منتديات  الـــود

منتديات الـــود (http://vb.al-wed.com/index.php)
-   المكتبة الأدبية (http://vb.al-wed.com/forumdisplay.php?f=65)
-   -   اجمل قصائد الشعر النبطي (http://vb.al-wed.com/showthread.php?t=297685)

صدق النوايا 16-11-2011 09:27 PM

اجمل قصائد الشعر النبطي
 

اليوم في بالي شي مختلف وهذا المنتدى هو منتدى للشعر
والشعراء وكلنا ندخل لهذا القسم للاستمتاع بالشعر
ولكن الشعر لم يقتصر على شعراء الود لــــــــــذالـــــك
طرى في بالي فكرة ارجو ان تنال رضاكم
فالكل منا لابد ان يكون قد استمع لقصيده او قرأها هنا او هناك
في مجله او من اغنيه او في برنامج
ودي كل عضو يطرح في هذا المكان اجمل قصيده مرت عليه
من القصائد النبطيه لكي يستمتع بوجودها هنا ونستمتع نحن ايضا بقرأتها
ارجو ان تكون الفكره قد راقت لكم ونالت استحسانكم
لكم تحياتي انا بصراحه فيه قصيده تتردد في بالي كثير بتكون هي البدايه







للشاعره مناير الناصر


............
تدري وش احس وانا اجلس معك
تدري وش القلب يهمس للوريد
ودي اسند بكتفك واسمعك
ولا افكر في قريب ولا بعيد ..
...............
تدري اني لك اغار من اصبعك
لا مسح وجه ٍ بشوفه يوم عيد
ودي اني قلبك اللي بأضلعك
وانبض احساس الغلا وابقى وحيد ..
.............
ماتصدق يوم كنت اجلس معك
بس اناظر في عيونك واستزيد
اشربك واروي ضماي واشبعك
اشبعك ولا ابي يوم ٍ جديد


شمس القوايل 17-11-2011 07:07 AM

الشاعر الكبير محمد الجبيل

يعطيك العافيه ع الطرح والفكره الرائعه

عساك ع القوه دايم

نتمنى التفاعل والمشاركه من الجميع

ننتظر جديدك دوماا

شمس القوايل



الموضوع مثبت

مــــــدى 17-11-2011 09:57 AM




فكره مره فري يونيك يابن الجبيل :)

وانتظروني بقصيده وقصيده وقصيده :)

احترامي وتقديري لشخصك الكريم

., {.ٍ بكِـــيتُكّ ,. 17-11-2011 12:33 PM

فكره روعه يالجبيل.


على الهون ياجرح المفارق وضيق البال
على الهـون ياهـم سطابـي وقدرتـه

اعزك لو انك جـرح ومجاهـدك قتـال
وروضت جسمي لاجل سقمك وصبرتـه

لاجل من ملك قلبي من الجال لين الجـال
وفجيت له بـاب عـن النـاس سكرتـه

وحطيت له عن شمس قيظ الغرام اظلال
وشديـت لـه بيـت بقلبـي وعمرتـه

عشقتـه ودللتـه وجريـت لـه مـوال
وتخيـرت قربـه ليتـنـي ماتخيـرتـه

رعى ريف قلبي لين صار الحشا مدهال
وعن مدهلـه جنبـت غيـره وذيرتـه

سقيته من عـدود الغـلا والغـرام زلال
بعد ماجـذب مـن دم قلبـي وصدرتـه

اداري عليه من الزعل وازعـل العـذال
وخطاه ان كبر في عين غيري تصاغرته

ترفقت انا وياه مـن يـوم كنـا اطفـال
تكـون غـلاه بوسـط قلبـي وكبرتـه

قبـل مايغطـي ليلـه المنتثـر بالشـال
سرقت الكرى من نون عينه وسهرتـه

نقش كل حرف من حروفي على السلسال
تباهـى بهـا واغـاظ نـاس مجاكرتـه

وكتبت القصايد في عيونه على اليامـال
وليا مرنـي صـوت النواخـذ تذكرتـه

وبعد كل هالتقديـر والحـب والاجـلال
تغيـر وهقـواتـه علـيـه مغيـرتـه

لبسته ثياب الغطرسه ليـن جـا يختـال
وكبر في عيونه يوم الاوهـام غررتـه

واذا السالفه ضحك ومهازل ولعب اطفال
خبطت الغصن لين ابرق الريش طيرتـه

خلصنـا وقفلنـا الصناديـق بالاقـفـال
ومن جور حكمه كامـل القلـب حررتـه


<<تركي الميزاني ..



., {.ٍ بكِـــيتُكّ ,. 17-11-2011 12:38 PM

لاتنشدين الغصن وش فيه ذاوي...... مليت اجاوب كل من صاح نشـاد
هذي مواري علتـي والبـلاوي ....... وهذي مواري دمعتي حزن وحداد
هذي جروحٍ مبطيـه يامضـاوي ........ دايم عليها تنزف اجروحٍ اجـداد
جرحٍ عطيبٍ وازرق الدمع كاوي ....... وليل الشقا يضرب على خافقٍ باد
جرح الزمن اصبح لقلبي مخاوي ........ مثل الرفيق اللي عن الدرب ماحاد
اسير قلبي في همومـه شقـاوي ........ كنه سجينٍ سيق للمـوت منقـاد
لاعاد له ضحكٍ ولا له شقـاوي ........ ولا له مع العالم تباشير واعيـاد
بين الظلوع يجر صوته خـلاوي ...... يغني جروحه شقى .. هم واسهاد
وش حيلته لاصار طيره نـداوي ......... الوقت جايـر والمخاليـق نقـاد


الشاعره فاطمه المطيري.


مــــــدى 17-11-2011 04:24 PM











( غربة الروح )



رضيت بالحزن عمر وبالمواجع خليـل ** وقدرت اعيش بحيـاةٍ باهـتٍ لونهـا

عودّت نفسي مدامي جيت عابر سبيـل ** كل ما دهتني مصيبـه قلـت ياهونهـا

عاصرت من دورة الأيام شـيٍ مهيـل ** ومريت بـدروب غيـري مايمرونهـا

من كثر ماشلت ماباقي بجوفي مشيـل ** روحي تدور معيـن ولا لقـت عونهـا

كم شجرةٍ جيت أدور لي تحتهـا مقيـل ** وحتت ورقها وعرّت فوقي غصونهـا

واليا رميت الهموم بسهم صبراً جميـل ** اما يجـي خلفهـا والا يجـي دونهـا

اسمع بصدري صياح وهمهمات وعويل ** وأردهـا خايـفٍ لا النـاس يوحونهـا

من غربة الروح ضيعت الهدى والدليل ** وخطاي تاهت ولابـه مـن يقدونهـا

نهاري أعتم وليلي بالتعاسـه طويـل ** الكون مشرق وروحي مظلـمٍ كونهـا

هذي علومي بعد فقد الظـلال الظليـل ** مالي من الدور خاويهـا ومسكونهـا

زهدت في عيشتي بعد ام طرفٍ كحيـل ** ياليتي ادري بتالي الوقـت وشلونهـا

عهدي بها يوم تروي قلبي السلسبيـل ** من قيظ الأيام توردني علـى عيونهـا

وتفيض في قلبي الظميان شوق وتسيل ** وأروى ولا أروى وأعود أظما لماعونها

وان سولفت كني أسمع للحمايم هديـل ** وأقوم أغنـي لهـا والاحـي لحونهـا

كان اختصار الأنوثه في جسدها النحيل ** يلغي جميع النسـا بعيـون مفتونهـا

كنا سوى والزمن بالوصل مده جزيـل ** ذقنـا حـلاة الحيـاه اللـي يقولونهـا

ومن ذاق قلبه حنان منقضات الجديـل ** والله لتشتالـه الدنيـا علـى متونهـا

وانا بعد ما أهتنيت أقفت وحل الرحيـل ** وياويل حالـي ليـا قامـو يطرونهـا

بابقى عليلٍ يحركـه النسيـم العليـل ** لاهب في قاع روحـه جنـت جنونهـا

ومادام راحت مابي من حلمي الا القليل ** أن عشت في قلبها وان مت فعيونهـا



للشاعر الرائع / مرزوق الروقي




صدق النوايا 18-11-2011 11:49 PM


الوعد باكر ..
و لو تأخرتي ... لا يجي باكر
ما أبي باكر بدونك
احبسي الفجر فـ عيونك
و إن أشغل طيفي ظنونك
واعديني بعد باكر ...
أنا ظلي تحت شمسك
و لو تغــيـــبي ما هو ظلي ..
و انتي اسمك في حياتي
يهمسه بعضي لكلي ..
آه يا ضعفي و غروري
اعدلي فيني و جوري
و اصدقي .. راعي شعوري
و واعديني بعد باكر ..
هذا وجهك في عيوني
ما رسمته لا وربي ..
و اللي يصرخ في ضلوعي
هذا صوتك ماهو قلبي ..
آه يا شمعة وجودي ..
اشعلي نارك في عودي..
اهجري قلبي و عودي
و واعديني بعد باكر ..


بدر بن عبد المحسن

؟ فلسفة شاعر ؟ 19-11-2011 12:25 PM

بدر بن عبد المحسن ... وما ادراك مالبدر


كم انت راااااااائع

يامهندس الكلمه ..

., {.ٍ بكِـــيتُكّ ,. 21-11-2011 12:07 PM

نويت السفر عنكم ولكن فمـــــان الله ....عسى الله يجازي الذي سعى في مفارقنا

وداعن بليا صوت جدوى المحب ابكاه .... وهـــــــز الهوى غصنا المحبين واشتقنا

نويت السفر مجبور يانحل المـــــــتناه....لنا البــــــــــــعد عن دران به النار تحرقنا

بنينا محبتنا اللين ارتفع مــــــــــــــبناه ....ويا للأســـــــــــــف بأ خر زمن ماتوافقنا

خسرنا هونا اللي بنيته انا ويــــــــــاه .... انا والقـــــــضي برموش الاعيون تعلقنا

تحير قدم رجلي عن المشي وويـــــلاه .... وبكتب جنـــــــــوني في طواريف مفرقنا

وقفيت من عند الحبيبه وانا اقــــول اه ....وياليتنا مــــــــــــــن اول لقاء ماتعاشقنا

كتاب المحبه في ايدينا ولا نــــــــــقراه .... ولكن يكـــــــــــفي جاري الدمع مغرقنا

عهدناعهدنا لا نبيحه ولا ننـــــــــــساه .... ولو باقبنـــــــــا بحرن بنا عرض ماذقنا

عطيتك دليل الحب وانته بعد عــــطناه .... على شــــــان طول الوقت نذكر امعانقنا

بقينا دواحم نتميبه ولا نــــــــــــــــقواه .... عديم المـــــــــــــحبه ياحبيبي امضايقنا



الشاعر <الامير حجاب بن نحيت.

صدق النوايا 21-11-2011 09:21 PM


صح لسان بن نحيت شاعر كبير ومعروف وصح بدن ناقلها
بصراحه هذا الموضوع للقصايد الخالده للشعراء الكبار
وودي بعد اعرف ذوق الاعضاء وبعد نستمتع بشعر فوق العاده
يعني بدل ما اروح ادور في منتديات الشعر تجيني القصيده هنا لحدي اتمنا التفاعل من اعضاء منتديات الود جميعا الموضوع لا يخص الشعراء فقط بل جميع الاعضاء في كل الاقسام امتعونا واستمتعو هنا

مــــــدى 22-11-2011 06:36 PM




أبشر بعزّك يابن الجبيل :)
وذي قصيده للشاعر الكبير / سعد الخريجي
وياهي مليانه وثقيله يالله يالله شلتها وحطيتها هنا
اقلطوا الله مير محيّيكم :)


ليه هاللحظة تجيني
...


تجيني بعـد مـا حبيـت غيـرك
حبيبـي ليـه هاللحظـة تجينـي
حسايـف تـوك تغيـر مسيـرك
تجي يوم انطفت شمعـة حنينـي
صبرت سنين أبي صحوة ضميرك
ولا فكرت في اللي صـار فينـي
زرعتك ورد واشتقـت لعبيـرك
خسـارة مالقيتـك فـي يمينـي
بكيت من العطش وأنـا بغديـرك
شربت من الظما دمعـات عينـي
عشقتك صوت وأحيانـي أثيـرك
وضاع الصوت ما بينـك وبينـي
سقى الله ما مضى وأيـام خيـرك
على قلبك واعـرف إنـك تبينـي
أكيـد اللـي تخيلتـه عشـيـرك
نساك وجيت مكسـور وحزينـي
تحسب إنـي مثـل أول أسيـرك
علـي تغلـط بلحظـة تحتوينـي
تذكر يـوم قلبـي مثـل طيـرك
على كيفك ورايـك كـل حينـي
عطيتك كل مـا يملـى نظيـرك
وعز اللـي تمنـى مـن سنينـي
تذكـر ليلـة القمـرا سمـيـرك
وتعرف قدر حبـك يـا ظنينـي
عيون الشمس تعرفنـي سهيـرك
بقايا الليـل نجمـة فـي جبينـي
حبيبي بالعتب مـا أحـب أثيـرك
غلا ماضيك فـي قلبـي وعينـي
أنا بالعكـس يزعلنـي مصيـرك
أنـا جربـت جـرح العاشقيـنِ
هويت إنسان عوضنـي كثيـرك
عطاني كل عمـره فـي يمينـي
ولو تفرش الـى بيتـي حريـرك
أنا مـا أبيـع واحـد مشترينـي










., {.ٍ بكِـــيتُكّ ,. 23-11-2011 10:23 AM

وراه ماقلتي لي اشيل معك هههههههههه



،








ياقلبي لا تكثر عليه شطونك
أشقيتِ حالي في سعادتك وارضاك

لك مدةٍ ياقلب ِ كثرت لحونك
ولانيب واللهِ داري عنك وش جاك

إن طعتني فالناس لايسمعونك
واسمع كلام محب لك يوم وصاك

ترى العرب في سجتك ينقدونك
واستح من العاقل ولوشفته اغلاك

ياقلب حب الناس لا يبغضونك
واصبر على الجاهل اليا من تبلاك

ومطارد المقفين لا يتعبونك
انسه مدام انه من القلب ينساك

الناس سايرهم ولو يزعلونك
واصبر على جارك ولو شفته اذاك

بالخير ملزوم العرب يذكرونك
واوزن قدم رجلك على قدرة خطاك

واحذر تجي في مجلسٍ ما يبونك
لوكان منهم واحدٍ قام حياك

واتعب لفعل الطيب للي يجونك
وعامل عميل الطيب بالطيب لاجاك

واصبر على المقسوم والله بعونك
ولا بد ماتجري صواديف دنياك

واليا مشيت الدرب فتح عيونك
واسلك طريق الحق والرب ما اغواك



<<الشاعر مرير الحبيل العتيبي ..




صدق النوايا 23-11-2011 09:45 PM



ماني بمن ياتي و لا يدرى به
شطرٍ حفظته ما اعرف كتابه
شطرٍ يناسبني لمثل الليله
و آشوفني في ذا المكان أولى به
أباتكل بالله و نعمٍ بالله
اللي ما يوصد دون خلقه بابه
باقول و اللجنة تقيم قولي
و من كثرة الشعار ماني آبه
الحمد لله واثقٍ من روحي
و إن كنت ذيبٍ فالرجال ذيابة
ما أقول أنا أشعر واحدٍ في العالم
لكن قصيدي كفو و أنا ادرى به
الشعر جمعنا لو تفرقنا
حدودنا و ظروفنا الغلابة
الله يبيض وجه راعي الفكرة
عز الله انها تنحسب لحسابه
و الله يبيض وجه من يرعاها
محمد الله يحفظه لأحبابه
محمد ولد زايد عريب المجنى
ولي عهد الديرة الخلابة
الشعر تاريخٍ لنا من مبطي
و إعلامنا يوم السنين نهابة
الشعر بيتٍ و الوزن عمدانه
معناه طنب و قافيته حجابه
الشعر وادٍ فيه صيدٍ واجد
و كلٍ على الوادي يهج ركابه
و الأفكار صيد و كل شاعر قانص
و كلٍ يدسم شاربه مخلابه
أحدٍ خياله حر .. و أحدٍ وكري
و أحدٍ خياله كوبجٍ بقطابه
و أنا خيالي كل ما هديته
حول على الوادي و صاد عقابه
شاركت أمثل ديرتي و ربوعي
و كلٍ يمثل ديرته و أقرابه
و الله إلى الله راد و الله قاله
إني لاسلمها الفخر و كتابه
داري قطر و أنا هنا أمثلها
المجد مطلوبي و أنا طلابه
عهدٍ علي إني لاشرف داري
ترْك صبيٍْ ما يعز ترابه
شوفوا دمي من حبها عنابي
و حماستي من ضوها شبابه
شاعر خليجي و العروبة بيتي
و البيت ما ياقف بدون أطنابه
و إن عودت بين القبايل فزعة
أنا أشهد أن لي في اللوازم لابة
لي في القبايل ربع .. و أقدْرهم
ماني بمن يجهل مقام أصحابه
و إن عودت لأصلي فأنا أصلي مرْي
من صلب يام أهل القنا و خضابه
قومٍ لنا فوق المعالي بيرق
و السيف قوة سلْته بنصابه
الشعر طوْقني و أنا طوْقته
قمت آتمشى به و أفك أبوابه
يا بنت ياللي تفرقين بعودش
ما ألومهم لا كثروا الخطابة
لا مر بش دربش على خلق الله
قالوا كذا .. بالإصبع السبابة
زينش يزينه فعل أبيش و جدش
و أنتي بدورش للنقى كسابه
قومي تباهي بي و فلي راسش
عليش من ستر الشرف جلبابه
و إن ما سترتش بالفعول و باسمي
فعقبني الفنجال يا صبابه

‏سلطاااان 24-11-2011 10:01 AM

السلام عليكم ورحمة الله
اليوم عندي لكم قصيده جميلة القصائد النبطي الجميل واتمنى ان تنول اعجابكم
اترككم الان مع القصيده


كتبت الشعر من قلبي وخطّيته ...... على صفحات تنزف حبرها الدامي
كتبته.. والشعر من يوم ناديته......... لفاني.. وحطّ معنى القاف قدّامي

وانا من خيرته طبت وتنقّيته........ وميٍّزت الحروف بلحن وانغامي
وجاذبته ..وخفّضته.. وعلّيته .......... ورتّبته.... وخطّيته بالاقلامي

ولي ما يستوي بالشعر سوّيته...... وفي شعري تحقق كل الاحلامي
عطاني الله زمامه ثم تلّيته......... وطاوعني ولا يرفض لي أحكامي

ألا يامن على العربان بدّيته ............ وعن غيره تميّز ريم الاريام
فلا شفت الذي مثله ولا ريته.......... كمَل والكامل الله رب الآنامي

ألا يامن فوادي الميّت أحييته..... بطيب القلب مع أخلاق الاحشامي
وكل الحسن عن غيرك تولّيته..... حرام .. اترك لهم لا اتصيبك آثامي

كتبت الخط لك صافي وعنّيته..... جداكم يا سليل الناس الاكرامي
كتبته ومن دعاني الشوق لبّيته.... وانا من لي سواكم يسعف آلآمي

أنا لولاك باب الحب ما جيته...... ولا غامرت في بحره الذي طامي
ولا سجلت به نبضي وغنّيته...... على ألحان قلبي المولع الظامي

وذا العالم على شانك تحدّيته ............ ولا همّتني احدوده والايامي
وهذ الشعر في حرفه وفي بيته..... كتبته من معاني شخصك السامي

وكفّ الشعر لك بالحب مدّيته...... تفضّل ذوق طعم الحب واهيامي
لأنك صرت له الاسباب ناديته.... وهذا ردّ فعل القلب ما ايلامي.


منقووول صح لسان الشاعر

صدق النوايا 25-11-2011 10:05 PM


اليوم يابنت من زيي =الشمس وردت على ضيي
جيت انتخي بالوجيه البيض=يا عزوتي يا بعد حيي
الجادل اللي حلاها غير=ضيعت في شمسها فيي
بعيونها سلسبيل رماح =والموت بالسود مهيي
موت؟وانا اموت انا بالموت=كثيرها غرق شويي
لاقلت تكفين قالت جاك =وان جيتها فجأه تعيي
ولا قلت مالي ومال الغيد= قالت وهم بينهم زيي
وان قلت انا تبت مالي كار=مقفي زمانين عن غيي
قالت وهي تلتفت للناس = طلال موته على ايدي


للشاعر الراحل طلال الرشيد

صدق النوايا 25-11-2011 10:20 PM


أموت من فرقاك و أموت بلقاك
و أموت من جورك و أموت بحنانك
كلٍ قضاه يموت مرّه و يفداك
و أنا أموت ألفين مرّه عشانك
أذكرك لا مني نسيت إني نسيتك
أنساك لامني ذكرت أنساك
رضيت أنا بالهم لرضاك مرضاك
و ارخصت لك قلبٍ جرحته و صانك
أجيك في صدري عتاب و ابجفاك
و أرجع ألوم الوقت و أقول خانك
أحب فيك احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجيني لين أقول إني إياك
و مر تروح بعيد و انسى أوانك
أقبل و تقفي و اعتذر عن خطاياك
و أقول ما عييت عيا زمانك
و إن خانتك دنياك أو خنت دنياك
إرجع و تلقابي مكانك .. مكانك




طلال الرشيد الملتاع

., {.ٍ بكِـــيتُكّ ,. 26-11-2011 09:05 AM

الجبيل استلم..






ابكي واصوت ياهوى البال:وينك؟"
"ليتك تجاوب صرخة الميّت الحي

مشتاق لك ودي تعـاود حنينـك"
"جعل الموده تجلب لعيني الضـي

دامك صغير اغنم حلاوة سنينـك"
"وراع الوشايه لانوى يقربك عي

الموقف اللي صار بيني وبينـك"
"انسه ترى والله مايعتبـر شـي

عالج جروحي في طراوة يمينـك"
"ترني مريض ولانفع جسمي الكي

سحر الغرام اللي بنظرات عينـك"
"ماظنتي يقدر عليها جبـل طـي

به جاذبيه شكّلت نصـف زينـك"
"قتلت الشهيد اللي توفى وهو حي

،

،


جبل طي <<انشهد.



الشاعر / عثمان المجرااد

., {.ٍ بكِـــيتُكّ ,. 30-11-2011 10:46 AM

بعد الفقر جابت شريحة وجوال = يسعد مسا جوالها والشريحه

كانت تجيني تشتكي قلة المال =وتصيح لاجا طاري الفقر صيحه

تقول أبويه دايم الدوم رحال =وأمي كبيرة سن دايم طريحه

وأنت الوحيد اللي لك القلب ميال =دايم يصارحني وأنا له صريحه

طفله وأنا معشوقها بين الأطفال =جريح حب وطاح له في جريحه

كنا سوى نرسم على التربه آمال =وأحلام تقتلها الحياة الشحيحه

كم دمعةٍ كانت على الخد تنهال =وإذا نزلت ضاقت على الفسيحه

الله كم صرخة وهمسه وموال =الله كم جادت علينا القريحه

خيل لوما في السماء برق وخيال =وأقول أنا (عزاازي) وأنتي مليحه

تقول لا حطيت لك بشت وعقال =وسخر لك الرحمن عيشه مريحه

أخاف تتركني على عثرة الفال =للفقر ووجيه الحياة القبيحه

وحبيتها بين الخلايق والأزوال =حبٍ يطول الوقت محدٍ يزيحه

وسلمتها قلبٍ تباريه الأهوال =وطاح الخفوق وطيحة القلب طيحه

راحت وخلتنى مع القيل والقال =شاعر صواريف الدهر تستبيحه

ودار الزمان وغير الحال بالحال =وجاها الزمان بكل ورده وشيحه

فلة وخدامه ولكزس وجوال =وأنا عجزت أدفع رسوم الشريحه


انتظر ضمة غلاك 01-12-2011 04:18 PM

صحيح انك معي غالي وتملك قلبي ووده ... صحيح انك أمل عمري واحبك حب ماله حدود

وانته الحب تدري به وتعرف جزره ومدَّه ... يفوق الوصف والمعنى وشعري والحروف شهود

ولكن لو تمادى حد منّا ينقلب ضدَّه ... وتتغير موازينه ويصبح شي هِبْ موجود

أنا بَقْدَر على قلبي مع الأيام باردّه ... بسخِّر عزمي وصبري عسى الله يحقق المقصود

ترى ضاقت بي ايامي وصبري قد وصل حدَّه ... انا ملِّيت من نفسي واخاف انه الأمل مفقود

تعب قلبي تعب فكري تعبت وطالت المدّه ... أطالع ظلمةْ مزونك وأتمنّى الربيع يعود

أريد ارض المحل تزهر وأقطف منّها ورده ... واقدِّمها لجل عينك هديَّه والسلام يسود

أريد السعد يبقى لك حليفٍ ثابتٍ وعده ... يضمَّك بالغلا قلبي وتبقى في هنا وسعود

اريد ايامنا تضحك بوقت اللين والشده ... وتتبسَّم ليالينا على ورد وروايح عود

عسى ربِّي يوفِّقنا وباب التفرقه يسدّه ... وتبقى لي أمل عمري واحبك حب ماله حدود




الشاعره مطلع الشمس لعيونك يا محمد

‏سلطاااان 01-12-2011 07:40 PM



يا غـــالية جــــيتك مـــن الشوق ولهان
.............ما أطيق أشـــوفك يا حيــــاتي حزينه
من يعترف مســموح لو كان غلطان
...........وشلون لا صـــرتي روحـــه وعينــــه
لو نختـــلف نبقى حبــــايب وخـلان
..........أنا رهـــين الشـــــوق وأنتي رهينـــة
المنتصـــر في كل الأحوال خسران
.........مهمــــا يكـــــون الحــــال بينــك وبينه
دنياي ما تســـوى وخـاطرك زعلان
.........لا ينشغـــــل قلبــــــك ولا تــجرحينه
يا غـــــالية قدرك على الراس ما هان
.........لا عــــــاش منهــــو يا حياتي يهــــينه
يا غــــالية بفـــرح لو كلــــي أحزان
...........من شــــان عين قــــال تكــرم مدينه
أنـــتي وأنا روحين في داخل أنسان
...........أنــــا يسار القلب وانتـــــي يميــــــنه

شعر / محمد البراهيم

انتظر ضمة غلاك 10-12-2011 09:42 PM

برنس لكن فقير وما معاي فلوس
لكن حياتي على ما قيل مستوره
مادام مالي بقاع الدين درب ودوس
ماهمني لو يضيق الوقت في جوره
فواز وينك وانا بك قد وطيت نفوس
مرضى بساحة شعر ونفوس مغروره
اقرب ومثلك بقربه به روس
واسمع حكاية خفوق تلته.. وره
بنت تحب القصيد وتلعب المنكوس
علما بأنها تعفس الوزن وبحوره
مرة تجيده وبعض احيان تحوسه حوس
واليا انشدتني اقول.. الله شطوره
علمتها من دروس الحب ياوي دروس
وشلون تملك هوا الخفاق وشعوره
وهي علمتني اعرف اللي ورا الكالوس
وشلون تقطف يدي طلعه مع زهوره
غنجة.. وورعة.. ومشيتها كما الطاووس
ريحة شذاها تدوربي مية دوره
مذكر في مرة جلسنا جونا معكوس
دايم رياض المشاعر فيها ممطوره
اثمل ولاني من اللي يصقعون الكوس
اليا نظرت النحر ها وضيقة ازروره
واليا احتواني دفاها واعتلى الناموس
اشعر بأني ملكت الكون وبحوره
لا يابعد شوفت النمام.. والدنفوس
اللي يحبك لجل حاجات معثوره
لاجاك فسر بذرعانه وخمك بوس
خشمك! وعينك! وراسك! بيتك! وسوره
يضحك في وجهك وفي ظهرك يحد الموس
لحم الاوادم ابد مافك حنجوره
يالله عفوك عسى مالي معاه جلوس
والنفس ماهي على شرواه مجبوره
والضرس لامن بلاه الله بنخر السوس
يشلع ولابه دواعي تشور دكتوره


الشاعر فيصل العدواني

صدق النوايا 12-01-2012 10:18 PM


لي متـى قلبي أسيـــــــرك = لي متى عيني تهـــــلّ
لي متـى أبكي هجيــــــرك = وأنت يمي لك محــــل
أرتعــش اللــه يجـيـــــرك = قلبـي اللي ما يمــــــلّ
يشتكي قسـوة ضميــــرك = كيف تخدعني وتحــــل
ما عطيت الـحب غيـــرك = وأنت تجرح ما تمــــلّ
لا تقول لي ما أبي غيرك = الكـذب مـا يكتمــــــــل
عــــاذلٍ مـوّت ضمـيــرك = مبعدٍ عنــه الخجـــــــل
ما لـه إلاّ فـي عشـيـــرك = طعن وسيوفٍ تســـــلّ
وأنت راضي به يشيــرك = كيف دربك ما يـــــــزلّ
يا حسـافـه طـار طيـــرك = مدمـيٍ جرحـه يهــــــلّ
وانطفـى نجـمٍ ينيـــــــرك = وأنا بي حـلّ الأجـــــــل
كثّـر اللـه ألــف خيـــرك = تهـدي المـوت بعجـــــل

كلمات : فهد بن مشعل


الساعة الآن 09:11 PM.