ابرحل
 

أبرحل والله العالـم وش اللـي بداخلي من شوق
وبطـوي صفـحة ٍ عـّـيا زمان الجـور يطويها


أبرحل تايه بغـربة وطـن مالي عـليه حقـوق
وطـن وحدوده عـيونك ودمع ٍ حاير ٍ فـيها


أبرحل دمعة ٍحارت من ادنى الموق لاقصى الموق
خـذلها الــوقـت يـوم انه حـرمها من هقاويها


أبرحل واجمع آلامي وابرقع ثوبي المشقوق
وابفهق عن دروب الشك رجلي قـبل تمشيها


أنا ادري ان الـزمن قاسي واعرف اني بليا ذوق
ونـفسي يـوم ودعـتك رمـت فـي النار رجليها


عمر هالحب مايفنى مدامـه في الحـشا مخلوق
ولــو دنـيـا الـعــنا جارت وورتـنا بلاويها


أبنسى آه كـيف انسى وانا اللي من زمن محروق
اكــّـذب كانني قلت اقدر انسى بعض ماضيها


ألا ياحـظـي المقـفي علامك للـشقى مـطفوق
انا طـالـبـك لاتفــتح لعـيني ســدّ واديـها


أبنسى كيف والذكرى وسط قلبي تسوقه سوق
وهــذا طيف عاتـقـها وهـذي رجفـة يديها


انا فـي ذمة الله ما عـلي مـن الشقا والعوق
انا فـي ذمـة اللي لاقــبض هالروح يحييـها


جعـل عـين ٍ بكت للـحب ابد ما تنحرم مــن مـوق
ولا تفقد ولـوطالـت ليالي الهـجـر غالـيها


وابرحل والله العالـم وش الـلي بداخلي مـن شـوق
وبطـوي صفـحـة ٍ عـيّـا زمـان الـجـور يطويها




الــبـــــــدر

تسلم على الكلمات الرائعة تدل على
حسك المرهف والرقيق والله يزيدك اكثر واكثر
بس على فكرة انت كاتبها؟

هلا وغلا
مشكور على هذه الطلة

هلا وغلا
مشكور على هذه الطلة

صح لسااااانك

يا خوووي .. البدر

قصدة رائعة

وننتظر مزيدك


خيال نـــجد

صح السانك
وتسلم يمناك
قصيدة جميلة
تحياتي
أخوك:
كـــــريـــــزي

لا هنت اخوي البدر على النقل الموفق والاختيار الرائع ....

اشكركم جميعا على مروركم


والذي بالفعل اسعدني كثير


ولكم مني اجمل الباقات وتحايا



اخـــــــوكم


الــبـــــــدر