|
http://pms.panet.co.il/online/images...-10-08/7_4.jpg الجرح ارحم -عبدالله الظفيري من هنـــــــــا اللي بقى لـي مـع الأيـام .. وفّيتـه .............................والضيق لـو ينهمـر تشربْـه وديانـي ماهي كبيـره علـي والحـزن غنيتـه ..............................وْلاهـي غريبـه إذا وقتـي تحـدانـي الخوف -يا من نبشت القلـب وادميتـه .......................لاعشت زهرة شبابك وانت وحدانـي!! كم جرح خذْته من الأحباب.. ضمّيتـه .......................وجروح قلبـي زكـاة لْحُـبّّ خِلاّنـي مطعون؟ عاااادي ،، جفا الأقراب؟ داويته ......................تعبان؟ مبطي ،، ردى هالحظ؟ خاوانـي صدمه؟ بسيطه ،، هَوان الحـال؟ مرّيتـه ..........................مقرود؟ أدري ،، وإذا حرمـان؟ عدّانـي ما فـاح هـمّ ٍ لـك الله مـا تقهويتـه ..........................ما مـرّ حـزن ٍ بغيـري مـا تبلاّنـي! ياما ويامـا مـن الخـذلان .. عديتـه ........................إلا بصاحبْ .. بعد عِشـره تناسانـي!! أزريـت لأنسـى غيابـه ليـن ناديتـه ........................والمـوت لامـن تجاهلنـي وجافـانـي وينه يجينـي .. وكـل عْتـاب كنّيتـه ........................ياليت يدري بعـد فرقـاه وش جانـي!! من كنت طفل ٍ وانا أرجـاه فـي بيتـه ........................شيّبت.. واثره على هالحـال خلانـي! حتى جنـاح العَتَـب لرضـاه ذليتـه ..........................ماطِرْت بعده فـرح مـن ذلّ جنحانـي يا قلب صبرك .. ترى كل شيّ سويتـه .......................ما كان أفضل من اللي كـان بإمكانـي لو بيّ قـوه علـى الهجـران؟ خليتـه .......................لو بـيّ ذره مـن النكـران؟ يفدااانـي الجرح أرحم .. إذا يرجع مـن أغليتـه ....................مجروح؟ فِدوه .. ولكن صعب وحداني! |
http://www.parisnajd.com/backgd/data...najd127122.JPG عبدالله الظفيري نكسر الخاطر من هنــــــــــا علامك جيت ياقلبي وراجع خاطرَك مكسـور أبد لاينكسر خاطرك دامـه صاحبـي جايـر أبي تنسى مبادئنا وتتـرك طبعنـا المغـرور وأبي هالحين ترجع له.. وقلّه يطلب ويامـر وإذا جت عينك بعينه أبي تشهد شهادة زور بأني مذنب ومخطي.. وقلبه ناسـي وغافـر وقلّه لايخليني على حزنـي أبـات شهـور لأن الموت أشوالي وأنا من طبعـي ماكابـر ولايفكّر يقول: انسى وغيري بالبشر مذكور لأني ماخبر غيره / قسـم بالله مـو خابـر أحس اللي خلق زينه خلق باقي البشر ديكور وأحس الورد لاشمه يميـل وينثنـي شاكـر وربي هالبشر بعده هياكل والبيـوت قبـور ولابه شي بالدنيـا يجـاري غيابـه الكافـر حبيبي يابعد كل الحبايـب والزمـان يـدور علامك ماتخاف الله تعال وشوفنـي وناظـر ألا ياصاحبي القاسي بدونك هالحياة تغووور ألا ياسبّـة جروحـي..ألا ياحظـي العاثـر أحبك يامنى عمري وغيرك يمسك الطابـور أحبـك يامولّعنـي وأذوب بصوتـك الخاثـر أنا من كثر مااحبك أحس إني معك مسحـور فديتك خلني مسحور إذا تبقى لـي الساحـر تعااال وخذني بكيفك.. قصيد ولو تبي جمهور فداك اللي قصدته أمس واللي بَقصِـده باكـر لك الله وانت خابرني شجاع ولاعلي قصـور ولكن لو وصل أمري بيدّك... آآه ياساتـر!! دخيلك انتبه! لا..لا.. تمادى مع رجل مقهور ترى قهر الرجال أكبر من اللي تحسب وفاكر أنا حبي معك والله عفيف وطاهر ومستـور حشا.. صعبه تلاقي قلب شروى قلبي الطاهر إذا ناوي تجربني ترى وقتك معـي مهـدور أموت بنار طغيانك.. ولاينقال لـي صابـر! أمانه روح ياقلبي وأبي تضبط عليه الـدور أمانه طيييير له تكفى وأبي هالحين ياشاطـر أبيك تحب لي راسه وتنسى طبعنا المغـرور ترانا اثنيننا والله بدونـه نكسـر الخاطـر!! |
http://msn-pic.mzaeen.com/data/media/6/__3.jpg فيصل العدواني - فضفضة من هنــــــــــــــا هذا انا جيتك بسولف يافهد من حر مابي فضفضه أو بوح ما ادري المهم جيتك وانا ضايقٍ بالي وصدري ما قوى يحمل صوابي والأمل ما بان نوره ولا ألمحت عيني سنا جابني يمك ثقيل الهم يوم انه دوابي أجهده والموت كنه داخل اعروقي دنا استفزيت المعاني والقلم وحده درى بي يوم بيح من خفوقي كل ما جوفي كنا والمصيبه يافهد ويشلون بشكي لك عذابي دام صار الهم شايب وصرت بعيونه ظنا من بعد يوم المفارق طال ليلي والتوى بي كل حزن الكون فيني وزاد بي كثر العنا فارقتني من تبيع الناس لجل لحظة لقا بي والخطا ماهو خطاها وكنت أول من جنا اعترف اني خطيت بحقها وهذا جوابي كان ودك بالحقيقه يافهد خذها هنا صعب تخذل من يحبك وهي أول من هقابي اني اجمع كل بسمه وآتنصفها المنا غرني طيشي ومشيته وإلا هو اللي مشى بي ولا وعيت إلا وانا اهدم صرح من عشقٍ بنا والله اني ماندمت من الطفوله لين شبابي لين حبل الوصل شفته بأوسط يديها انثنا ليتها تغفر خطايا يافهد باللي جرى بي بعدها ما غط جفني لا ولا قلبي اهتنا وليتها ترجع وتجمع ما بقى او ما بقى بي وأحلف بربي ما ازعلها إلى يوم الفنا |
http://www.alhnuf.com/gallery/albums...1%C8%ED%E5.jpg الضيقة قصيدة من هنــــــــــــا الضيقة اللـي مالهـا حـزه ولا منهـا مصـد أخـاف ساعـات العصيـر المقبلـه تاتيبهـا يالله دخيلك من قسـى وقتـي وحـظٍ ماصمـد في وجه صكـات اليالـي يـوم يقنـب ذيبهـا واعوذ بك من فتنة الدنيا ومـن ضيـق اللحـد واسئلك عن نفسي مـن الشيطـان لايغويبهـا وسئلـك تفغرلـي ولصحابـي ولعدائـي بعـد تعفو عن ذنوبٍ نجـي فيهـا وحـن ندريبهـا الوقت يشعاني على الطرقه وانـا مافـي جهـد شهب اليالي تقهـر صـدور الرجـال بغيبهـا لكن انا لـو جـارت ضروفـي وزادت بالعـدد اضرب بها الحايط طناخـة راس ولا اشكيبهـا واعز نفسي مع مداغيـش النشامـا واجتهـد على ظـروفٍ تجلـب الضيقـه ولا تسريبهـا والبارحه في راس مشرافـي ولا افكـر فأحـد كنـي ملكـت الأرض مـن شروقهـا لمغيبهـا قعدت افكر فالسنين اللي مضـت واللـي بعـد ليييه السنين التاليه تفشـل ويفشـل صيبهـا وليه الرفيق اللـي ليـا منـه تجمـل ماجحـد ان ماذكرها لك .. مـع كـل العـرب يحكيبهـا ياحيف يارفقة ضعيـف النفـس مافيهـا سنـد مالله بجابرني علـى رفقتـك ويـش ابغيبهـا لاسرت تطعننـي بشلفـاك الرهيفـه وتخمـد فـالطعنه اللي فـالظهر مانيب مـن يغزيبهـا لو دامت افعالـك كـذا ردت لـك الدنيـا لـدد حافظ علـى سمعتـك مـن فعلتـك لاتقفيبهـا الرجـل لامنـه نـوى يغـزي ينـوّه ويهجـد ماهوب يغزي وان رجع هزل العلـوم يجيبهـا لكـن ياطلـق الحجـاج اللـي عيونـك ماتلـد الا لـروس النايفـات اللـي مهـو يبديبـهـا كون الحرار الشقر وعيـال الذيابـه والأسـد ولا الرجال اللي مـع العريـف يذكـر طيبهـا اسئل رفيقك من بعد مغـزاه قلـه وش حصـد غير العلوم اللي ماتطلق وجـه مـن يمشيبهـا عزالله انه كان فـعيـون النشامـا مثـل اُحـد واليوم مثـل الحيـة اللـي تنعـرف بجنيبهـا حاولت اكذب بالخبر لكـن علـى غمـي وكـد والسالفـه قـام الزمـان المنحـرف يدويبهـا لكن على كلاً ياحامد كانـك بتاتـي .. حمـد!! قله ترا البندق مـن المؤسـف تثـور بجيبهـا البندق اللي ماتصوب كـون ابـن عـم وولـد عيبٍ علـى الرجـال ينقلهـا ويجهـل عيبهـا لاسارت البندق مع عاقـل وهـي فيهـا صـدد كبرت خسايرهـا عليـه اليـا قعـد يرميبهـا وشلون لاسارت مع جاهـل وفعيونـه رمـد!! لاوالله الا راحـت الدنيـا وراح اللـي بـهـا رفقـة مثـل هـذا وهـذا كلهـا كيـد ونكـد ولا تـحـرا مـنّـه الا نكـبـةٍ يضويبـهـا ماكنه الا العقـرب اللـي ذيلهـا كلهـا عقـد ان روّعتـك بزولهـا ولا قـرصـك ذنيبـهـا لكـن تعـال اعلمـك ياصـاح بعلـومٍ جــدد لو تزعلك بعض النقط... لايزعلك نطقي بهـا اشره على العاقل ليا شفتـه بجرحـي يعتمـد ولا العلـوم الباقيـه مانيـب مـن يحريبـهـا البيت مايبنى بـدون اطناب..وحجاب..وعمـد والنـار مـن شبابهـا والخيـل مـن ركيبهـا وأنا عيوني لـالطليعا فـوق ..معطتنـي عهـد والأرض تكـره مشيتـي وانـا بعـد ماليبهـا لاسار في راسي سحابة شعر.وبروق.. ورعـد وشلون تبغى الأرض تصفالي وانـا موذيبهـا شاعر واشوش لصيحة الجمهور وانحت في جلد وان صفق الجمهور جزلات البيـوت ارهيبهـا اغزي على بيت الشعر في عقر داره ويهجـد من هيبتي عنده بيوت الشعـر لـي يصخيبهـا كذا كذا الشاعر يجـي فـالشعـر قمـه للأبـد ولا بـلاش يلخبـك الأبـيـات ويهذريبـهـا الشعر مثل الموج ودقاق الشعـر مثـل الزبـد ولا الدرر في غبـةٍ بعـض الرجـال تهيبهـا وانا بحـاول قـدر الأمكـان اتعمـق وابتعـد وان قلت لك باجيبها ... في ذا الشنب لاجيبهـا شاعر مفوّه واسبـح الغبـه وابشـر بالسعـد واكسب دررها كسب.مابيّـع بهـا واشريبهـا لأن الشعر مثل البلـد وانـا مثـل حاكـم بلـد وبلادي اسجـل تواقيعـي بهـا واسمـي بهـا وانا فقط شاعر ولا ابغى لي بلـد لـو تنّوجـد ابلادي حروف القصيد اصبح بهـا وأمسيبهـا واسجد لوجه الله واقول ارجوك يافـردٍ صمـد تعفو عن ذنوبٍ نجي فيها وحـن نـدري بهـا |
http://www.alhnuf.com/up1/15379_11163359039.jpg سعد بن علوش الهاجري من هنـــــــــــــا الا يا الله ياللـي تفتـح لدعـوا الدعـاه أبـواب طلبتـك لا تضيقهـا علـي و تقـفـل أبـوابـي أبـي ذكـر يجملنـي مـع الاقـراب و الاجنـاب و لا تكسر شموخي في عيون أعداي و أصحابـي لو انها تنحسب في ضربة المخلب و عض النـاب انـا متغـدي بالوقـت مـن قـبـل أيتعشـابـي أجابه حـض و لآحـزان و لآحـب و لا أحـزاب عموما بستمـر اوقـف جبـل و يطيـح شذابـي ثمان سنين و أنا اطمح و خمس سنين و انا أرتاب ألين اقفو عليـه أهـل القفـا و أقفـا و قفابـي و ضع قلبي على جمر الغيـاب و ذاب حتـي ذاب وساح وساح وساح وساح وساح وطير أسرابـي لماذا و الا ليه و كيف و الا شلـون عنـي غـاب و أنا وجودي وجـوده فالبلـد و غيابـه غيابـي احبه كثر ما قفـا عـن عيونـي بـدون أسبـاب و كثر ما املاله أكـواب الغـلا و ينثـر اكوابـي انا رجال مـا يؤمـن بقـول ان الزمـن غـلاب يغلبونـي رجـال ولا الزمـان يصيـر غـلابـي عليك الله و امان الله و ستـره يبيـض الجلبـاب تـرى مابـي يبيـك و لا تزعلنـي علـى مابـي تعبـت اعلقـك بيـن النجـوم و تطلـع الكـذاب و تعتبت اوسع الخاطر معك و تضيق بـي ثيابـي معاد آضني اتجمد على صدرك رضـا و أنسـاب بعـد و لعتلـك سيقارتـي و احترقـت أعصابـي |
http://www.shobiklobik.com/forum/dat...jars_eyes1.jpg عبدالله علوش سمح المحيا من هنـــــــــــــا أهـليـن يـا سـمـح الـمـحـيـا وسـهـلـيـن يـا راس مـال الـلـي يـبـيـكـ ورصـيـده أشـتـاق لـكـ شـوق الـشـقـي لـلـمـلايـيـن الـلـي حـيـاتـه كـلـهـا عـ الـحـديـدة لا شـفـت وجـهـكـ قـلـت : لـلـهـم بـعـديـن يـروح هـم الـقـلـب ويـعـود عـيـده يـمـيـزكـ عـن بـاقـي الـنـاس ثـنـتـيـن ثـنـتـيـن مـن غـيـر الـمـزايـا الـفـريـده مـعـطـيـكـ رب الـصـايـمـيـن الـمـصـلـيـن الـلـي جـعـلـنـا كـل أبـونـا عـبـيـده عـطـاكـ عـيـن مـا خـلـق مـثـلـهـا عـيـن والـخد بـ لـحـالـه يـبـي لـه قـصـيـدة يـا عـاقـل مـا غـرتـكـ مـوضـه ألـفـيـن ولا لـقـيـنـا صـورتـكـ فـي الـجـريـدة ألـيـا شـفـت وجـهـكـ تـذكـرت شـيـئـيـن الـحـظ الأوفـر والـحـيـاة الـسـعـيـدة |
http://lazeeez.com/articles/1228134599.jpg اللي بقالي في غيابك سكوتك من هنـــــــــــــا اللي بقالي في غيابك سكوتك.. واللي فقدته من غيابك حنانك... عذرك معك لو خبروني بموتك.. وحقي أن كان عذرك زمانك... ماكان موعد وأعذرك لو يفوتك.. وأنا انتظرت العمر كله عشانك... غبت ورضيت بعدها غاب صوتك.. وأبطيت أكذب من يقولون خانك... بالله كيف تحس في طعم قوتك.. لامن ذكرت انسان خنته وصانك... ما كن قلبه واحد من بيوتك.. من تحت سقفه كم شعرت بأمانك... وراك خليته لقمه سكوووتك.. وأنا مغير أعشمه في حنانك... |
http://farm2.static.flickr.com/1059/...9a887937fa.jpg الشاعر فهد اللمساعد التفاصيل الصغيرة من هنـــــــــــا ازعل عليك احيان وأزعل على نفسي قبل ماأزعل عليك وأرضى عليك احيان وأرضى على الدنيا وانا راضي عليك وأنت عمرك مازعلت .. وماعتبت ... ومارضيت أزعل علي لو كذب أعتب علي لو كذب هذي التفاصيل الصغيره اللي تخلينا نحب ماأحب انا ازعل عليك ازعل انا لأني احب *** ياأدفي من حروف الشعر ياأرق من حلم السنين إذا تركتك تنتظر حسسني إن انتا حزين مابي تقول مسامحك قل : ماأبيك وإذا رجعت اصافحك أبعد يديك أنا انجرح قبل اجرحك وأبكي عليك لكن أبي مره تحس وشلون أنا أمووت فيك هي التفاصيل الصغيره اللي تخلينا نحب ماأحب أنا أقسى عليك أقسى أنا لأني أحب *** أدري فيك تموت فيني وأنا ميت من برودك لي متى وانتا تبيني وما تحسني بوجودك ايه ... حسسني بوجودك لمّ صوتي بعثر حكاية سكوتي لاتخلي الحب يفقد همسك العذب ويمووت قل احبك .. قل احبك بأعلى صوت انا مليت السكوت *** ياإبتسامة قلبي ولهفة حنينه يا شقاه ويا حنانه يابعد كل المسافات الحزينه معك امانه الدروب اللي مشينا .. لاتضيع وتغترب بالتفاصيل الصغيره نقدر نعيش ونحب |
http://www.faniq.com/images/blog/burqa(1).jpg الشاعر فهد المساعد - قصيدة سحابة من هنـــــــــــــــا جف الكلام ومدت يدينها فوق : .. .. أخترت هذي .. وأنت شف لك سحابه قلت .. ويديني تحتضنها مثل طوق .. : أخترت هذي هذي أكثر رحابه هذي دفا صوتٍ من البرد مخنوق هذي سؤالٍ نصف عمري جوابه هذي هي اللي عرّفتني على الشوق هذي قدر .. ماكنت حاسب حسابه قطعة حزن في جيب بالي ومشقوق ومضة فرح في عيون ناسٍ غلابه أن سولفت في ثغرها لمعة بروق وإن سرّحت في عيونها صمت غابه واليا اضحكت نورٍ من الفجر مسروق واليا بكت تحزن عليها الكآبه حبي لها لوأدري ان فيه مخلوق قدّ حبّ مثله .. قلت : "ياللغرابه" ه الآدمي من وين له قلب و عروق؟! والصبر ه المسكين من وين جابه؟ وأنا أتكلّم .. ردّت عيونها فوق ثم تمتمت : من هي ه الأكثر رحابه؟؟ قلت ويديني تحتضنها مثل طوق في ذمتي ما شفت غيرك سحابه ~ |
http://marinafm.net/up/group/5yol/14.jpg عبدالله علوش - الوجه الجديد من هنــــــــــــــا ماعاد يرضيني وفى ولا يزعلني جفى متساوي في خاطري ظلم العرب وانصافها ولا تاقف الدنيا على شمع الغرام اللي طفى بعض الشموع انا اتعمد كسرها واتلافها من اول لخفيت لي علم عن الناس اختفى واليوم هذي حالتي مابه حد ما شافها قعدت احسب وش ربحت ووش خسرت ووش صفى ياحي روس اموالنا قبل الطمع باضعافها تعبت ادور فالقلوب البارده ليلة دفى والقى استغلال النفوس وكذبها واجحافها حتى اقرب العالم لو يوقف معك وقفت وفى اصبر وتدري وش دوافع وقفته واهدافها عاد انت يالوجه الجديد اللي تبي وصل وصفى حبال وصلك شوف لك ناس تمس اطرافها انا على موعد مع واحد وكانه مالفى ما عاد ابيش من السنين سمانها وعجافها لاني عقب مارمش عيني صاحب النوم وغفى حلفت ما رده على اشيا من عرفها عافها العشق وامراض المحبه واستحالات الشفى واغلب علاقاتي مع العالم اشوف انكافها وذالحين عن اذنك وسامحني اذا لساني هفا نفسيتي ماعادني بقدر على لطافها والموعد اللي كنت قبل شوي جالس له عفى ما جا ودقايق موعده راحت وقدني خلافها |
http://www.acaciabahrain.com/aboelez.../3image003.jpg _ مهب ودي من هنــــــــا _ يارب اجرني من الدنيا وبلاويها ومن شوفتي للعما .. اللي يقدي مقدي ومن شهوة المغريات وما يواليها ومن اني افقد شعوري وأوصل لحدي ياقطع كبدي عليها من عراويها اللي كفرت في غلاي وبيحت سدي احبها احيان واحياناً ما أدانيها واموت فيها دبل لاوقفو ضـــدي العالم اللي مسارحها مضاويها اللي ماهم بكفولي وماهم بقدي الموت لاصار حاميها حراميها لاعاد تدري من يجيب ومن يودي محبوبتي ياأول ادروبي وتاليها ويش آآخر من الكلام ويش بابدي انا رجل لابدا الاشياء ينهيها ولا أدو عشاشيق كذب الليل مايدي لو كل حاجه على بالي بسويها ماكان شرفت اسم خالي واسم جدي تعلمي مني وروحي وقوليها ولاجاك مني الكلام الصادق استدي كم حاجة ماجت بيدي وانا أبيها وكم حاجة مالي ابها وجات في يدي والله لو تخرب الدنيا بمن فيها ماتذرف دموع عيني من على خدي ماتذرف دموع عيني من محانيها الا اني اجبر على شي مـهـب ودي |
http://www.upload.al-wed.com/uploade...1249826748.jpg اخر دروبي-فهد المساعد من هنــــــــــــــا يا بشر تكفـون حلّـو عـن سمايـه ما يصيب الهرج لو الهـرج صوبـي كـم سكـت لكـم بمـا فيـه الكفايـة اشتموني لو زعلتـوا واشمتـوا بـي عيبونـي واتركونـي فـي عمـايـه واتركوا لي واحـد يرضـى عيوبـي اتركـوا لـي واحـد يمسـح شقايـه كل ما حـط الزمـن دوبـه و دوبـي ذاك والله لـو ذكـرت انـه ورايــه اشعر إن الكـون كلـه وسـط ثوبـي يكفـي انـه لـو يسولـف للمرايـه كن صوته يهمس لـ صورتـه.. ذوبـي كيف أنا مـا أذوب مـا دامـه معايـه اسمعه و أسهر معـه لآخـر دروبـي كل مـا قـال السهـر درب الغوايـة قلت كلـه مـن عيونـك هبّلـوا بـي وكل ما قـال الخطـا ماهـو خطايـه قلت له قـل للعيـون السـود توبـي ضيعتـنـي واســأل الله الهـدايـة وين أجيب العقل.. أجيبه من جيوبـي من يعرفـك مـا يـدل العقـل رايـة يا شروق العمر.. مدري يـا غروبـي أذكر انك كنـت لـي مثـل الهوايـة لو تروح ولو تجـي يبقـى شحوبـي بس مدري كيف صرت اليـوم غايـة وصرت أجي و أروح مدري عن دروبي يـا بعـد عمـر الكتابـة و القـرايـة يا الشمالـي يابـو الملـح الجنوبـي لا قريـت اللـي كتبتـه يـا رجايـه رح وبلغ ربعـي اللـي جننـوا بـي قلهـم يمكـن يخـلـون الوشـايـة و إن تمادوا خلهم مهمـا حكـوا بـي أنت خلك بـس فـي الدنيـا عزايـه لا تفكر في العـواذل وأنـت صوبـي ادري إن كـل درب ولــه نهـايـة بس أنا باقـي معـك لآخـر دروبـي |
http://www.ruoof.net/albom/data/medi...1c5ce14cef.jpg عبدالله علوش - كثر المواصل من هنــــــــــــــا كثر المواصل فـ الهوى ما هو بــزيـــن ودك بخــلك بيـــن مـده ومــده .. لأن ابن أدم ما ترك طبعه الشين لا حب له شي وشـــبع منه هده!! لــكـــن لا منـه جاك من حين لحين قدرت جياته وقــدرت صـــده .. إن قلــت أبيـك وقال ما هو بذلحين لا تـضايقه يمكن ظروفه تحده !! اصـبر عليه ايــام وشهور وســنين كـــانه يـــودك وكــانك تـوده .. وخلك لا منه عطاك لا تـطلبه دين ما جاك منه خذه وما رده رده .. ولا تسوي مثل ناس مساكـــين اصــلك وفصلك فـ الهوى لا تـعده !! الـحب ما يعرف قـبيله ولا دين نـــكـــس حــكـومات وكــسر اشده !! جـووه عــقال وراحوا مجانين وكــم واحـــد خاضــه ولا هــو بقــده .. يقوله اللي جاحد علته لين ســم الهــوى حــاله وبيــح بســـده .. هذا كلامي وانت بتشوف بعدين والله تــميز بيـــن مـــزحه وجـــده !! |
http://www.vipxvip.org/up/uploads/4a6133355b.jpg سعد علوش - ياسيدات من هنــــــــــــــا ياسيدات وآنسات وعانسات مدينتي ملي تبي تحتلها ..؟ تسابقوا سبق المهار الصافنات اللي تطاير فالهبوب أقذلها .. يغريكم الشاعر وتنسون الصفات وأكثر شواعير الخليج ..سفلها .. من لاعشقني ذات يفقدني سمات عن كثرة احبابي كفاني قلها .. تسابقوا والأولات ؟ الخاسرات ماعاد أقبلها شلون أقبل لها.. ماعاد في قلبي مكان لذكريات وماعاد فعيوني دموع أهلها .. أنا بقايا رجل مع كوم احزيات تتله حبال الحزن و يتلها .. استهلكتني ام العيون الذابلات اللي ماتعرف دقها من جلها .. أخرى ولكن غير كل الأخريات تعطش نباتات الدروب لطلها .. اليا أقبلت كنها تخطا من حصات وان ادبرت كن السحاب أتشلها .. الفاتنات الساحرات الغانيات عندي ماتسوى خصلة من خصلها .. فالليل صبح ولا اصبحت عقب المبات توخر الشمس وتجي محلها .. ياشيب عيني يالوصوف الخافيات بقولها لو قومها تفطن لها .. أحبها حب البنادم للحياة وتسيء لي وأبرها وأحسن لها.. أنا غريب ومجرياتي مجريات أبيها وادعي ربي يسهل لها .. أحب نفسي كل ماشفت الطغاة تستخدم العالم وتستغلها .. يالصبر .. والأنفس شحاح ومكرمات تدلها والا أنا اللي ادلها .. خذني من يديني بلا مقدمات أنا صديق أقسى الدروب وخلها .. أنا جهه بلحالها غير الجهات تكسرني الدنيا وأنا اعدل لها .. أنا اكثر إنسان ايخلق مبررات ياكم علاقه تنطوي وأفلها .. حليت فالإنسان وااااجد معضلات اللئم حاجه ما عرفت أحلها .. بااصادق الحيوان وامشي فالنبات ولا بشر تنذل للي يذلها .. الناس في عصر الأسف والإنفلات ماعاد به زله ماهيب تزلها .. ماعاد تفرق فالحقوق و فالهبات تعمل معاها تحسبك تعمل لها .. الشارع المليان غش و معطيات أن ما تسامى بالقلوب يعلها .. ملغي الرمادي من ظروف الكائنات ما عنده الا اسوأ لها .. وأفضل لها.. يالثائر اللي منجياتك مهلكات مابه سيوف اصلا" عشان تسلها.. مادام صار البحر قسمه واعطيات أغرف بيدك مايعادل بلها .. مابه ثبات الا على انقاض الشتات والاحلام لذتها قبل توصل لها.. واجمل من الاحساس من بعد الصلاة احساسك اللي قال قبله صلها .. صداقتك مع شعورك .. عز ذات وخصومتك مع الحثال .. تجلها .. يامنقض جروح الخفوق المرمسات رااااااااااااحت حياتك قلها في قلها جعلك فدا اللي عاش ربح ويوم مات خسارته على القبيله كلها .. والا أنت لو تركب مع باص البنات مادورن عبيها و شيلها .. عن الكلام الشين يازين السكات ناس ماتوصل مستواها خلها .. تعلم ان الله خلقنا طبقات والناس تعلو لاتناقص غلها.. فاليا جلست فمجلسك مع الخوات خل الرجال اللي يظلل ظلها.. خلو سوالفكم عن آخر الأغنيات و هذا بغى هاذي و هذي ملها.. المجد لو إنه يجي بالأمنيات سادوا على اعزاز الرجال أذلها.. |
http://www.upload.al-wed.com/uploade...1249829340.jpg قصيدة اعز انسان للشاعر فهد المساعد من هنـــــــــــا صوّت حبيبي وقبـل أقـول ياعونـك شكى جروحه ورحت أشكي له طعوني يقول مقدر أعيش اليوم مـن دونـك وأقول حتى ولو ماعشت مـن دونـي يمكن أنا اكون أعز إنسـان فعيونـك بس انت والله كـل النـاس فعيونـي لا صرت ربعي وداري فيّـة جفونـك وش دخّل الناس خل الناس يجفونـي يكفيني إن انت لا من قلت وشلونـك تطيب كل الجـروح ويختلـف لونـي وإن كان منتب مصدقني على هونـك تعال وطالـع دروبـي ويـن ودونـي أصبحت أجامل عداي اللـي يحبونـك وأكره مشاهد عـداك اللـي يحبونـي ومن كثر ما احب واكره عنك واصونك أصبحت دفتر مشاعر وأنت مضموني إن غبت عني شعرت بلـذة طعونـك وإن شفت زولك شعرت بقيمه عيوني |
http://alglg.jeeran.com/A%20(94).jpg الشاعر فهد المساعد 19 عام من هنــــــــا ، 19عـام .. وبقـى لـك بعـد عــام ويصير عمرك مثـل ماأنتـي تحبيـن عقبـال ماتمضـي الليالـي والأيــام ويمر يوم ٍ فيـه اشوفـك تقوليـن : .. ياشاعـري قـل للدفاتـر والأحــلام مرت سنـه واليـوم كملـت عشريـن قلّي كبرتي .. قل كبرتي .. من العام .. وأنا احتريها .. وأنت ساكت لهالحين ؟! وأقـول هـذي كلهـا حسبـة أرقـام هو للسحابه عمـر !ردي ؟!وبعديـن .. مهمـا تكـبّـرك الليـالـي والأيــام تبقيـن طفلـة قلبـي اللـي تحبـيـن |
http://img147.imageshack.us/img147/6077/8881wg9.jpg هدير المــــــــــــاء من هنـــــــــــــــا . . هدير الماء.. انا.. طيب علامك يالورق ظميان ابي ترمي القلم وسط الصور وتبلل الحاني انا ادري وجه كل هذي الصور ياصاحبي ذبلان ولكن تلقى من باقي ملامحهم ورى اشجاني تقضب في حبل هذا الغلا ولاتقطع الخلان وحتى لو نسو صوت الحزن من رنة أوزاني وزفير ٍ لانفثني رحت أولع صوتي البردان وصور ووجيه من نار وجمر..فى داخل اجفاني هنا بنت تبللهاالاغاني وتلبس الالحان وهنا كنت ارقى من فم الدعاوي فوق شيطاني وهنا لامرت الذكرى وسط بالي على جنحان ادورني وسط عمري ولا القى فيني اغصاني وهنا عشق ٍ يغنيني ويفرد للمسى أغصان اجي طاير على هذا الغناء يكسر لي جنحاني!! وهنا ام محاجرها أتشرب من فضا القرأن قلبت عيوني بعيون العجوز وشفت قرأني خليط القمح والماء السرابي من ورى الاجفان أنا هذا الأنا ولاّ معايا واحد ثاني اجوع وينكسر وجه الاماني واشبع الاشجان ظما وهذا النهر يجري ويروي اطراف شرياني اشوف بداخلي طلسم معاني وتمتة شيطان وعلى الاوراق من امشي اكون بهيئة ايماني انا من مر من فوق السراط المستقيم الأن وبعد نشوة حبر تحت الشتايم روح تلقاني أكون احيان في قلبي وفي عقلي بعض احيان ولا ادري من يوديني ويوقفني على لساني انا المفقود من عين السؤال شلون حال فلان اغط عمري وسط ليل الحسافه بأه والقاني اقول الدان تتهشم ضلوعي دان ليله دان وغيري في ألم ليله يصبح من على داني كتبتك ياتعب عمري ودور لك على انسان يقط برده ويرميني في وسط البرد وحداني المبدع / سالم سيار |
http://www.mo5ayyam.com/vb/image.php...ine=1224236234 يــــــــــــــــارب للتحميل من هنـــــــــــا يارب ومن قبل هذا الشعر يارب اقراء لك وما ذلك على الله بعزيز ايه في قرأنـــك وهذا الشعر من نعمه عطاك وخيرك وفضــــــلك ولا حرفن طلع فوق هذا الورق الا من احسانك يارب وكل شي فوق هذا الأرض يسبح لك وكل شي في علم الغيب عندك انت سبحانك عضيم وكل نفس تنحني بعزتها تسجد لك امامك كل خلق الله اتساوى ياعضم شأنك ملك ولا غني ولا بسيط الكل يلجئ لك جميع الناس اذا تطلب تبي عفوك وغفرانك لك الحمد اسألك يارب لاتحرمنا من فضلك ولا تحرمنا يارب السماء من نعمه امالك . . . جديد المبدع سالم سيار . . |
http://9g9g9.com/up//uploads/images/...e21f8cdb2b.png انكساري ... للتحميل من هنــــــــــــــا انكسرت من الفراق وشوف عيني شوف عيني وانت تدري بانكساري كل مامديت لوصالك يميني رحت تتجاهل يمني مع يساري حتى صرت اشوف جرحك في يديني في يديني لجور صداتك مواري حس فيها لابلاهاحس فيني لاتعبرها لكن رد اعتباري وين مقفي جعل منت بمنتويني للجفا والخوف وانواع العزاري ياهلي يانصف ربعي ياخديني يامواني غربتي ياروح داري ياشموخي يانكشافي يادفيني ياعلوي يابقائي يانحداري يابداياتي يامائي يااكسجيني يااندثاري يااعتدالي ياازدهاري يابلادة حسي وقمة حنيني يااختياري لاياعشواء اختياري اعشقك من عادني في اول اسنيني لين صرت اخذ مع نفسي قراري من عرفتك وانت ثالث والديني واللجوء اليك يعنيلك فراري ضمني خل الضرر بينك وبيني الضرر من ضمتك شي اضطراري خل ادينك من الجور اتحميني من جنود يعيشني لين انصهاري كل ماضاقت بعيني يامعيني ابتسمت وصارلي ليلي نهاري فلاسكت تروح بالطيش تحكيني رجعي بطبعك وباسلوبك حضاري ماذبحني فيك الا انك تبيني وماسحرني الاحكاك الاستعاري لاحكيت احس باشياء تعتريني ينخشع قلبي وتطري له طواري اعشق حكيك واحفظه ياضنيني حفظ بن تيميه لحكي البخاري ولاسكت احط يدي في جبيني وارجي الله مايطول بانتظاري وادري اني عندك واسالك ويني داري لكن ماكني بداري لين شيطاني تلفظ كلمتيني رحت مني ماتبي سمع اعتذاري لاتبكيني وتفرح عاذليني لاتخسرني عد كبر انتصاري لاتخليني بعد فيضة كنيني وانت خابرني على الوصل انتحاري لاتروح بروحتك كلن يجيني ماني مكابر ولاحتى مداري انكسرت من الفراق وشوف عيني شوف عيني وانت تدري بانكساري |
http://farm3.static.flickr.com/2124/...b59433f836.jpg انت غير من هنـــــــــــا التحميل حي منهو لا ذكرتـه دريـت أنـي بخيـر صاحب لا شافنـي ضقـت منـه ضمنـي يشتعل بي لين يطفا على العـرق الأخيـر وأنثر له شـوق واليـا أنتثـرت أيلمنـي يـا تنـداي الخليـه علـى طاقـة حريـر يـا مخوفنـي وقاطـع رجـاي وممـنـي يا أمل يا خيبتـه يـا متاهـه يـا مصيـر خـل قلبـك لا تراخـا الزمـان أيزمنـي ما بي الدنيا أبيك انت لانـك أنـت غيـر جيت فحظانك طفل وأنت أبـوي وسمنـي شوف فوق وغن بسمي على اللحن القصير وخصني في كـل لمحـة غـرام وعمنـي بشعـل الدنيـا عبيـر وبطفيهـا عبـيـر ولا بناشد مـن مدحنـي و لا مـن ذمنـي جيـت للدنيـا كبيـر وبفارقهـا كبـيـر ومن زعل ما همني ومن رضا مـا همنـي |
http://www.upload.al-wed.com/uploade...1250011139.jpg الـــــــــــى متــــــــــــى ؟؟؟ .. من هنـــــــا التحميل . . الى متى يبقى كذا وانته بتبقي هاكذاك وألى متى وانا اتعثر فالوصل وأحاوله وألى متى وأنا أمدحك بحروف شعري وآهجاك وألى متى وأنا أرسمك على محيط الطاوله ألى متى وأنا أتضموا من خطاك اليا خطاك وألى متى وأقرب نهر تبخل على جداوله وألى متى وألى متى وألى متى وألآ متاك بتقهوي اللي خاوي لمواصلك وتفاوله أموت فيك وما يكثر من غلاك ألآ حلالك يا تحفة ما هيب فيدين البشر متداوله سلهامة عيونك متاهة وادي وعضة شفاك صفة قطع سكر تعضبها على فرولة الله يجيرك من صدوف الوقت وعيون الهلاك والله يحفظك من سخافة الألسن المتطاوله والله يخليك لخفوق عاش بتنفس هواك يمرر أسمك في عروقه والضلوع تناوله عيد بعيني جعل من ذمك من العالم فداك وأعطف على من صكته بقعا فراقك وآوله اللي ليا منه تذكر حلو وصلك عن جفاك بكى بدمعة من يكابر والحزن متحاوله |
http://www.nabodh.com/vb/imgcache/12100.imgcache.jpg الجــــــــــــــموح للتحميل من هنـــــــــــا صرت احسد الاغبياء والهى لاشفت الملهي واتهيمش من وجع صدري وكثر احزانه اتفيقر بالمشاعر والا قلبي مرهي مستعد اعشق بيت تستحي جدرانه من غوا اللي يقتل ازهوه مع انه يزهي من سهاه ومن فرط غيه وكثر احزانه وايش اسوي والحظوظ السود تامر تنهي وليه يحصلي كذا من من قتل من شانه كل ماطرقت قلبي للهوا المستسهي هبت رياح الزمان وصككت بيبانه ماعشقت الا جموح من طموحه يشهي وزود ايماني بصداته وقو ايمانه مااتمنى غير وصله بالحلال المبهي وماحرمني منه الاعيال عم اخوانه انقتل قلبي بفكري والنتيجه وشهي طول الله عمر تفكيري وصح لسانه بس ياقلبي لاتحزن والله وفي وجهي ماتعشق الاحدن ماورثو جدانه |
http://www.zilfawi.com/vb/imgcache/55812.imgcache.jpg كرت زيارة من هنــــــا التحميل قال أبا أشوفك سكت شوي قلت أش زينه موعد معك انت لا يمكـن علـى أنكـاره بس لاحـظ أن قلبـي لوجفـوا غالينـه ما جعلهـم عرضـة النقـاده الثرثـاره قال انا أدري و الله يوقف معه و يعينـه قلبلك اللي حط أعدائـه علـى أنصـاره قال بكره قلـت بكـره غـد يـا تانينـه كلها ساعات و يبـوح النهـار أسـراره المهم أصبحت صبح ما أعـرف تكوينـه صبح من ندرة عصافيره تصيده أحـراره و آتقهوا قهوة اللـي مضحكتـه سنينـه و آخذ أغراضي معي و آشغـل السيـاره و اسرح وفي بالي أنه في حـدا دربينـه يـا قبـل بيتـه بيتيـن أو علـى دواره وليه ذا واقـف معنـز جسمـه بيدينـه وقفة اللـي ربعـه أتحبـه ولا تختـاره قلت ليه أنت أتشائـم و البنـادم طينـه ينتصر لاحط ذكـر الله علـى أصـراره قال أنا ماني بمتشائم لكـن يـا شبينـه لا أبتدا عمرك بصدماته و موت أزهـاره كنت أحسب أن الحياة الساره أو اللينـه لين ماتت لينه و في يوم ماتـت سـاره ضل يبكي و أنتهز صدري وجا من بينـه لين حسيت أن كثـر الدمـع فـك أزراره اعملت في عيني أنفاسه و كمعـة عينـه مثل ما يعمـل بخـار الشـاي فالنظـاره قمت أضمه و آحضن راسه ولاأدري وينه لآني إعشقه بمفاجئتـه و فـي تكـراره كان يـوم يعلـم الواحـد يوفـي دينـه الفرح به قاطـع للحـزن كـرت زيـاره يالله انك تقطع الوقت الـردي و أتهينـه كانه أيبكي كباره مـن غيـاب صغـاره |
http://www.geocities.com/sambatika/s7.jpg لاخلا ولا عدم من هنا التحميل ردني لك موتتي في غيابـك موتتيـن يا محول ضيقتي من وجود اليـا عـدم لا تخلينـي مابيـن الثلاثـه و الثنيـن البكا و السخط فيك و شعـوري بالنـدم ضقت ذرعا يا لله انك تزينهـا تزيـن من عيون الا مبـالاه و أيديـن الـردم و الله ان أجرحك بقلبي كبير و له حنين كبر ملك الامبراطـور فعيـون الخـدم الله أكبر يا و ليفي بعدما كنـت ويـن صار مالي في حياتك و لا موطئ قـدم ردني لك لا خلاص انت رح و الله يعين من علاشانك يفض الجموع و يحتـدم خلني لي واوعدك في مقابيـل السنيـن ما تمني صعب ولا اعشق و لا أنصـدم انت ما قصرت يا الغالي و عذرك سمين و طول الله عمرك و لا خلا و لا عـدم |
http://www.sa3ad.com/cards/24.jpg مرتبه الشرف من هنا التحميل ... تضيق بي الدنيا بكبرها من معابيس الوجيه ** وهذاك لامنه تبسم شفت للـدنيا طرف مني وليه احببته وهوحبني منه وليه ** من غير لا انا اعــترف ومن غير لاهو يعترف ليه اتحاكا وكل ابوي يعرف غايه كل ابيه ** اليا فرح أفرح ودمعه لاذرف دمعي ذرف اغليه يعني اعشقه اعشقه يعني اموت فيه ** يعني انا ميت مع عـشقه ومرتبه الشرف ميت ويعشق والسبب مافيه داعي اني آحكيه ** الغيد في الدنيا هواه وهو لحاله محترف الشامخ اللي لقبل وحظن ايديني في ايديه ** تراعدت فرايصه بالغنج وتساقط ترف امشي معه من غير لا اين ولا كيف وليه ** من حيث مايجرفني أغمض عيوني وانجرف ان قال لا اقول لا ان قال ايه اقول ايه ** مااعرف مااسمع ماارى ماارى مااسمع مااعرف اللي اعرفه اني ابيه يتجمٌل بي وابيه ** و كان العدل في صدته سجلني اكبر منحرف يغفر لي الله والله يديمه ويرحم والديه ** علمني ان البعد نكسه حال والـصده قرف |
http://raoiah.jeeran.com/files/40576.jpg الجمـــــــــــــوح من هنا التحميل .. أتفيقر بالمشاعر و الا قلبي مرهي مستعد آعشق بيت تستحي جدرانه من غلا اللي يقتل زهوه مع أنه يزهي من سحاه ومن فرط غيه وكثر أحسانه ويش أسوي والحظوظ السود تامر وتنهي وليه يحصلي كذا من بنقتل من شانه كل ما طرقت قلبي للهوى المستسهي هبت رياح الزمان وصككت بيبانه ما عشقت الآ طموح من جموحة يشهي وزود أيماني بضداته وقو أيمانه ما تمنى غير وصله بالحلال المبهي وما حرمني منه ألآ عيال عم أخوانه أنقتل قلبي بفكري والنتيجه وشهي طول الله عمر تفكيري وصح لسانه بس يا قلبي لا تحزن والله وفي وجهي ما تعشق الأ حد ما ورثو جدانه [/CENTER] |
http://albdwan.com/up/uploads/401f47b652.jpg الطرقات من هنــــــــــــــــا في الكبد ليعاتها وفي النفس حاجات حاجات ماهيب رغبات وشهـوات ندم على حزن على مدري شسمه اللـي يكلمـك وتكلمـه بسـكـات ياودي اصرخ من اللي داخلي حيل وياودي ماتنبس من الليعـه شفـات مزحوم تفكير ومشـوش وبـردان وياخوفي من الغضب والانفعـالات تعـارك الشـر والخيـر فيـنـي يأثـر علـى اتخـاذي للـقـرارت ثاقب وألاحظ تفاصيـل التفاصيـل كن البشر عري وعيونـي مرايـات أفضال ربي علي واجـد وأفضـل أفضال ربي علي الفقر وأنكارة الذات يامجمل الفقـر وأشيـاءه وروحـه تموت منه تعب وتعيشـه ازمـات يعلمـك ضعفـك وبـأن عقـلـك هو اللـي يميـزك عـن الحشـرات وتعرف بأن هذا لـك وذا لغيـرك ولاتفكّر ولاتكسّر حسابات الفقر مفيد ..وأشياءه مفيده مليء قناعه وقوه وغايات يمكن لو إنك غني تطغا وتنسى وأتطيش وتطوّف الخمس صلوات لذلك الحمد لله والثنى له على الفقر والمصايب والمسرات يمكن أني فقير بس مانيب تبعّي أجلس ولا أنقاد خلف الإتجاهات وإن ما أعجبتني قناعات الزمن هذا أنا.. أألف لتفكيري قناعات شاعر ويسكن فـ مخي ألف شاعر ماهم بشعّار هالوقت التروفات اللي يقولون مافي الشعر نادر وإن الشعراء نفس المستويات لو أنهم واحد وبتفكير واحد ماشفت ناقد ولا معجب وشمات الله على هالكلام ومن يقوله والله يقطع سياسة هالمجلات يعني اللي شعره ملى الدنيا جماهير مثل اللي يطلق قصيده سردة أبيات لامن سمعت القصيده قلت هذي؟ سمعتها قبل هذي عشر مرات!! يشل.. آخر كلام الشطر الأول ويحطه بآخر الثاني .. وخذ هات قاف متكرر.. ولافكره ولاشي يبني القصيده.. على تفكير بنات وبه نوع ساذج علشان أيتميّـز يصرخ ويعمل بيدّينه حركات والمرء عود مايجهل.. لذلك هالشعراء يكرهوني -أنا- بالذات الله يخليني لشعري وأصونه وأحرق به كبود شعّار المسجات أجذبّ به.. أذواق حكّام الجزيرة وأزرعه.. فعقول فتيان وفتيات اركبّه جن.. وامارسه بجنون وأشبعه فلسفات وأبتكارات وآعلم الجيل هذا وإللي بعده جودة الإطاله.. وفن الإختصارات و وشلون أحرث صخر فكري وأخلّي بيني وبين أقرب منافس مسافات الشعر في نظرة اغلبهم مصالح فلوس وشيوخ وبنات ولقاءات وفي نظرتي الشعر روحٍ و روح حرّه ماتخضع لشف.. وأشخاص.. وقياسات الشعرٌ ماتقشعرُ له الأبدانٌ ومَا يسَرقُ من الكلمات.. الكلمَات تقراه فـ عيون شاعره وتحسه يفتح له فَجلد يدّينك مسامات ردد قصيدي ياجمهوري وصفق وعلمّهم إن الغلا ماهو خيارات تعال نسرح سوّى في شي عندي وأخاف لا أبكي؟ وتبكيني العبارات حزين جداً ومتعومس وخايف أحس كنّي على مهوّي نهايات حبيبتي .. إللي أغليها وأبيها؟ راحت.. وقالت بجّي وللحين ماجات ما أذكر أني.. مسوي شي لكن الحب لا زاد.. يسبب حزازات والصبر صبر القلوب البيض وأدري يامصعب الصبر لا قدّ به محاتات دمّرني الشوق وإستنرفني شعور وتعبت أثبت وجودي داخل شتات تمر كل الوجيه.. بدرب عيني نفس الملامح؟.. ونفس الإبتسامات حبيبتي طاغيه وبشكل طاغي صديقة الليل واجناب البنايات من وين ما أفتر لاهذا وجهها على الطرقات وأضواء السيارات يابرّي حالي عليها برّي حالي عليها يابرّي حالي عشر بريات لأني أحبها.. فعلاً وجداً ماهي محبة.. رفث.. ولا إتصالات أحس كني أبوها أو أخوها أدرى عليها من العالم مدارات وإللي سواتي.. يحب وخايف الله يعرف.. معنى معاناة المعانات الحزن في بعض الأحيّان إزدواجي وجميل.. إذا صار من تجنيب غلطات من خّلا حاجه لربي عاضه أخيّر منها واحسن دبلات الدبلات وانا مابي .. غيرها .. ولا ألتفت له السيده .. لا رجعنا للسيادات جعل أمها إتوافق إن جيت أخطبها تكفون دعواتكم يـ أهل الدعوات |
http://www.upload.al-wed.com/uploade...1250428885.jpg ركز معي من هنا التحميل غني بربي والدعا والرفاقه وقرم وليا جت للقصايد مفوه بحر تباعد غبته عن رزقه لهل الغثا طيشه ولله هدوه أن زان وقتي خذت لذة فواقه ولوه يشين يشين عادي ولوه بنكي رياجيل الشرف والبطاقة جمايلي وأسمي وكبر المروه من لابة في ثقل أهلها محاقه فعيونها كثر الاودام يشؤه الأكرمين أهل العقل و الحماقه الجيدين مزبنين الجلوه هذي فقط نبذه عن أهل العراقه و السامي يرجح كلامه سموه عن افتعالات الغضب و الطفاقه و عن المليء اليا تبين خلوه حبيت ابين لك اصول اللباقه مع واحد غيثه يسابقه نوه والا انت كامل لكن أن فيك عاقه ينقص برستيجك شوية جروه يمغري فيعوني أصل العلاقه تخيلو عدو يعشق عدوه لازمتني باحلى الدلع و الشفاقه و أدخلتني في حلم عمرك و جوه و حببتني في شي أسمه صداقه و كرهتني في شي أسمه أخوه و لفتني يبو الدلع و لف ناقه ماني بقايل ما تسويه سوه ركز معي للريح طلاق ساقه وللشين شين لانصا ما يموه يعلم بان حلم الكسول اللياقه و يعلم بأن حلم العقيم الابوه و يعرف متى نضج الورق و أحتراقه خبير في الاحياء ما هوب توه ثورته لاجت تشعل ألفين طاقه ما هي بشبة قاز في جمر دوه ما انت بغبي جدا بلفظ الرشاقه و أنا ذكي جدا و حبيت أنوه أن جيتني جيتك على كل فاقه و أن رحت أبلعن خير وقتي و سوه لانك تنفاس الحشا و اختناقه ياكل شبحي يا قصاه ودنوه يابو الحلا و أبو الغلا و الذواقه سرايرك مله و حكيك نبوه روحك و قلبي لو بحلل و ثاقه مربوطة في بعض هيا و هوه فان غبت يا نفر العقل و أشتياقه ما ني براغب بعد خوتك خوه ببكي على زول عشقته عشاقه و ترى البكا للأقويا زود قوه |
http://wh-em.com/mt7f-7r/data/media/2/ch61_L.jpg تبســمي من هنا التحميل ... تبسمي يا أطهر معاكيـش و سـاع يا من عليك مشاهد العيبـه حكـر يا بنت حماى الزمل ذرب الطبـاع الـي ليامـن زل عـلـم مانـكـر وطي رموشك و أعلني لي الانصياع في وقت الأنثى تسلب حقوق الذكر نقل الحضارة من بقاع اليـا بقـاع أحلا وسامـه ورث حولهـا جكـر أم المتاهـات العظيمـه و الضيـاع أستبسلت تصطـاد فالمـاي العكـر ساقت سديستنـا و جتهـا بآتبـاع بكر بكـر بكـر بكـر بكـر بكـر الين صرنا بـس فضاضـة نـزاع نفكر نعيـش و نمـوت بـلا فكـر و اعظم خبر من بيننا دايم يشـاع أبو بكـر أرث أصيـل أبـو بكـر ياهيه ما يقوى السباع الآ السبـاع السبع له مخلب ولا الثعلـب مكـر موت الجبان يشابه لموت الشجـاع الموت واحـد لكـن الفـارق ذكـر و تبقي الوجيه اللي تحـلا بالقنـاع و تبقين يانظرات شيهانـة و كـر دايـم تنسينـي تفاصيـل الـوداع ذاكرتي مجزن و نضراتـك سكـر ودايم ليا سولفت خرتـي بستمـاع و دايـم لـي المنـه ولله الشكـر |
http://up4.m5zn.com/9bjndthcm6y53q1w.../g42lxp6v1.jpg للأستماع عساك بخير من هنا التحميل عساكـ بخير.. وش اول واخر جروحك.. وش اخر واول فراقي.. يقولوا من المسا تلملم بقايا نبرتي !! وتروح.. على اول ذكرى بالشارع.. نسينا كل سوالفنا عليه و كل مواجعنا.. وصرنا فيه ندورنا.. ندور من ملامحنا ملامحنا.. تشتتنا تشردنا.. الين انا ندور في وجيه الناس.. تصور.. ولا قطره بوجيه الناس تشبهنا وتشربنا.. وارد ضاميك.. وبعد مثلي ترد ضامي.. واقول ان المسا كاسك.. واصب عيوني لإحساسك.. وانا اتكسر.. مع كل اغنيه تفتح هدبها والمح عيونك.. يا عون الله تلاقينا.. تصور.. بأغانينا تلاقنيا.. عساك بخير.. وش أول واخر جروحك؟؟ وش آخر وأول فراقي؟؟ يقولوا من المسا تلملم بقايا قمرتي وتموت.. نسيت أسأل ؟؟ صحيح تمووت ؟؟؟ |
http://pic30.picturetrail.com/VOL153.../280506398.jpg الغيبوبه للأستماع والتحميل من هـنـــــــــــــا بنادق مهجتي معبا فشقها والغلا نيشان ابطلق روحي في قلب القصيد وأنبض أبياته أبذبح حزني من أقصى الشعور لأول الإخوان وأسيل عمره وتشرب عيون العمر دمعاته وحيد ولامعي الا اخوي بداخلي غفيان ترفرف ضحكته وأطلق نعاسي لصبح ضحكاته في بالي يرقد وأدري حزين وشارد وبردان وانا انثر برده من فوق الخيال وجمر سجاته ينام و اعقد بعين الأغاني جمرة التحنان ينام وأعقد بعين البدايه كل نهاياته يدور القلب تتفتت ضلوعه يطحنه حرمان يجوع القلب يحضني في جوعي وآكل فتاته وأطل من الألم احضن حياة الشارع الولهان يلملم حسرتي ويكسر وجودي بشوق إضاءاته تعبت تمليني طعون تصب من خنجر الخلان تعبت استنزف عيوني دموع العين طعناته ياخيي إقعد .. الدنيا رمت من تحتي النيران وهذا العمر مايحمل بجوفي إلا انكساراته ياخيَي ليه تغيب وليه تتركني وانا شفقان .لقرم يقلب جبال الهموم بعزه إثباته اعرفه لاوصل كنه صقر من صفوة الويلان يكش جلد السما إن شافت مخاليبه وهداته رجال تربط حزام القبيله وتنفلت شجعان وأخويه يربط رجال القبيله .. حزام هقواته كريمـ ماهو من يبني فعايل صيته الديوان في صدره دلته .. وهيله ..وفناجيله وتمراته اذا كان الكرم حمس الـ.(هلا).في مهجه الضيفان اخويه من حمس قلبه لضيفه وصب فزعاته وكم (تكفا) إنرمت بين البشر ممزوعه الوجدان أخويه قبل لا ترمي عليه يقط نخواته حزين السيف بكفوف الأوادم طافي ذبلان .بعد مانام دم الي سقا فعله وومضاته ياخيي إقعد وقعد خضوعي بداخل الشريان .... تنام ولا بقى هم قطف من دمي غفواته غريبه شلون يكسرك الغياب ويغلبك نسيان ودفتر جيتك ياخي طوى من عمري صفحاته يجيني مدري ولكن أعرفه لاوصل جيعان قسم وان جاني لاانحرني لجوعه تحت خطواته وصل زوله هذاك اللي وصل مايشبهه إنسان هذاك اللي وصل شايل عذاب العمر وآهاته وجيت الحين يااخيي بعد ماشالتك امتان بعد ماودهم غسل الجسد عن كل نزواته أبد لا ينغسل هذا الشهم مغسول بالفرسان اخويه من غسل روح الجسد في طهر نياته أيا دفان دخيل الله لا تدفنه أيا دفان دخيلك خلني أدفن في بالي جمر بسماته وأهف بسماته من هذا المكان لآخر الأحزان وأنا أطحن موته في جوع الكلام واخبز اسكاته انام شلون لاصار الأخو جايع وانا شبعان أخوي اللي كسر قلبه لجوعي وجاع لحظاته اخوي اللي يمزمزني معاليقه اذا عطشان أخوي اللي ثنى عمره من اجل أطلع مسافاته يدين القبر ضميني وسط حضن الأخو نعسان أبرقد دام لي قلب دفن وياه نبضاته أكيد انه وسط قبره سمع طق الخطاوي الآن ألا ياليت انا المدفون وانا اسمع طق خطواته |
للأستماع وتحميل القصيده الضغط على الصوره احبائي :) احترامي وتقديري http://salemsayar.com/site/aljera7/a...msayar-com.jpg |
http://www.9ll9.com/up/uploads/865965a163.gif يابشر للأستماع والتحميل من هنــــــــا بعنا فينا واشترينا ولأدرينا بالثمن.. الغدر منا وفينا لأتقول من الزمن.. ماتصير الناس ناس لأرحل عنها الضمير.. ماتصير الناس ناس لا طغى فيها الكبير.. الوهم يكبر ونكبر داخل الأوهام هم.. الألم يكبر ونكبر داخل الآلام غم.. ليه كل كف جبرتنا لملمتنا وكسرت.. ليه كل كف حضنتنا شتتنا ورحلت.. يعني هي هذي الحياة ولا يعني هذا حنا.. لا رحل عنا الضمير نهدي الأيام ألاه.. من هدم نفسه بنفسه مابناء عمره صحيح.. والضعيف من النفوس يهدي عمره لأي ريح.. لأتلفت لاتنادي لابشر حولك ولا حولك مبأدي .. لك مصير من المصير ولك جرح من الجروح.. ولك حياة من الحياة ومن نصيب ألاه ..آه.. ماتصير الناس ناس لأرحل عنها الضمير.. ماتصير الناس ناس لا طغى فيها الكبير.. |
http://www.jmalaki.com/twaqe3/designs/25.gif الطيب من هنـــــــــا الأستماع والتحميل تضحك تظن الحزن أنك دفنته..؟ أخفيت حزنك صح لكنه بانك.. ظنك طعنك العمر / والله طعنته.. من قبل يكونك موت كونت كانك.. ساكنك جوع وجوع غيرك سكنته [ماعشت نفسك يوم مره عشانك] الطيب صنته لكن البخل خنته ماصنت نفسك لكن الطيب صانك تبي الصراحه كل هالكون عنته اسمك يسافر فيه وأنت بمكانك ماتنعوج بأنذال والطيب صنته لو تنعوج بأنذال عدلك شانك لاماسجنك الطيب والله سجنته أطلعت كفك قبل يطلع لسانك طيبك و صنته..أعرفك كيف صنته أن خان كفك قالوا الطيب خانك |
http://vb.arabseyes.com/uploaded/129613_1203074911.jpg (( البرزخ من هنــــــــا الأستماع والتحميل )) , , , مسافرين ... ايه والله ان كلنا مسافرين الموت بين ايامنا .. مينى وبحرها المقبره بحر من عظام وكسور ... نرسي وترسي حمولنا.. وبحار للقبر الحزين بامواج كف احبابنا ...سفينه الموت الحزين تـــــابوت نترك سيول العاطغه .. تجرح مواطي النظر ... كل ما اذكرتنا دور نترك سواد ايامنا للمغفره والنور نترك مواويل الحزن تطحن بنا وتدور يمكن نستنا اجشار ويمكن بكتنا دور يمكن .. ويمكن . ويمكن ما تنفعك يمكن لا صرت وسط قبور لاصارت الدنيا اهل واحباب فوقك بالسما .... وانت بقبرواغلى عزيزينك وفى يملون عنينك بالتراب ما تعتبر ياويلنا ... ياوينا واليا التأم عظامنا ياويلنا ... ياويلنا اذا اطفحت اعمالنا من فينا مات ونيته باطله ومن فينا مات ونيته طاهره يا ويلنا ... ياويلنا من شقق ثياب الحلم .. من لبس الطفله وهم من هو نسى طفله يموت بوسط الحياة القاسيه من هو جعل سفل الذنوب داخل ضلوعه راسيه مسافرين كلنا ..... اي والله انا كلنا مسافرين ا على الاخوه المسافرين على رحله رقم واحد وراى واحد ورى واحد الرجاء ربط النزاول المرهبه وفك اللسان بالادعيه |
http://www.hala4all.com/vb/image.php...ine=1248129117 قصيده هاجر من روائع سالم سيار للأستماع من هنــا مشغلولين لاتنادين بصوتك / دمك مالك الا حزنك / همك رسمك / شمسك ضوءك من بعد التغريب .. ابنك فورة دمك هذي لمين نظرة عينك هذي لـ وين للشعب الـ .. مسكين !! قولي وياي السكين !! شاطر في تقطيع الرحمة شاطر في تقطيع الأمه هذا المشعل كل لذاته من أجل انه يطفي همه هذا المغرور اللي يسولف لمرايه عن شكله ورسمه هذا العاشق بي اثنين ظله وذاته / ذاته وظله نظرة عينك هذي لـ وين هذي ما تنادينا حنا فيها دعاء شموخ جبال فيها نور من التوحيد ومن السنه دين ونور فيها سيوف خيول ابطال فيهآ من شعر الخنسآء فيهآ من حطين آلنصر لآ يآ ام الشعب المسلم لآ تنآدين / حنآ دآيم دآيم عنك مشغولين وآنتي اسلآمك في دمك وحنآ غير حنآ آلهم آلغم آلحآضر طبعآ في اثبآت آلمولد عآده فينآ .. لكل مولود نسجل مسلم الله يعينك اعذرنا كم مرة قلنآ لك .. ولآمك مشغولين لآ تبحث وتعني نفسك لآ خآلد وسط اليرموك ولآ ابن الخطآب الآمر مشغولين بضوء الشهرة لمآ ننقد مسلسل / فلم / آو مسرح نقد بحقد هذآ يعني !! حنآ الأجدر بآلتمثيل مشغولين في تصنيع آي قآئد وهمي حتى يجبر فينآ كسور وبتطوير أشعآر الامه واللذه بكشف المستور وبكشف الخآين والوآفي وبتطوير الذآت نطآلع في البسمه ومعنآهآ نمضي وحنآ مبتسمين وبالدآخل الوآن الزيف تهتف بالخآرج للسيف نهتف من اجل يآ كرسي يحيآ الكرسي يحيآ الكرسي مخدوعين مخدوعين لآزلنا نصدر للعآلم معنى كلمة مخدوعين مشغولين بالتصويت لاسخف برنامج يسرقنا منآ / لكرش المسؤؤلين في تثقيف انثى موهوبه (( مآ يهمنآ شكلك يآ بنت .. حنآ نبحث عن مضمون )) (( يالله غني عالدرآجه ويزيد المنتج بنتآجه وانتي لآ زلتي محتآجه يآ ( طفله ) شهرة وهآجه )) عن احدث تطوير النوكيآ عن نآخذ مآ نقدر نعطي مآ نشبع في أكل الميت في تجريح اعرآض النآس في الغيبه .. في شتم الآخر في كشف المستور ونعجز أنــــَـآ نعطي اي مكشوف مشغولين مخدوعين يكفي هذآ الحزن النآيم عندك حسنه .. ذكرني بـ هآجر يآ احمد (( إنَّ الله مآ يضَّع مسلم )) احضن امك وسط عيونك وزم / زم دمعك وسط جفونك بكرة تقوم الدينآ عندك وتصير الامه اسلآم بس الحين ارجوك اعذرنآ لآ انت منآ ولآ حنآ يآ خي من همك يآ خي والله مخدوعين !! |
http://www.mnawy.net//uploads/images...d303feac73.jpg الأصيله من هنا الأستماع . . . انا من بين كفينك شعور ٍ يشبه الشعره اقولك شي؟! ترا فدوه حياتي لو قطعتيني اخذت من الصبر ؟! لا لا اخذ مني الصبر صبره مدام بغيبتك محدٍ يـجي مثلك ويحييني تعالي تعالي يابعد روح الشعور ويابعد عمره انا البارح لهذا اليوم ابد ماغمضت عيني تنفستك بشعور وفاح من صدر الغلا عطره تنهدتك وشفت الضيق يتنهد عناويني يضيق الكون بعيوني واشوف الكون ثـقب أبره واشوف الموت ياعمري مابين عيونك وبيني كتبتك شوق من شفت الفراق بعمري ياكبره مو مثل الي يقول لا أنتي ولا غيرك تهميني مو انتي العز ؟!! ولو مانتي اقول انتي ترا وأكره اصيله اصيله والاصيله ماخلقها الله توطيني واذا ردت على العز الكريم ودورو صقره انا ليه احلف وانتي تشوفينه بجناحيني ؟ يالله يالله وانتي بعيون المساء بهذا المساء قمره قريبه حييييييييل في اسود عيون انتي تضميني.. في بعض احيان تكوني داخل ضلوع الغلا جمره وكل هذا الوله ماهب من عيونك حرقتيني وفي بعض احيان تكوني داخل اشواق العمر زهره عشان الزهره لو تموت تموت وعطرها فيني أحـــبك احبك ينثني هذا الكلام ويرتفع قدره احبـــــك احبك يرتعش هذا النجم يتشكل بطيني احبك نور في هذا المساء واضوي على بحره احبك لاتخلين الفراق امواجه تمحيني بغيت اقول شي لكن !!! او انسي بس على فكره هي الحريه اني اختار قيدك وادخل ايديني وانا اخترتك وخليني على كفينك الشعره اقولك شي ؟.! ترا فدوه حياتي لو قطعتيني .. |
http://imagecache2.allposters.com/im...001-0093-4.jpg الخزانــــــــــه من هنا الأستماع ....والتحميل الي يعز الناس وقت الغرابيل لاشك في قلوب الأوادم مكانه ولي يهين الناس يلقى المحاصيل لابد ماياخذ من الوقت اهانه والعز يسكن بالرجال الحلاحيل مافيهم الي عاش نفسه عشانه عاشوا من اجل الي يذوق التهاويل ماهم مثل من ضاع عمره عفانه الطيب .... الطيب يذخر في صدور ارجاجيل وعرف ترى صدور النشامى خزانه .. من شان لامرت عليك البهاذيل تلقى الأمانه عند راعي الأمانه . سالم سيار . |
http://kwkbh.com/up//mypic/up_67886401.jpg الحفلــــــــــــه من هنــــــا الأستماع والتحميل .. ومست ناضري حتى لمست بصدري الاعشاب وصار الحفل اخضر والسماء عصفور نضراتي .. ولمحت بعينها ضون تمضمض وانتثر لسراب .. وتطاير كل مارفرف هدبها وشعشع جهاتي .. وصبت في عيوني شوف احسه بالصدر ينساب .. يفزز من علا قلبي رمادي بت شرقاتي .. وقف فلت الوجوه وهمت انا افتح لشعور ابواب حضر طفل القصيد وصار يتمرجح على الهاتي .. تناضرني وناضرها تناضرني يغيب احباب .. ياوجن كيف ومنين ا لبدايه في نهاياتي .. ابي منك وصل دامك سترتي نزوتي بحجاب .. وابي تمدي عيونك لي ابي ارمي كل مسافاتي.. حبايب لاوصلنا لا دخليك لانروح غراب .. دخيلك توها ارضي تلامس كل خطواتي .. لك الله كل مااخبز حنين في شعور اصحاب يطيح الحب من ثقل الحروق بجلد نياتي .. تناضرني ومدت يدها تقطف زهور اعجاب ياورد تكفي عطورك تعط بسله اوقاتي .. تعالي مثلي شيخ ماترك ربعه وهو منصاب وروحي داخل اعماقي تعالي بكل حضاراتي .. وهبت زينها تكتك انا اسمع طقطقه ارقاب ... تلف عيون خلق الله وتكسرها في رحاتي .. وجتني وجتني زينها يامر عيوني لاترف هداب .. ترف اهدابها وتهدي حضورها لهفه رعشاتي .. تنزرني عيون الناس لك الله ماحسبت حساب .. يسل سيف الوله صدري وانا اعلن فيه ثوراتي وجتني .. وجتني .. قربت يمي كريم الحظ يومن طاب .. تمغط كل صباح الكون فز وطقطق بذاتي وجتني ! وجتني ! حتى طافتني .. شوقي عانق استغرااااب ..!! . . وهدت وردها لواحد قتل أعضم طموحاتي .. . . سالم سيار . . |
http://img92.imageshack.us/img92/5093/55553tf.jpg الصـــــــــــوره .. للأستماع والتحميل من هنـا وحشتينى... يايمه . احبكى حب الخلود حبكى فى قلبى يلى حب المعبود صابر انا على فراقك يا منبع الحب فى الوجود يشتاق صدرى لصدرك والعناق تشتاق اذنى لسمعك والرفاق نور وجهك المضىء سار ونيسى فى الطريق رغم مدة الفراق انتى معى فى السراء والضراء نفسى اقولك وحشتينى نفسى والله تحضنينى واسمع صوتك الغالى ينادى عليا تعالى أجرى ومن غير تفكير على حضنك انا أجى اطير ملاك حياتى يا غالية يا اغلى من ضى عيني وحشتينى وحشتينى وحشتينى بقولها فى جراحى وانينى وفى فرحى نفسى تهنينى والاقى نورعينك يقولى هاتى قلبك هنا جوة قلبى يقولى وحشتني ياضنيني من غيرك حس احزانى مين غيرك شارك وجدانى مين غيرك يا غالية مين مسح دمعى طول السنين جيت ابكيك واناديك تسمعى واشكى لك اشكى ليكى طول بعادك وحشتنى صورتك ومعادك وانا بنادى عليك واقولك يمـــــــــه وينك .. ماااااااااااااااااااااااااااا رديتي واصبح سراب بناديك انا فى الغياب ياااااااااااااااااااااااااه يا قلبى يا طول العذاب وحشتينى |
| الساعة الآن 05:36 AM. |