يا صاحبي ما يستوي الزين والشين=لو أظلمت دنياك في بعض الأحيان
ما يستوي العقّيل .. هم والمجانين=للعدل ميزان(ن) ... وللبطل ميزان
فرق الذهب .. يبين لك بالموازين=ومن خلقة الدنيا تشاكيل وألوان
الناس فيها مثل .. طلع البساتين =ولا كل بستان(ن) يشابه ل/ بستان
وحنّا على حكم المظاهر سريعين =حكم(ن) مجرد مصدره نظرة أعيان
نبني على العنوان .. قبل المضامين=ويطلع لنا الخافي على عكس مابان
خطو آدمي ماتنعرف وجهته وين!=مهما تحاول عرفها قدر الآمكان
يمسي بدين(ن) .. ثم يصبح على دين =إنسان لكن داخله يحمل الجان
ما هو على شرواه .. ياحيف .. ياسين! = خلّه يولي يالخوي وأنت ربحان
ما يفيد هرج(ن) ما تلته البراهين=ولا فيه حق(ن) دون حجّه وبرهان

بعض البشر رغم المتاعب سعيدين=وبعض البشر هو للتعب جاب حاله!
والناس أجناس ... وكنّها اصابع يدين=وكل جنس بالدنيا لقي له حثاله
عن الرجوله ... والمراجل بعيدين=ما هي غريبه !... للبهايم جواله
من يعترض في درب ناسٍ معدّين ؟!=غيرالسفيه اللي على الخلق عاله.
ومن لا نفعك اليوم ما يفيد بعدين=مات الشجر ما قيل فاده ظلاله
ما تهزنا هرجة خطاة الحسودين=ودرب الحسد يقضي على من عناله
واللي لنا من دون ذنبٍ معادين=للمهلات اتحط سلة ....
لو بينا وما بنهم حِط حدّين=معهم لك الله ما ندور العماله
افراقهم نشريه كاشٍ مهو دين=ولهم علينا ما نخلّي جماله
ونفرح كما من يفرح بكل عيدين=طفلٍ حلاوه باليمين وشماله
لا يخدعك وجه(ن) ضحك لك بخدين=لا تحسب إن راعيه ما به نذاله