مقطوعات شعريه تعني لي الكثير
حاولت اجمع شتاتي يا رب ينال رضاكم هانت عليك اليالي يا معنيني ............................ماتت بقلبك مواعيدي وأحلامي ماكنك اللي من اول لوتلاقيني ..........................تبكي عيونك وله لو كنت قدامي يا مرحبا والمسك والطيب لك فاح=قبل المطر برق ورعود ومواري الجرح لو بقلوبنا من الم صـاح=ماله بوجه العز والصبر طـاري العين لو تبكي بها القلب يرتـاح=الموت قبل الدمع ياحـر نـاري ابكي ولكن بالحشا شي ما طـاح=كني خوي الذيب وسط البـراري ابعد بدمعي لا يقولون لـي نـاح=اقلها دمعي عـن النـاس اداري </b></i> يا سامعي في داخلي صوت ما غاب= عن مسمعي حتى وانا في صلاتي ازريت اخليها وهي بنت الاجناب= وعييت اطاوعها ولو هي حياتي ادري سواليفي اغاني = وان كتبت الشعر بكيت الورق دنيتي صبر واماني = خوف واحلام وهواجيس وأرق |
تطيب جروح قلبي واتناسا دمعتي وقـوم=أدور للامل ما بين صوت الريح واغصاني اقلب عيني بوسط السماء يارب فيه غيوم=يناديني هشيم الارض قل يارب من ثاني
|
يا صاحب الشور خل الشور وارحمني=لانـي مثالـي ولا احـب المثالـيـه بعض النصايـح قسـم بالله تقهرنـي=بـذات لصـار فـي نبرتـك فوقيـه انا مع اهل البساطـه لـو تدورنـي=اموت بالفقر واعشـق صافـي النيـه مالي مع اهل الرواقه شـي يلزمنـي=مطفوق لقفيت راعي صـوت بالجيـه كني مخـاوي ولكـن مـن يعلمنـي=خوي دربـي عساهـا بـس جنيـه تبي اعلمـك وش فينـي وترحمنـي=انا جنوبـي وعاشـق لـي شماليـه |
ألا يا فهد وش يروي الضامي الملهـوف=الا يا فهد من حبهـا قـد بـري حالـي هيامي بها لا هـو بعـادي ولا مألـوف=نسيت العقل وادمنت في حبهـا اهبالـي تعلمت من يدها وش المخملي والصوف=عرفت الرخيص وشفت وش يعني الغالي |
متى تنتهي قصة محمـد معـك يانـوف=متى اقوم من نومي ولا القاك في بالـي محبتك سجن وقلبي المجرم والموقـوف=وقاضي القضاه انتـي بقانـون عذالـي انا وين اروح وباب سجنك يسمى الخوف=اخاف الفراق وليت يطري لك اوصالـي |
له يا خوي ما كان ضني بك تخون وتزيد في ظهري الطعون هذا جزاء طيبي معك ملعون ابو طيب الظنون فتحت لك قلبي وطن سولفت لك سر وعلن كنت احسب اني اعرفك ما عاد بالدنيا امن وله يا خوي </b></i> |
لا نويت الهجر تكفى خل قلبك من حديـد=وان سرى بك شوق قله صاحبي انسى اجيلك
|
جيتي تزيديني جروح والا تزيديني ألـم=والا ظماك لدمعتي جابك وعيني جنتـك صحيت والحلم القديم ما فاد قلبي لو حلم=فتحت عيني ما لقيت الا جفـاك ومنتـك |
ياااااااااه ياهي اه شبت نار فيني =كن فمك نار وضلوعي هشيـم ترتجف من صدمة سنيني =يدينيطفل ضاع بليل يغشاه العتيـم |
ما عاد لي عيشه بلاك اموت فيك=اشتاق لك وانتي معي واتأملك انتي جمالك فاض من كفك اليك=الله عطاك الزين والله جملك اما انا فرحة عيوني في ايديك= وانتي بكيفك بي وانا كلي الك |
للحين باقي في عروقي نبض وبفمي ابتسامه=رغم الالم وجروح قلبي بس لايمكـن اخـون الصدق في صدري كلام وبين نظراتي ملامه=اتحملك واصبر على همي وردد لـك تمـون لكن اخاف انصارت جروحك لعشرتنا علامه=فيوم انسا كل شي وارد لك نفس الطعون |
ليتني روج فمها بين بيض الكفوف =فوق حمر الشفايا كل يوم تجره |
وللا زمان المعجـزات الخـوارق=وفي شرعنا ما نعترف بالاساطير لكن سألت الاندلس قبـل طـارق=كانت تفكر فـي عربنـا مساييـر ياصاحبي ما دام للصـدق بـارق=بعيون من تمسي عيونه مساهيـر وباقي بصيص من الامل بالمشارق=بكره يجي لحلامنـا الـف تبريـر ما كل طرف مكتحل طرف سـارق=ولكل رجال لـه الصـدق تجييـر الله خلقنـا نلتـقـي ونتـفـارق=وبالصدر حب ضاق منه الازارير يانوف قلبي في محبتـك غـارق=من دون ليه وكيف مافيه تفسيـر حتى لو ان الحب للجوف حـارق=يكفي لقيتك حب حشمـه وتقديـر صدقك ودمعك والوله فيك فـارق=انشهد انك يابعد شاعـرك غير |
صدق النوايا
صح السانك واعتلى شانك ولاهنت طرح رائع وابيات جميله عساك ع القوه دمت ودام نزف قلمك الراقي ننتظر المزيد لاهنت شمس القوايل |
راقي بكل ماتعنيه الكلمه من معنى راق لي كثير من احرفك .. لي بآك للتمعن اكثر بين ثنايا سطورك وبوحك تحياتي . |
تعالي نامي بعيني ونومي يا غلا يفداك=ابسهر لك عمر نومك وسط عيني يكفيني ابيك بداخل اهدابي بضمك والجفن يرعاك=وابي لاجيت لك والهان برمشك نوف غطيني خذيني من شقا دنياي ابي العالم انا واياك=تضميني تناجيني تناديني وتسقيني جروحي والالم والهم دواها كلها بشفاك=خذيني طال حرماني ونسيني عناويني |
حتى حروف اسمك بها شك وجدال=ولازال قلبي لجل حبك يعاند |
لا تعقدها وهي بالحيل سهله=حبني وحدي او اتركني لوحدي لاتفكر لاتقول اعطيك مهله=هذاهو شرع الهوى من عام جدي |
ترى تسوي خير لوتنساني = ان كان ضايقك الغرام فكبه يا واحد من كثر ما عناني = حتى اصغر عيالي نسيت احبه |
لصرت في حاجتك دايم تخليني=مابين همي عليك وهمي بدونك يا كثر محتجت لك وانتي خذلتيني=ويا كثر ما اسامحك وقول ياعونك |
مخدتك وفراشك وطراحتك= لمها في مخزنك وانسا المنام لكن طلبتك يالخوي ووداعتك = لامرتك ريم الفلا دق السلام وقلها ان وقفت او طاعتك=محمد القرني تجنن بك وهام |
حسدت طفل ما بكى مر الايام=ينام في حضن امه اليل كله وحسدت طير في سما دنيته هام=لاضاق ناظر في جناحه وفله وحسدت شيخ لضملت ليلته قام=يستغفر الله من دنس كل زله |
ما دايم الا وجه رب المقاديـر=رب بحكمه كل شـي مسيـر الا يافهد يانسل قـوم مناعيـر=ياأعز من نادا وسلـم وسيـر ياشاعر توقف من اجله طوابير=القاف مسباحه وعاده صغيـر الود اشوفه صاير فيه تغييـر=والله مدري وش بـلاه متغيـر |
لا لا تغرك طيبتي يا صاحبي ماني غبي= افهم علوم المرجله واستحقر الشخص الردي بعلمك ياصاحبي عن الثعالب والضبي= طبع الثعالب خاينه والا الضبي اسمه ضبي |
ليتني كوب كافي بين ذيك الشفايف=والله اني كرهته ليه يلمس شفاتك طار منه البخار وكنت من جد خايف =خفت من سكره يسرق حلا من حلاتك |
بشويش خد الورد بيدك جرحته =بشويش عذبها الخجل من عيونك بشويش ذاب الغصن يكفي لمسته= بشويش لا يحرق ورقها حنينك |
طفلتي طال ليلك والعيون النواعس=ليلها لو سهرته عمر ما قلت يكفي |
يا هلابك اميره شرفت قصر شعري=يا هلا والغلا لك وقلطي بالمحاني يا هلا يا غلايه يا اعتزازي وفخري =يا وشاح القوافي يا وسام المعاني |
من اجمل ليالي عمري ادخلى كن للوحشه بروحي كنايس=خلفوها النصارى من ثمانين عام ادخلى صدري امسا مسرح للعرايس=فتنت اجساد لكن لبسوها الظلام |
اقسم بربي اللي خلقك وخلقني =أن الطهاره والشرف وبالبراءه تسكن عروقك مثل عشق ملكني=واجبرني اكتب من غلاك بجراءه وان كان حساد المحبه نقدني= يا ليتهم ما علموه القراءه |
لا تقولي يا بري حالي يا طفلتي يا دفا بردي واماني وسكناي=يا عالمي يا دنيتي يا خيالي ياحلم عمري يا دموعي ومغناي=يابري حالي قولتك بري حالي ويابري حالي كل مايعزف الناي=واتذكر اني في غيابك لحالي |
طفلين في غفله من الوقـت والنـاس=تقابلو في شـارع الحـب والخـوف ضمو بعض حتى انكسر مقبض الكاس=بيدين لهفه ضيعـت متعـت الشـوف كان الظلام بغرفـة احلامهـا مـاس=كان الشمع من شدة الشوق مكسـوف كانت محاجرهم من الوجـد نعـاس=كان لشفايهم سوالـف بلـا حـروف كان الكلام ايدين واحضـان وانفـاس=وقلوب تنبض حـب والهـم مكفـوف |
ماغير ذكرك يا المهلي شغلني =لو قفلو من دون لقياك بابك لقيت فيك الحب وأمنت اني=اموت في طاريك واعشق ترابك |
اسهريني ليل واهديني عمر =واسكني بين السواد ورمش عيني العمر يا فرحة سنيني يمر=والسوال اللي طرحته جار فيني لي متى هذا الغياب المستمر=وانتي ادري بالذي بينك وبيني |
قمة الضلم لا تقرب ولا تبتعد=لا قتلني جفاك ولا سلمت الجراح دايم معلق بخيط الامل ارتعد=كل ماهب من صوب الزعل لك رياح كل ما قلت ابيك تقول لي وش بعد=خل عنك اش بعد قلبي من البعد |
مسك الختام الحب لك والشوق لك والشعر لك= وانفاس صدري كنها تقول لك مجنون بك وان كان جا يوم ومحمد من غرامه بك هلك= الله يسامحك ويبيحك والله بي لايعذبك انتي اجمل ختام |
يارب اكون قدرت اجمع شي يستاهل تقرونه انا حاولت اسوي مرجع لكل بيت كتبته في كل مكان قدرت اجمعه منه يا رب تكون خفيفه وتستاهل متابعتكم وان جد جديد ستجدونه هنا ملهمتي لك كل الشكر |
يا فهد بعض العرب عند الجدي=لا تشبـه مـن سـكـن فيـنـي بــذاك مثـل غيمـه برقهـا ســاق ارعــدي=نــوف يشـبـه ثغـرهـا لمـعـة سـنـاك نــــوف خــــد مـمـتـلـي ورد نــــدي=مــا عصيـتـه لـــو دعـانــي للهلاك لا تـنـشـدنـي فــــلا ودي ابــتـــدي=لا تـتـبـعـنـي ولا بـتــعــب مـــعـــاك لا تـشـبـه يــــا فــهــد لا يـابـعــدي=نـوف مـا تشبـه لحـد الله يـهـداك |
الساعة الآن 08:24 AM. |