منتديات الـــود - للرجال الذين مايستطيعون مواجهة زوجاتهم

نظرا لما يتمتع به الازواج من تبعيه عمياااااااااء للمرأه وعدم رضاها

حتى لو تشيلها على كتفك حبيت انقلكم تجارب للمتزوجين كيف تتعامل مع

زوجتك وتنغص عليها شوووووووي بدل ماهي قويه عليك

اول درس :

وانت قايم الصبح للدوام وهي طبعا في سابع نومه ماتسمع غير عزف موسيقى

من حلاوة نومها ويمكن تسمع حركة شفايفها استمتاعا بالنوم وانت ياعيني عليك

مسهرتك طول الليل واخرتها تنام كم ساعه وهي تكمل للظهر عليك اول ماتصحى

للدوام انك تحاول تضرب اي شيء بالغرفه تسكر باب الدولاب بقوه تطيح عليها كنك

ماشفتها تسحب بطانيتها شوف اي شيء بالغرفة والعب فيه اهم شيء تخليها تصحى

ولما تصحى كلمها برومانسيه وقلها عمري دامك صحيتي ظبطي فطوري 0

الدرس الثاني :

اذا كنت تتفرج على التلفزيون ( مسلسل ) وهي تبي تغير القناة قلها المسلسل هذي فيه اهم

شيء بالقصه ولو ماشفته يمكن تروح القصه كلها علي ، ولما تشاهد مباراة كل فرصه وقف

معها كنها خطيره وحتى لو بين الشوطين ( المرأه عاده ماتعرف بالرياضه )0

الدرس الثالث :

قم من نومك يوم الجمعة بهمة ونشاط وجهز الفطور لزوجتك بس لاتنسى انك تستخدم 15

صحن واكبر كمية من الملاعق والشوك و 5 قدور من اللى عندكم فى المطبخ و 10 كاسات

لاعداد طبق بيض وسندوتش جبنة وطبعا يراعى وضع بقايا الزيت على الارض وتكون بقايا

البيض على الفرن مع ترك الثلاجه مفتوحه وقشور البيض في الحوض 0

الدرس الرابع :

عند طلب زوجتك مساعدتها في تنظيف البيت لاتنسى ان تأخذ احتياطاتك بشراء مكنسه كهربائيه

خطها 110 فولت عشان لما تقولك ساعدني بالتنظيف تشبكها 220 فولت وتحترق المكنسه

مع عدم تصليحها لمدة اسبوع ( خلها تكنس باليدويه ) عشان ثاني مره تحرم تقولك ساعدني0

الدرس الخامس :

عاده حريمنا من النوع السمين وطايحات بالريجيم ( اعوذ بالله من الشيطان الرجيم ) مو عشانك

لاتصدق هدفهن كل يوم يالله طلعني للممشى عشان امشي انت يكون دروك بشراء كل مالذ طاب

من الحلويات والشكولاته والكيك وعبي الثلاجه منها ويراعي انك تاكل قدامها كل فتره ماتود

اكله هي عاده وتمزز فيه على شوي شوي 0
( هدف الرجل في ذلك التخفيف من مقاضي البيت كل شيء صاير فيه خط ازرق منزوع الدسم )

الدرس السادس :

لو كنت ساكن في مكان ومتعودين تنشر الزوجه الملابسه وطلبت منك تنشرهم لاترفض

انشرهم لاكن اي قطعه قبل النشر يجب ملامستها للأرض عشان تغسلها ثانيه 0

الدرس السابع :

لو ضيقت صدرك يوم وشفت انها قاعده تمسح الارضيه بالصابون انت خذ فرصتك ومر كل

شوي من عندها مره كلها ابي الحمام ومره عطشان ومره نسيت شيء بالسياره 0

الدرس الثامن :

لو كانت مشغولة فى نظافة البيت او مع الاولاد وطلبت منك تغسل كاسين من حقات الصبح

الموجودين فى الحوض ارجعلها بعد دقيقة من دخولك المطبخ وانت ماسك واحد منهم وهو

مكسور وأسألها في برائه قلها أرمي هذا وين ؟؟

الدرس التاسع :

وانت قاعد تشوف التلفزيون ومبسوط وهي طالعه عينها من تنظيف البيت وجت تريح عندك

من يوم تشوفها تقعد وتريح قلها برومانسيه عطشان ياليت كاس مويه ؟

الدرس العاشر :

لما تكون معزومه في زواج ماله داعي او بعيدين عنكم وانت مالك خلق توديها او بتسهر

بالاستراحه مو فاضي تقطع سهرتك بجيبتها وطبعا لها كم اسبوع فستان ومشغل وما ادري

ايش للزواج وهي عندك بقميص من حقات الهرم ارضى بالامر الواقع وخلها تاخذ راحتها

لاكن لما تلبس وتجهز وهي بتروح خذ معك كاس شاهي كبير ( من النوع الغير ملائم بالسياره )

ولايكون حار مره وركبتها بزينتها ومكياجها وطبعا المكيف شغال عشان مايسيح المكياج

( بالرجعه عادي يسيح المكياج ماعليها منك ) واذا ركبتم السياره تكلم برومانسيه ولامانع من

لمس يدها لاكن بنعومه مع تحريك الاصابع برومانسيه وابحث عن مطب صناعي وانت مسرع

وطبعا كاس الشاهي بيسيح على فستانها وبترجعون ولا راح يكون فيه زواج لاكن عليك قبل

الوصول للبيت بتطييب خاطرها بمحل كوفي نص ساعه ثم نزلها بالبيت وكمل سهرتك 0

بصراحه انا كثير ادخل القسم هذا اغلب مواضيعه جديه
وحلاة الزواج المزح والظحك مع الرومانسيه

الـبـ 32ـــا دي