ياللي تزف أغلى التهاني عليه = لاتنتظر مني ولاحرف أهنيك
لاتحسبنه كبر مني وفيه= يشهد علي الله نفسي أجاريك
لاخير في شخص ن تناسى خويه =وأنت تعرفني زين ماني بناسيك
ميرأنصدم قلبي وصدمه قويه = أعمت عيوني صرت مقدر أجازيك
حسبي على اللي منه حالي رديه = من يبني أحلامك وفجأه يخليك
عقب الوصل مابين روحه وجيه = ياوين تلقاني وانا وين الاقيك
يامابنينا كل حلم وسويه = وياما سألتيني لاتضايقت وش فيك
وياما وياما قلت روحك بريه =الله يحقق ياوليفي امانيك
الوقت يمشي والليالي قضيه = والغيب عند الله عسى الله يهنيك
قبل الزمان يدور عندي وصيه = ماأنته بلاقي غيري أحد ن يوصيك
لادار وقتك فالحياه الشقيه = أذكر سواتك في حبيب ن مصافيك
ولاغرتك دنياك حسنه وسييه = وشفت بعيونك صاحبلك يعاديك
خل الهموم بوسط صدرك خفيه = ماانته بلاقي غير دمعك يعزيك
دار الزمان وصار هرجي عليه =راح الحبيب اللي حلف مايجافيك
ياقلبي المشتاق خل البنيه = عل وعسى ربي بغيره يجازيك
وياللي تزف أغلى التهاني هديه= عيدك مبارك عسى ربي يعافيك