|
من سوالف جدي (1) (زواج الحلوه ساره)
السلام عليكم..............
طبعاهذا اول موضوع لي وانشاالله يعجبكم0000 جدي الله يطول عمره دايم يتحفنا باالقصص الرهيبه والواقعيه (كثر منها واقعيه) طبعا ومن هذي القصص قصة ســـــــــــــــــــــــــــــــــاره وساره هذي بنت ابن سلوم الله يرحمها وموتا المسلمين أجمعين(لأن السالفه قديمه) كانت شينه مــــــــــــــــررررررررررره يعني جيكرة وعشان كذا البنيه عنست ومافي أحد خطبها ابوها ضاق صدره عليها ورحمها وفي يوم من الأيام زاره واحد من اخوياه بدوي أسمه ابن حصيص وقام ابوها يشتكي له عنوسة البنت فقال ابن حصيص:وش لي اذا زوجتها؟ قال أبوها:لك هذي النخلتين طول عمرك بس زوج ها البنيه فراح من عنده خويه وكتب قصيدة في ساره وقالها في مجلس رجال وتقول القصيدة.................................... هيض ابن حصيص في تالي نهاره الف قاف من ضميره مدلجاتي ارتحل يا حمود نابية الفقــــــــــاره آرتسي وحبال كوره كالفــاتي آرتسي ومربع عشب الزبــــــــاره ما هواه الكد من عشر سنواتي حالف ما اسلى ولاا انسى حب ساره كود اهل شقرا يخلون الصلاة ريق ساره مثل سكر في غضاره او حليب بكار عرب مسمناتي والثنايا قحويان في دعب قاره غالب نوره على نور النباتي وكن في عينه من الفرقا شراره او مخاليب الوحوش الطايراتي عند ابن سلوم صابرها صباره في غريسه تدرج مثل المهاتي عاد لما سموعها الرجال قالو وش هالساره فا راح واحد الف بنت تتمناه وخطبها وابوها ما صدق خبر وافق على طول (والبنت طبعا ما لها راي) وجت ليلة العرس وطبعا كان في القديم العريس يدخل على العروس في ظلام يعني ما شافها عدى اليل ولما جاء الصبح تفاجأ الرجال وش ذا الوحش عاد البنت حملت منه يعني خلاص ما في فكه فا رضا بالامر الواقع ... وطبعا ابن حصيص اخذ النخلتين ياكل منها طول عمره . نصيحه ماعليك من كلام الناس الرسول حلل النضر للمخطوبه يعني لا تبخل على نفسك ناضرها... واستانسوا يا اهل شقرا مدحناكم |
احم احم :D وش قال جدك يا بعد قلبي انت وجدك .... ( كود اهل شقراء يخلون الصلاة ) :D <--- قام يرمش بعيونه حياءاً واستحياءاً كخخخخخخخخخخخخخخ
الله يسلمك يا علول .... واشكرك نيابة عن اهل شقراء كلهم .... وياليت عندي جد زي جدك يقص علي هالقصص الحلوة .... الله يخليك له ويطول في عمره ... والله انها تحف قصص هالشياب بس من يطول يسمعها !!! :D مشكور اخوي علول على هالقصة الرائعة !!! |
هلا فجل
مشكور على الرد وكلك ملح
وابشر بقصص الشياب وترقب من سوالف جدي 2 |
| الساعة الآن 08:35 PM. |