لبس العفاف
 

اخواني الكرام يسعدني ان اشارككم بهذه القصيده
امل ان تحوز على رضاكم


[poet font="Simplified Arabic,4,darkblue,normal,normal" bkcolor="transparent" bkimage="backgrounds/15.gif" border="double,5,blue" type=0 line=200% align=center use=ex length=0 char="" num="0,black" filter=" shadow(color=skyblue,direction=135)"]
الغريب اللي عرض بالخطوه المقصوره=كنه مقيد وياطا فوق جمر الصالي
ذكرتني مشيته بالمهره المذعوره=عنها الخيال وارهبها الصياح العالي
قلت ياعيني على غظ النظر ماجوره=اتركيه يروح في حاله وانا في حالي
مير عيت لاتطاوع عيني المسحوره=عقب ماضلا نظرها مايزل ظلالي
هج له مني وصال وجال بين زهوره=ثم ذكرت اللي بعيد وللفؤاد موالي
شفت في هذا الغريب لشف بالي صوره=ليتني ماشفت ياليته يكون اشوالي
وادري انه غير لومعه اشتبه ديكوره=ذاك ماظنيت يوجد له شبيه يحالي
ذاك لامنه تذكرني ذكرت عطوره=وان ضرب رقمي يطير من الفرح جوالي
وان تكلم شت همي مثل شوت الكوره=وان تقابلنا نسينا الاولي والتالي
اعشقه لو ماحصلي منه كبر ظفوره=محتشم وهناك منزاله وذا منزالي
شح به لبس العفاف ومت في محضوره=ادري انه مايدس الا الثمين الغالي
ياعيوني كل ما اذكر غايتي وعصوره=قمت اطق الكف بالثاني واكلم حالي
وان طرأ في جلسةٍ بدلالهامعموره=ارتعش قلبي وكفي وانتثر فنجالي
وان تذكرته وانا بالديره الممطوره=بين ريضان الخزاما والغدير قبالي
قلت هلي ياسحابة عيني المقهوره=الدموع ونزفها حظي وحظ امثالي
وان طرأ وانا اكتب الموضوع بالسبوره=اترك الموضوع واسجل يلاله لالي
واتحرر واترك التعبير للطبشوره=في محل الدرس تكتب كل مافي بالي
وانتبه لاصاح طلابي وسووا ثوره=ياستاذ كتابنا مما كتبته خالي!
من هو اللي من سما دنياك طفا نوره؟=قلت بدرٍ غاب من دنياي واعزالي
صار ملك الغير في حكمه ويتبع شوره=وصرت ملك الهم والتفكير واغربالي
فعلا الدنيا حظوظ ولليالي دوره=وان تردى الحظ ماتنفع طوال حبالي
له ثلاث سنين حظي ركبته مكسوره=من يجبر رجله العرجا وياخذ مالي ؟

وسلامتكم

[/poet]

الشاعر الجزل ضاوي العصيمي
 

وصف في قمة الروعه,,, لاهنت وصح لسانك

الجزل لا يستغرب منه الجزل


صح لسانك لاهنت بيض الله وجهك

[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
الاخ الشاعر الرائع ضاوي العصيمي



صح لساااااااانك وصح قلبك




قصيدة في قمة الجمال والروعة


فعـلا الدنيـا حظـوظ ولليـالـي دوره وان تردى الحظ ماتنفع طـوال حبالـي

له ثلاث سنين حظي ركبتـه مكسـوره من يجبر رجله العرجا وياخـذ مالـي



رائعة




جميلة




معبرة






الله درك






تحيااااااااااتي وتقديري لك






اخوك سعد






[/poet]

ضاوي العصيمي

اطلت الغياب

قصيده تحدثنا عن المطر .. والسحاب .. والخزام

أخذتنا إلى تفاصيلها الرحبه والمضيئه

كضياء شاعرها ضاوي العصيمي

فعـلا الدنيـا حظـوظ ولليـالـي iiدوره
وان تردى الحظ ماتنفع طـوال iiحبالـي
له ثلاث سنين حظي ركبتـه iiمكسـوره
من يجبر رجله العرجا وياخـذ مالـي ii؟

ونحن يا ضاوي العصيمي من يجبر كواسيرنا في غيابك

لله درك شاعر.. رائع

سانتنفس هذا العبير إلى عودتك

فلا يطول غيابك

صح لسانك .. ودام نقائك وبهائك

لك اطيب تحياتي

اخوي الشاعر الفاضل (ضاوي العصيمي)

قصيده في قمة الروعه صح لسانك اخوي وسلم بنانك

تحياتي وتقديري لمن يستحق التحيه والتقدير

أختك بســـــــــــ أمل ــــــمة

العزيز سامي الود


حضورك اسعدني

وصح بدنك ويامرحبا مليون

هلا بالعزيز سعد

حضورك يعني لي الكثير

لاعدمتك يالقرم

العزيزه راعية العليا

هلا وغلا

والف شكر على هذا المرور العطر

وهذا الاطراء الراقي والذي يدل على جمال قلبك وطيب معدنك

اهلا بك

وانا معكم باذن الله كلما استطعت

العزيزه بسمة امل

هلابك وبمرورك الجميل

والف شكر على الاطراء

ولك كل التقدير والشكر وياهلا