بسم الله الرحمن الرحيم
السلام عليكم ورحمة الله
سأضع هنا كل مـ يحلولي
بمملكتي المتواضعه
إذا دخول المدونه يمنع من الزوآر
سأستمر
مع صفحة ظلامي
فأهلاً بكل من يزورني
تركي الفهمي

اشد قلبي وحب خلي رخا به
مقوى على حبه ولاقوى بشده
ماقد حصل اوشفت حباً مشابه
كله تصارح بين جِدي وجِده
تركي الفهمي

ان كان مابانت مع الناس طلتك
يضيق كوني من غيابك وامله
وان كان ماسليت روحي وسلتك
لا خير باللي دايما في محله
اكره زماني لو همومي تبلتك
وامل عمري طول هالوقت كله
تركي الفهمي

لو شكى قلبي لك اسباب الوداع
تستحي وتقول لي حاظر وسم
وانت ماودك على المخفي يذاع
كم دفنت اسرار لعويونك وكم
شوفني مازلت اصارعها صراع
لين قلبي عاد ما ينبض بدم
وانتهى وقتي وضيعت الدفاع
مابقي لي غيرذكرى والندم
كان يضوي ليلتي شمعاً وماع
كان ياما كان له قلبي خدم
ياخسارة حب جا بعده وداع
ياخصارة وهم للعاشق رسم
ابتعد مادام بالمركب شراع
جسر يجمع بيننا كان انهدم
كل واحد بالبشر عنده طباع
وانا طبعي غير والخالق قسم
تركي الفهمي

الوقت ضدي ماصفا لي ولا يوم
واحلامي فوقه حتى لوكان ضدي
ارسم واناظر شي ماكان مرسوم
واضحك وانا اعاني ووصلان حدي
تركي الفهمي

المعذره يامن لهم داخلي شان
اللي لهم قيمه واخوه وتقدير
ماغبت كارهكم وﻻ‌ قدركم هان
لكن ظروفي وكلها كلها خير
والمعذره يامن لها داخلي كان
حبن ولكن زاد حبه عن الغير
تركي الفهمي

اتعب واريح ضمير اللي
ماهتم بي يوم ريحته
مدري علامه كذا خلي
جاني بعكس الذي اعطيته
تركي الفهمي

قصه وعنوانها فاقد
اغلى بشر فوق هذا الكون
واليوم في حبها حاقد
قلبي ونبضه لمن يشكون
تركي الفهمي

ليتك بجنبي كل ماصبحت وامسيت
وانسى همومي كلها في وجودك
اضحك معك وانسى زمن فيه مليت
نفسي وربعي كلهم من صدودك
تركي الفهمي

ياسمو الأميره اتى عاشقاً
يسئلك عن نواياك اذا تعشقه
شاف غيمة همومك لها بارقاً
خاف كثرة سيولك اذا تغرقه
يعترف لك يقول الهوى سارقاً
خل قلبه مكانه فلا تسرقه
وانت عندي وجودك معي حارقاً
وبغيابك اقول انت من يحرقه
كنت بالصبح عندي امل شارقاً
مابقي غير خطك ولا فارقه
تركي الفهمي