|
قصائد عن مدينة حائل
بسم الله الرحمن الرحيم السلام عليكم ورحمة الله وبركاته اليوم جايبه قصائد عن مدينة حائل حايل : صهيل وخيل . . وحكاية أمجـاد حايل : يا مال السيل . . يا جبال حايل من يفهـم التاريـخ . . مـن للأصـل عـاد هـم نسـل حاتـم . . طيبـيـن الفعـايـل واللي سكن حايل على الدرب ما حاد كـــلٍ عــطــاه الله صــفــات وخـصـايــل أحـبـهـا ؟! وإلا هـــو الـعـشـق يــــزداد لـلـدار والـديــرة . . ورســـوم وعـوايــل يا بعد حيّي . . عزوتـي . . دار الأجـداد مـيّـل عـقـالـك . . يـابـعـد كـــل مـايــل في مهرجان الصيف . . للضيـف ميعـاد بـرامـجٍ فــي جـــو مـمـتـع . . وهـايــل بأمن وأمان . . ومن بغـى الشـر ينقـاد للشـرع . . حيـث الشـر مامنـه طـايـل مـــن روّع الآمـــن ؟ مـــن يـتــم أولاد؟ مــن لـطـخ الأمــه بـشـتـى الـوسـايـل من شوّه الإسلام ؟ من طـاوع أوغـاد؟ مــن صـنّـف الأشـيـاء جمـيـعـاً رذايـــل لا مـن أمرنـا شيخـنـا : سـيـوف وزنــاد ضــد الـــذي ضـاقــت عـلـيـه الـبـدايـل حـنـا : جـنـود الله عـلـى الأرض أوتـــاد نـثـبـت . . وعـــدو الله لا شـــك زايـــل الأرض عِــرض . . مـاهـي بـــلاد بـبــلاد عشـنـا بـهـا . . يــوم الفـقـر والرحـايـل وقـت الرخـا . . جـونـا طوابـيـر حـسـاد بـعـيـونـهـم نـنــثــر رمـــــاد الـمــلايــل ---------------------------------------- قلت حايل وحن القلب لعيون حايل ................... وازرعت في شمال ضلوع صدري خلوج من طرت لي نسيت ان الزمان متمايل ................... قمت ادوج بغلا منهي بروحي تدوج ديرة الهيل وارض مرودمات المخايل ................... ديرة العود الازرق والصباح البلوج منقع الجود مشراف السعد والنفايل ................... عندل المجد وحجاج السحاب الهدوج ياسنام الذي زم الحمول الثقايل ................... ياوساع الذي ضاق بوساع الفجوج جيت لك في ليالِ فيهن الوقت عايل ................... جيت لك في زمان فيه الايام عوج جيت لك يابعد حي الذي جاك شايل .................. طفلٍ احتاج حضن امه وجاها دروج ايه احبك كثر ما بالنشامى صمايل .................. وكثر ما سيف عنتر لأجل عبلا هروج وكثر ما أشبع سخا حاتم بطون الجمايل .................. وكثر ما عطف ( ---- ) كف دمع يروج بين شح القصيد وبين جود الخصايل .................. جيت لك والمعاني وسط قلبي تلوج هم هلي عزوتي وان عودت للفعايل .................. يقصر الشعر عنهم ملحقتهم هروج مــنـــقــــــول |
ورد الندى
سلمت يداك على هذا النقل الرائع الذي ينم عن ذائقة راقية يستاهلون اهل حايل نسل الكرام تحياتي |
يعطيك العاافيــه ورد النــدى ... على رووعــة النقل والله ونعم بحايل وأهلها . تقبلي تواااضع مروري .. وخالص تحيّتي . دمتِ بووود |
ورد الندى الف الف شكر لك على هالنقل يسلمووا ولله على القصائد وتستاهل ولله حائل زينه الشمال كله ودام انا من حايل احب اشكرك شكر خاص على هالقصائد الحلوه تقبلي تحياتي |
يـســلم لي هذا الحضووور الغالي على قلبي لا خلا ولا عـــــدم |
يعني عشان انا بالرياض جبتي قصايد عن ديرتي حايل؟؟ هههههههههههههه على العموم يعطيك العافيه صح لسان قايلها وتسلم انامل ناقلها تحياتي واحترامي |
ونعم
بحـــــــــــــــــــايل بس نبي قصائد بلخبر يا ورد مشكوووووره وعساك ع القوه |
| الساعة الآن 10:41 PM. |