منتديات الـــود - قصيده بعنوان / ناكل بلحم المحبه ((منقول))

* * قصيدة بعنوان/ من أين تؤكل كتف الحب؟؟؟؟ * *

ممكن انسى...بس لي شرط صغير وتعرفينه
بدلي قلبي بقلب ماعرف
معنى الغرام
بدلي تفاحتينك........زعفران وياسمينه
اشهقك مثل الفضيله..وازفرك مثل الغرام
وافتحي شاطي عيونك..ذوبي ملح الغبينه
عين تفرش لك ورود..وعين تسهد ماتنام
صار طفل العشق بعروقي..يبر بوالدينه
قلديه بسوسنة صدرك....وضميه بسلام
حسسي ليل الموادع..بالحنين وبالسكينه
صار لك بين الحنايا عشب وخيول وخيام
قولي انك مخطيه فالبعد وان اللي تبينه
فارس يركب حصان ابيض وياتي فالمنام
فارس يعرف معك وشلون يكمل نصف دينه
يعشقك مثل اغبياء الارض ويطيعك تمام
يختلف عني..وانا اللي حط قلبه بين ايدينه
اخذك يعني غصيبه...اخذك يعني انتقام
جيت متمرد...وارفضها قوانين المدينه
من عصوري الجاهليه..لين خذلان الختام
يعني لازم..لازم ابقى((تابع))يعني جبينه
ان جلس واحد جلسنا..وان وقف قالو: قيام
كيف اقول((اللا))والا كيف ازيد الطين طينه
معظم الفوضاء بهذا العصر..هي أفضل نظام
وجايه تقولي:نسيتك..صدق لي قالو:لعينه
تعرفين شلون تؤكل كتف حبي والهيام
قدمي قربان حبك....دامك اللي تامرينه
شوفي شلون اتعرى..من تقاليد الظلام
قولي: ان الحب هذا ظلم واقطع لك يمينه
لو يصير السيد اللي مات بيدين الغلام
ورغم هذا..ودك انسى..يقطع الحب وسنينه
لعنبو غيلرك...وتوي معك....ماخلصت عااااااااام
ايه انا وانتي..طبخنا الحب..حنا طابخينه
ناكل فلحم المحبه.........وصرنا نرميها عظاااام