|
الزعيم ظاهره .... في فوزه وفي خسارته ..!!!
بسم الله الرحمن الرحيم السلام عليكم ورحمه الله وبركاته ,,, اسعد الله اوقاتكم بكل خير كثير جداً من اللي يقرون عنوان الموضوع .... راح يتسائلون عن سبب هذا العنوان وراح تختلف الاراء بين مؤيد ... ومعارض ولكن ... راح ابين لكم ليه الهلال يعتبر ( ظاهره ) كرة القدم السعوديه ... مع احترامي لكل الانديه الاخرى خلوني ابدأ من حيث انتهت الاحداث ... خلال فتره بسيطه راحت ... بالتحديد من نهايه مباراة الهلال والاتحاد بالدوري اللي تفوق فيها الهلال بنتيجه ( 1-0 ) الى هاللحظه اللي اكتب فيها الموضوع بعد نهايه مباراة الهلال والاتحاد في ذهاب دور الاربعه في مسابقه كأس الملك للابطال واللي انتهت بنتيجه ( 4-1 ) لصالح الاتحاد بكل بساطه بعد نهاية المباراة الاولى وتتويج الهلال بطل للدوري السعودي الممتاز عمت الفرحه على ( نصف الشعب السعودي ) ... والنص هذا بقسمه لكم على النحو التالي :- القسم الاول : وهو جماهير الهلال الجارفه اللي اتفقت الدراسات والاحصائات واراء العقلاء انها الاكثر وبلامنازع على مستوى المملكه القسم الثاني : العقلاء ممن يقدرون الفن والاصرار ويشجعون الكره الحلوه بغض النظر عن الميول ... ونسبتهم ماهي كبيره القسم الثالث : اللي يكرهون الاتحاد ... اللي كان الاقرب للقب الدوري .... لولا الله .. ثم اراده واصرار الهلالين ... وغالبيه الفئه هذي ينتمون الى جار نادي الاتحاد وحالياً .. وبعد مباراة الامس .... اللي تعتبر شوط واحد ... عمت الفرحة على ( النصف الاخر من الشعب السعودي ) ... والنص هذا ايضاً راح اقسمه مثله مثل النص الاول : القسم الاول : مشجعي ومحبي نادي الاتحاد ... والفئه هذي تستاهل الفرحه لان فريقهم ادى مباراة حلوه مع شويه ظروف ساعدته ... استحق الفوز فيها ... وبالتالي استحقت جماهيره الفرحه . القسم الثاني : اسمحولي اسميهم ( اعداء النجاح ) وعلى فكره هالفئه موجوده بكل دول العالم حتى باسبانيا وايطاليا ومصر كأمثله ... الفئه هذولي شغلهم الشاغل محاربه ( زعيم ) الدوله والمتسيد على بطولاتها ... في اسبانيا نشوفهم ضد الريال مدريد ( رغم اني برشلوناوي ) الا ان هذا الواقع ... وفي ايطاليا ضد نادي اليوفنتوس ( رغم اني إنـتـرآوي ) لكن هذا ايضا الواقع ... وفي مصر ضد نادي الاهلي المصري .... اعداء النجاح هذول ... وناستهم الشماته .... وانا بعد ما الومهم باللي يسوونه لانهم اكيد تجرعوا الفشل .. فحاربوا النجاح والناجحين القسم الثالث : طبعاً اللي يكرهون نادي الهلال ... واكثرهم من جماهير النادي الجار ... وبعد الفئه هذي ما الومهم بسبب التنافس الكبير بين الناديين ... وضراوه الهلال في هالتنافس ... اللي ابعد كثير عن ناديهم بعدد البطولات وقلص من مفاهيم التنافس فاز الهلال ففرح نص الشعب السعودي وخسر الهلال ففرح النصف الاخر من الشعب السعودي بعد كل هذا ولو نسينا ان الهلال الاكثر تتويج بالبطولات الداخليه والخارجيه وانه الاكثر جماهيريه ومن امتع الفرق اللي تلعب كره في المنطقه تتفقون معي ان الهلال ظاهره ولا لا ؟؟ الف مبروك للاتحاد فوزه المستحق ... يكفي انه فرح نص الشعب السعودي وهاردلك للزعيم هذه الخساره .. ان شاء الله تكون كبوة جواد ... وبالنسبه للنص الاخر من الشعب السعودي اقولهم ... انتهى شوط وباقي شوط ... صحيح اننا كسبنا بطولتين هالموسم بس الهلال يعشق الصعاب ... مثل ماجماهيره تعشق الذهب ان شاء الله يكون رجال الهلال قد التحدي في مباراة الاياب .... ونرد الصاع صاعين ان حصل ... فهذا الهلال المستحيل ماهو في قاموسه وان ما حصل ... اقلها راح يثبت للجميع انه مستحيل يكون لغمه سائغه مهما كانت الظروف والسلام عليكم ورحمه الله وبركاته |
حلـــــووه يافتــــى هذي نكتة الموسم عاد دامك فتحت موضوع الهلال والاتحاد شي يخصك اما تجيب طاري جمهــــور الشمـــس هذا اللي محد يرضــــاه يالغالـــــــي عندمــــا يلتهمكم الاتحاد حبه حبه فهذا لايعني ان النصر خلف هزيمتكم لاتدخلونا في معمعتكم اما بخصوص فرحة نصف الشعب السعودي فهو رأيك بأن الهلال يشجعه نصف السعوديه فهذا شي يخصك ولو انها وسيعـــه شوي يا ابو الشبــــــاب بعدين لاتقول ابعدتنــــا عن البطولات يالطيب نحن من ابعدنـــا انفسنــــا عن ماتسمونها البطولات وعندمـــا اردنا البطولــــه ارسلنــــا صغــــار النادي يأخذوا الكأس وفعلاً اخذوا بطولة كأس الامير فيصل وهي التي لم يكن يعد لها العده الفريق النصراوي لا اريد ان اطيــــل فالنصـــر اكبر ان يدخل في موضوع انزل لتغطية هزيمه او فضيحه اظن انها ستتكرر في الاسبوع القادم ولكن اتمنى من كل قلبي ان صككم الاتحاد الاسبوع الجاي لاتقولون الجار اشغلنـــــا بأموره رجاءً فكو انفسكم وانا انصح الهلال بأن يفكر في التعادل لكي يتمكن من الحفاظ على ماء الوجه الف مبروك لجمهور العميد وحظ اوفر لأشقائنـــا الهلاليـــــــه |
صدقت والله داايماً (الزعيم) حارق دمهم...
تحياتي.. |
فعلا (( الهلال )) تبقى ظاهرة لن تنتهي !! يعطيك العافية اخوي فتى ع الموضوع .. دمت بخير .. |
أخي فتى الشمال:
كلامك عين الصواب .. يعطيك العافية على الموضوع........ |
ههههههههههههههههههههههههههههههههههه ^ ^ كفو والله سهرتني لا تعليق يعطيك العافيه حبيبي قلبي سعود على الموضوع |
فتى الشمال حبيب قلبي الهلال ماقلنا شي الهلال فريق قوي بس مهوووب كل كلمة والثانيه تدخلون جمهور الشمس وتحشرونهم معكم وترااا اللي جاب الهاتريك كيتا مهوووب ريان بلال ههههههههههههههههههااي للحين يزول لكم هالاسمراني فت فت دلبووووو يسنمووو حبيب البي على التغطيه سلطان |
هلا اخوي فتى الهلال لا يقابل الاتحاد فقط بل قابل الاتحاد والحكم ولجنة الانظبااااط يسلمووووووووووووووووو |
انا اقولها بصرا حه عندما تسمع كلا م الهلا ليين عن الهلال تحسب انهم يتكلمون عن ما نشستر يو نا يتد او عن ريال مدريد ولا كني كل ما اسمع الهلا للين يتكلمون عن الهلال ارد داما
هههههههههههههههههههههههههههههههههههههههههههههههههه ههههههههههههههه |
صدقت ان الهلال ظاهره عند فوزه وخسارته
ولكن نقول لمن هو ضد الهلال (القافلة تسير والكلاب تنبح) |
| الساعة الآن 10:19 PM. |