ماعندي مقدمه لكم اترككم تعانقون خيال هذا البوح......


ودي أضمك لين ينساني الكون
_________________ واسكن خفايا عالمك عشق مجنون

وضميني لصدرك طفل مل يومه
_________________ تاهت خطاوي رحلته وين مايكون

جيتك وانا كلي غلا صافي-ن- لك
_________________ جيتك من الحرمان آهات وضنون

جيتك على كف القدر واجتمعنا
_________________ جيتك حضور بعالمــي قلب وعيون

شوقي لك اكبر من تواصيف حرفي
_________________ مثل المـــطر يمر بي شوقك مزون

جيتك دروب الشمس تتعب وقوفي
_________________ يرجي ضلالك من شكا الحب مطعون

لقيت فيك كل شي-ن- عشقته
_________________ بدلت مفهومي عن العشق و(النون*)

فيك الامل شفته مواني حياتي
_________________ مرسى لكل نبضه تعشق بــــــــهون

أهواك ياملهم شعوري وذاتي
_________________ يامـــشغل-ن- بالي وانا فيك مفتون

أنتي الوجود اللي طغا في شعوري
_________________ يعزل وجودي عن تفاصيل هالكون


وسلامكتم...العـــ المجنون ـالم

*النون.تعبير مجازي لنون النسوه وتعني هنا النساء