مانـي عـلـى الــذل مجـبـور
السلام عليكم
احباءي عشاق الحرف اهديكم هذة القصيدة اللتي اتمنى من الله ان تنول على رضاكم ... مانـي عـلـى الــذل مجـبـور سلام ياللـي بنيـه الخيـر مذكـور يفوت ما شاور ولا طاع مـن شـار ومن داس خطه طامع فيه مخطـور ما زبنـه عـن مكاشيـت واسفـار ابن الشيوخ نهار الشيخ لي سور ريف اليتامى منبع الجـود واخيـار كل يوم دمعي فوق الأوجان منثـور ما ابكي على الدنيا دواليـب وأدوار ابكي على اللي ورا السـور بقبـور راحوا وخلولي علـى الـدار كسـار وبقيت مثل اللي على القش ناطـور والطير لو قصوا جناحيه مـا طـار عقب السهل دربي عواثير ووعـور وما شوف عندي يا فتى الجود تدبار يا ابوي ماني علـى الـذل مجبـور والله موسعهـا لنـا بـر وديــار زابن منازلكم على حـزوم وقصـور وخيام تبنى للنشامـى هـل الكـار تاريخكم يشهـد بالأقطـار منشـور والله مفضلكم على كـل مـن صـار عيال الحمايل خيركـم دوم مبـذور كل يشرع به مـن صغـار وكبـار ربع اتمناهـم اليـا جيـت مدهـور الزاد ماجز والشوامي علـى النـار وانتم كما ضلع تعلى علـى القـور اهـل الحميـة زايديـن بالأشـبـار لو تجمع كـل المخاليـق جمهـور فـي مدحكـم لازم اتحيـر وتحتـار وياما صقروا حر على الصيد مسعور صيده عفر بالقاع وان طارت اطيـار دنوا مواترهـم علـى شقـة النـور يوم انتوا عقب المقانيـص محـدار وانا على شبك الشياهيـن وطيـور أصبحت صيدي بس عواصيف وغبار وسلامتكم |
اخووي الغالي
المستشـــــــــــار صح لسانك على هالابداع كلمات قويه وعبارات جزله كل الاماني الصادقه بدوام التوفيق تحياتي لك اخوووك عذب الوصايف |
المستشار
صح الساتك قصيده رائعه تقبل تحياتي |
هلا اخووي عذب الوصايف
صح بدنك ومشكوور على الرد ياغالي تحياتي .. |
هلا اخووي عبدالله الرقاص
صح بدنك ولاهنت يالغالي على الرد تحياتي .. |
المستشار
المستشار
سلمت وصح لسانك يغيب المستشار ويحضر في ثوب اخر يجذبك بكل مافيه تحياتي وسلم فكرك0 اخوك0 نقرة حضوضى |
هلا اخووي نقرة حضووضي
صح بدنك ومشكور على الرد الجميل الله يعطيك العافيه تحياتي لــك .. |
المستشار
سلمت وصح لسانك و صحيح انا في مدحك اليوم محتار ! وتحياتي لك يالغالي |
لمستشار
صح لساااانك ولاهنت قصيدة جميلة الف شكر لك تقبل تحياااااتي |
هلا اخووي عاشق الترحال
صح بدنك ولاهنت يالغالي على الرد تحياتي لــك .. |
هلا اخووي سعد
صح بدنك والله يعطيك العافيه على الرد الجميل تحياتي .. |
الساعة الآن 11:41 PM. |