منتديات الـــود - يابنت لاتفضحيني (( قصة حقيقية لخروفين واحد نعيمي وواحد نجدي ))

قبل ما أبدأ الموضوع لايجي أحد يقولوي وز طع ولا يقول فيه مبالغة أنا راح أنقل لكم الأحداث زي مهي
حبيت بس أنبهكم بالبداية =====>خلاص لا تناقش
المهم ماعلينا ياحبيبي ماعلينا من كلام الناس ماعلينا
نجي للمفيد
وأنصح تقطعون الاتصال عشان ما يصرف عليكم وتكملون القصة <<<<<< من حرب فتنام وش اللي اقطعوا الاتصال للحين على الاتصال العادي والناس اتصالهم ستلايت وإذا كانت أوضاعهم المادية مش ولابد dsl

القصة :
طبعاً القصة لصديق إنتري في المسنجر تطورت العلاقة وأصبح صديق عبر شبكة الجوال المهم هذا الإنسان كل ما افتح
المسنجر أحصله قدامي مدمن إنترنت وكل يوم له علاقة عاطفية شكل حتى أن شركة الهوتميل إذا تعطل عندهم السيرفر شالوا
همه وقالوا الحين وش يسوي إذا سوينا صيانة من شان كذا يخلونه يشتغل على السيرفر الإحتياطي هالإنسان كل ما أفتح مربع
الحوار معه بالمسنجر ألقاه حاطن صورته مكان الصورة الرمزية وصورته الستايل حقها قديم من اللي يصور في مكتب وراه
علم السعودية وأصبعه على خده وقدامه أقلام وكتاب طبعاً من حقه يتميلح ويدلع لأنه الحريّة الشخصية مانقدر نناقشها طبعاً
وفي كل مرة أتكلم معه يذكر لي مغامراته اليومية اليوم تعرفت على وحدة وضعها فري وبعد يومين يقولي كفشوها أهلها
ومرة يقول تعرفت على وحدة بنت عز وبالآخر يقول طلعت تبي بطاقة ومرة يقول لي تعرفت على وحدة رومنسية وبالآخر
طلعت مريضة نفسية ومن هالقصص اللي دايم تبوء بالفشل وأكيد أغلب الشباب اللي يعيش هالمغامرات عارفها لأنها صارت
مستهلكة الولد في يوم من الأيام قال لي بالمسنجر خلاص لقيت اللي تفهمني وأفهمها حصل ببيننا توافق وشفتها وشافتني
طبعاً عن طريق رسائل الوسائط هي شافت شكله في المسنجر بس مو واضحة وما أعيره ولد الناس شكله أقل من عادي
المهم قام يسولف فيها ويتكلم عن رومنسيتها وأسلوبها الحلو وصوتها ورقتها ونعومتها لدرجة أنه أنفتحت نافذة حوار في مخيلتي وطلت صورتها قدامي حورية صراحة الولد من يوم تعرف عليها صارت حالة المسنجر مشغول بيني وبينكم انبسط
إذا شفت مشغول بس لابد أعرج على صورته اللي حاطن أصبعه على خده مرت الأيام والحالة مشغولة لاصار يسلم ولا شيء
قلت مرة خلني أخش عليه أبي أعكر جوه الولد رد عليّ بدون نفس حسيت أنه بمشكلة من خلال ردوده الجافة قال لي راح اتصل عليك رديت على الجوال قال ياولد البنت اللي أعرفها انفضحت قلت أفا شلون قال تخبر يوم قلت لك إنها أرسلت صورتها لي قلت أيه قال أظن هكروا على موقع mms وطلعوا صورتها وفضحوها أنا صراحة تأثرت قلت وين لقيتها
قال في منتدى وحدة حاطة صورت خويتي تحت اسمها قلت عطني رابط المنتدى قال لا اسمح لي ما أقدر وش اللي ما تقدر
آلاف شافوها خايف أشوفها أنا اقنعته وبالآخر على المسنجر عطاني الرابط وهذي هي الصورة ياجماعة

ضحكت واتصلت عليه قلت يابو الشباب هذي الصورة من عرفتي للنت وهي موجودة البنت تنصب عليك هو ما استوعب
حتى اقنعته طبعاً الموضوع اهتميت فيه وصرت اتابعه قلت اتصل عليها وهزأها ليش تنصب عليك اتصل عليها أبو الشباب
وكلمها وقال أنتِ ضحكتي عليّ وهذي مو صورتك إلخ ردّت عليه وقالت لا تطول صوتك عليّ يامغفل يقول أنا انصدمت هنا
قالت شوف أنا ما أبغا أضرك لكن إذا أنت تتعامل معي بهالأسلوب ترى صورك اللي أرسلتها لي راح انشرها في النت وفي الأسواق حتى يوصل البلوتوث المدينة اللي أنت فيها
طبعاً أنا متابع الموضوع من خلال الاتصالات اللي تدور بيننا نقل لي الكلام أعلاه قلت ياولد وش خاف منه خليها تنشر صورك خير ياطير قال لي راح أنفضح هنا قلبي عورني قلت ليش قال مرة قالت لي صور شعر صدرك وارسله لي بلوتوث وخلي وجهك ظاهر عشان أتأمله وصورة صورها وهو لابس فنيلة كت وكاتب أسمها على كتوفه وصور من هالشاكلة
المهم حسيت بوضع الولد ومدى دلاخته قلت له ياخي ساسيها تفاهم معها اتصل عليها وقال يابنت الناس أنا ما ضريتك
بشيء ياليت تحذفي الصور قالت أحذفها بشرط أشحن لي بطاقة سوا أم 100 قال أبشري من عيوني شحن لها واتصل مرة ثانية
وصرات تعطيه مشغول وما تكلمه وأرسلت له مسج تقول كل أسبوع يا خروف أبغا بطاقة ولا راح أفضحك هنا الولد صار يسألني وش أنسب طريقة قلت مالك إلا واحد أسلوبه حلو يتفاهم معها عطه رقم جوالها ويقنعها بالتي هي أحسن قال تفاهم معها أنت قلت لا حبيببي خرجني من الموضوع المهم فهم ولد عمه الموضوع لأنه ذاك متعلم وأسلوبه حلو أتصل على البنت
وقال لها أنه ماله داعي هالتصرفات إلخ من أساليب الإقناع العقيمة البنت قامت تعطيه ريق حلوووو وقالت له وهو تبلاني وتلفظ علي لكن باين من أسلوبك أنك أنت اللي أبحث عنه أظن ولد عمه تشربك وذاب مع صوتها وصار يعطيها ليونة وقلب على ولد عمه الخروف الأول وقال هو صراحة همجي وأسلوبه جاف صارت بينهم سوالف آخر الليل وفجأة أتقفل الخط أتصل عليها وعطته مشغول وبعدها بفترة ارسلت لولد عمه الخروف الثاني رسالة قالت اسمع تراني ماسكة عليك تسجيل كامل لصوتك وأنت تغازلني وراح أحذف صوتي وأخلي صوتك الخروف الثاني دخل في اللعبة وطلبت منه شحن بطاقة أم خمسين
وشحن لها ونقل لي الخروف الأول اللي صاير كله وتهاوش مع ولد عمه لأنه البنت البرجسية أرسلت له رسائل وسائط
فيها مقاطع من صوته وهو يسب الخروف الأول
ولا يومك هذا ومشكلتهم ما انحلت وكل أسبوع هالخرفان تشحن ومو قادرين يتصرفون مع البنت

الغاية من طرح الموضوع :
حتى حنّا يالشباب نخاف منكم يابنات يامتوحشات يابرجسيات .

تحيتي بابتسامة