منتديات الـــود - يَ قلب انا بلشت بك وين أوديك !

سَ ألتزم اليسار بدايةً
لَ ابقى بَ القرب من قلوبكم

يَ قلب انا بلشت بك وين أوديك !
شيّبت بي يَ قلب من صغر سني

أسعى وراك .. و خيّب الله مساعيك
من طيبتك ما شفت غير الهبني

يَ كثر ما تجني .. عليه هقاويك
من حسن ظنك .. بالبشر ساء ظني

اعطيك غيري .. لَ أجل مايحتفظ فيك
و ترجع تقول : اللي خذاني طعني ..!!

طيب شسوي بك .. ؟.. و هذي امانيك
اللي جرالك منك .. ما هوب مني

تسد باب .. و تنتفح لك .. شبابيك
و كل ماتهزك عاصفه .. تمتحني

بلشت بك .. بلشـة هل الديك ، بَ الديك
اللي بغى يذّن .. و صبّح يغني ..!!

تسري ورى النية ( و اتولِي ) مساريك
حتى قتل صبحك ( ظــلام التبني )

الى هنا وآقول ..( بسّك ) .. و يكفيك
رد الكلام .. و وصل العلم عني

ماني تبع هذي ، و لاني تبع ذيك
لاجا الصحيح ... اثنينهن يتبعني

.
.

خلف مشعان