معليـش باقـي ماعرفتـك والفكـر محتـار=متى شفتك لقيتك وين مـدري بـس ذكرنـي
أنا في يوم حبيتك؟وكنت اكتب بـك الأشعـار=صراحه قصتك هذي بدت مـن جـد تشغلنـي
دقيقه بس عرفتك لاتكمل شفـت لـك تذكـار=هنا في دفتر الذكرى فصفحـه هدهـا حزنـي
جعل ماجابك الحظ الردي يالصاحـب الغـدار=ترى من يوم فارقتك وانا مـن جـد متهنـي
عسى ماشر وش جابك هنا يكفي هدمت الدار=زمانك راح يالخايـن تركتـك ليـه تلحقنـي
تكلملي بسرعه وش تبـي لا تلفـت الأنظـار=عسى ماهزك الشوق القديم وجيـت تطعنـي
اكيد انك هنا واقـف وجاتـك عنـي الأخبـار=عوايدهم عواذل وصلـوا لـك كذبهـم عنـي
ترى ماهمني ذاك الحكي من جاهل(ن)ثرثـار=يبي يرقى على متني ولكن وين هـو متنـي
غبي يجهل موازين الزمن ضايع بوسط غبـار=يحاول بالخفا ذاك الغبي في يـوم يوصلنـي
مع اني قلتله واللي معـه واعطيتهـم انـذار=ترى شي(ن)معي صعب(ن)عليك بتاخذه منـي
انا محد(ن)قدر ياخذ حقوقي يوم كنـا صغـار=اجل يومي كبرت اليوم ( اسكت لا تضحكني )
وحتى لو رضيتـي ياغبيـه بشلـة السمـار=انا كيفي تركتك للجفـا مـن قبـل تتركنـي
تركتك يا بقايا فضلتي لكلاب خلـف اسـوار=وهذي غافلة عزي مشـت ماشـي عرقلنـي
انا والله لو ابغى مماتك كـان اخـذت الثـار=ولكنـي تركتـك لجـل ربــي مايعذبـنـي
تركتك قد عرفت من الحيـاة ان الزمـن دوار=عرفت انك تجيـن تسابقيـن بدمـع يطلبنـي
ذكرتي يوم جيتك واسألك في غيبتي وش صار=وقلتيلي وعينـك نازلـه وش فيـك تسألنـي
انا من وقتها مصدوم تشعل في خفوقي نـار=خسارة كل ذاك الحب اثـرك كنـت توهمنـي
عرفت انك تخونيني وانا حافظ لـك الأسـرار=حسافه ضاع ذاك الحب حسافه ليـه تقتلنـي
انا من جد يوم اني عرفتك ماعرفـت اختـار=غلطت وغلطتي خلت زمانـي فيـك يخذلنـي
تخيلتك دفا عمـري تخيلتـك ظـلال اشجـار=تظللني من شموس الهموم اخـاف تحرقنـي
زرعتك في بساتين الغلا من اجمـل الأزهـار=ولكن مادريت ان الزهر فـي يـوم يجرحنـي
وضاع اللي تمنيته وضاع بخطوتي المشـوار=وقبل ادخل اسلـم عالأمـل جانـي يودعنـي
علامك ساكته والدمع من عينك غدى مـدرار=نصيحه وفـري دمعـك دموعـك ماتغيرنـي
ترى مات الغلا ماتنفعـك يـا خاينـه اعـذار=ويالله انتهـى وقتـك تـوكـل لا تاخـرنـي
ترى غيرك سكن قلبي وشبيت لغـلاه انـوار=وعلى فكره ترى احبه وحبـه حيـل مالكنـي
نسيتك لين جيتي اليوم فتحتي دفتـر التذكـار=وعد مني ابحـرق كـل دفتـر بـك يذكرنـي