووعه واحداثها حلووه ونهايتها جميله
يعطيج العافيه قلب الزهووووور ع المجهود الرائع ماشاء الله تبارك الله مبدعه ونشيطه عساج ع القوه ننتظر المزيد من هالروايات الاجتماعيه الهادفه دمتي في حفظ الرحمن شمس القوايل |
اقتباس:
متابعه لروايه ياربي يسعد قلبك ياعيوني |
| الساعة الآن 11:57 AM. |