|
((( رثاء في الشيخ زايد الله يرحمه )))
بسم الله الرحمن الرحيم السلام عليكم
اعنف خبر تداولته المحطات =موت الزعيم اللي فراقه خساره ونت قلوب وهلت دموع بسكات=والحزن ولع في المعاليق ناره هيهات لو ننعاك يا شيخ هيهات =حكم القدر محدن يغير مساره مرحوم ياراع الفعول الحميدات =شيخ الشيوخ اللي رفيعٍ وقاره شيخٍ شهر صيته بفعل الجمالات=كم من ضعيفٍ من عناه استجاره نفحات جوده والمكارم كثيرات=غيث البعيد وغيث جاره وداره هداج تيما في الليال الشحيحات =نفحات جوده مرتجلها شطاره تبكي عليه المملكه والامارات=وكل الشعوب امست بطعم المراره موته خساره والضوامي محيمات =ما كل اميرٍ يستحق الا ماره ابو خليفه كاسب الجود بالذات =رمز المروه والكرم والنعاره ندعو له الغفران في كل الوقات =يارب اجره بعزته وانتصاره |
سعد
صح السانك وتغمد الفقيد جنات الخلد تقبل المرور والتحيه والاعجاب بندر |
الشاعر الكبير
والشااعر المتميز شااعرنا سعد العصيمي صح لساااااااانك يالغالي والله يتغمد الفقيد بوااسع رحمته تقبل خالص التحيه اخووك عذب الوصاايف |
الأخ الغالي والشاعر الكبير سعد العصيمي
الف صح لسانك وسلم فكرك وابداعك قصيده جميله يستشعر منها القارئ اصالة هذا الشاعر الرائع ومايحمله قلبه الكبير من معاني الرجوله والنخوه0 رحم الله الشيخ زايد واسكنه فسيح جناته0 ودمت ايها الشاعر المبدع بعطائك الجميل والمميز0 اخوك0 محمد المتحمي |
|
| الساعة الآن 04:01 AM. |
