|
حزن وصبابه
الناي لو يشره على عـازف النـاي=ما حنت رعوده ولا امطـر سحابـه والعود لو ما يعزف اوتـار مغنـاي=ان كان همـي مـا تقافـت ركابـه ولو ان ضيقي باين" مثـل سلـواي=يمديه غنـت بـه لحـون الربابـه واهمي اللي من صباحـي لممّسـاي=يقنب على صـدري قنيـب الذيابـه يا وقت حفيت رجلي وطال ممشـاي=وضاعت على راس النجيب النجابـه ما غير اطالع عن يميني ويسـراي=كني غريـر" مـا عطـوه التهابـه يا مبعد دروبي ويا طـول مسـراي=غني على صدر الشقى يـا الرحابـه كم كلمة" تاقف على طـارف شّفـاي=وقفـت كريـم" قفـل الفقـر بابـه ان قلتهـا بينـت لنـاس شكـواي=ومن له ورايه حاجـة" غـز نابـه وان شلتها يا كبـر همـي وبلـواي=مير الرجاء باللـي عزيـز" جنابـه وكم رايح" ما عاد ينشد عن الجـاي=النـاس كـل" راح رزقـه هبـابـه والوقت لو ينسى فلانـي ب.نسـاي=كل" حفظنـا لـه خطـاه وصوابـه تسابق دروبي علـى قرعـة حـذاي=وآحثهـا بيـن الامــل والكـآبـه ولا وصلت الا وانا واصـل اقصـاي=وعقب التعب قـاع" تطـارد سرابـه اثر البلا لا صاروا اصحابي اعـداي=طاحت من الخوه شمـوخ وّمهابـه من وقعها اعضاي ما تامن اعضـاي=ثقه وضاعت ليل في وسـط غابـه احساس يستوحش من ارجاي لّرجاي=يعجز عنـه فـن الكلّـم والخطابـه ولا زادت همومي تثاقلنـي خطـاي=وان طاح هم يطيح حـزن وصبابـه ولو ان عيني ما تدرات عـن بكـاي=ان كان دمعي مـا نتهـاه ابتدابـه وعزاي يا حزني ويا حـزن عـزّاي=لو انها وحـده وهـي مـا تشابـه |
ســـــبر الموووت ..!! صح لســانك .. أقولها من قلبّ قصيدهـ محبكــه .. ومُتقنــه .. من شـــــآْعــر مُتمكّن .. الله عليك .. وعلى تصويرك لبعض المفردات ..!! صـــــرآْحــه .. كُلّ بيت فيهـــــآْ يعادل عن القصيدهـ بأكملِها .. راقَت لي .. وراقَ لي مضمــونــهآْ .. \ \ أرقى تحيّاتـــــي وأزكـاهآْ.. |
انتظر ضمة غلاااااك يسلموووووووووو على مرووووووووووووورك
صرااااحه دائماٌاٌ تثلجي صدررررري |
الله عليك انا اعتقد انها اجمل قصيده قريتها واكمل قصيده مرت على في هذا المنتدي مشتاقين لجديدك اقولها من قلب واول مره اقولها لشاعر في هذا المنتدى
|
اخي سبر الموت حقيقة كلمة رائع اعتبرها قليل في حق رجل مثلك ان تقال له لتكفي ماوجدناه بحق انت اكثر من رائع واخرجت لنا قصيدة رائعة ولو كنت انا مؤلف كتاب ( الازهار النادية من اشعار البادية ) فلن اتردد للحظة ان اتوج الكتاب بهذه القصيدة تقبل تحياتي وتقديري |
اقتباس:
سبر الموووت صح لساااانك ملااااييييننن مهما كتبت لا أجد ما يوفيك حقك .. تقبل تواااضع مروري دمت بووود |
| الساعة الآن 09:14 PM. |