|
من القائــــــــــــــــــــــل
بسم الله الرحمن الرحيم اخواني بناء على اقتراح من الشاعر هوال في قسم الاقتراحات اعجبتني الفكره الفكره اذا عندك بيت شعر تحب تعرف من قائله او تكملة قصيدة لم تعرف قائلها تكتبها هنا وباذن الله بتعاون الجميع نجد الرد. اقتباس من سؤال الاخ هوال ........... مثال انا مازلت ابحث عن تكملة القصيده هاذي او صاحبها. رح للقمر وافرش على سطحه افراش ......................وخل الحثاله لو بها خير ترقى ----------------- نرجو التعاون من يعرف قائلها اوتكملتها مع تحياتي نرجو مشاركة الجميع تحياتي لصاحب الفكرة وللجميع . |
يعطيك الف عافيه على طرح الموضوع
واشكر اخوي هوال على الفكره لكن البيت هذا والله مادري من قائله لكن ان شاء الله ببحث عنه |
اشكر الاخت الهنوف على التثبيت
وانشاء الله المنفعة عامه والله يعطيك العافيه واشكر اخي الحدبي على اهتمامه في الموضوع. اخوكم هوال |
الله الفكره جديده
وجميله حيث تعم الفايده للجميع وأنا والله عندي أبيات وابي اعرف قائلها شيخة الحسن ماهي في حلاها .. جميله ...................... لكن الله على عرش الطخامه نصبهــا كنت أحسب الحلا سود العيون الكحيلــه ...................... لين شفت العيون اللي كحلني لهبهـــا عكشـن أهـــدابها متـــكاضمات ضليلــه .................... صفة رماح قومـن ثايره من غضبهــا من هدبها يطيح الحمل واللي يشيلـــه ................ وتسرق الخوف من عين الجفول بهــدبها عودها لا تثنى وأعتدل.. عقب ميلـــه ................ خيــــزران تطوا فـــي يدى مـــن قضبهـــا وتحياتي للجميع الأجودي |
عبقرية الود,,,,,,,alhanoof,,,,, موضوع في غاية الروعه سلم من اقترح وبارك الله فيمن كتب غاليتي انا عندي بيت اعرف المناسبه الي قيل فيها ولكن الشاعر لم اعرف اسمه الا انه من قبيلة ال مره ياليت الي يعرف اسمه يكتبه هنا الـزين والله خابره يابن جلاب ,,,,,,ما أقفى مع الدرثوم تومي ركابه تحياتي لشعراء الود عامه واحلي شاعره خاصه alhanoof اختك ,,,,,, عابرة سبيل |
هلا فيك اخوي هوووووواااال
دورة والله ياخوي على الكاتب لين عجزة والله ولا حصلت واسف يا خوي على التقصير |
يعطيك العافيه اختي الغاليه الهنوف على طرحك لهذا الموضوع ولااستجابتك لاقتراح شاعرنا المتميز هوال ومشكور اخي هوال على هذا الاقتراح الذي يزرع روح التعاون بين الاعضاء والمشرفين والله لايحرمنا من اقترحاتكم آخرة العنقود |
الى اخي العزيز علينا كلنا الاجودي
اعتقد ان اسم الشاعر الذي تريده هو ( الشاعر فيصل بن طواله) وهو شاعر غني عن التعريف في محيطنا الخليجي والقصيده موجوده في مجلة ( المختلف) بس ماادري في اي عـدد واحب اشكر الااختين العزيزتين( عابرة سبيل) و (اخرة العنقود) وبارك الله في الجميع اخوكم هوال |
الى الاخت الغاليه ( عابرة سبيل)
البيت الي تسئلين عنه هو في الحقيقه للامير الشاعر/ محمد بن احمد السديري. وابن جلاب هو احد شعراء قبيلة ال مره. والسالفه ان ابن جلاب كان يمدح بنت في غاية الجمال ويصفها للشاعر / محمد السديري ويقول انه رئاها في النفود فرد السديري في البيت الي قلتيه. الزين والله خابره يابن جلاب...... مقفى مع الدرثوم تومي ركابه اخوك هوال |
هوال..
الله يعطيك العافيه ياشاعر وراوي منتدى الود نعم لعل هاذا اللقب يليق في مقامكم السامي لقد أشفيت فضولي في معرفة من قائل القصيده بيض الله وجهك من حيث مالقيت وجهك وجعلك الله نبراسن لمنتدى الود العظيم أخوك الأجودي |
| الساعة الآن 09:05 AM. |