منتديات الـــود - مقتطفات عيني Mugta6afat 3eny

هذه هي عبارة عن أبيات كتبتها بنفسي ولكنها لم تكتمل لأكثر من ذلك , ومعها قصصها باختصار
نقرأها معا

كان قد حصل بيني وبين شخص غالي عليّ موقف وكنت دايم أنا اللي أتصل فيه واهو ماعمره اتصل المهم قلت ماني متصل فيه إن هو اتصل وإلا بسلامته لكن كنت ارسله مسجات بين فتره وثانيه - خفافي يعني - وكان مايرد مو مايبيني لا كان يتغلى أو شي من كذا ..... وخبركم الدعوى طالت وأنا مليت فكتبت له هالأربع أبيات وارسلتهم له بالجوال

لاتنتظر من حبيبي مراسيـــــــــل **** لاصار مالي بخافقك أي حاجـــة
كنت اتصل والجرح فيه الغرابيل **** والحين زاد الجرح يصعب علاجه
مشكور دام الليل غيّم بهاذيـــــــل **** ياقلب خل الحب لك رب ناجـــــــه
مات الصبر فيني وقلت المواويل **** وباكر يومت الحب ويطفي سراجه

ترى البيتين عندي بالجوال اللي يبيني أرسلها له ماعندي مانع>>>> تراني أمزح
========================================

وهذي بيتين كتبتهم الصبح وأنا بالسياره ورايح للجامعه >>>> فاضي صح
والله مو عادتي أكتب بالصبح بس ذاك اليوم كنت صاحي بدري وفي بداية الدراسة ومروق وأمشي على هوني والجو ياسلاااام كان أوروبي - الكلام هذا قبل سنه تقريباً - حتى الورقة اللي كتبتها عليها كنت كاتب فيها تعديل الجدول لبعض المواد ( اللي في جامعة الملك سعود يعرفونها ).

وكنت البارح بالليل قررت أنهي هالحب اللي أشقاني ومثل ماتعرفون الشعراء يقولون مالا يفعلون وأنا هذي أول مره أقول شي ما أقدر أسويه وانشالله آخر مره >>>> التوبه........

لو ينقطع قلبي تسعين قطعـــــه **** ما أرجع لحبٍ عشت فيه المذلة
طيرِ وطار من القفص يم ربعه **** لو هو يشوقه حلو ذوقه ومحلّــه

========================================

وهذا مجرد بيت واحد كتبته بعد ما أرسل لي شخص رسالة بالجوال عبارة عن بيت قصيد يقول :

دنيا غريبه والبشر مثلها أغراب **** لو هي صفت لك ماصفوا لك بشرها

ووقتها كانت الدنيا صاكه بوجهي وإذا عنده من الهموم صاع فعندي صاعين فحبيت أوصف حالي له فكتبت رساله وأرسلتها له كتبت فيها

وإن ماصفت دنياك وجافوك الأقراب **** وش حيلتك مثلي تشرب كدرها

في النهاية أتمنى أن تعجبكم هذي المقتطفات وقصصها
تقبلوا مني خالص التحايـ11111111111111
(|)(|)(|)(|)عيني عليكم(|)(|)(|)(|)
(|)(|)(|)(|)(|)(|)(|)(|)(|)(|)(|)
(|)(|)(|)(|)(|)(|)(|)(|)(|)(|)
(|)(|)(|)(|)(|)(|)(|)(|)(|)
(|)(|)(|)(|)(|)(|)(|)(|)
(|)(|)(|)(|)(|)(|)(|)
(|)(|)(|)(|)(|)(|)
(|)(|)(|)(|)(|)
(|)(|)(|)(|)
(|)(|)(|)
(|)(|)
(|)