رد على شكوى الحرالنداوي
 

[poet font="Simplified Arabic,5,burlywood,bold,normal" bkcolor="transparent" bkimage="backgrounds/21.gif" border="outset,10,burlywood" type=2 line=200% align=center use=ex length=0 char="" num="0,black" filter=""]
قاف شكى حاله يبي يعرف الرد=والحر يبشر لا عرف قول ردي
أبشر بعزك يا فتى الجود والجد=امعرب(ن) ساسك على قول جدي
تشكي فتاة(ن) ساسها الجور واللد=ومن لد عنك يالنداوي تلدي
من عادتك حر على الصيد تنهد=وأنته على جول الحباري تهدي
مد النظر لين الحباري تصدد=ثم أقنص العليا وخل التردي
دور هنوف زينها يبري الكبد=وأخذ النصيحه لا تولع بكبدي
وأن كان ودك يالنداوي تنشد=أنشد ثم أنشد ولا نشدتك تردي
[/poet]

صح الله لسانك اخوي الحر الاشقر

ابداع في القصيده ولاتحتاج شهاده بل كل ما اسطره لك هو اعجاب بك اخوي الغالي
ورد يفتخر فيه الحر النداوي على انها من شاعر كبير وهو الحر الاشقر

اسجل اعجابي بك طال عمرك اخوك/ الحدبي

الحر الاشقر
 

صح لسااااااااانك 00

جزل ومعاني جميله 00

كفو ما هي غريبه عليك يا مهنا 00

الله لا يهينك 000 سجل اعجابي 000

وتقبل تحياتي 0000 بندر

الحر الاشقر

كلمات جزله من شاعر جزل

لله درك

صح لسانك ماااين

كفو والله كفو

انت والحر الندواي

تقبل تحياتي

اخوي الحر الاشقر

ليس لابداعك حدود

اجدت في ردك على الشاعر الحر النداوي في قصيدته

الرائعه ..

مشكور اخوي على الرائعه

مرحبا مليون فيك يا آخرة العنقود
وصح بدنك والشكر كل الشكر على مرورك المشرف والاعجاب متبادل بيننا جميعا
تسلمين على هذا الاطراء الجميل منك لك التقدير والاحترام
أخوك الحرالاشقر(مهناالعتيبي)

مرحبا فيك أكثر ياواحد يتمشى وصح بدنك وتسلم يمينك على هذا المرور المشرف
لك التقدير والاحترام
أخوك الحرالاشقر (مهناالعتيبي)